DA 3. Mihing’ Mawhna Leh “A Hun A Cinna”

Khangtawn Lunggulh: Nunneem Zeisu written by Mrs White and translated by Suan Khen Go into Zokam, Zolai, Zopau, Tedim, Paite, Thado for Zomis worldwide.

Mihing’ Mawhna Leh “A Hun A Cinna”

 31“A hun a cin ciangin, eite in tapa za i ngah nadingin, thukham khutnuai mite tankhia dingin… Pasian in a tapa a sawl hi.”

Honpa’ hong paiding, Eden huansung panin kigenkhol khin hi. Adam leh Eve in hih kamciam azaak masak phet un,anawh tun pah dingin lam en uh hi. Atapa upa pen uh Honkhiapa ahi dingin lam-en uh a, lungdam takin muak uh hi.Tua kamciam atangtunna zekai mahmah hi.Tuathu a za masate in muh nei loin si khin uh hi. Noah hun akipanin, tuanpupate leh kamsangte tungtawnin tua kamciam kigen kikkik a, Ama’ hong kilat ding lam-etna hing tawh nangak uhin, Amah lah hong pai tuanlo hi. Daniel’ genkholna in Ama’ hong pai masak ding hong gena, athupuak asiang in hong hilhliaan lo hi. A kum zalom khit a kum zalomin hong khenga, kamsangte’ aw lah theengmang ta hi. Nengniampa’ khut in Israel mite’ tungah vangik nga’ a, mi tampi in hih kammal kiko sawm uh hi. “Nite sawt keeikaai lua-in, genkholhnate atung omlo hi” Eze 12:22.

A zai mahmah amaute’ aa dinga akisehsak lampi kualpi a tawn aksite bangin, 32Pasian geelnate lah kinawh loin zong ziakai tuan lo hi. Limciinnate a hi khuamial bikkek leh meiphualpi meikhu te tawnin, Pasian in Israel te Igypt gama asaltaanna uh Abraham na lak khin hi. A saltaan ding hun uh zong kum zali sawt ding hi ci’n tangko khin hi. “Tua khitciangin, neihsa tampi tawh amaute paikhia ding uh hi” Topa in ci hi. Pian.15:14. Hih kammalte alangpan dingin, akiphasak Faro kumpigam ii vangliatnate’ demnate zongh amawkna suak lel hi. Pasian’ kamciamsa mahbangin, “tuani teekteekin, Igypt leitung panin,Topa’ mihonpite paikhia uh hi” Pai.12:41. Tuabangmahin, vantung kikupna ah zongh Khazihhong pai hun ding kikhensat khin hi. A kiseh sa hunpi atun liaan ciangin, Zeisu Bethlehem khua ah hong suak hi.

“Ahun acin ciangin, Pasian in a Tapa hong sawl hi.” Lamhonsaknate in, minamte’ kiheidan, mihing lungsim’ phutna leh ahuzapna tuikhang te ana dawntuah mah bangin, leitung pen Honpa’hong pai’ nadingin na min mahmah hi. Nampi pau khat kizai zat mahmahin, akitaang zat lai (literature) zongh mun khempeuh ah ki saang hi. Mi’ gam leh lei a, akitheh-thaangna panin, Judah-mite zongh a kumcin pawi uh siim dingin Jerusalem ah hong ki khawm uh hi. Hihbangin, apawisimna panun, apemna gam uh ah aciah kik tek uh ciangin, Messiah hong paina thuthaang leitung munciteng ah thehthaang uh hi.

Hih hunin, milimbiate’ biakpiakna ngeinate in, mipite’ lungkimna len zo nawnlo hi. Mipite in konglak ah lamvuui kaai a, akawi paite uh leh phuahtawm tangthu te cimhtaak mahmah ta uh hi. Amaute in, alungtang uh, alungkim sakzo ding biakna khat lunggulh mahmah uh hi. Thumaan khuavak in mipite ataisan khin tawh akibat phial hunin, khuavak a lam-en khaate leh lung apkhapna leh khateemna tawh akidim khaate tampi om hi. Amaute in hankhuk khenga, nuntakna a om kitel’cianna pawlkhat aa dingin, anungta Pasian theihsiampilna dangtaak mahmah uh hi.

Judah mite in Pasian ataihsat khitciangun, a upna te uh apkaai-in, alam-etnate un zong amailam uh nelsak zo nawn lo hi. Kamsangte’ kammalte zong ki theiban zo nawn lo hi. Mi khempeuh aa dingin, sihna pen akihtaakhuai leh sihna gal’ ah ngaihmuanlohna leh lungzinnate om hi. “Ramah gamah nakpi kahna kiza hi. Rachel in ama tate aa dingin kap hi. A tate om lo ahih ciangin, ki nem zolo hi,” cih kamsangte’ gen akum zatampi lai-a a kikona uh pen Bethlehem nupite’ tamlawhna bek hiloin, mihing sin sung pana anasia kahna hong hihi. “Sihna alim ii khuhna gam” sung ah mite cimawhin tu uh hi.

