Lesson 10: PASIAN’ TAWNTUNG LUNGDAMNA THU

Lesson 10                                              March 2 – 8

PASIAN’ TAWNTUNG LUNGDAMNA THU

Sabbath Nitaklam                                                         March 2

Tukaalsung sim ding:           Mang 14:6-12; Mate 24:14; Thuhilhsia 12:13,14; Paikhiat 20:2-11; Isa. 21:9; 34:8- 10.

KAMNGAH: “Pasian thuhpiakna zui in, Zeisu tungah a citak mite adingin, thuakzawkna kisam hi.” Mangmuhna 14 : 12.

Mangmuhna in, Satan nasepna te gualzo lua kisa in, leitung mite’n, Sapi leh a milim biakding teel ding uh ci hi. A hih hang, mipi nung a mawkzuih lo, a thumaan a beibaang pawlpimi Pasian in nei veve hi. A tawpna ah biakna piak leh piakloh hi lozaw in, kua bia ding cih khentatna om ding hi. Sapi a bia te in, Ciaptehna, taltang tung leh taklam khut ah ngah cih ciangin, lungsim leh sepna tawh a sang te cihna hi.

Tua hunlian mah in, penticost nipan kipan a omngei nailo, lungdamna thu tangkona leitung in nasiatak in bawl ding hi. A langdo mite tungah thukhenna, a kipiak ma in, Pasian in, “mi namkim, pau namkim tungah” (Mang 14:6) hilhkholna thu hong pia ding hi. Khazih in mi khempeuh a ding a sihna hong thuaksak a hih mah bangin, kuamah kisia lo a, gupna ngahkim ding Pasian in hong deihsak hi.

SUNDAY                                                                                                         March 3

Vantungmi Thumte Thupuakte

Hun bei madeuh in, Pasian in hilhkholna te hong puak masa hi. Van a leng vantung mi thum te in tangko sak hi. Greece pau in vantungmi pen angelos hi a, “thupuakte” cihna hi. A taktak in, Pasian thumaan a tangko misiangtho te a cihnopna hi.

Mangmuhna 14:6 leh Mate 24:14 simkhawm in. Vantungmi khatnathupuak pen, “tawntung lungdamna thu” (Mang 14:6) a hihi. “Tawntung lungdamna thu” tangkona in, vantungmi khatna thupuak sung a omteng leh a deihna bulpi hong lak hi. I upna thu te’ laigilpi a hihna gen in.

……………………………………………………………………………………………………………………

Hun nunung a tangko ding thu masa in, Pasian’ thukhenna hun hongtung ding hi cih thu a hihi. Lungdamna thu cihciang, Pasian’ thu hi a, “tawntung” cih ciangin, Pasian kikheel ngeilo cihna hi. Ei pian mapek in, Amah’n, na khempeuh geel khinzo hi (2 Tim. 1: 9: Titus 1: 2). Vantungmi khatna thupuak in, gupna leh thukhenna hi. Piangsakpa Pasian a bia mite a dingin, thupha leh : a piansakna nial a, hongpiaksa ni sagih Sabbath a nial mite a dingin, thukhenna a hi ding hi.

Vantungmi thum te’n, awging ngaihmahmah tawh tangko (Mang 14:7,9) hi. Tua thupuakte in, phamawh leh thupi a: mailam thu ding a hih manin, mikim zak kul ahih manin, mi namkim, pau namkim, gam khempeuh tungah genkul hi. Banghang hiam, cihleh, Sapi in zong mi namkim, pau namkim leh gam khempeuh tungah ukzawhna aana hong la ding (Mang 13:7) hi. Satan’ khemna nasepte mun-khempeuh ah ki mu kawikawi ding hi.

Satan leh a pawlte gulpi, sapi, kamsang zuau te, USA a om langpang mite khempeuh langkhat ah : Vantungmi thumte thupuakte, Pasian’ misiangtho te in tangko ding (Mang 13) uh hi. Satan in zong, ama’ vangliatna te pen, gimna gukna pan kipan hong zang (Mang 16:13,14) ding hi. Tua hun in, leitung ah, a ki lehbulh thupuak nih in, mite huup dingin kido ding hi.

