Pasian Adingin Leeng

Pasian Adingin Leeng
Dwayne Harris, 39
Philippines
November 3

Dwayne Harris in, US, galkap pan pusuak in, Philippines ah Mission vanlenghawl suak ding peuhmah mangmat ngei deklo hi. A hih hang a inn hong kaang a, na khempeuh kangtum in bei siang hi.
Dwayne pen, USA gam, Montana gamkee a om Adventist innkuan pan a khangkhia hi a, naupangpan kipan vanleng ukpha mahmah in, mission vanleng hawl suakding bekbek lunggulh hi. High school a man ciangin, pawlpi sang Walla Walla University ah pai in, vanleng hawl sinding in a min pia hi.
Kumkhat khit ciang, Montana ah ciahkik in, vanleng siamna licence leh, hawlna licence te bawl hi. Vanleng a kisiasa khat lei a, puahpha kik in, galkap sung hong lut a, helicopter sangah, amah kikoih hi. Christian sungah a lumbek in hong om hithiat hi.
Nikhat, a tanau te khatin, USA a hong hawh alawmte vanleng hawlkhat tawh hong kizomsak hi. Dwayne in zong a vanleng tawh, Kentucky ah vapuak in, Philippines ah, vanlenghawl tawh Pasian nasepna hong kikum thei uh hi.
Tua a kimuh madiak zan in, a sanggamnu in phone set a, a inn uh kaangin, vanteng khempeuh kaangtum; aih hang miteng suakta, Dwayne zong a van neih khempeuh kangtum gai cih thu hong gen hi.
Mission vanleng hawlpa tawh a kiho ciangin, Dwayne lungsim sungah, “Pasin in ka leitung van khempeuh hong hepkhiatsak zo a; galkap sungpan pusuak theihna ka ngah leh, Philippines ah Mission vanleng hawl in hong lut ning,” ci in kamciam pia hi.
Teel masak ding A thak te Dwayne in galkap sungpan pusuak theihna’ng lungkham ta hi. Kumguk kamciam na sungpan, kumli bang neilai hi. Nakpi takin thunget hong kipan ta hi.
“Inn hong kaat takciangin, teel masak pen dingte hong ngaihsunsak hi,” Dwayne in ci hi. “Leitungah i kaihkhop na te leh, tawntung na te pen, tehkaak theih ding mahmah hi lo hi. Teelmasak ding pen, ei leh midangte gupna ngah na’ng, thupi masa zaw, cih hong phawksak hi,” ci hi.
A masa pen in, nisim laisiangtho simin, thungen hi. “Tua bang ka hih ciangin, Pasian in kei hong kikheelsak hi,” ci hi.
Kha tamsimkhat thu a nget khit ciangin, Dwayne in, Sabbath tanvai kamtam nuam nawnlo hi. Khasim in, Friday nipan Sunday ni dong, nithum sung mi a hilhna pen, kum 4 bang hi khin a, Sabbath palsat tawntung hi.
Dwayne in a Bopa kiang ah, Friday leh Sunday leng ding in, Saturday ni aitang, nidangkhat ah hong lengsak in ci in ngen hi. Bopa in nialpah hi. Kaalkik Friday ni ciangin, Saturday ni om thei lo ding hi’ng a, Sunday ni hong paikik ding hi’ng ci in gen hi.
“Tua bang mawkmawk in hong phalke’ng,” Bopa in khauhtakin ci hi.
“Nang zong na nasep semlel inla, kei zong ka septuak ka sem ding hi,” ci in zahtakna tawh Dwayne in dawng hi. Bopa zong cihna’ng theilo hi. Tuani ciangdong, Dwayne nasepna ah mawhna baanglo hi.
Dwayne in, Friday ni te leh, Sunday ni te bekmah hongpai pen kha tawmvei sungmah a hi hi. A thungetna ah, “Topa aw, hoih nasakna mun ah hong koih in. Hi teng mah maw, lem ey. Philippines ah maw, pai ning ey,” ci hi.
A Thungetna Kidawng A nunungpen in, Bopa in sam a, “Battalion Bopa ( တပ်ရင်းမှူး ) tawh ki ho khin zo ing. Nang langkhat ah pangin, mawhna zong in daanpia cih te hih lo ding, Minhoih tawh nasep khawl theih na’ng thu hong piazaw nu’ng,” ci zaw hi.
Dwayne dipkua vat hi. Pasian tung lungdam ko in, Philippines lam pai ding hong kithawipah lian hi. Na khempeuh lem zangzang hi. Mikhat in, helicopter no khat lei na’ng sum panpih hi. A sum kep sunsun teng zang a, siah piak ding leh, tembaw saap khawng te zong, lam-et loh pipi te khawng zongin panpih ngeingai uh hi.
“Pasian in na khempeuh geelkholhsa in koih a, ke’n sum zonna zong bangmah ka bawl kei hi,” Dwayne in ci hi.
Tu in, Dwayne, kum 39, leh a zi, Wendy, Philippines pan a muh, nurse te in, Philippine Adventist Medical Aviation Services (PAMAS) Philippine Adventist Vanleng Zato Nasepna ah Director te a hi uh hi. Tua bangin lungdam thu tangko na ah hong mapang uh hi.
“Hilai ka tun uh kum 10 hi ta, Ka kisapna te uh, Pasian in hong piakhial ngei nailo, kha simin,” Dwayne in ci hi. “Ko zong hong khangtoto mai ung.” Vangalkap pan, minhoih tawh khawl in, Pasian’ vangalkap a suak ciang in, Dwayne in Romans 8:28 tangtung hi ci hi, “Pasian a it te a dingin, na khempeuh a hoih zaw in, piang hi.” “Pasian in, na khempeuh geelkhin zo ey; Ama’ kamciam te muang in upna tawh kiplet ding bekmah hi ey, ”Dwayne in ci hi.

READ  MS1: A Kisam Mi Tuakkha

Laigelh Andrew McChesney

Tags:

Admin

Admin

Top