Lungtom Buaina

Lungtom Buaina
Ann Phongchan, 38
Thailand
December 29

Tu quarterbup Myanmar, Cambodia, Indonesia, East Timor, Thailand cihte thu i za a, tu ni zong Thai te thu hi leuleu ding hi.
A neucik panlai pekin, Ann lungtom mahmah den hi. A sangkah lai pekin a Sma nu a simmawh man bekbek in, high school nangawn manlo a khawl liang hi.
A nu’n motorcycle tuanding a phalloh manin, a hen na sikkhau attan liang hi.
Mission College (tu’n Asia-Pacific International University)ah laisin ding hong pai lai mahmah in, lungtom buaina pan a kem dingin, a nu’n hongzui ngiat hi.
“Nu’n bel hong muangzo hetlo e,” ci hi. “Kei lungtom lua, ka utbangbang gamta thei. Hong khahzau leh, a tawpna ah thongsung hi peuh,” ci hi.
College pan, Ann in thunget hong kisin hi.Pasian in a thungetna kiciantak in dawng a, lukhunelkai a khuh khit teh, a lungsim Zeisu ap in ki tuiphum hi. A lawmte, Christian a hilo te’n, a khentatna zahpih mahmah uh hi. “Hai teei ciai,” a ci tawh. “Dawi vai lua,” a ci zong om hi. “Hai peuhmah ke’ng ey, ” “Ka upna bel, a kiliing hetlo ding a, Christian khat a hi dingin ka khentat zo hi,” ci ziau lel hi.
A buaihuai penpen innsungpan hong kipan zaw hi. Nu in, a neu-upna a nusia, Ann hong kilehkik na dingin, zolkik hi. Biakinn paiding khaam a, taattung lambek paisak in, giaksak phial hi.
A nu in, amau innkuan biak pasian kiangah laikhak gelh a sawl ciangin Ann in, “Pasian khatbek ka nei hi,” a ci hi. Hehlua mahmah in, Nu’n, Bangkok a innsungah, tawh kilhcip hi. “Innhuang sungah om lel lecin, hong vaak zo lua mahmah ning, vakvak kul kei,” ci ziau hi.
Ann utpeuh leh, tawlet pan a hi a, kongpi pan a hi zongin paikhia thei mah ta leh, tua cihlo zaw hi. Nidang banglo in a lungsim ukzo mahmah ta hi. Huangsung tengah vak-hiathiat lelin, laisiangtho peuh sim hithiat lel hi. A simte a tel luatloh hang, tha ngah pong hi.
Nikhat, Nu in, “Ei pasian kiang nong ciahkik dia le?” ci’n a dot leh, “Ciahkik lo e, kei, ka Topa a muangkhin hi veng, Sorry, Nu” ci ziau hi. A nu’n, “Hoih ey,” “na ut leh biakinn paithei ta,” ci hi.

See also  Adventist Relations with Other Churches

Ann zong lungdam takin Adventist biakinn ah paipah a, a Nu’n zong zui in tonpihzel hi. Nu heh nawnlo ta, nuihmai siuseu ta hi. A lungdamna thu zong Ann kiangah nunggen kik zaw phial hi.
“Kua tungah lungdam ko ding, Pasian maw, College Siapa maw, tanu thak khat hong kipia aive, ” ci hi. Ann in Pasian vangliatna hizaw hi ci hi. “Kei lungtom pahpah taleng, tu’n bel tuate ka Nu’n mu nawnlo ding hi,” ci hi.
Tu ni in, Ann, Korat khua, Adventist International Mission School, Kg – Grade 9 sang, sang naupang150 te’ Siapinu a hihi.
Tu quarter Sabbath 13 na Sumpi khenkhiat te tawh, hih sangpi plus 2 dong honsak ding a, sang naupang tampi zong kahthei ding hi. Sumpi te a dingin lungdam ung.

Laigelh Andrew McChesney
Hehna tungtawn Thu muhthak (Ann paubang linlian):
Pasian in kei hong itlua mai.
Ka lawmte khat Australia a kikhiin a hih manin, Thai a om a nu leh pa kiang hawh sak dingin hong cial hi.
Tua nu leh pa innpen kei innpan gamla simtham a, lam hong kihilhna bang a zon tawm kul hi. Hawh masak na ding hi in, ka thung-ip sungah van, ka khutnih tawh nek leh dawn khai, taxi khat sam, lam zuan.
Lamlang pai pan a, taxi hawlpa in, “hong puak zo nawn kei ning, taxi dangkhat kong sapsak dia?” hong ci hi.
Taxi nihna tuang leuleu, a hawlpa’n a hilo na mun hong tun. Taxi thumna tuang.
tun na’ng nai 2 kai lawmlawm. Ka heh suaklua, ka tun teh kuamah zong hopih nuam nawn ke’ng. nasem khat in, “kaw’h pai ding na hiam,?” ci’n hong dong hi. “Den ciang maw,” ka ci ziau hi.
Ka heh a damciangin, ka lei a, bus ka ngak hi.

See also  Adventist Physician Appointed Ambassador from Tanzania to Canada

Admin

Admin

Top