Pasian Langpang Khangnopa

Jayson Rogers, 36
New Zealand, September 7

Kum 12 a phak lai-in a theihngei loh Pasian’ kiangah Jayson Rogers deihtakin kiko ngei hi.
“Bang thu bang la hang hiam thei lo, zankhat ka lungleng luakisa in khuazing lakpi-ah, ka lukham tungah ka kap hi” Jayson in ci hi.
A nuntakna sungah Pasian in a panpihding ut in thu anget laitak in, unau 9 lakah a nautum penpen ahi, Jayson ahihleh New Zealand gam saklam ah a nii le a gang tawh om uh hi.
A nulepate in thu hilhzo nawnlo uh a, sang panin zong ki hawlkhia hi. Pasalno khat ahih zenzen hangin inn luh in mawtaw khawng gu zeel hi. Kum 10 a phak in —a pa’ innlam nasepna ah a ngah—ama’ thalawhsa ngiat sumtawh a neih masak penpen mawtaw khat lei zo khin hi. A mawtaw lei pen amah mahin, “Phelkhai Keekseu” ci-in min phuah hi. Ahi zongin a license nambat peekte a deih man ahi hi. Tua zawh kum tam hetlo sungin a guuksa bekbek mawtaw 9 te’ mai-ah tua a license nambat peek te a thuah hi.
Tua bangin zankim pipi-a, a thungetna pen a kidawn pah lam Jayson in theikha khol lo himah taleh tuazawh kum khat khit pawlin a nulepate in New Zealand khuapi ahi, Auckland ah a samkik uh hi.
Jayson ahihleh siatna lamah thuukluut semsem hi. Kum 15 a phak ciangin kaanzaa kungte guu-in, a lawmngaihnu, Krystal tawh, a sunghte’ inn ah om uh hi. Kum tampi sung lamdung migilo sem in, kaanzaa ciingin zuak den hi. Tua bangin zatui zangh in, zuak in kum 11 sung bangh om den hi.
“Migilo vive kipawl khawm aa nasemkhawmte tawh leh leinuai migilo te tawh nakpi takin ka ki thuah a, guta buluhpa, miheekpa, damiahpa ci-in hong ki thei hi. Ka kipawlna vuah, anhuan ding mi 3 kanei-a, vanh tuamtuamte a hawmkhia ziahziah ding zongh, mi 4 ka nei hi.” Jayson in ci hi.
Sum ahihleh tuizat in zangh zo lel hi. Ni 2, ni 3 sungin New Zealand Dollar 10,000 (US $ 7,000) bang zatui (meth) zuakna panin ngah den hi.
Ni Khat, Andrew kici pa in tuibualna innpi sung, free kickboxing sinna ah a pai dingin vazawn hi. Jayson zongh nuamlua kisa in diang ziahziah pah hi. Ahangin lamdung migilo sepna ah khat veivei meidawi pian ahih manin tua siamna nei leh lawhcing zawlai ding cih a ngaihsutna hi.
Wednesday nitaak sim in, kimawlna innpi sungah akimawl gangsters (migilo hon kimawlte) te lak ah va kipawl hi. Tua lai-ah khua-ul suah nadingin thasaanna Andrew in makaih hi. Tua khit ciangin a Lai Siangtho puakna ippi hongg in, “Sabuai kiimah ki-uum ni ei tun. Hih Lai Siangtho munte kikum phot pak dihni ei maw” ci hi.
Tua acih ciangin Jayson pen kilatvat liangin taikhia sim nuam hi. Himah taleh thukhat hangin om tentan hi.
Andrew in minit 30 sung khawng thu hong gen laitakin Jayson ahih leh a lungsim sungah Pasian’ tungah nakpi takin kideek zolo zah dongin heh mahmah hi. “Pasian kua hileltak hiam? Ka leitungah keimah pasian kahilel hi. Nasem zongh tampitak ka nei-a, kei le kei-in ka nungta hi. Hong kizahtak mahmah in, hong kipii-et mahmah lel hi. Keimah pasian ka hi hi.” na cici hi.
Andrew in a thugen, Mate 6:19,20 sunga, Jesu’ kammalte tawh hong khup ciangin, Jayson, a lungsim hong ki lamdangin, thumaan khat muthei hi. “Nget in ne-in a kekseu theihna, gutate in luhin a guktheihna hih leitungah na sum uh khol kei un. Nget in a nek theih lohna, a kekseu theih lohna, gutate in luhin a guk theih lohna mun vantungah note adingin kholzaw un.”
Koici bangin a kekseu theih lohna leh guta lawmlegualte’ guk theih loh dingin vantungah i suangmanpha hoihnonote khol thei peuhmah ding, ci-in Jayson hong lung himawh mahmah hi.
Tua kaalsung khempeuh hithu bekbek ngaihsunsun in, tua tentan ah pelh lo in hong kah hi. A sawt lo in makai–huh dingin Andrew in zawn hi. Jayson zongh, lamdang sa mahmah kawmin lungdam mahmah hi. Tua munah “Donghu-cinakepna” (First-Aid) hilh dingin kiseh ahih manin tua a hilhsiam theih nadingin, Andrew te’ biakinn ahi, Papatoetoe Seventh-day Adventist Community Church ah Pathfinder tentaan a kah ding hong kisam hi.
A sawt lo-in Jayson zong a lawm Krystal leh atate-uh sagih teng tawh Sabbath ni biakinn ah hong kikhawm uh hi. Jesu Honpa le Gumpa in saangthei ahih manin, kum 21 sung tawntung a omkhoppih Krystal kiangah kiteenna diktak neikhawm dingin a khut a khaak ta hi. Tua ni pen, pawlpi akiphuh ciil-aa kipan, innkuan khat sungah mi tam a ki tuiphum penpen ni ahi hi. Jayson te nupa leh a tate uh nga ki tuiphum uh hi. A neupen tegel zong tua ni mah in biakinn ah ap uh hi.
“Abeisa kum thum lai-a kipan in ka nuntaakna hong ki khel taktak hi,” Jayson in ci hi.
“Tu-in, thuap guk-a kiciang huang umna kulhte, baseball satna molhtumte, puantungsilh nuai-a thautom te, Rambo-style temta, cih te tawh ka nungta nawn kei hi. Huang umna thuap khat tawh ki um, inn sungah tengin, keima khut tawh nasem in ka nungta uh hi.”
Kickboxing tentan ah bel makai-huh sem lai a, tua tungtawn in mi guk kituiphum uh hi. A nulepate a ngaihsut khak ciangin a biang tungah khituite hong tolh khia datdat pahpah hi.
“Kei a’ dingin a lung himawh den ka Nu’ in, nisim in phong hong ki call den hi,” ci-in Auckland a, ansaii pi khat sung ah, ann ne mi khat i dotnate a dawng hi. “Ka Nu in, a sin gimhuai mahmah ka nuntakna masa lamteng, hong thuakthuak in, hong muhsak kha bek a, tu-in ahih leh ama’ kiang pan in bang mah thu ka za nawnkei hi. A hoih lam dingin ka ki deih bawl hi.”
Tu in ahihleh, a nulepate leh midangte Khris kiangah a tun zo dingin lunggulh takin, ki lamen den hi.
“Tu taktak in bel, ka lungsim nuam mahmah ta ei. Na dang bangmah tawh kheekzo nawn kei’ ning. Pasian’ sawltak ka hi ta a, Ama’ hong deih bangbangin A Kammalte ka hih zawh zahzah in midangte’ kiangah ka hawmsawn nuam hi.” ci hi.
By Andrew McChesney