Lesson 9: SATAN LEH A PAWLTE

Lesson 9                                                          February 23 – March 1

SATAN LEH A PAWLTE

Sabbath Nitaklam                                                                            Feb 23

Tukaalsung sim ding: Mang 13; Mang 17: 8; Dan. 7: 24; 2 Thess 2: 2 -12; Mang 12:14 – 16; 1 Kumpi 18:38.

KAMNGAH:        “Numei tungah gulpi heh mahmah a, tua numei suan leh khak lakpan a beibaang te, Pasian thupiakna zui in, Zeisu teci panna a neite sim dingin a kuankhia hi.” Mangmuhna 12:17.

Mang 12 in, Pasian mite Satan in a dona, Rome kumpi in kum 1260 AD 538 pan 1798 kum dong, a bawlsiatna te, (Mang 12:6,13,14 leh Lesson 7, Tuesday ni) sim in. Alian 13 na in zong, sapi limpua nih panpihna tawh Tapidaw te a bawlsiatna te hong lak hi. Satan’ makaih na tawh, gulpi leh hih sapi nihte kipawl in, gupkhiatna nasepte nakpi’n langdo in, leitung huzaap zawh ding hanciam hi.

Kihilhkhol zong kisam hi. A tangtungsa te khiatna khiatbaih zaw deuh hi. A tunglai dingte tungtang ah, Tuesday ni a sinna bangin, kidophuai mahmah hi. A hun hong tunciangin lamdang i sak vatlohna dingin, Pasian in hong hilhkhol hi. I theihnop mahmah hang, a kim taktak in bel hong hilh tuan samlo hi.

I ciapteh dending khatah, hun nunung thupiang dingte hong ki hilhkholh hang, a pian hun lian ding hong ki hilhkhol ngeilo hi. Tua a hih manin, genkholhna te khengval in, bangmah gen hetkei ni. Mangmuhna lai in, tuni tuhun leh hong pai laiding hunte ah genkholhna te i nuntakpih ding hong deihsak hi.

SUNDAY                                                                   Feb 24

Tuipi Sungpan Sapi

Mangmuhna 13:1-4 leh Mang 17:8 simkhawm in. Hih sapi gamtatna bang teng hiam? Ama omlam bangin hong lak hiam?

……………………………………………………………………………………………………………………

John in, a lauhuai sapi khat tuipi sungpan hong pusuak mu hi. Sapi in ukzawhna lim pua a, tui in mipi a hih manin, mitamna pan hong khangto kumpi cihna hi. Tua tuipi in mi tamna Europe gam limpua a, Roman Empire a tuukkhit a hong khangto aana nei a hihi (Mang 17:15). Tuisungpan hong pusuak a, lutang sagih leh kii sawm nei (Mang 12:3,4) ci hi. Lutang te tungah mindaisak na om a, kii te tungah kumpi lukhu te khu hi ci hi. Lutang te pen Tapidaw te bawlsia ding a Satan khutzat a hi kumpi te (Mang 17:9-11) a hihi. Min daisak na cih ciangin, tua sapi zat min mah hi pah hi. Kii sawm te’n (Daniel 7:24) sung a, Roman Empire khit a piang gamsawm te cihnopna hi. Tua tuipi sapi in, Rome kumpi pan hong piang, pope vive kawk hi.

Tuipi sapi in, kamkei pumpi, vomkhe leh hum-pinelkai kam nei a hih manin, Daniel 7:2-7) sung a sapi 4 teng gawmkhawm : Babylon, Medo-persia, Greece leh Rome gamte gawmkhawm limla hi. Pa Pasian in, Khazih tungah ukzawhna leh aana a piak mah bangin, taanglai gulpi Satan in ama’ aana tua sapi a pia hi (Mang 2:27).

Mang 13:5-7 in, Tapidaw te tangthu sungah, bawlsiatna thuakhun “Kha” 42 hi a, numei siangtho a ki bawlsiat hun zong “hunkhat, hun nih leh hun lang” (Mang 12:13,14 leh Daniel 7:25) na ci hi. Kha 42 in, ni 30 kha 42 vei – ni 1260 pha a, hih te khempeuh a kibang vive a hihi. Tua hun pen, sapi’ lu khat sidek a liamna a ngah ciangin, bei hi. Sapi’ lu liamna a damkik ciangin, sapi nungta kik a, leitung huupzo kik in, mite’n, sapi leh a milim a bia uh hi.

