Nuntakna a Kheel Nindum

Nuntakna a Kheel Nindum
Petrus Tobolu, 50
Indonesia
November 24

Lokhopa Petrus Tobolu in, kum 19 a phapan, a tanu, Monica, Seventh-day Adventist pawlpi ah ki tuiphum cih a theih ciangin, hehlua mahmah hi.
Amah zong, Indonesia gam, Halmahera tuikulh tung a om, Soahukum khua ah, kum 35 sung a ki pumpiak Sia khat a hihi. Ama phalna ngen hetlo a, Adventist Pastor pa in, a tanu tuiphum mawkmawk cih lamdang salua a, Adventist upna pen, dawivai peuh a hi kha tam cih zong patau kawm hi.
Tua a hih manin, ciang golpi khat tawh a tanu Monica sat a, “Na upna nusia in!” ci in hang gawp hi. Monika kaplel bekin, a pa kamkhat zong dawnglo bek thamlo heh zong heh tuaklo a hih manin, a pa’n lamdang salua hi.
Monika pen, Halmahera tuikulh tungah mi 4 ki tuiphum lakpan khat a hi hi. Tua tuikulh tungah, sangnaupang te nasep na pan a, a kingah Adventist masa pen mi 4 te zong hipah hi.
Nikhat, Monica, Adventist laibu bungkhat tawh hong ciah hi. Hehlua in, Petrus in sut a, phaitam nindum sungah lawnsuk pah hi. Tua laibu bung dumsung kiasuk a, kitam in, kiphalh gawp hi. Laibu khat in, Petrus mittang la hi: “Mark Findley gelh A Kimangngilh Dektak Ni (The Almost Forgotten Day) cih laibu hi.
A simthamin, tua laibu simzo in, Adventist World magazines te zong sim hi.
A zingciangin, tua laibu te lokuanpih a, a lo nasep tungah a lungsim tu thei mahmah lo in, zingsang nai 10 dong nasem a, a nitaklam teng, tua laite sim sim hi.
A zingkik ni zong tua cih leuleu hi. Laisiangtho kammal a muh te, ama’ laisiangtho bu tawh taihpha in enen hi. Hi laibu te , man maw, manlo sittel nuam hi. Kha giat sung tua laibu te simsim hi.
“Laisiangtho sung a te mah, kigelh a hihlam kaphawk hi; Ka simsim ciangin, Sabbath thu mahmah in, ka lungsim hong zo pen hi,” Petrus in ci hi.
Laisiangtho Sabbath in, Saturday ni cih a theih ciangin, a pawlpi ah tua Sabbath thu hilh hong kipan ta hi. “Banghangin, Saturday ni biakpiakna kibawl lo hiam?, I zuih ngaploh dingpi in, banghang, laisiangtho tawi i hi hiam?” ci in dong hi.
A sermon khit teh, pawlpi mite lung-am liangin hong naih a, “Cikmah in hihbang thu i za ngeikei hi,” khat in ci hi. A dang khat in, “Upna thak hiphial aita?” ci liang hi.
Petrus in, ama pawlpi ah, Adventist te upna hilhhilh a hihlam kitheilo hi.
Laisiangtho thuman hong phawk ta a, tua thu bek gending khensat ta hi. Bekthamlo in, Saturday ni biakpiak ding hong khentat hi.
Petrus u nu in, tuathu a zakciangin, hihpa Seventh-day Adventist suak dan aive ci hi. Amah’n zong, tua thu te, Sulawesi tuikulh tungah om Universitas Klabat a kici Adventist sang a kah, a tanu tungtawn in za khinzo hi.
A sawtlo in, Adventist pastor pawlkhat, Petrus teenna tuikulh, a va hawh uh leh, Petrus in, amau biakinn ah biakpia ding in zawn hi.Tua pastor te, biakinn sung a om laitak mah in, pawlpi mite in, biakinn, suang tawh denggawp uh a hih manin, Petrus in zong, pastor te, khuapua lam ah paikhiatpih mai hi.
Khuasung mite’n, Petrus hong ciah ciang, satgawp dingin, molhtumte tawh ngak uh hi. A hih hang Petrus in, a khuapan paikhia in, suakta hi. Adventist pawlpi sungah zong ki tuiphum nuam ta hi.
Petrus in, a innkuanpih te, Adventist a tamna Manado khua, Universitas Klabat sang omna ah, taipih a, Pasianthu hoihtak kisin in, ki tuiphum ta hi.
A innvuah hong ciahkik leh, a innuh midang in na luahkhin zo hi. Lo sung ah buukno khat lam in, khanih sung beel uh hi. A tapa kum 13 khat leh kum 17 khat zong ki tuiphum uh hi.
“Khua mite’n Sabbath tan, hong nakkhaam mahmah a hih manin, theihna zong khangzaw ding cih utna tawh, Manado ah ka taikik uh hi,” Petrus in ci hi.
Kumnih khit ciangin, inn ciah kik in, khua mite pawlbawl kik uh hi.“Amau lak ah ka kihel uh hi, Komau tanau te pan ka kipan uh a, kum thum khit ciangin, mi 27 ka tuiphum zo uh a, pawlpi ka phut uh hi,” Petrus in ci hi.
Tu in, Petrus, kum 50 pha ta a, pawlpi Upa sem hi. 2017 kum, September kha in, a khua vuah Pasian thu genna masapen hong nei thei a, mi thum ki tuiphum hi.
“Khua mite in, keipan kipan, Adventists ka do masa uh a, tu ni tu hun in, innkuan giat, Sabbath tangkhawm in biakna ka piakhawm ta uh hi.” Petrus in ci hi.

See also  A Telhak Laisiangtho
Tags:

Admin

Admin

Top