Mother Teresa Kammal Pawlkhat

 “Mi dangte tungah thu na khenkhen leh it hun ding na ngah ngei kei ding hi”.

 “Mi khempeuh in na lianpi sem thei lo hi. Ahih hangin itna tawh na neu nono kisem thei tek hi”.

 “Kilemna pen nuihmai tawh hong kipan hi”.

 “Vantung gam pen hi ci ding hi cih gen thei lo hi’ng. Ahih hangin i sih ciangin Pasian in thu hong khen ciangin, “ Na dam sungin na hoih bang zah na sem khia hiam? Hong ci lo ding a, ‘Na sepkhiatnate ah Itna tawh bang zahvei na sem hiam?’ hong ci ding hi”

 “Mi en in ka nuih hieuhiau den pen itna ka lahna lim hi. Tua pen ka piak theih na manpha pen hi”.

 “Zan ni hun bei ta a, zing ciang hong tung ding om lai hi. Tu ni-in sep theihna ding hun i nei hi. Zing cianga si dingin kingaihsun in la, tu ni-in nasep kipan in”.

 “Itna lah khiat ding pen na thahatna leh na hih theih khempeuh teng tawh na hih dingin ngaihsun kha kei in. Itna kici pen gim ta ing cih nei lo a, i lahkhiatna leh i hanciamna hi zaw hi. Thu neu nonote ah thuman ding kisin leteh tuate pen na thahat a kipatna ahi hi”.

 “Kamkhum pen tomvei sung bek a ging kiza hi. Ahih hangin a thawn pen sau thawn mahmah hi”.

 “Na kiangah hong pai peuhmah a lungnuam zaw leh a lungdamzaw in kiksak khial kei in. Na gamtatna, na kampauna, na mithekna leh na nuihna panin Pasian’ itna lahkhiat ding hanciam den in.”

See also  Laisimna Thupitna

 “Zawnna lian pen i cih in: Tangkhat kisakna leh kuamah in hong it lo hi cih i kisakna hi zaw hi”.

 “Lungnopna i neih theih kei leh mi dangte ka it bangin midang ten zong hong it ding hi cih na mangngilh hang ahi hi”.

 “Leitung ah kilemna bang ci leh om sak thei ding ka hiam na cih khak leh na inn ah ciah kik in la, na innkuanpihte it ding kipan masa in”.

 “Pasian in i lawhcing ding hong deih hilo a, i hanciam ding hong deih hi zaw hi”.

 “I piak khiat zawh zah pen a thupi pen na hi masa lo a, i neih tawh kituak-a piak khiat ding i hanciamna thupi zaw hi”.

 “I sih ciangin i degree leh i buaih ngahte, i hauhnate leh a thupi i sep khiatte tawh thu hong kikhen lo ding a, ‘Ka gil kial lai-in nek ding nong pia a, guaktangin ka om lai-in puan nong silhsak a, teenna ding ka neih loh lai-in na inn ah nong tungsak hi,’ cih tawh thu hong kikhen zaw ding hi”.

 “Kei hanciamna bek in leitung ka khek zo kei hi. Ahih hangin tuipi a kilokna dingin suang tawh ka lawn thei hi”.

 “Leitungah an duh a gilkialna beisak ding sangin itna hangin gilkialna beisak ding haksazaw lai hi”.

 “Nitumna lam gamte ah natna nasia pen leh a lauhhuai pen TB ahih kei leh phaaknatna hilo a, kideidanna/kituambawlna, kideih lohna, kikhual lohna leh aituam ading bek ngaihsutna hi zaw hi. Natna pen zatui tawh kidamsak thei a, lungzuanna, khuangaihna leh lamet bei kisakna pen itna bek tawh kidamsak thei hi. Moh them khat nek ding nei loin mi tampi mah si a, tua sangin itna kisam in a si tamzaw tham lai hi. Nitumna lam gamte zawnna pen a tuampi hi zawsop hi – Tangkhat kisakna leh lungzuang leh khuaguaihna hi a, zawnna bek hi loin kha lam ah zawnna zong ahi hi. Hih gamte ah ki-it loh man-a zawnna tuuk a tun’ banah Pasian lunggulh zawh loh man-a zawnna zong tung hi”.

See also  TUPNA LEH NGIMNA

 “Hong cing, hong makaih-in lam a hong hilh Kha Siangtho let sangin a hatzaw in lam pai ding sawm kha kei in”.

 “Kiniamkhiatna tawh nungta lecin midangte zong kiniamkhiatna tawh nungtak dingzia a hilh na hi pah a, kiniamkhiat lel ding uh hi”.

 “Na thumanna leh cihtakna hangin mi dang ten hong khem ding uh hi. Na cihtakna leh thumanna khahsuah tuan kei in. Lungkimna na ngah/muh ciangin midang ten hong haza ding uh hi. Lungkim veve ding dan kisin in. Tu ni-in na hoih na sepnate zing ciangin kimangngilh lel ding hi. Ahih hangin na hoih sep ding cimtak tuan kei in. Na nuntak sungin na hoih sep ding hanciam in la, leitungah na nuntak sungin na hoih sem den in. Na hoih nasepte in bei hun cih nei ngei lo ding hi. Ahih hangin na hoih sem veve in. A tawp ni ciangin na hanciamna leh na hoih na sepnate midangte’ adingin na bawl hi loin nang leh Pasian adingin nasep ahih lam tak na phawk veve ding hi”.

“Kiniamkhiatna tawh nungta le cin midangte zong kiniamkhiatna tawh nungtak ding dan a hilh na hi pah a, kiniamkhiat lel ding uh hi”.

KINIAMKHIATNA LAH THEIHNA DING ZIA PEN TAM LO HI:

“Nang leh nang kisial in kampau kidawm in.

Nang buaina tawh buai lel in.

Mi dangte sai nuam lua kei in.

Lunghimawh lua den kei in.

A siate pel in la, siatna na tuah ciangin

Lungdamtakin sang in la kibawl pha den zaw in.

Mite’ gamtatkhialnate maisak den in

Simmawhna leh bawlsiat thuak zawh ding kisin in.

See also  Quote of EG White

Hong kimawhsak ciangin sang siam in la,

Mite’ hong mangngilhna leh huatnate thuak dan kisin in.

Kona leh simmawhna na tuah ciangin

Lung hi dide in la, thuak lel in.

Na thumanna khahsuah kha kei in.

Na gualzawhna dingin a haksa pen teel tawntung in.

-Mother Teresa

Ref: http://www.kenedynewsagency.org

Tags: ,

Admin

Admin

Top