Lesson 6: SEAL TUPSA PASIAN MITE
Lesson 6 February 2-8
SEAL TUPSA PASIAN MITE
Sabbath Nitaklam Feb 2
Tukaalsung sim ding: Mang 7:2; 2 Peter 3: 9 -14; Thuhilhkikna 8:11-17; Mang 14:4,5,12; 17:5; Rom 3:19-23.
KAMNGAH: “Hih mite pen, bawlsiatna lianpi thuakin, a hong suakta mite a hi uh hi. Amaute in a puanuh sawpsiangin, Tuuno sisan tawh a paaksak uh hi.” Mangmuhna 7:14.
Seal sagihte thupuak sungah, Zeisu a um peuhmah, thumaanna hangin thupha leh, thumaanlo te samsiatna om hi. A msasa 4 teng pen, Israel te a thuhilhnaleh, khalam thanem na pan khanlawhna leh gualzawhna ngahsak hi. Pasian’ mite in haksatna bawlsiatna thuak uh hi. Seal gukna a hon takciang in, Pasian kiangpan, thukkikna hong pia ding hi ta hi.
Mangmuhna 7 na penbel, seal 6 na leh 7 na kikal hunsungteng hi a, Zeisu hong paikik dong hong makaih ding hi. Migilo te’n, thukhenna a thuakuh ciangin, hongpai ni ciang, kua’n thuakzo ding cih dotna dawnna hi pah dinghi. Seal a kitumte 144,000 pha hi. Amau nuntakzia pen, Mang 14:1-5 sungah om hi (Mang 14:1-11:14). Christian pawlpi a nihveina khanlawhna leh Adventist te hong piankhiat hun laitakpen, hih Mangmuhna 7 sung a, seal 6 leh 7 kikal hun sungteng a hihi.
SUNDAY Feb 3
Huihte Lencip
Mang 7:1-3; 2 Peter 3:9-14 te simin. John in bang mu hiam? Vantung mite’n, huih, bang tanvei len ding uh hiam? Sealtupna kizo leh bang piang ding hiam?
…………………………………………………………………………………………………………………..
Laisiangtholui hunlai in, Pasianin, migilote thukhenna a piak ciangin, huihnungsak (Jere. 23:19 – 20; Dan. 7: 2) ci hi. “Vantung mite in, minamte heh mahmahna huih a khah peuhpeuh ciangin, leitung na khempeuh kikhahkhia in suakta dinguh hi” E G White, Kidona Lianpi laimai 614. Hi suksiatna lianpi pen, Pasian in a misiangthote seal a tup sungteng kilencip lai ding hi.
Taanglaipanin, seal tum cihpen, neihna hi. Laisiangthothak sung a seal pen “Pasianin ama’ mite thei” (2 Timothy 2:19) cihna hi. Pasianin, ama’ mite telsinsen in, Khasiangtho tawh sealtum (Eph 1:13,14; 4:30) hi. Pasian thukham zui, a thumaan a mite taltang tungah a sealtum (Mang 14:1,12) ding hi. Taltang tungah muhtheih a seal khawng hilo in, “amau theihna sungah, thuman thutak guansak in, lampial nawnlo” cihna hizaw hi. E G White, Hun nunung thute laimai 220. Mangmuhna 13:16,17 sung a, Sapi ciamtehna tawh kibang vetlo hi.
Pasian sealtupsa mite thumaanna pen, a khang a khang in ki zia-et a, Pasian thukham zuihna mah (Mang 12:17; 14:12) hi pah hi. Thukham 4 na in, Pasian thu manleh manloh etcian na (Mang 14:7) hong hipah hi. Laisiangtho hulai in, Sabbath in, Pasian mite kitheihna ‘Lim’ a hih mahbangin (Eze. 20:12,20; Heb. 4:9,10), hongpai ding hunte a zong, Pasian in, ettelna mah in zanglai hi. Hun nunung ciangin, tua seal in, gimna sagihte lakpan in hong kemcing lai ding hi (Eze. 9:1-11; Mang 7:1-3). Mangmuhna 6:17 na ah, kua dingzo ding hiam cih dotna, a dawnna in, Pasian’ misiangtho te dingzo ding hipah hi.