READ  Zomi Sabbath School Lesson 4th Quarter 2019

SDA khat i hi a, vantungmi thumte thupuakte, leitungbup pha a tangko ding sawlna a om hi. Bangci in na sem a, bang sepbeh lai thei ding na hiam?

MONDAY                                                                        March 4

Vantungmi Khatna’ Thupuak : Khen Masa

Mangmuhna 14:7 leh Thuhilhsia 12:13,14 sim-khawm in. “Pasian kihta” cihteh, bang a cihnopna hiam? Pasian kitakna leh lungdamna thu a kizopna bang hiam? Lungdamna thu in, Pasian thukham zui a cih, bang a cihnopna hiam? (Rome 7:7-13) enkaak in. Pasian kihtakna leh pahtawina bangci kizop hiam?

……………………………………………………………………………………………………………………

Mangmuhna 14:7 sung a, “Pasian kihta unla, Amah pahtawi un” cihpen “tawntung lungdamna thu” ahi hi. Khazih in ei gupkhiat nading a hong sepsak teng, theihtelna in, tua te bangmah haksa saklo hi. Laisiangtho sungah, kihtaakna leh pahtawina in ki naizop mahmah (Late 22:23; Mang 15:4) hi. Pasian tawh kizopna diktak (Job 1:8) leh thumanna nei te hi.

Pasian kihta cih ciangin, “Lau” hi lozaw a, Amah’n eite nuntakna sungah hong omsak ding hi zaw hi. Hun nunung aa Pasian mite in, Pasian kihta ding uh hi. Pasian in, Amah it ding deih (Thuhilhkik 11:13; Mate 22:37) a, A thu man ding (Thuhilkik 5:29; Thuhilhsia 12:13), Ama lim leh meel puak ding (Piancil 22:12) deih hi.

Ama’ thukhenna hun hong nai a hih manin, Amah kihta in pahtawi (Mang 14:7) kul hi. Tua thukhenna cih pen, Zeisu hong paima a, dawpkholh thuhkhenna a hihi. A deihna bulpi in, lungsim takpi mahtawh, Pasian it i hih leh hihloh (2 Cor. 5:10) khentelna a hihi. Tua thukhen na a kizawh ciangin, mi khempeuh thu kikhen khinzo a (Mang 22:11), a gamtatna bangtek thaman pia dingin (Mang 22:12) Zeisu hong pai ta ding hi.

Mangmuhna 14 zong a phel lang, lungdamna thu mah hi. Pasian tawh kizopna hoih a nei ta dingin; thuhpha, gupna, suahtakna leh tawntung nuntakna hi ding hi. Pasian thu manglo ta ding in; a kisik kik kei nak vua leh, thukhen hun hi ding hi. Kisia lo a, ki sikkik ding Topa in deih hi (2 Peter 3:9).

Thukhenna mai ah, Nangbek ding zo ding maw? Na nuntakna in bang a lak tam? Na dawnna pen, lungdamna thu na kisapna a hi diam? Banghangin, tu’a leh vantungmi khatna thupuak kinaizop mahmah hiam?

TUESDAY                                                                                                         March 5

Vantungmi Khatna’ Thupuak: Khen Nihna

Hun nunung hun ah, Pasian thu manna leh, a thukham zuihna tawh biakpiakna in, kidona lianpi thu laigil (Mang 14:12) hong hi ding hi. Leitung mite in khen nih hong pha ding uh a : Pasian kihta in a bia te leh, Sapi kihta a bia te cih hi ding hi.

Thukham masa lam 4 teng enkik in (Paikhiatna 20:2-11). Mangmuhna 13 zong simsuk in. Sapi in biakding bangci sawl hiam? (Mang 13 : 15), sapi milim khat a bawl pen (Mang 13:14,15), min daisakna tawh zom (Mang 13:5,6), Sapi ciamtehna zong ngah (Mang 13:16,17) in, Satan in thukham masalam 4 teng a dona a hihi.

READ  Sinna 2: I Khensatnate

……………………………………………………………………………………………………………………

Thukham masa 4 teng i deihna bulpi in “biak-piakna” a hihi. Hun nunungah Pasian mite dinmun hi ding hi. Khazih leh Satan kidona bulpi zong, biakpiakna leh thukham masa 4 teng mah a hihi. “Vantung, leitung, tuipi leh ciktui te a piangsakpa bia un” (Mang 14:7) ci ngiat hi. Tua in (Paikhiatna 20:11) thukham 4 na a piaklai kammalte ngiat a hihi. “Sabbath ni a tawlnga a, biakpiakna pen, Pasian tawh a tuam vilvel a kizopna lim (Eze. 31:13; 20:12) a hihi. Vantungmi khatna in, Pasian bia dingin hong sam hi.