See also  Amaute in Pumkhat

MONDAY                                                                                             Feb 25

Tuipi Sapi Gamtatna te

Mangmuhna 13:5 na in, bawlsiatna hunkhat thu gen hi. Kha 42 i cih penin, Ni 1260 (Mang 12:6,14) mah tawh kibang hi. Genkholhna ah nikhat in kumkhat hi (Gamlak 14:34; Eze. 4:6). Lesson 7 na, Tuesday ni sinna simkik in.

Mang 13:5- 8; Daniel 7:24, 25 leh 2 Thess. 2:2 – 12 cihte simkaak in. Tuipi sapi gamtatna te in, kii no leh thukham palsatpa gamtatna te tawh bangci ki zopna nei hiam?

……………………………………………………………………………………………………………………

Tuipi sapi in, kum 1260 sung tengin, Pasian min daisakna vive bawl hi. Thuciamthak sungah, min daisakna pen, Pasian tawh ki zakim a omna (John 10:33; Mate 26:63 – 65) leh ukzawhna aana sut (Maku 2:7) cihte hi. Tuipi sapi in Pasian min direct in daisak a, Pasian ka hihi ci bekthamlo, a biakbuk leh vantung a omte khempeuh (Mang 13:6) min daisakna bawl hi. Pasian pen van biakbuk a maang hi a, Khazih in zong eite a dingin mawh thumsakna na hong sepsak hi. Tua pen tuipi sapi in sutnuam a, gupna leh mawh maisakna bawl hi. Pasian bekin a hihtheih khat, hihsawmna in, a min daisak hi pah hi.

Mang 13 in, Tapidaw pawlpi lampialna a gengen pen, Roman Catholic pawlpi ii, makaipi in, Pope a koihna mahmah hipah hi. Rome aana a nialmi peuhmah bawlsiatna leh sihna hi lianlian hi. Tuhun teh tuate pen ngongtatna bangin kimuta hi mah taleh, tua tangthu luite kuamahin seelthei tuanlo uh hi.

Pawlpi tangthu tungah thumaan mahmah kawmin, mi tung i pulaak na ah, a zaknophuai awneem i zang thei diam?

TUESDAY                                                                             Feb 26

Leisung pan Sapi Hong Khangkhia

Mangmuhna 13 a patna pan a langciang in, kum1260 sung a, RC pawlpi in kum 1260 sung a vangliatna te gen hi. Pianthit ki puahphatna hunpan kipan, Tapidaw pawlpi in, si dektak liangin liam hi. Tua liamna damkik in, a ngeina teng nungta kiksak dinghi. A tawpna lam, a lang in, tua sapi bangci liam cih hong lak sitset hi.

Mangmuhna 13:11 simin. Sapi nihna gamtatna bangteng hiam? Mang 12:14-16, a bang in, hih sapi in leisungpan a bangci daan a hong khangto thei hiam?

……………………………………………………………………………………………………………………

John in, sapi dangkhat mu leuleu hi. Amasa tawh kibang lo in, leisungpan hong pusuak hi. Hih sapi nihna in, sapi masa mah bangin, leitung vanliatna nei hi. Tuipi sapi in a kihtakhuai, lipkhaphuai meelpua napi’n; hih leisung sapi in, ithuai, lauhuailo hi. “Kii nih nei in, tuuno tawh kibang hi” (Mang 13:11). Tuuno in Khazih limpua hi a, hih hun nunung leisung sapi in Khazih tawh kibang ding hi.

Hih sapi in, gulpi bawlsiatna tui luang panin, Pasian’ pawlpi maan a kemcing hi (Mang 12:14-16). Tuipi sapi in, si dektakliang a, liamna a ngahkhit ciangin, hih leisung sapi hong khangkhia pen in, hun nunung a nasem ding a hihi. “1798 kum a bang kumpi hong khang a, vanliatna thahatna tawh leitung a huupzo kua kumpi hiam? Gamkhat bek om a, tua in United States of America gam a hihi.” E G White, Kidona Lianpi, laimai 440.