Paul in, Seal hong tum Khasiangtho dahsak khakloh ding (Eph. 4:30) hong hilhkhol hi. Bang a cihnopna hiam? Khasiangtho bangci kidahsak thei hiam? Dahsak-lohna ding bang cih ding hiam?
Monday Feb 4
Seal Tupsa Pasian’ Mite
Mang 7 : 4 – 8 simin. Seal tupsa Pasian’ mite bangzah pha hiam? Tua nambat in bang khiatna nei hiam?
…………………………………………………………………………………………………………………..
Tua nambat in, seal tupna nasep kizo siang cihna hi. Israel te lakpan 144,000 pha hi ci in John in za hi. Hih nambat bel, a taktak hilo zaw a, limpua hibek hi. Israel te nam 12 pha uh a, pawlpi zong, nungzui 12 te tungtawn (Eph. 20) a kiphut hi. Nambat 12 in Pasian’ mite limpua hi. Nambat 144,000 icih in, hun nunungpen ah, Pasian’ mite picingkhin, Khazih hong kumkik na ding, sihna ciam khalo a kiteel khin (Rom. 11: 26; 1 Kor. 15: 51- 53) cihna a hihi. Mangmuhna 7 sung a minam 12 a cihzong, tulai hun Israel te om nawnlo a hih manin, amau kici thei tuanlo hi. Saklam gam, nam 10 te pen, Assyria te’n sal a man a, minam kihelzau ta mai a hih manin (2 Kumpite 17:6 – 23), Israel nam 12 te kici thei nawnlo ta hi.
Mangmuhna 7 sung a, Israel nam 12 te zong pen, mundang (Gamlak 1:5 -15; Eze. 41:1-29) tawh kibanglo a, Reuben tangin (Gamlak 1: 5), Judah sam masa (Mang 7: 5) pah lian hi. Gamlakvakna 1 leh Eze. 48 in, Dan leh Ephraim helmah ta leh, Mangmuhna 7 ah om nawnlo a, Joseph leh Levi (Mang 7:7,8) tawh laih hi. Laisiangtho lui a om, Ephraim leh Dan pen, milim biakna ah zualzanguh (1Kumpi 12: 29,30; Hosea 4: 7) a hih manun, Mangmuhna 7 ah, kihel nawnlo ta hi. Mangmuhna 7 na a pen bel, behphungvai hi lo a, khavai hi ta hi. Ephraim leh Dan te in, zualzanguh a hih maniun, Pasian sealtupna sungah kihel khalo uh hi. Laisiangtho thak in zong, Pasian’ sealtup dingte pen leitung khempeuh a ki thehthang Israel leh Gentile te hi (James 1:1) ci hi.
Haksat gimna sung a nungta mite a dingin, Pasian in bang kamciam hong pia hiam?
TUESDAY Feb 5
Mi Honpi
Mang 7:9,10 simin. John in, bangci dan mite mu hiam? Bangci gen a, koipan hongpai ci hiam? Pasian’ mai ah, bangci ot uh ci hiam?
…………………………………………………………………………………………………………………..
John in “kuamah sim zawkloh ding, mihonpi, gimna lianpi pan a suakta, Tuuno sisan sungah a puan uh a sawpsiang” (Mang 7:14) te mu hi. Amaute in, thuman citak a, Zeisu dikna puanpaak a silh, teeltuam mite a hi uh hi. “Gimnalian” cih zong, thu um mite’n, thuman thutak hang a thuakna te uh (Paikhiatna 4: 31; Late 9:9; Mate 24:9; John 16:33; Rom 5:3) cihna hi. Hih munsan ah, Adventist pawlkhat te in, “Mihonpi” cih pen, 144,000 te mah ci a um zong om mah ta leh, gupngah mipite mah a cihna hi zaw hi.
