NI SAGIH SABBATH TAWH KISAI PAPAL TE GEN NA

Lai Siangtho sung ah Sabbath nampi nih om a, zehtante ahi pawi sabbath leh kal Sabbath ahi hi. Moses thukham sung pan siampi thukham , Lev. 21-25 ( Ceremonial law ) ahi honpa sih ding lim ciing pawi sabbath te pen kamsang te ( Hosea 2:11, Lam. 2:6 ) in bei ding hi cih a ngen kholh bag tek in ( Col 2:16-17, Rom 10:4 ) ah a taktak Jesu hong pai ciang in ki sam nawn lo hi na ci-hi. Tua te tawh ki sai ngeina leh zuih ding na bawl lai uh leh ka na sep a mawkna suak ding hi ( Gal 4:10-11) cih Paul in khauh tak in na ngen hi. Hih Moses thukham ahi ngeina lui te ki sam nawn lo hi ( Heb 7:18-19). Kal Sabbath ( ni sagih Sabbath) ahi piansak Sabbath ( Gen 2:2-3, Pai 20) in Pasian pen piangsakpa cih ciaptehna mual suang, mi siangtho i hihna ciamteh lim ( Ezek 20:12,20, Heb 4:9) hi a, mihing phat tuam nading ahi hi ( Mark 2:27-28, Isa 56,58). Pasian in a gam a phuhna khuambul ahi thupiak swm pen van leh lei a mangthang zong in mai mang lo ding hi( Matt. 5:17-20, Rev 14:12,22:14 KJV) . Pasian pen Pasian hihna a neih sung teng in ki khel thei lo ding hi.
Lai Siangtho tungtawn in limtak a tel cian zw nuam te , Nag tawh a ki nai pen thuman hilh Adventist ah na content in. Lai Siangtho bag nunman nei nuam mi khat ading in thungetna tawh thuman na bohkhia in.

Lai Siangtho hilhna tampi sut ding om ta se mah leh Lai Siangtho khel theihna ding vanliatna nei ung a ci Sanggam Roman Catholic te ngen na i en suk ding hi.

1. Peter Geiermann :
Dotna- Sabbath ni bag ni hiam?
Dawnna- Saturday ni-in Sabbath ni ahi hi.
Dotna- Bag hangin Saturday ni zang lo in Sunday ni zang zaw i hiam?
Dawnna- Saturday ni sangin Sunday ni i zang zaw hi, a hangin Catholic pawlpi in Saturday sianthosak nading thupiak teng Sunday ah bulhto hi.(✿ Peter Geiermann, Catechism of Catholic Doctrine, 1957,50 ).

2. Conway :
Dotna- Sabbath ahi ni sagih ni pen kaal khat ah ni masa ni ah bag hunin Lai Siangtho phalna tawh kikhel hiam ?
Dawnna- Christian te adingin Lai Siangtho bek lamlak ahih leh, Seventh-day Adventist te leh Jewish Christian te zuhina thuman ahi hi.(✿ Question Box by Conway, 1903, p.254 ).

3. James Cardinal Gibbons :
Lai Siangtho Piancil panin Mangmuhna dong na sim ciangin Sunday biakpiak ni-in zat nading Lai Siangtho gual khat zong na mu kei ding hi. Lai Siangtho in Saturday ni-in biakpiak ni-in zangh dingin hong sawl napi-in eite in i siangthosak ngei kei hi.(✿ James Cadinal Gibbons , the Faith of our Father, 88th ed. p.89 )

4. Albert Smith :
” A zenzen in Protestant pawlpite in Lai Siangtho hilh bang lianin a gamta nuam uh ahih leh Pasian a biak ni ding uh pen Sabbath ni ahi hi. Sunday ni mahin Pasian na biak uh leh Catholic pawlpi thukhunte a zui mah na hi ding uh hi” ci-hi. (✿ Albert Smith, Chancellor of the Archiocese of Batimore, Replying for the Cardinal in letter of Feb.10,1920 ).

5. Martin J. Scott :
” Lai Siangtho mun khat beek in Saturday biakna ni pen Sunday ah ki laih hi, ci-in gen ngeilo hi. Roman Catholic pawlpi thuneihna tawh a ki khel hi bek a, tua manin Sunday pen Biakna ni hong suak hi.(✿ Martin J. Scott, Things Catholics are Asked About, 1927, p.136).

