MS2: Nuntakna Tui

Tranqui Vergara, 44
Myanmar
October 13

Kawlgam khuaneu khat ah, hoihna neucik khat in, Seventhday Adventist sanghon na’ng lam hong honsakna tangthu hi.
Mi 32 a pha sangnaupang pawl in Thailand leh Myanmar gamgi ah, 2016 kum January kha sung kaalkhat hong taam uh hi.
Hong Kong Adventist College pan khangno te leh, Korea gam Dinmun sang Kiginkholhna sang pan, sang naupang te hi uh a, music hilh in, naupangte concrete sual bawlsak a, gambeel te zong huhna pia uh hi.
Hong tuntuung un, Hong Kong sang naupang khat in, Thai mi nih tawh, motor cycle tuangin naikhat paina kawlgam sung a vahawh uh hi. Tua mite, inn 14 a pha, Kawlgam khuaneu khat huh nuam ung ci in Thai mi Tranqui in gen hi.
Tua khua ah, tuineek ding pen gamlapi panin kipua ngiatngiat hi ci in, tua lengla te in gen hi. A naipen tuinaak taikhat val gamla a, beelkhai tawh liangpuak in, khe tawh pai ngiatngiat kul hi.
Sang naupang, Janiz Shuk Ching Li, in tua innkuan te hehpih in vei mahmah hi. “Tua nu’n hehpih takpi a, lungsim takpi tawh vei hi” Tranqui in ci hi.
Janiz gamgi gambeel te kiang hong ciahkik ciangin, a lawm dangte kiang ah a muh thu teng hong gen samsam hi. Sang naupang te’n zong, Baht 50,000 ( U.S.$ 1,500) tawh tuakhuaneu dong tuilaakna tuizawl pipe phumsak sawm uh hi. Tua sum te pen sang naupang te’n moh em zuakna pan leh, mimal kipiakkhiat na pan in a ngah uh a hihi.
Sang naupang te zong Hong Kong leh Khanglam Korea ah hong ciahkik khit khakhat khit ciangin, tuilaak nasep zong kizo hi. Tranqui in, tuizawlte manzaih in, tua sang naupangte, email tawh khak hi.

See also  Cidamna

Tua tuizawl te in, tui bek hilo, Nuntakna Tui nangawn hong piaksak hi ci in Tranqui in gen hi.
“Khuasung mite pen Christian te hilo uh a, Christian ki ci limlim deihlo uh hi mah taleh, hihbang hoihna neucik khat a muh uh ciangin, a tate uh a dingin, Christian sangkhat hong deih uh hi,” ci in Tranqui in gen hi.
Khuasung mite sapna dungzui in, Seventh-day Adventist pawlpi in sang khat, 2016 kum, June kha in, honsak hi. Khuasung leh khuapaam pan, sangkah thei gual khempeuh sang vakah uh a, tu in, sang naupang 40 pha hi.
“Tu in, tua khua te lungdam mahmah uh hi; tua sang naupang te hoihna hangin, tu in, dawnding tui leh pilna sintheih na’ng, Adventist sang hong nei ta uh hi,” Tranqui in ci hi.
Kum 44 a pha, Tranqui kicipa in, Thailand leh Myanmar gamgi ah, Pasian nasem a omkhat a hihi. Amah in, tan 9 dong a om Korat sangah, kimawlna lam leh pilna hilh Sia khat a hihi.
Tua Korat sang pen, Thaigam mite a dingin, leitung bup in a theihpih (Adventist International Mission School) – sangpi hi a, Sabbath 13na pan, hong leetkhia sumpi te zong a ngah ding a hi uh hi. Sumpi tawh nong panpih manun lungdam  mahmah ung.
Laigelh Andrew McChesney

Tags:

Admin

Admin

Top