Khatveilai in, Satan a dingin hanciamtak a nasem, meikuangkhuk sungpan singkhuah bang a kiteen khia mi te’n, Pasian tutphah tawh a kinai penpen in omkha ding uh hi. A zomin, mimawh mikhial tampi in, thukham omkei ci in a otot laitak, Pasian thukham kemcing a citak mite, om ding hi. Tuate zom-ah, kuama simzawhloh, gam khempuh, nam khempeuh, pau khempeuh pan a gupkhiat mihonpi te, puanpaak silh, nisuh-hiang tawi in, Pasian mai ah ding uh hi (Mang 7: 9). Gal kizota, beita, a taai ding zah taai khinzo ta, a khut vuah, gualzawhna nisuh-hiang tawi a, Khazih i siangthona in amau siangthona hi ta hi. EGWhite, Kidona Lianpi laimai 665.
Eite upna hangin, Khazih dikna i ngah a, tua upna bangci kipsuak sak thei ding i hi hiam? Hauhna, nopsakna te lakah, upna leh thumanna bangci lenkip zo ding i hiam? Thuhilhkikna 8:11-17.
WEDNESDAY Feb 6
Tuuno a Zuite
Mang 14:1- 5. 144,000 te nuntakzia thum in bangteng hiam? Mang 14:12 na a, hun nunung misiangtho te nuntakzia tawh bangci kizop na nei hiam?
……………………………………………………………………………………………………………………
Mang 14:4,5 ah, 144,000 te leh, 14:12 ah hun nunung a mite in “Pasian thukham zui a, Zeisu upna a nei te” ci hi. Satan’ hehna haksatna teng khempeuh a thuak uh hang, Zeisu tawh kinai cinten, a kip tentan mite a hi uh hi.
Mang 17 : 5, 144,000 te’n numei tawh kininsak lo cihpen bang a cihnopna hiam? Amau sianthona pen, leipan a kitankhia “Pasian tungah gah masa” (Mang 14: 4) a cih tawh bangci kizop hiam?
…………………………………………………………………………………………………………………..
Zualzanna pen, Pasian tungah thumaanlohna limpua hi. Mang 17 : 5 na ah, numei gilo nu Babylon leh, a tanu te in, leitung mite tawh a mawh uh hi (18: 3) na ci hi. Hi mah taleh, 144,000 te’n, tua mawhna tawh, amau pumpi kininsaklo in thumaan citakin “Tuuno paina khempeuh ah zui kawikawi uh hi; Mite lakpan, ki tankhia a, Pasian mai leh Tuuno mai ah gahmasa a hi uh hi” (Mang 14:4).
Tanglai, Israel te’n, gah masa pen a hoihpen, Pasian pia (Gamlak 18:12) uh hi. James 1:18 ah bel, gupngahte pen “gah masa” in gen mah leh, 1 Kor. 15:50- 52 ah bel, sihna ciamkha lo, a hingtang a laktohna ngahte, tuate mangmuhna in 144,000 te na ci hi. a khang a khang pan a, gupna ngah mite, Pasian mai a gah masa te (Mang 14:14-16) ci hi.
I theihlohsa in, khalam mawhna i bawlkhak theihdan bangte hiam? I lungmuan mawkmawkna in bangzah lauhuai zaw hiam?
THURSDAY Feb 7
Eite Pasian Leh Tuuno Tungah Gupkhiatna
Mang 14 : 5; 2 Peter 3 : 14; leh Jude 24,25 cih te na sim lecin, hun nunung, Pasian’ mite in “mawhna neilo hi” ci hi; a piangthei diam?
…………………………………………………………………………………………………………………..
A nunungpen amau’ kam ah mawhna banglo (Mang 14:5) hi ci hi. Leitung mite in, khemna lampi a teelzawk laitakin, Pasian mite in, thumaan itna sung (Thess 2: 10,11) bekah om uh hi. “Mawhneilo” cihpen, Greekpau in ‘amomos’ hi in, mawhna banglo, mi siangthote, (Siampi 19:2; 1 Peter 2: 9) na ci hi. Abraham leh Job te zong, mawh neilo hi (Piancil 17:1; leh Job 1: 1) ci hi. Tua mah bangin, Tapidaw te zong mawhbanglo, a siangtho dingin hong sam hi (Eph 5: 27; Phil 2: 15).
