Mihing pianzia (2)

Mihiong Nunzia (2): Zo Phualva Thupuak Vol 09, Issue 03 - June 2019 - ZomiSDA

Nung kha pan Azom: “Ahi zongin mi si a, amah maimang pah hi. Amah abeina tungta a, koi-ah om nawn ahi hiam? Job 14:10.

Leitung a mi khempeuhte in, sih khit cianga mihingte ii omdan ding pen kithei nuam in, Khristian te lakah zong, sih khit ciang a mihingte omdan athei thei dingin leitung ah kuamah omlo hi. Sihna pen ih ut leh ut loh tawh kisai lo in kipelh theih zong hetlo hi.

Sihna pen kuama peuh in dal theih zong hilo hi. Mihaute zong na dawm tuanlo in, mi khempeuh nisim in hong maingat in om hi. Ki-lawm leh kilawmloh cih zong omlo in, sihna in tuni ciang dong lei ah hong leng in mi ahong valh tum nahi hi.

Sihna pen mihingte gal zong nahi gige hi. Theihsiam ding le gensiam ding haksa hi. Kuamah in ngai mahmah in maingap thei lo hi. Akhut vot in mi amat khit nakleh, mihing kuama peuh in ki-honkhia thei lo hi. “A si theilo kua om a, sihna hankhuk panin kua suakta zo ahi hiam?” (Ps. 98:48).

Aw le, amasa in sihna omzia le sihna min tuamtuamte gen masa phot ni:
1. Misi- Deut. 34:5; John 14:10
2. Ihmu- John 11:11; I Thess. 4:16
3. A Laitat- Gen. 49:33
4. Gamdaihna sung ah pai- Ps. 115:17
5. Mipihte kangah kigawm ding- Gen. 49:30
6. Ahu sanna bei – Ps. 146:4
7. Leitung pumpi nusia – 2 Peter 1:14
8. Kha laksak –Luke 12:20 (manglai ah)
9. Lehzuih nawn loh ding –Job 16:22
Hihte banah misi genna in, “Hong paisan ta, beita, anunna khawlta, phamta, …” cih akipan adang tampi kizang lai hi.
Ih gensa mah bangin leivui le hu akigawm pen nuntakna nei mihing hong hi in, “Pasian in mihing nuntakna hu hong laksak kik leh, leivui pen a omna ngeina lei ah hong ciah kik hi.” (Eccl. 12:7). “Kha omlo nuntakna pen asi ahi hi.” (James 2:16). LST in sihna thu kician takin hong genna ah leivui le nun-takna hu kikhen hi pi pen hi.

Tua bangin taksa le huih hong kikhen khit ciangin misi hong hi in, bangmah theih theihna le athei thei dingin amah tawh akibang nadang bangmah omlo hi. “A huih in pusuahsan in, amah pen lei ah hong ciah kik in; tua ni mah in a
ngaihsutnate om nawnlo hi” (Ps. 146:4). “A nuntakna huih pen na laksak a, lei ah amah aciah kik hi.” (Ps. 104:29). “Ahing laite in si ding uh ahih lam thei a, asisate in bangmah thei nawn lo hi. Asisate in thaman bangmah nei nawnlo uh a, amau kiphawk kha nawnlo uh hi. Amau ading in itna, muhdahna, hanciamna cihte om nawnnlo a, leitung a a-om nate khat beek thei kha nawnlo uh hi.” (Eccl. 12:5, 6) ci in LST in hong gen hi. “Na mai-ah sep ding a om khempeuh, na tha neih zah tawh sem in. Banghang hiam cih leh na zuat ding sihna gamah nasepna le thu ngaihsutna, pilna le thu theihna cihte om nawnlo hi.” (Eccl. 9:10). Hih bangin LST in hong hilh lai in, mi pawlkhat lungsim ah, misite pen van gam ah pai in, Topa phat ziahziah dingin um uh hi. Ahih hangin LST in “Misite in Topa phat thei lo hi” (Ps. 115:17) ci in hong hilh hi. Pasi-an phat ding leh pahtawi dingin; lungsim leh ngaihsutna bangmah nei nawn lo hi. (Ps. 146:4).

Mi hoih nuntaknate, migilo nuntaknate, gamsa nuntaknate pen Pasian in a kem hizaw hi. “Leivui pen a omna ngei ah ciah kik lel in, kha (nuntakna huih) pen apia pa Pasian kiang ah ciah-kik hi lel hi,” cih (Eccl. 12:7) sung a Pasian thu in hong hilh dan ahi hi.

Misi pen “han” Hebru pau in “seol” acihna ah pai khin uh hi. Pasian nasem midik Job in, “Nang in sihna ah nong tun’pih ding cih ka thei a, nuntakna anei mi khempeuh omna inn ah,” (Job 17:13 manglai pan) ci in, hih ‘han’ pen misite inn, kuamah utlohna mun ahi hi. Mi hoih leh migilote tungah thu tawpna kibang ahi hi (Eccl. 9:2). Late a gelhpa in zong “Ka kha sihna seol ah nong nusia kei ding a, na mi siangtho pen na muatsak kei ding hi” (Ps. 16:10 manglai pan) ci in na gen hi. Hih lai ah, “Seol” cih pen Greek pau in “Hades” ci in “han” cihna mah ahi hi. Khrist thawhkikna thu genna hi in, “misite khua ah nusiat om vetlo in, aluang zong muat vetlo hi,” (Acts 2:27,31) ci hi.