6. Peter R. Kraemer :
“Catholic pawlpite in upna thuguilet siksan dingin Lai Siangtho bek ka bulphuh kei uh hi. Pawlpi in mite a thuhilh ding leh a makaih dingin Khazih mah” in a phuh pawlpi hi-a, Lai Siangtho lui biakpiakna thukhamte khel in , Sabbath pan Sunday ah a khelna zong ka pom uh hi.Pawlpi in Sabbath pan Sunday ah ka khel uh a, hih thukhamte leh a dangdang thukhamte zong ka bawl lai uh hi. Protestant pawlpi tuamtuamte in pulpit tung pan leh a thukhun sung uh ah Lai Siangtho sung ah a om lo Sunday zatna ding thu a bawl tawmna uh pen a nuihzak huai khat ahi hi. (✿ Peter R. Kraemer, Catholic Church Extension Society, Chicago, Illinois,1975).

7. D. B. Ray :
Topa’ ni na cih uh Sunday pen Protestant Christian te in Roman Catholic pawlpite tung panin na luahsuk uh ahi hi. RC pawlpi in ngeina in a hong patkhiat hi a, Protestant khempeuh in tua ngeina zui uh hi. Sunday ni pen nag up tawm thu tawh na mawk pom hi lel hi. Lai Siangtho sung a Sabbath pen Sunday ah ki khel hi cih thukham in gen ngiat lo hi. Sunday na zatna pen Roman Catholic pawlpi thuneihna na zuihna uh ahi hi.(✿ The Papal Controversy, 1892, p.179).

8. Mgr. Segur :
Jesu thuneihna tawh hih Sunday pen i topa thawhkikna phawkna-in ki tawlnga hi a ci pen Roman Catholic pawlpi te ahi hi. Sunday zatna pen Protestant te in Roman Catholic te thuneihna a zahtak piakna uh ahi hi.(✿ Plain Talk About the Protestantism of Today, p. 213).

9. The Catholic Miror :
Protestant cih hong piankhiat ma kum 1000 laipek panin Roman Catholic pawlpi in a thuneihna uh tawh Saturday pan in Sunday ah na khin uh hi.(✿ The Catholic Miror, Sept.23,1893).

10. The Catholic Virginian :
Lai Siangtho mun khat beek ah Jesu leh a nungzui te in, Sabbath Saturday ni pen Sunday ni tawh khel dingin thupia lo uh hi. Pasian in Moses tung a apiak a thukhamte sung ah ni pi kaal khat ah ni sagih ni siangthosak in zat ding thu pia bek hi.Tu hun in mi a tam zaw in Sunday zangh uh hi, bag hag hiam cih leh,Lai Siangtho ngen het loh pi Roman Catholic pawlpi in a thuneihna uh tawh hong lak hi.(✿ Catholic Virginian, Oct.3,1947, art.” To Tell You The Truth “).

11. T. Enright, C.S.S.R :
” Lai Siangtho sung bek pan in Sunday ni a siangtho zatan ding hong lak thei na om uh leh, Dollar 1000 kog pia ding hi”. Lai Siangtho sungah tua bang thukham om lo hi. Hih in Catholic pawlpi thukham bek ahi hi. Lai Siangtho in, “Sabbath ni a siangtho a zat ding phawk in” ci-hi. Catholic pawlpi in, “Hi lo hi’. Pasian thukham hemkhia-in kaal khat sung ah ni masa Sunday zat ding thu ka pia uh hi. En un’. Leitung bupah Protestant mipilte in Catholic thupiak mai ah bok uh hi.” (✿ T. Enright, S.S.R., A Lecture at Harford, Kansas, Feb.18,1884).
Protestant te mipil, misiam hihzahta lak ah tu ni dongin tua khapna sum a sang kuamah om nai lo ahih manin Lai Siangtho sung a ” Sabbath” zat nading thu omlai ahihna Roman Catholics pawlpi-in ki ciantak in teci hong lak hi.

Lai sim mimal kim Topa in thupha hong pia hen la, lampi man ah Kha Siangtho in hong kha ta hen. ( Rom 8:4, KJV)