Mang Lamdang

February 9                                                                                                                   São Tomé and Príncipe

Agen: Antonio Jose Abreu, 45

Antonio’ nunzia bel lungkham huai hi. Hun tomcik sungin, alawmngaih nu masapen tenpih ahih manin, buaina honpi hong piang paha, a nasep nangawn taan lailai hi. Tua zawh kum khat khit ciangin a pa si hi. Antonio in nasia takin zu hong dawn ta mawk hi.

Alcina kici, zi dang khat tawh tapa nih le tanu khat neih beh lai hi.

“Leitung nuntak bel ahici pi hi mai ei. Ken lah dawndawn lai, innkuanpihte vak nading sum kicing thei mahmah lo” ci zawlai hi. Tua kawmkaal ah buaina ki behlap nadingin mang’ lamdangdang manh zawsop lailai hi. Sao Tome gam ah mang’ pen ki thupi ngaihsut mahmah hi. ‘Mang’ sungah tuikhang vanvan cih khawng bang amat uhleh’ buaina hongtung ding’ ci-in um uh hi. Safou singgah bangh a mang’ un amat uhleh ‘innkuan sungah khat teitei si ding,’ cih dan in um uh hi.

Antonio in bel tuikhang le singgahte bel manh lo hi. Ama’ mang’mat pen, ‘a liangko gel ah van pua sa in kahlei nih mai-ah ding hi. Kahlei khat pen zai-in, a khatzaw pen toi hi. Kahlei zai pen ah a van tawh kah thei in, a toi zaw pen ah ta zo lo hi.

Khatvei leuleu mang lamdang khat manh leuleu hi. Tua pen, ‘kongkhak khat ah a pai laitak in numei khat in suangtum golpi khat tawh na khaak hi. Antonio in tua suangtum khin khia zo lo hi. Ahi zongin kong vangneu mahmah khat mu-a tua lai-ah a ki hen tentan leh thawl thei hi. A lut khit ciangin leihawm sungah bualtui khat na om hi. Mikhat in tua bualtui na kawk ve va hi. Tua leh Antonio khanglo hi.

See also  Mission News 3rd Quarter 2021 PDF

“Ka mang’ bel a khiatna theivet ke’ng. Aih hang, Pasian in na khatpeuh hong lak hi limlim dingin um ing,” ci hi. Nikhat, Antonio a nasepna ah a om laitakin, Adventistte’ effort bawlna ah kikhawm dingin  sapna lai ngah hi. Tua nitaak in Pastorpa’ Lai Siangtho simna kammal in Antonio kilat sak mahmah hi. Matt 7:13, 14 “Kong kawcik ah lut un. Kisiatna mun hongtun ding kong pen tanzau a, mitampi lut uh hi. Ahi zongin nuntakna hongtun thei ding kong pen kawciik in haksa a, mi tawmcik bek lut hi,” cih ahi hi.

A zingciang in va kikhawm lai hi. “Tua effort ah ka kikhopkhop ciangin, kong kawcik ah ka lut theih nadingin ka puak vangikte ka nusiat ding akisap lam ka phawk pha semsem hi,” Antonio in ci hi.     A liangko tunga apuak van pen a haksatna teng limciing ahih lam thei khia hi. Tua bualtui pen tuiphumna limciing ahih lam zong telbeh hi.

“Ka ki tuiphum theih nadingin sila banga hongbawl thapaai nate khempeuh ka nilkhiat phot kul hi,” ci hi. Antonio leh azi zongh, a sawt lo-in tui kiphum uh a, tua khit ciangin mipi’ theih in kiteng uh hi. Tu-in Antonio kum 45 pha hi. Sing nasepna company khat ah sumzeek pi ahi hi. Effort aa, a thungaihna biakinn mah ah deacon sempah hi. Tu-in nuntakna pen hi biaibuai nawn lo hi. “Lungdam mahmah ing. Pasian in na khempeuh kei aadingin a hoih pen hong pia den hi,” ci hi.

Tu kuata Sabbath 13 na sumpi khenkhat tawh Sao Tome gam ah khamtheih guihtheih le zu a zangh mite’ kipuah phatna ding mun kilam ding hi. Mission sumpi nong khiat man un lungdam mahmah hi.

See also  JESU A’ DINGIN KIPUMPIAK

&&&&&

Tags:

Admin

Admin

Top