Kumpite thu manna tawh Sabbath maanlo tanhna in, thukham nambat 4 na langdo a, Pasian a langdopa lam a panna hi a: Sabbath maan tanhna pen, Piangsakpa Pasian tungah thumaan cihtakna a hihi. Pawlkhat te in, leitung aana nei te thu mangin, Sapi Ciamtehna sang uh a ; pawlkhat te leuleu in, Pasian tungah thumaan cihtakna tawh biakna pia uh a hih man un, Pasian Seal a ngah uh hi” E G White, Kidona Lianpi, laimai 605.

Piansakna leh gupkhiatna bangci kizop in na mu hiam? Pasian in Sabbath ni a tawlngak mah bangin, tawlngak ding banghangin thupi hiam?

WEDNESDAY                                                                                                         March 6

Vantungmi Nihna’ Thupuak

Vantungmi nihna in, Babylon, pukna leh zual-zanna tawh, pawlpi maanlo lim hong lak hi. Mang 17:5 sungah “Babylon pen ‘numei gilo te nu’ na ci hi. Tanu te cihteh, ama nung leh a ngeina te a zui pawlpi khempeuh, Pasian’ deihna tawh kituak lopi, leitung mite tawh kipawlkhopna a nei hi”, E G White, Kidona Lianpi, laimai 382,383.

Mangmuhna 14:8; 18 : 2 leh Isa. 21:9 simkhawm in. “A puukzo hi” cih kammal in, Babylon i langpanna leh gamtat hoihlohna te kawk hi. Babylon pen a ki cimh zo: leh mailam ah zong a kicimh lai dingin a genpen banghang hiam?

Hun nunung Babylon pen, RC pawlpi te ngeina te pan kipan, lampial protestant te upna maanlo tampi ki gawmna a hihi. Tua bangin, amaute Satan’ na sem in, Pasian’ mite a langdo uh hi (Mang 13:11-18; 16:13; 17: 5). Tua lampial biakna in, taanglai Babylon kampau daan teng hongpau ding a, Pasian bangin ki liansak in, leitung hong uk nuam ding hi.

Vantungmi nihna thupuak in, hih upna sungah, Pasian mite thumaan nial a, Pasian tawh a ki gamlat semsem lohna ding hong hilhkhol hi. “Pawlpi leh leitung hong kipawl theih taktak ciangin, Babylon puukna picing taktak ta ding hi” E G White, Kidona Lianpi, laimai 390.

Mangmuhna 14:8; 17:2 leh 18:3 cihte sim lecin, Babylon in, ama lenggahzu, leitungin a dawn theih na dingin, bangci hih hiam? Tua lenggahzu in bang limpua hiam?

Mangmuhna 17 na in, ama zualzangna lenggahzu, mipi te’n dawnsakin khamsak hi (Mang 17:2). Babylon’ lenggahzu cih ciang, upna maanlo, thuhilhna maanlo, biakna maanlo cihna hi. Protestant pawlpi tampi takte in, Roman Catholic pawlpi tawh kikhenna a piangsak ngeina kibanglo te khempeuh beisak in, laisiangtho nusia in, Babylon lenggahzu a hi, mi bawltawm upna te cihna hi. Tua Babylon lenggahzu in, leitung mite khimcip in, sapi ciamtehna ngahsak a, tuuno sapi aana sungah lutsak hi.

READ  HSS 2: NEHEMAIA

THURSDAY                                                                  March 7

Vantungmi Thumna’  Thupuak

Mangmuhna 14:12 in, Pasian mi, a thumaante bangci lak hiam?

