Nu Aw, Hehpihna tawh Va Pai In

Nu Aw, Hehpihna tawh Va Pai In

January 12 BodswanaReach The World1
Agen: Lethabo Masine, kum 8

Francistown khuapi-a om, Seventh-day Adventist Elementary sangah a tapa kum 8 khat a kahsak manin lamdang takin Botswana gam a om innkuan khat sungah kikhelna lianpi piang hi. Pasalno Lethabo in a nulepate’ kiangah, annek thunget ngen dingin kunh den hi. Nitak a lupma leh zingsang a thawh ciangun zong thungen dingin sawl den hi. Sabbath ni-in biakinn ah kikhawm dingin a nu’ zawn den hi.
Tua banga, azot ciangin anu Gomolemo pen Christian sung a khangkhia hi lo ahih manin lamdang sa-in ki gaih phial hi. Ahi zongin vazui hi. Tan 3 akah ta ahi, a tapa’ sang kahna, Eastern Gate Primary School ah Sabbath kikhop a man khit uh ciangin, “Kei le ka tate hih mun ah hong kha Pasian’ tungah lungdam ing” anu in ci hi.
A tanu zongh, pawlpi’ MUCU sang ahi, “Place of Love” ah kahsak hi. Lethabo ahih leh a lawmte mi 10 tawh Francistown khuapi-a, private sang khat panin tan 3 a ong khinsa ahi hi. Ahi zongin laipai simthei nai lo-in, Ganan zongh haksa sa mahmah hi. Tua hangin anu in Eastern Gate Primary School (EGPS) ah a kahkik sak ahi hi. Nupi khat in a tanu kahsak ding ci-a, a genna panin a theih khiat ahi hi. Tua banah, a tapa in Pasian a theih ding zong deih hi.
“Kei Christian innkuan pan khangkhia ka hihloh hangin ka tate bel, Christian hoih hi leh ka deih hi,” ci hi. “Leitung ah thu tuamtuam a om kawmkal ah, Pasian i theih ding thupi hi,” ci hi. Laipai simthei lo banah Ganan thei vet lo ahih manin, Lethabo pen EGPS ah tan 3 mah ki sinsak kik hi. Asawt lo-in tampitak khangto cih a nu in mu hi. “Tu’n bel ka tapa in a ma’ thu in a laite bawlthei ta, laipai simthei, Ganan bangh siam lua. Ganan le Bible pen nuam asak penpen hi ta,” ci hi.
Lethabo in Bible deih phadeuh hi. A sangah Jesu thute a kigen sim in a khitui luang den hi. “Ka tapa pen Pasian tawh kinai mahmah hi. Zing le nitak annek sim in thungen den hi. Ko zong ong hanthawn den hi. Sabbath sim in anau nu tawh kikhawm den uh hi. Khat veivei ‘Nu aw, nang zong ong pai ve, nang zong biakinn na pai kul hi ven’ ong ci ngaungau thei uh hi”. A nu biakinn pai nuamlo ahih manin Lethabo in a thungetna ah hel den hi. kha 4 khit teh, anu in zingsang natna namkhat nasia takin hong veii hi. Nisim in a sangsiate’ kiangah, “Ka nu damlo hi. Zingsang simin lua den hi, Thu nong ngetsak zo ding uh hiam?” ci-in thungetna cial den hi.
Inn atun ciangin, “Nu aw, biakinn napai kul ding hi, na dam nadingin Pastor pa in thu hongngetsak ding hi,” ci hi. “Tua kammalte in ka lungsim hong sukha mahmah hi” a nu-in ci hi. Atawpna ah biakinn pai ding thukim ta hi. Ahizongin Sabbath zingsang ngaap lo ngawh pian hi. Biakinn nasempa in Lethabo te unau hong pii hi. A pai ma-un Lethabo in a nu lam hong en pheii in, “Nu, nangzong hong pai hoh ve, bangdia khawl kik ding na hia? Ong pai ziau oh. Pai lecin, Pastor pa in thu hong ngetsak dinga, dam hamtang ding hi teh” ci ngaungau hi.
Tua kammalte in anu’ lungtang bunh mahmah hi. “Sabbath kik ciang hong zui taktak ta ning maw” ci-in kamciam pia hi. Tua mah bangin va kikhawm takpi ta hi. “Ka tapa in Pasian it hi. Khuavak hong puak ding a Pasian’ sawl hi ding in ka um hi” ci hi.
Tua Sabbath ni pen kha 4 sung tawntung zingsang natna a thuak loh ni masa pen ahi hi. “Thungetna pen hoih mahmah hi. Tu’n na lua nawnkei pah ve leh mataw, nu” a gei-a ding gige a tapa in ci hi. Anu in nuihsan hi. “Lungdam mahmah ei bawi aw. Biakinn pai den ta ning ei” ci hi.
2015 kuata 4 na sumpi khenkhat tawh EGPS sang ki lam ahi hi. Sang kilam nading le pasal no khat’ nu biakinn hongtun theih nadingin sumpi tawh nong huh manun lungdam lua. “Hih sang ka neih khak uh lungdam lua ei Topa Pasian aw, a kisam khempeuh zong hong huh lai in,” tua nupi nu in ci hi.
&&&&&

READ  MARXIST pan ADVENTIST ah
Tags:

Admin

Admin

Top