Ni Nunungte Ading: Hebrews Thupuak

KHANGHAM SABBATH SCHOOL LAISIANGTHO SINNA

 

Ni Nunungte ading: Hebrews Thupuak

In These Last Days: The Message of Hebrews

Felix Cortez

 

January, February, March

2022

 

      Asung A Om Thute

 

  1. Hebrewte tung Leh Ei tungah Laikhak      ……………..
  2. Hebrews Thupuak ……………………………….……….
  3. Khapsa Tapa ………..……………………………….
  4. Zeisu, a Citak I Sanggampa ……………………………….
  5. Zeisu, Tawldamna hong Piapa ……………………….
  6. Zeisu, a Citak Siampipa ………………………………..
  7. Zeisu, Kha ading Sikkip ………………………………..
  8. Zeisu, Thuciamthak Palaipa ………………………………..
  9. Zeisu, a Picing Biakpiakna ………………………………..
  10. Zeisu, Puandal tungtawnin Lampi Hong   ………………
  11. Zeisu, Upna a Piangsakpa leh a Picingsakpa ………………
  12. A Kilinglo Gam Khat Ngah             ……………………………….
  13. Unau Ki-itna Zomsuak         ………………………………..

 

Ni Nunungte ading: Hebrews Thupuak

          Tua pa in hih nu a muhcilna biakinn pan ahi hi. Thupuak in vapaina ah amuh khat sungah lunglut mahmah hi. A lim kisuai pen pi guk (6’) kiim sang a, pi kua (9’) kiim zai hi. Tua numeinu’ lim in khangno-pa lungsim lazo mahmah hi. Banghang in tua nu lim etna pan a mit heikhia zolo hiam? Bang thu hiam? A etphat ciangin, ama mittang ahihlam hong phawk hi. Tua lim kisuai pen numeinu’ maitang bekmah hi a, banghiam khat nak et mahmah sak hi. Bang hangin tua nu in hihzah in huupzo thei hiam? Hun sawtpitak sungmah tua lim kisuai pen a ngaisutna pan hemkhiazo peuhmahlo hi.

          Kum tawmno khat khit ciangin, limsuai-nu, Arnold Jiménez in, a thusim pawlkhat, tua pa hilh hi. A enkha mi peuhmah a mittang in huup dingin kisuai hi a, a thusim taktak pen a mit nauta ahí hi. Naih takin en tentan lecin, tua nu’n bang en cih na tel ding hi. Tua nu’ mittangte in singlamteh tunga Zeisu mitsuan uhhi.

See also  Khangtawn Lunggulh (PDF)

          Hebrews laikhak sunga akigen Zeisu’ lim in, khauhtak mahin eite lungsim hong lazo hi. Tua lim in, Zeisu pen vannuai Ukpa, Pasian taklama a maangpa ci hi. Sim zawhloh vanmi in phatna, biakna leh pawhtawina pia uh hi (Heb. 1:5-14; 12:22-24). Amah ngiat asihna tawh Ukna aana leh dawi gilote suksiat zawh nading thu nei hi (Heb. 2:14-16). Zeisu in Siampi lianpenpa zong ahi hi. Mawhbaanglo, picing siangtho in, eite aiawh hongsem dingin van biakbuk sungah maang den hi (Heb. 7:26 – 8:5). Ama pumpi ngiat tawh a picing leh mikhempeuh adingin khatveibek a ki piaknatawh tua hihzawhna khempeuh ngah hi (Heb. 10:1-14). Zeisu in Pasian leh mihing kikal ah thuciamthak tawh Palai in tua in kiptawntung ding hi (Heb. 8:6-13).

          Zeisu’ lim a khuakna sungah mihingte lungsim a manzo pen in Zeisu amah ngiat ahi hi. Eite mahbangin numei’ sung pan hongsuak a, zia-et simmawh thuak hi. Tuate kawmkal ah Amah, van nuai laizang panin ukzawhna nei hi. Vantung’ nate ento leng, a muhnophuai na tampi atuamtuamte khempeuh in, amau’ laizang a tupa, eite mahbangin hong piangpa tungah i lungsimte hong huupsak hi. Zeisu i sanggampa, vantungah omin, eite mawhna, zumna leh puukna khempeuh adingin hong palaisak niloh hi.

          Zeisu’ pumpi in hotkhiatna’ thu sungah khen thum in kikhen thei hi. Amasa in, Ama’ pumpi mahmah ahi hi. Christian nuntakna sungah haksatna a thuakngiat eite (Heb. 10:32-34) adingin, i upna hong picingsakpa ahi hi. Mawhneite tungpan mahin a thuaksawnpa Amah etkul hi (Heb. 12: 1-4). Anihna ah mapangkhawm, cikhat sakhat suakkhopna ahi hi. Pasian’ khapsa gamlam zuanin khualzin mite adingin, Zeisu in Joshua thak ahi hi. Hong makaihna zuiding (Heb. 3, 4, 11, 12) hi. Athumna in vannuai buppi ahi hi. Zeisu in Adam thak hi a, leimite adingin Mihing’ Tapa ahi hi (Heb. 2:5-10; 12:22-28).

          Pasian’ hong itna a zaina, a sauna leh a thukna lung-lutsak pen a kikhuak Zeisu’ lim ahi hi cihthu tu quarter sungteng i sinding uhhi. A kisuai Zeisu’ lim in khangnopa lungsim a lak mahmah bangin; Hebrew laikhak sunga a kikhuak Zeisu’ lim in, eite mit bek hi lo, i itna i zahtakna nangawn hong lazo lua hi. Amah in eite’ sanggampa in vantungah maang hi.

See also  2nd Quarter SS Lesson PDF

          Félix H. Cortez-Valles pen, Andrews University ah, Laisiangthothak thusinna lamsang (New Testament Literature) ah Associate Professor ahi hi. A zi pen Alma Gloria Alvarezhi a, ta nihnei a, khatin New Jersey ah Pastor asem Hadid; leh a dangkhat in Andrews University mahah kahlai a, Archaeology (leisung tangvante’ thu sinna) lam a sin Alma ahi hi.

Download (PDF, 1.58MB)

Download (PDF, 1.37MB)

 

Tags: , ,

Admin

Admin

Leave a Reply

Your email address will not be published. Required fields are marked *

Top