MSS 4: Meileng, Mawtaw le Sabbath

Meileng, Mawtaw le Sabbath

%%%%%%%%%

Jan 25

Rosen Nakov, Bulgaria

Kum 10 pha pasalno khat in Adventist biakinn ah a sermon zak masak penpen lamdang sa takin ngai khikhe hi.
Santa Clause a’ ding laikhak khat laihawm pa in a top khakna thu, thugenpa-in a gen ahi hi. Tua lai pen naupang no khat in, meileng limno khat deih lua ahih manin Santa Clause kiangah a ngetna lai ahi hi. Laihawmpa in tapasal a neih loh hangin tua naupang a’ dingin meileng limno khat leisak dingin khensat hi. Tua naupang no zong letsong angah ciangin nak lungdam mahmah hi.
Naupang Rosen Nakov in tua tangthu a zak ciangin, amah zong na lungdam mahmah hi. Amah zong meileng limno khat Bulgaria khuapi Sofia a, a inn sung uh ah a ki mawl nadingin a deih sawt mahmah ta hi.
Tua tangthu in a lungsim sukha mahmah a, Sabbath kik ciangin biakinn ah hong paikik leuleu hi. Tua khit teh hong kikhawm zom suaksuak hi. A sawt lo-in tua pawlpi-ah lawm tampi hong nei a, Jesu tawh zong hong ki lawmta ta uh hi.
High school panin a mankhit ciangin, Rosen in tua hun lai-a Communist gamte thukhun bangin galkap tum loh phamawh ahih manin senthuhna hongnei ta hi. Ahi zongin ngaihsutna nam-nih nei hi: Kum nih sung galkaptum zaw ding maw, aihkeh kum nga sung vanthoh khiatna setzungpite ah sem ding, cih ahi hi.
Sabbath tantheih nading vaibuai a vensak nadingin setzung ah sepding a teel zaw hi.
Sofia khuapi sunga, Mammoth truck bawlna setzungpi ah Adventist pawlpi mi 10 bang in sem ahih manin galkap a sep sangin tua lai-ah Rosen in sem nuam zaw hi. Tua setzungah apai leh, i pawlpi mi khat va mu hi. Tua pa-in Truck mawtawte’ sungah engine thuah dingin na zol hi.
Rosen zong truck setzungah sem dingin va apply pah hi.
Manager pa in zong Rosen’ lai-ten teng amuh ciangin, mawtaw tawh kisailam siamna aneihna mu khia pah hi. “Bang hangin mawtaw engine thuah dingin nasep hong siau na hi hiam? Mawtaw koihna ah truck engine te puah lecin hoihzaw ding hi” ci hi.
Tua ciangin Rosen in, Sabbath a off theih ding dong pah buatbuat hi. “Ki ngah ee, nasep pen Monday pan Friday” manager pa’n ci hi. Tua ciangin human resources department ah lai kisam teng bawl dingin Rosen a sawl pah hi. Rosen in ama’ laidal teng Human Resource ah a va lah ciangin, a manager khat in, “Bang dia nang truck engine puahna ah sep sawm na hia?
Mawtaw koihna a engine zuakna saii-ah sem lecin hoih ding ai ve” na ci leuleu hi.
Rosen in setzungah asep masak ni-in, tua engine saii-ah midang 6 in a sep khitna thu theikhia hi. Sun-an nek hun ciangin annekna cafeteria sung-a, anhuan nasem thak khat in, “I uliante lakah akua pen tawh kithei na hia lawm, hong gen dih ve” na ci hi. “Bang na cihnopna ahia, thei kei si’ng ee” Rosen in ci hi. “Hi bang nasep thupi na ngah nadingin ulian khat tawh kithei hi limlim ni teh” a dang khat in na ci leuleu hi.
Tua ciang bekin Rosen in setzung huangpi sungah ama’ sep ahi small engine shop a nasep pen a ki-ut mahmah ahihlam thei pan hi. Tua lai-a sem mi a tul tampite in nasep haksa mahmahte sem banah nin thei mahmah uh hi. Ahih zongin ama’ sepna ahi engine neute bawlna, zuakna saii pen van zaang banah siangtho hi. Rosen seppih te khem peuh in ulian minthangte tawh a kitheih man un tua nasep angah ahi uh hi.
Tua ciangin Rosen in Sabbath tanna tawh Pasian a zahtak manin Pasian in tua bang nasep hoih tawh a pahtawi kik ahihna phawk hi. Annekna khan sungah a lawmte khat in hih thu bekbek dongh den hi. “Na lawm kua a hiam? Na meltheih kua a hiam?” ci-in dongh dongh hi. Rosen in vantunglam kawk to-a, “Ka Lawmpa vantungah om hi” ci hi.
Tua ni-a kipanin, a seppih te khempeuh in, amah Adventist khat ahihna thei uh hi. Mi tampite-in Rosen pen set siampa (expert mechanic) ci-in thei uh hi. Mawtaw koihna ah a sem te’ lakah amah bek Adventist ahi hi.
“Adventist tampi in tua setzung sungah sem taleh, garage ah kua ma’n sem kha lo uh hi” ci-in thudongte’ kiangah pulak hi.
“Nam khat in cilengin Pasian in kei tua lai-ah hong deih hi” ci hi.
Tu-in Rosen 48 pha a, ama’ huzapna tawh a seppihte in Jesu koici saan uh cih a theih nai loh hangin, Pasian in geelna kician khat nei hi, cih pen kician tak in um hi.
“Ka neu lai in Pasian in ka lungsim hong sukha dingin meileng limno tangthu ong zaksak mah bangin, hih mun ah mi khat peuh’ lungsim a sukha dingin Pasian in hong koih ahi hi. A hoih Topa in koi bangin mite’ lungsim sukha thei ding cih thei hi” Rosen in ci hi.

READ  Jesu Aadingin Kiatsukna

By Andrew McChesney

Tags:

Admin

Admin

Top