_________________________________________________________________________

Pasian misiangtho te langkhat ah, Mang 14:9,10 a om, Pasian hehna a thuak dingte hong hilhkhol zo hi. Laisiangtholui hunlai in, Pasian hehna pen, hai sungpan lenggahzu dawn tawh (Jer. 25:15,16) genteh hi. Sapi a bia te a ding Pasian hehna pen, “bangmah a kihel lo” Pasian hehna lenggahzu (Mang 14:10) na ci hi. Tanglai mite’n, lenggahzu a peng zawdeuh dingin tui helzel uh hi. Bangmah a kihel lo Pasian hehna lenggahzu cih teh, Pasian hehna a dim sitset cihna hilel hi.

Mangmuhna 14 : 10,11; 20 : 10 – 15 simkhawm in. Isa. 34 : 8 -10 leh Jude 7 na te ah “Amaute kaatna meikhu in, a tawntungin kahto hi” a cih tawh bangci ki zawitawn hiam?

…………………………………………………………………………………………………………………….

Amaute kaatna mei leh kaan cih pen, tawntung kisiatna cihnopna hi. Mei leh kaat pen thukhenna (Pian 19:24; Isa. 34:8-10) limpua hi. Meikhu kahto cih zong, Laisiangtho ah om mun hi. Isa. in zong Edom kisiatna ding pen, mei leh kaat na ci hi : meikuang khuk suak ding a, “sun leh zan kuamah’n sumit zolo ding a, meikhu kahto tawntung ding hi”(Isa. 34:10) na ci hi. Jude leuleu in, Sodom leh Gomorrah pen “tawntung meikuang” (Jude 7) na ci liang hi. Tua khua te gel a om nawnloh nungsang, hih munte in a kuang paisuak mei a gen hilo zaw in, a piangkik nawnlo ding beimangna a hihna leh, a kuangthei lai ding bangmah om nawnlo dong, vut leh vai a suak dong kangtum a cihna hi zaw hi.

Hell meikuang sungah, migilo te khawl theilo a kuang den ding a hihlohna hangin lungdamhuai phial mah leh, tua daan thuak dingpen kihtaak huai tham hi. Eite’n i sepkhiat ding, mite tung hilhsawn ding nasep siangtho tawh kisai bang hong hilh hiam?

FRIDAY                                                                                                         March 8

Ngaihsut Beh Ding

Kidona lianpi, laimai 603 – 612 sung a om “Hun nunung Hilhkholna” cih, E G White kammal te simin.

Mangmuhna in, hun nunung ciang, Pasian mite peuhmah in, hun nunung lungdamna thu tangko ding in hong hanthawn hi. Nasepna bel patauh huai mahmah in, piantheih tuak khollo hi mah leh, Pasian in, A vanglitna hong kamciamzo hi.

Lungdamna thuhilhna sepna lian pen a kipat tung a thu konghong ding a kilang, Pasian vangliatna sang a nasia zaw thupha hong kibua photlo in, nasepna kitawp lo ding hi. Pasian Khasiangtho tawh telsakna neita a hih manin, gatang kaih bangin, thusuutna tawh tua thupuak kitangko nawnlo ding hi. Kinial theihna leh thu guisuut na ding teng hong ki laktel khinzo hi. Khaici kituh khinzo a, hongpo hong khangto in, a gah hong gah ta ding hi” E G White, Kidona Lianpi, laimai 611,612.

Pasian thupuak nunung pen in leitung mite khennih in hong khen ding hi : Pasian it a, a thu a mang te leh, Sapi nungzuih ding teel a, a thu a mangte ci in namnih pha ding hi. Hih kikhenna mah pen : Anlakna namnih tawh ki genteh lai hi. Ansaal sungah a ki seng Buh (Mang 14:14-16) leh, Lenggah gawina sungah akituancil ding lenggah te (Mang 14:17-20) ci in kikhen hi. Hih a nunungpen kikhenna in Mangmuhna lai i thu bulpi (Mang 17 – 18) a hihi.

KIKUP DING DOTNA TE

  1. SDA te lobuang, kuate in vantungmi thumte tangkona te hilh hiam? Hih i nasepna te a thupitna leh a phatmawhna bang teng hiam?
  • Tapidaw tampi takte in, thukhenna khawng phawk selo hi ci’n banghangin na um hiam? Dawpkholh thukhenna leh Tapidaw te bang kizopna om hiam? Na sanggam Tapidaw khat kiangah, dawpkholh thukhenna a deihna na hilh thei diam?
Tags: ,

Admin

Admin

Top