Rome te 3:19- 23 sim le cin, hih thuman i letkip ding bang hang thupi hiam?
…………………………………………………………………………………………………………………..
Leitung hun beikuan ciangin, 144,000 te in, Khazih lim kilangsak ding uh hi. Amau hoihna sangin, Khazih in, amau a ding bang hihsak cih kilangsak zaw ding uh hi (Eph. 2:8-10). Tuuno sisan tawh amau’ puan uh sawp a (Mang 7:14), Pasian mai ah “pau-banglo” (2 Peter 3:14) in om uh hi.
Leitung’ nate khempeuh tawh kipelh in, hong gumpa i sutdong, kipuahphat kul hi. “Hih haksatna te a bei ciangin, Pasianin, a misiangthote a pahtawi ciangin, mawhbanglo in hongkigum takpi cih i lung-muang ta ding hi.” E G White, Selected Messages book 3, Laimai 355,356.
Asiangtho nuntakna nungta in, ei leh ei kisianthosakna, kiphatsakna pan bangci i suakta thei ding hiam?
FRIDAY Feb 8
Ngaihsut beh ding
E G Whhite lai Selected Messages bu 3 na laimai 353 -357 sung ah, “mawhna kipelhna leh gupkhiatna” cih thulu sim in.
…………………………………………………………………………………………………………………..
1440,000 te thupen, kinialna tamthei mahmah hi. Mangmuhna sungah bel, haksatna, gimna te khempeuh sungpan keptuam huttuamna a ngah, Pasian’ misiangtho te hihtuak hi (Ps Late 91:7- 16; Mang 7:15 -17). Amau te in, a piang ngeilo sittelna te kantanzo uh hi. A kihel dingte a mimal in genna bel omlo hi. Pasianin, amaute kemtuam khinkhian (Thuhilhkikna 29:29) ci hi. I manawh hunte bekin kua kihel theiding khentat ding hi.
“Zeisu’ genkholhna ah, Pasian in, thuman thutak hong pia napi in, mihing te’n, upmawh thu, phuaktawm thu khawngtawh a lungsim uh kidimsak uh hi ci hi. Mite in tuabang a kul-lo thute a up uh ciangin, Pasian in amaute makaihlo pah hi. Pasian’ thu a hilo phuaktawm thu tetawh kihilh ding, Pasian in deihlo hi. A kua’n 144,000 te teelding hiam, cihbang lungkhamna te in, mailam gimna te kantan zawh na’ng hong huhlo dingpi khawng lungkham mawkmawk ding, Pasianin deihlo hi. Dotdot kullo in, Pasian’ misiangtho te in, a hunciang thei veve ding uh hi.” E G White, Selected Messages bu 1 na, laimai 174.
KIKUP DING DOTNA TE
- Hih a nuai a hanthotna te ngaihsun in. “144,000 te lakah i kihel theihna dingin, nasia takin hahkat ni.” EGWhite, SDA Bible Commentary, bu 7 na. laimai 970.
Hih kammal i bangci nuntakpih thei ding hiam? Nisim nuntakna bangci in hong huzaap zo tammaw?
2. A thupi mahmah, 144,000 te hamphatna khat in, kuamah in a saktheihloh, gimna lianpi sungpan suahtakna (Mang 14:3,4 leh 15:2,3) lathakte, amau te in sa ding uh hi. Tu a na nuntakzia na ki et ciangin, Pasian tawh na kinaihna om nasa hiam? Khazih theihna leh, theihtel taktakna bang kilamdang nasa hiam? Mi khat in “Khazih pen a bangci daan hiam” ci’n hong dong leh, na dawnkik ding daan gen dih in.