“David zong van ah kahto lo hi,” ci in Peter in ah Kha Siangtho theihsakna ngah in hong gen ahi hi (Sawltak 2:34). Ih mai a mihang-san tampi takin “Upna lian mahmah hi, ci-in aki-theih hangin piak dingin Pasianin aciamsa thute a ngah nai kei uh hi. Amaute tawh eite ih kikop ciangin amaute acingtak ahih theih phing nading uh Pasian geelna ahi hi.” (Heb. 11:39, 40).

READ  Innkuan sung Sumzeekzia Ding

CIDAMNA:

Na thau luat a nakiam nop leh nahtang, (Banana) gap khat ta, Zing-sang na thawh khit ciang ne inla, Na nekkhit ciang tui minsa dawn in. Kha khat sungbang hoih takin dawnin. Nisim in na dawn leh 16lb kiam zo ding hi.
* Potassium tam mahmah a kigen nahtang sang in Azah 7 in tam zaw hi.
* Nahtang sang in dandalon sung vitamin B2 Azah 50 in tamzaw hi.

GRAB TUANNA TAWH KISAI:

Liausum om: March 25 ni panin Grab te in na mawtaw sap pen nang thu a na cancel ahi zong, nang a hun lap lo driv-er te in hong cancel leh hong liausak ding hi.
Na sap mawtaw pen ngak zo lo in na cancel leh liau thei hi teh. Na sap zawh minute 5 khitteh na cancel leh hong liau sak ding a, minute 5 ma ahi leh hong liausak lo ding hi. Tua liau sum pen kikim lo hi. JustGrab, GrabCar, GrabCar Taxi te ahih leh Rm 3, mawtaw gol 6 seater – 10 seater ahih leh Rm 4 le GrabCar Premium le GrabCar Luxe (Airport) ahih leh Rm 5 ong liausak dinghi. (Na sawp zawh minute a cin ma in na cancel leh liau lo ding)
Tua leh na mawtaw sap ppen hong tung ta hi napi na kin bawlloh manin liau sum hong la uh hi. Tua pen na mawtaw sap ong tung ta ing ci a Driver pa in message hong khak panin in minute 5 (Grab ngeina) hi a, Grabshare a hih leh minute 3 a cin khitleh hong liau sak ding uh hi. Hi liau sum pen Rm 5 hong liausak uh hi.
A tunga liau sumte pen Grabpay a zangte ahih leh tua Grabpay account panin kidok ding a, a zanglo sum tang tawh a pia te pen mawtaw a sap kik hunhun in kidok (pia thuah sak) ding hi.

Grab sungah Van Mangngilh:

Na mawtaw tuan sungah na van (gtn: phone, camera…) na mangngilh leh dah lua in lung-am gawp kei in. A nuai a bangin sem in:
1.Grab Application hong in.
2. A taw ah laidal lim ahi History kici pen meek in.
3. Na paina lampi (gtn Metari Court pan KLAC Zomi) pen meek in.
4. Driver’ min gei a Phone lim pen meek in. (Na phone nam-bat pen kimial sak hi. Na nambat driver in mu thei lo hi.)Phone tawh na van mangngilh thu leh koi ah kipia ding , bang huna kimu thehi ding cihte kigen ding. Hi pen Grab na sapna phone pan bek kingah hi.
Hih pen mawtaw pan na pusuah zawh nai 4 a cin ma in kibawl thei hi.
Nai 4 a khen khit leh a nuaia bangin bawl in:
Na phone panin internet Browser (gtn: Chrome, Opera, Mozilla Firefox..) hong in.

Hih link https://bit.ly/2HLEtIz pen copy in hong in.
Tua ah a nuai lamah Form fill up ding om hi. Na min, na phone nambat, na van mangngilh… tua ten khet khit ciangin Submit in. Driver pa in hong contact kik ding ngak in. Hong contact ciangin na van mangngilh pen om mah hi hong cih leh driver in hong puak thei ding maw, ahih kei leh Grab te Branch https://bit.ly/2yzxvAA khat pepeuh ah na nusia ding maw cih kiho un.
Na van lakah a sia thei, a muat thei (gt tui, an ..) cihte kihel leh nai 24 sung na kep sak ding uh a, tu akhit ciangin ong paihsak ding uh hi. A kisia lo ding van(gtn: Phone, Camera, bag..) cihte ahih leh van a ki-ap ni pan kha 3 sung nong na kepsak ding uh hi. Ref: help.grab.com

Download (PDF, 785KB)

Tags: ,

Admin

Admin

Top