Ni khat sangin adang khat Thupi zaw hiam?

DOTNA:

Romans 14:5 in bang gen hiam? “Mi pawlkhatte in ni khat peuh adang sangin thupi zaw hi cih ngaihsutna nei uh a, pawlkhatte in ni khempeuh a kibang kim hi ci-in ngaihsun uh hi. Tua ahih manin a kuama peuh in amau hoihsakna thu cian takin thei ta uh hen” ci hi (KJV). A taktakin hih thu in bang kilamdang sak hiam?

DAWNA:

Khat veivei Laisiangtho in bang gen, a gen loh kammal kiseelsimte zong bang hiam cih i theih ding kisam hi. Rom 14: 5, 6 in Sabbath biakpiakna tawh kisai bangmah gen lo a, ni tawh kisai bek gen hi. Hih sunga agen ni pen Sabbath ni a bulhna in upmawh ngaihsut thu ahi hi.

Roman 14:1 in hih thu teng khempeuh pen a kitelcian lo thu tawh kinialna lam kawk zaw hi, ci hi. Tua ahileh ni sagih ni Sabbath pen Pasian in piancilna ah a tuam koih, a siantho sak hi lo hiam (Piancilna 2:1–3), Pasian‟ thukham laizang ah koih hilo hiam (Paikhiatna 20:8–11), bang hangin a kitel cian lo thu suak thei mawk ding hiam?

Suak thei lo hi! Rom 14:6 sim suk lehang a gennop kitel hi, “Ni khat peuh thupi diak hi, ci-in a tang mite in Topa pahtawina in a tang uh ahi uh hi. An khempeuh a ne mite in zong Pasian tungah lungdam ko in ne uh ahih manin Topa pahtawi mah-a a ne uh ahi hi.
Nek dingin kilawm lo hi, ci-in a ne lo  mite in zong Pasian tungah lungdamna mah ko ahih manin a ne lo uh ahi hi” ci hi. Hih thu i sim ciangin Sabbath thu hi lo a, an tan ni a kigen hizaw hi. Amaute in midangte pen amau hihna tawh thu- khen uh hi. Farisai te in kaal khat in nihvei an tang uh a, tua pen kiphatsak-pih uh hi (Luke 18:12).

See also  Sabbath Vs Sunday: Dotna le Dawnna 2

Romans 14, sungah Paul in an tan le tan loh ding pen mimal ngaihsutna hilel a, Pasian’ thukham tawh kisai lo hi, ci hi.

Source: Mark Finley, When God Says Remember
Translator: Zomi Quavadis

Tags: ,

Admin

Admin

Top