READ  Khangnote Hanthotna

33Khuamial aki nawhkhiat ding leh mailam thuthuukte aki telsiang ding hun ahi, Honpa’ hong pai ding hun, amaute in mitmul sau liangin ngaak uh hi. Judah gam apua lamah Topa Zeisu hong kilahkhiat ding agenkhol mi om hi. Hih mite in thutak kan uh ahihmanin, Kha Siangtho humuapna amaute kiguan hi. Tuabang siate pen, vantung a khuamial laka aksite bangin, khat khit khat hong piangkhia hi. Genkholhna kammalte in, gentail gama, mi atul tampite’ sin sunga, lam-etna khuavak tawhkuang hi.

Kum zatampi lai pek akipanin, Lai Siangtho pen Greek lai- in kiletin, Rom kumpigam khempeuh ah zaitakin, kizangh hi. Judah minamte munciteng ah ki thehthaang uh-a, Messiah hong pai ding alam-etna uh zongh minamdangte’ kiangpanin theih pawlkhat nei sop uh hi. Judah-mite’ nundan tawh akihuang milimbiate’ lakah mitampi om hi. Messiah hong pai nading tawh kisai Lai Siangtho’ genkholhnate Israel gama siate sangin milimbiate’ siate in teltheih zaw hi. Tuate lakah, mawhna sung pana hong honkhia ding, a lamen leh Ama hong paiding alam- en pawlkhat om hi. Thuthuukngaihsunte in, Hebiate’ hauh theihna thusimte hanciamin kan uh hi. Hebiate’ genhak- bekbakna in, khuavak kithehthaang ding maidal hi. Minamdangte tawh akisawhkhak lohding ngiimin akikepna un, midangte apilnate uh hawm nuam loin, tua aneih uh pilnate lah limciinna seplehbawlnate hi zawlai hi. 34Thuhongkhiapa A taktakhong pai kula, limciinnate tawh aki lakkhol MIKHAT hong pai-in, tua limciinnate ii athuthuuk adeihnate hong telhilh ding ahi hi.

Pianpihnate’ tungtawnin, zialehtong leh limciinnate tungtawnin, tuanpupa leh kamsangte’ tungtawnin, Pasian in hih leitung thuhilh khinzo hi. Mihingte amau pau leh lai tawh thu akihilh ding ahi hi. Kiciamna Thupuakpa in thu hong gen kula, Ama’ awte Ama’ biakinnpi sungah kiza ding hi. Khazih hong pai- in, kitel sinsena, theihzawh dingin thumalte hong hilh ding hi. Thumaan thutak a atpa Amah in, thumaanthutak pen kimanna aneilo mihingte’ khiat avaaihampi lak panin khenkhiat teek ding hi. Pasian’ ki-ukna thukhunpite leh tatkhiatna geelnate kiteltakin hong kihilh teek kul hi. Thuciamlui kihilhnate mite mai ah kicingtakin khun teek kul ding hi.

Judah minamte lakah acitak mi na om ve-a, a siangtho khanggui tawnin, Pasian theihpilnate na ki kemcing hi. Hih mite in apu apate’ tunga kamciam akipia lam-etnate ana lam-en lai uh ahi hi. Amaute in, Moses tungtawna, akipia khamuan ompihna ahi, hih kammalte a upna uh tawh tha nala uh hi. “Topa Pasian in no mau ute naute lakah Keimah bangin kamsangpa khat note’ aa dingin apiangsak ding hi. Amah in nomau kiangah thu agen khempeuh na ngai ding uh hi” Sawltak. 3:22. Topa in MIKHAT bangci sathaunilh ding cih zong amaute in hihbangin sim uh hi. “Lungsim neem te kiangah lungdamnathu gen ding” “Lungsim kitamzante adamsak ding, sal-a a kimante tungah suahtakna thu agen ding” leh “Topa maipha ngah kum” hi, ci ding uh hi. Isaiah 61:1,2. Amah in, “leitungah thutang thu bangci phuh ding,” Isaiah 42:4, tuikulha ateegte in, “Nangma khuavak sungah minam dangte hong pai ding uh a, nangma taan’khiatna sungah kumpite hong pai ding uh hi,” ci ding uh hi. Isaiah 60:3.