See also  Sinna 13: ANUNUNG KIPUMKHATNA ANGEI BATSAKKIKNA

Mang 13:11 in, America pen protestant hi napi, gulpi bangin pau a, Rome te mahbang in leitung mite huup ding hi. Ama vangliatna tawh leitung mite in sapi masa a biasak hi ci hi. USA in, a cillam in, bawlsiatna sungpan pawlpi hum hi napi, hun nunung ciangin, pawlpi bawlsia ding hi.

WEDNESDAY                                                                                                               Feb 27

Sapi ie Milim

Mangmuhna 13 : 12, 13 simin. Kumpi masa 18 : 38 leh Sawltak 2 : 3 te in, vantungpan, mei nangawn a kia sak thei, tuuno a bang leisung sapi khemna thu te i teltheih na’ng bangci hong huhthei diam?

……………………………………………………………………………………………………………………

Tuuno bang sapi in, na lamdang mahmah te bawlin, Laisiangtho tawh kituak kim lodiak in, mite huup mahmah ding hi. “Sikha nasepna tawh, na lamdang pipi bawl, cina te damsak, nial theihloh na lamdang tampi te bawl ding hi” EGWhite, Kidona Lianpi 588. Tua na lamdang te hangin, tuuno sapi in, liamma a nei a masa sapi, biak theihna dingin, leitung mite huupzo ding hi. Tuipi sapi liamma damkik cih zong Pope in biakna lam leh leitung lamah vangliatna ngahkik cihna hi. Tuuno sapi in zong gulpi leh tuipi sapi mah bangin hong pau ding hi. Tua a dik, a cinghkam, a thunem tuuno sapi in, gulpi pau bangin hong pau ding hi.

Leitung mite in, sapi masa milim a bawltheih na’ng un panpih ding hi. Hitengah leitung vang liatna ukzawkna aana nei ding cih pulaak hi. Tua bang a leitung a ukzo kumpi in, USA mah hi bek hi.

‘Sapi’ milim e leh, bang hi ding, bangci bawlsak ding hiam?’ Tua milim pen leisung tuuno sapi in bawlsak ding a, sapi masa’ lim hi ding hi. Pawlpi masa in, thuman thutak nusia in, lawki ngeina te a zuih uh ciangin, Pasian Khasiangtho makaihna mansuah uh a, mipi a kepzawh na’ngun, kumpi lamte huhna ngenzel uh hi. Tua ciangin, kumpi aana zong a nei pope hongpiang in, biakna ngeina palsat te daanthuak zel uh hi.

USA ah, biakna golte kipawlna hong om ciangin, amau thukim khopna bang a thukhen dingin, kumpi lamte hong zo ding uh hi. Tua bangin Tapidawte a dimna America in Rome pawlpi tawh a kibang, a milim bawlsak ding hi. “Sapi’ milim” cih ciangin, langpang Christian Tapidawte in, amau thu a kimanh theihna dingin, kumpi ukna aana hong zang ding uh hi” cihna hi. EGWhite, Kidona Lianpi, laimai 442 – 445.

THURSDAY                                                                                                               Feb 28

Sapi Ciamtehna

Mangmuhna 13 in, hun nunung makai hi ding hi cih hong lakzo hi. Leitung kumpite in upna lamah mi khempeuh ki pumkhat dingin hong gawmkhawm ding uh hi.

Mangmuhna 13:16,17 leh Thuhilhkikna 6:4-8 sungteng simin. Taltang tung leh taklam khut tung a ciamtehna neihna leh, Pasian thukham kizopna bang hiam?

See also  Lesson 10:  Haksatna Hun Tawmnote

……………………………………………………………………………………………………………………

Leitungmi namkim te in, a taltang tungah leh taklam khut tungah, tua sapi ciamtehna ngahsak ding uh hi. Taltang tungah Seal pen, Pasian in Ama’ mite (Mang 7:3,4; 14:1) a cihna hi a, Sapi Ciamtehna zong Sapi a biate cihna hipah hi. Tua sapi ciamtehna pen, mit a muh theih zong hilo a, Moses in, Israel te kiangah, Pasian thupiakte na khut tung leh na taltungvuah omsak un (Thuhilhkik 6:8) a cihtawh kibangin, sapi thu a zuite a cihna hi. Taklam khutin sepna zongsatna ngeina hi a, taltang in upna lungkimna a hihi. Pawlkhat te’n, sihding lauman peuh asapi thu mangin, pawlkhat te’n, lungsim takpi tawh umin zui ding uh hi.

