THUKHUK NGAIHSUTNA SUNGAH NGAIHMUANNA OM KEI

Nipi 3na
PARAGUAY | April 20
Gustavo Javier Caballero, 40

Khaa khat in Gustavo mi sisate tawh kizom dingin Paraguay khuapi Asuncion ah makaih hi. “Na kisap mahmah dawnnate amaute in hong pia thei ding hi,” tua khaa in ci hi. Gustavo in ahih leh a lungkhamna te a phisian sak thei ding, ahuh theiding khat kisam kisa mahmah hi. Zan in ihmu thei lo-in, ni khat in nihvei ta bang (Meditation kici) thuthuukpi lungngaihna zingsang le nitak in nei den hi. Tua bangin ahih ciangin tawmcik sungbang a lungnuam zel napi, a sawt lo-in piangkik zel hi. Tua khaa-in inndei sungkhat ah paipih a, akitel mel lo awging ngeingai lakah, a-awng zelzal khat aza hi. Akiim apaam ah mi pai ngeingai-in, mangvat zel hi. Tuate pen dawi gilote tawh kisuun uh hi. Tua teng amuh ciangin, Gustavo hong lau pianpian hi. Amakaih khaa in, “Lau kei in. Amaute’n bangmah hong cih lo ding uh hi. Na lungsim leh na feeling bek hong sit tel ding uh hi” ci hi.

Tua teng atuah khak khit ciangin Gustavo in anuntakna beisa te hong ngaihsun kik hi. Kum 12 aphak in, a nulepate in Seventh-day pawlpi sang khat ah sang kahsak uh hi. Gustavo ahih le tua sang laite-ah lunglut khol lo hi. Adiakdiak in Bible lunglut lo zawlai hi. A khaanpih te-in zuu leh khamtheih tuamtuam zangh dingin pantah uh ahih manin a tansang lam a tunciangin Kaanza, zuu, bengh cihte alunggimna beisak dingin zangh zel hi.

Tua khit ciangin lutang natna leh sungnim luaksuak natna hong ngah beh hi. (Psychologist kici) lungsim ngaihsutna lam sang pilna nei mi khat kiangah huhna ngen in pai-a, ni suahna lamte’ kibawldan ahi: (Eastern Meditation) kici, thuthuuk pi ngaihsun in pumpi mangngilh zahdong a, lungsim kisekna tawh kibawl dingin na sawl hi. Gustavo in ahih leh amah ahuh dingin mi khat hong muta hi. Tua lai ah Meditation leh Yoga hong sin hi. (Yoga a cih uh pen bang hiam cih leh), lungsim khempeuh munkhat ah khol in, mitsi-dide-in, tutdan namkhat tawh pumpi mangngilh zah donga thu ngaihsutna hi-a meditation tawh akibang pian ahi hi. Tua bangin meditation abawl ciangin, Indiate’ kampau namkhat (tu-in akizangh nawnlo) paukhia samsam in, ci kikkik-in tua bangin alungsim gawm tuah hi. Tua bang a, ahihna pen alungsim tawldam in, angaihsutna ahawmpi pen alungsim leh pumpi tawh hong kizopkik nading ci uh hi. Tawmcik sung bel alung hong nuamtuam tawh ki bang hi.

Tua bangin meditation abawl laitak-in awging ziazua khat za-a, amit ah mi apai, amang zel mu hi. “Hai taktak ta-ing ei, hong huh thei ding mi khat kisam ing ei” Gustavo in ci hi. Khaa makai khat mah mu-a, tua-in misite’ omna ah pai pih hi. Tua teng khit ciangin Gustavo in Adventist sangah akah lai-a, a laisiangtho sinte hong phawk kik hi. Adventist pastor khat leh cidamna lam makai khat kiangah huhna hong ngen hi. Amaute in zong thu ngetpih pah uh a, “Meditation leh Yoga, ban ah khamtheih guihtheihte bel na paihkhiat kul ding hi”, ci-in hanthawn uh hi. Sabbath sim in Gustavo hong kikhawm den ta hi.