Amaute in, amangthang dektak Jakoh kammalte tawh lametna na kidim uh hi. Tuate pen, “Aneipa (Shiloh) kiang atun mateng, Judah kiang pan kumpi ciang khut paikhia lo ding, thukham apiapa ciangkhut zong akhe kikal pan paikhia loding, …” Piancil 49:10. Israelte ii ahingkiam upna in Messiah hong pai’ dektak ding teci pang hi. Daniel Hilhkholna Thubu in, leitung kumpigam khempeuh tungah gualzo a, gam khat phutin a uk ding Topa’ vangliatna nalakhia hi, “Tuagam kiptawntung ding hi,” ci hi. Daniel. 2:44.

READ  Pasian' Thukhennate

Mi tawnmno khat in, Khazih ii nasep pianzia na thei bek uh a, avanglian kumpipa tapa khat in Israel gam hong phutin, Romte’ khutnuai panin hong honkhia ding hi ci’n nak lam-et pha mahmah uh hi. Ahun hong cing ta hi. Khangtawn in mawhna akipalsat manin, mihingnunna atualniamna in Honpa’ hong pai ding sam ta hi. Satan in vantung leh leitung kikalah aki kaantan zolo ding kuam thukpi khat na bawl hi. A zuau khemnate tawh mite in mawhna abawl dingalungsim uh hang sak hi. 35Topa in hih leitung pen Satan ii ukna nuai ah anusiat dingin Satan’geeldan pen, Pasian thuakzawhna beimang sak ding leh Pasian in mihingte a itna cimang sak ding cihte ahi hi. Mite in Pasian theihpilna a neih loh ding, Pasian’ biakinn kinloa ataihsat ding leh ama kumpigam aphut dingin, Satan in hanciam hi. Tungnun’ nadinga aki pumtomna te agualzo mahmah ding tawh hong kibang phial hi. Pasian in khang tawntungin, Ama’ palaite nei cih bel a maan ahi hi. Milimbiate’ lak nangawn ah Khazih in, mite amau mawhna panin phongin, amau hingkiamna panin lamto taleh hih mite kisimmawhin kimudah veve hi. Amaute tampi mah ngongtatna tawh si uh hi. Leitung tuam dinga, Satan khuh khuamial limpi zong hong mial semsem hi.

Satan in mihingte akhang akhangin milimbiakna tawh Pasian kiang panin na heikhia-in, Israelte a up na pan un alampial sakna tawh gualzawhna na ngah hi. Milimbiate in amau geeltawm sandan abiaknate uh tawh Pasian theihpilna te mangsakin, niinhuai sak tektek uh hi. Amaute mah tawh Israelte zong akibang ahi hi. Mihing te amau gamtatna in amau mah gumkhia thei cih thukhunpi milimbiate biakna khempeuh ii sutpi ah kiphuta, tuapen tu-in Judah minamte’ biakna thuletpi hong suak ta hi. Satan in hih thuletpi phut hi.

36Hih thuletpi aki zatna mun peuhpeuh ah mite in mawhna doin dal cih om nawn lo hi. Gupkhiatna thupuak pen mihing’ palai-na tawh mihingte’ tungah kitaiban hi. Judahte in bel nuntak tawntungna tua thumaan utkhit (huam khit) sawm uh hi. Amaute in nuntakna khomun uun khin uhin, hong niing mangta hi. Amau aa ding beka aneih sawm uh tua biakna pen amau kisuihna suang hong suak ta hi. Amaute in Pasian’ minthanna hong buluh uhin, lungdamna thu akhem’ ahemlam tawh leitung hong kheem uh hi. Amaute in leitungbup ii gupkhiatna aa dingin, Pasian’ tungah aki aap ding uh nialin, Satan’ suksiatna asem dingin, ama sawltakte hong suak uh hi.

Thumaanthutak ii sutpi ding leh thumaan thutak ii tualteen nadingin Pasian’ sapsa mite pen, Satan’ minpuate hong suak khin uh hi. Amaute in, Satan’ sepsaknop bangin na hong sem uhin, Pasian’ gamtat-nunziate asia lamin hong min pua uh hi. Pasian pen sinsia ukpipa bangin leitung mite musak uh hi. Biakinnpi sunga nasem siampi taktaka akineite in, amaute’ sep biakpaai na ii deihnate mukhalo uh hi. Amaute in, limciinnate nunga, aom athutak zaw pen khuakha khalo uh hi. Biakpiak paainate apiakna uhah, siampite pen limlahna sunga, aki-neihpa (actor) bang ahi uh hi. Pasian teekteek in apiaksa zehtan thukhamte pen a kha lungsim mialna uh leh a lungtang khauhna uh hong suak ta hi. Pasian in mihingte’ aa dingin, hih tuilamdung tawh loin, bangmah sem thei tuan lo hi. Hih zialehtongte khempeuh hepsiang kul ding hi.