Hun nunung ciangin, Pasian’ thu mangin, thukhamzuihna tawh biakpiakna in, upna thu laigil hong hi ding (Mang 14 : 12) hi. Sabbath thukham in zong, a tuam vilvel in, Pasian tungah thumaan cihtakna hong hi ding hi. Sabbath in Pasian’ mite kitheihna a hih mah bang in, sapi ciamtehna zong sapi tungah thumanna ki theihna mah hi pah ding hi.

Sapi ciamtehna in, Pasian thukham dinmun ah, mi bawltawm thukham tawh laih cihna hi. A kician mahmah khat ah, piangsakpa Pasian hong piak, ni sagih Sabbath ni dinmun ah, mi bawltawm Sunday kitang (Daniel 7:25) hi. Pasian ukna aana ciamtehna ni khawng, a ni dangkhat tawh kheksak cihbang pen, Pasian ukzawhna aana a sut hi lel hi. Sapi ciamtehna in, Papal Sabbath hi a, Pasian’ Sabbath langdo a hih manin; vantungmi thumna tangkonaah, Sapi leh a milim biakloh ding hong hilhkhol zo hi, E G White, Evangelism lai. 234,235.

Mangmuhna 13:8 ah, “pilna a neite’n sapi nambat sim un, mikhat nambat hi a, 666 hi.” Paul in zong, “mawhna bawlpa” (2 Thess 2:3) na ci hi.

FRIDAY                                                                               March 1

Ngaihsut Beh Ding

Mangmuhna in, hun nunung a ding in, Pasian tungah thumaanna sit telna pen, Sabbath hi cih hong lak hi. Tu ta dih a Sunday tanna in, Sapi ciamtehna hi nailo hi cih zong ciamteh ding hi hang. Biakpiakni teltheih mahmah khit, nidik nimaan teel taktak ding ciangin, Pasian lam panglo zaw in, a langkhat ah pangzaw a Sunday a teeltaktak te a dingin, “Sapi Ciamtehna” suak ding hi. Tua hunin mailam ah omlai hi.

“Kuamah’n Sapi Ciamtehna ngah nailo uh hi. Tua kisinkhiat hun hong tung nailo hi. Pawlpi khempeuh lakah, Roman Catholic paih hi tuanlo in, Tapidaw diktakte omlai hi. Thukham 4 na a teltheih taktak masiah, kuamah kimawhsak nailo hi. A hih hangin, Sabbath langdona taktak hong om a, vantungmi thumna tangkona aw hong gintak ciangin, thumaan leh thukhial kikaal ah, deidanna lam hong kigiit ding hi, E G White, Evangelism 234,235.

Theih dingin, tu tadih in, Sunday tanh manin, gupngahlo cih khawng, Sabbath tanh man a gupngah cih khawng omnailo photphot hi. “Sapi Ciamtehna” hong tungin, biakna piakding ni teel taktak hun ding hong tun ciangin, thumaante leh thumaanlo te cih kikhen na hong omta ding hi. Mangmuhna in, Pasian’ mi peuhmah laisiangtho zui in, genkholhna te a thei nailo te kiangah va puaksawn ding hong cial hi.

KIKUP DING DOTNA TE

  1. Tu laitak leitung paizia etkawm in, biakna lamte leh kumpi lamte in Mangmuhna 13 hong tangtun theih na dingin bang ci septuak nasa hiam?
  • Hunbei ding i ngakkawm in, Tapidaw a hi pawlpi dangte tungah bang muhdaan i nei hiam? A nuai a te lungngai kawm in. “Makaipi te in, pawldang makaipi te naih ding a, amau a ding zong Zeisu in Palai sepsak a hihna theisak in, deihsakna lianpi tawh zol ding hi.” E G White, 6T, laimai 78.
Tags: ,

Admin

Admin

Top