Meditation leh Yoga bel nusiat baih ven, adangteng bel nusiat haksa sa mahmah hi. Tua bangin hamsa pi-in ahanciam na-ah laisiangtho sung panin huhna ngah thei hi. A ihmut theihloh zan khawng ciangin Isaiah 26:3 “Topa aw, nang hong muang a, nangma tungah a lungsim khempeuh a koih mipa lungnopna kicing pia ta in.” ci-in pulaak zel hi. Tua ban ah Filippi 4:13 “Khrih in a hongpiak vangliatna tawh hihte khempeuh nawkzawhna ding thahatna a nei ka hi hi” ci hi.

Gustavo in a lungsim khempeuh Jesu pia-a, kum 34 a phak in tui kiphum ta hi. “Hong damsak thei ding mun khempeuh ka zonzon hangin ka mu kei hi.” ci hi. “Ahi zongin Pasian’ biakinn sungah damna tatak na om hi. Pasian’ tapa kahih lam ka ki thei hi. Ama’ nuntakna tawh kei hong suakta sak hi” Gustavo in ci hi. A ki tuiphum khit ciangin “Khristiante’Meditation” cih khat video hong mu kha hi. Sin hong sawmpah leuleu hi. A danteng bel Nisuahna lamte’ meditation tawh kibang pian veve hi. A kam-a acihcih ding India pau hi nawn lo-in, Laisiangtho sunga kammal hoih pawlkhat zangh uh hi. Tua bangin a sin leh lamdang a sak mahmah khat hong piang hi. “Ka lungsim hong mawk in, nidang a ka ngei hong bang kik mawk hi. Ka pumpi sung panin thaa khat hong piang khia tawm tawh kibangin ka pumpi sungteng hong zeel gawp hi. Tua kawmkal ah awging khat ka za leuleu-a, sawlna ngah dan in ka om hi.” ci hi. Tua khristian meditation a sinna mun panin a ki puakkhiat masiah Gustavo pen a ci vot gawpin, tang thei lo-in, gonggaw cip hi. Tua khit ciangin nidang a, a lawm luite in, Gustavo kiangah, “Nang’ tungah hong gen awging pen mah in kote’ kiang ah zong meditation ka bawl laitak mah un, a hun kibangin hong gen a, ‘Na lawmpa uh zongh samkik un’ hong ci hi” ci uh hi.

Gustavo in tua bangin khat vei peuhmah zong meditation tawh kisai-in— Nisuahna lam tea’ hitaleh, Khristian te-a’ hitaleh zat nawnloh, sin nawnloh dingin akhentat ta hi. Tua bang ahih sangin Laisiangtho sim in hoihtakin ngaihsun in nuntakpih ding ahihna hong tel mahmah hi. Tua bang-a meditation bawlna pen lauhuai mahmah a, Pasian in tuabang te-ah makaih het lo hi. Tua ban ah Yoga ki ci zong dawigilote’ khutzat hi cih phawk ta hi. “Yoga tawh kisin lecin na lung hong nuam mahmah ding, Laisiangtho sim lah kul se lo, Jesu neih lah kul se lo, na sungah khaa te-in na hong sem hi ziau.” Gustavo in ci ngei hi. Tu-in ahih leh Gustavo kum 40 pha ta-a, laibu zuak leh cimeek nasep sem hi. Pawlpi’ nasepna ah maa apang mahmah khat ahi hi. 2016 kum a kilam, Nueva Sajonia Seventh-day Adventist Church tawh akizom, Community Center ah amakai pawl ahi hi. Aveng apaam te’ kiangah Khamtheih guihtheih leh Meditation cih te-in lungnopna tatak hong pia lo ahihna gen den hi. “Meditation in hong sangkhai to-in, i lung tawmvei sung hong nuamsak tawh kibang napi-in anunglam teh hong siasak zaw hi. A tatak kicinna-in Jesu’ sung bek ah om hi” Gustavo in ci hi.

By Andrew McChesney