Mawhna ii zuaukhemna adawn dong tungta hi. Mihingte’ lungsim asinsia sak dingin Satan’ palaite khempeuh gamkuan dingin kikoih khin hi. Leitung hong en Pasian’ Tapa in thuaksiatna leh gentheihnate mu hi. Topa in mihingte pen Satan ii hiamgamp sialdopsi athuakte ahih hehpih takin hong mu hi. Amah in, khuangaih takin, lungsim apangtakte, akisuamte leh amanthangte hong en hi. Ama sila dinga a leng tungah amaute akhih ding, kumpi khat amaute in teel uh hi. Lungsim mawkkai- in khem na thuak uh ahih manin, amau te in lungsim neu-in, kigualh sa-in, tawntung siatcipna zuan uh hi. Tua mun pen nuntakna lam-etna aom lohna sihna, zingsang asuak ngei lo zan khuamial omna mun ahi hi. Satan ii sawltakte mihingte tawh ki pawlkhawm sak hi. Pasian teen nadinga akibawl mihingte’ pumpi pen dawite’ leitenna mun hong suakta hi. Mihingte’ theihnate, khuak zatnate, veinate leh sin leh lungtangte in, a thanghuai pen huklehlan lunggulhnate ah vang asang neihzaw dawite’ khutzatin ki om ta hi. Dawite’ lailu teekteekte mihingte’ mai puak tungah ki belh hi. Mihingte’ maitangte ah, amau neih ahoihlo biakna ii thupholaak nate leng (reflect) hi. Hibanga hong piang thu pen leitung Honkhiapa’ et hong hi lawmlawm hi. A siangtho tawntung pa etdinga, lamsaina tual hong hi lawmlawm!

READ  Christ Kiang Zuatna (PDF)

37Mawhna pen nate’ thuthuuk (science) hong suaka, hamsiatna pen biakna sungah ki-apna hong suak hi. Langdona in mihing lungtang thuuktakin azung dongin saat a, mihing’ miphin nopna in ngongtat takin vantung nopna hong lang pan ahi hi. Pasian lotawh mihing’ nunna ki lamto zolo cih vantung khuavannuai ah ki taanglap hi.Nuntakna themnengno athak khat nangawn leh vangliatnate leitung apiang sak Amah teek in aguat kul teek hi. Jehovah hong thotoin leitunga a teengte khempeuh hong nilsiang ding, a en ding in apuuk lo leitungte in lawp mahmahna lungsim tawh vil uh hi. Pasian in tuaci sep leh bel vantungmite’ thumaan cihtakna a ngahnadingin ama’ ngiimna a vaihawm khiading in Satan na kiging khin hi. Pasian’ ki-ukna thukhunpite in, mawhmai sakna sem theilo cih Satan in ataangko’ sa ahi hi. Leitung ki susia hi leh ama’ mawhsaknate a maanna hong khauh gen pah ding hi. Amah in Pasian’ mawhsak ding leh Topa a langdona adang leitung ah aki zelh nadingin a sem khia dingin na kiging hi. Pasian in, hih lei tung susia lo zawin a gum khia dingin a Tapa hong sawl zaw hi. Tatsiatnate leh paupeen langdonate hih leitung akiteen theihna mun khempeuh ah i muh theih hangin, damkik theihna lampi khat hong ki vaihawm sak hi. Haksat tentan hun laitakin, Satan in agualzo peetmah ding tawh akibat laitakin, Pasian’ Tapa in Pasian’ hehpihna thupuak lianpi tawh hong pai hi. Akhang khangin, ani anai-in, apuuk mihingte’ aa dingin, Pasian’ itna kizangh hi. Mihingte’ lampialna ki zomzom taleh, hehpihna limlahnate aki zomzomin kiphah khia hi. Ahun acin ciangin, gupkhiatna geelna a man mateng , cikmah huna ki khaktan loding, aki dokkik loding damna hehpihna tuileet leitung ah aki buahsuk manin, Pasian minphatna ki pia hi.

Topa Pasian’ pianmeel mihing’ nunna sungah tual niam takin, Topa in hong luah thei ahih manin, Satan kipaak mahmah hi. 38Tu’n, mihing nunna sungah Abawlpa’ pianmeel adimh kik dingin Zeisu hong pai hi. Khazih cih simloh kuamah in, mawhna’ suksiatcipsa gamtatna athakin zem thei lo hi. Mihingte’ lungsim a kheem dawite hawlkhia dingin Topa hong pai hi. Eite leivui pan hong lamto ding, ameel hem khinsa gamtatna, Pasian’ gamtat- nunzia banga apuah kik ding leh amah teek minthanna tawh eite hong meel hoih sak dingin, Amah hih lei tung ah hong pai hi.

aaaaa



Tags: ,

Admin

Admin

Top