CS 1: Pasian Tawh Nasemkhawmte

KHAWKPI I.

(Heaven’s Law of Benevolence and Its Purpose)

(Coworkers With God)

“Na neihsate le na anpalte tawh Topa zahtak in. Tua hileh na ansalte antawh kidim dinga na beel dimleetin lenggahzu na nei ding hi” (Paunak 3:9,10).

“Mi pawlkhat in sum zang ziahziah napi-in hau semsem a, mi pawlkhat cil mahmah napi zawng semsem hi. A cingh mite hau semsem dinga midang a huhte in huhna mah ngahkik ding hi” (Paunak 11:24, 25).

“Ahih hangin mipi lungsim a nei mi in na a hoihte geel a, thuhoih nate ah a pang hi” (Isaiah 32:8).

Pasian in gupkhiatna a gelna-ah sepkhiatna le thuhkikna thukhunte na bawl a hamphat nading nasep le thupha namkim a thuapin ngah uh hi. Mizawng huhna in mi‟ hamphat nading a sem bek hi lo-in ama thuphasan nading zong ahi hi.

Lungdamna Thu i Vangliatna (The Glory of the Gospel)

Mite tungah thupha bawlnopna a manthan loh nadingin i Honpa in Amah tawh nasem khawm dingin hong teel hi. Mi-hingte‟ huh ding kisam lo-in, Pasian in na khempeuh sem thei hi. Ahi zongin hih nasepna-ah kihel kei lehang ei leitung mite‟n lungnopna kingah lo ding hi. Mihingte‟ tungah deihsakna a hat theih nading piakkhiat nopna lungsim a kineih theih tawntung nadingin mizawngte zong huhna nasepna-ah hong kihel sak ahi hi. A kisia hih leitunga om a kisia ding mihingte‟ tungah i siamna le i neihsa tawh huzap in thumaan kihilh ding hi. ¹⁴Mite‟ hamphat nading i sepkhiatna tawh Jesu‟ thuak gimna haksat nate kilang sak ding hi. Piakkhiatna tawh mite‟ tungah thupha tung sak ni. Hih in a maan hauhna hong ngahsak ding hi.

Mawhna sung‟ a si ding mite‟ tungah thupha i bawl manin a manpha mahmah Jesu i lim-le-mel a kilangsak ihi hi. Hih nasep pen vantung pek pan hong kipan ahi hi. Pasian in mihing-te hong itzia kuama telkhelh loh ding dongin hong lak khin hi. “Pasian in A Tapa khat bek a piak dongin leitung mite a-it hi. Tua Tapa a-um mi khempeuhte in kisia lo a nuntak tawn-tungna a ngah nading uh ahi hi” (John 3:16). Pasian in a-it A Tapa khat neih sun hong piakkhiatna tawh leitung mite hong itna hong lak hi. Bangmah itsiit het lo a piakkhiatna tawh mihingte‟ gup ngah nading na hong sem khia hi.

Phaltak a piakkhiat nopna lungsim in Pasian‟ lungsim puak ahi hi. Singlamteh tungah hong itna honglak hi. Mihingte‟ gup ngah nadingin a neih khempeuh hong pia khia hi. A tawpna-ah a pumpi mahmah hong ki-ap hi. Jesu singlamteh in thu-um mite lungtang sungah piakkhiat nopna lungsim hong neisak hi. Hong lahkhiat a thupi pen in piakkhiatna ahi hi. Hih in Christi-ante‟ gah ahi hi. Leitung lungsim in angsung-khualna hi a, tua tawh lungkim uh hi. Ahi zongin a tawpna-ah lunggimna le sih-na dong paipih ding hi.

Jesu‟ singlamteh in angsung-khualna si sakin phal tak a piakkhiat-nopna hing sak hi. Piak-khiat ding bek gengen ci-in phun nawnlo ding hi. Pasian in a mite a kisawl bang bek asem ding sangin a zaizaw a sem dingin hong sam hi. Hih leitung mihingte ¹⁵khuamial gamtat tawh a kidim laitakin, ciangtan neilo sepnopna tawh asem dingin Pasian in hong sam hi. Pasi-an‟ tate tampitak in leitung tawh kipawl gamtatna le hazatna bawl ding thu amau mai-ah i lah zawh keileh Pasian deih nunzia-ah kikhel zolo ding uh hi.

Neihsakem Dinmun i Thupha Ngah Dingte (The Blessing of Stewardship)

Topa in a nungzuite‟ kiangah, “Note leitung khempeuh ah vak kawikawi unla mi khempeuh lungdamna thu nahilh un” a cih pen mi khempeuh in a itna thu a theih nading a deihna ahi hi. Pawlkhatte in lungdamna thu tangko dinga a pai laitak un nasep a kizawh mengmeng nadingin mite‟ tungah huhna sum ngen uh hi. Mawhnei mite‟n gupna thupha a san theih nading Topa‟ kiang pan hong pai thuphate ei-le-ei, khat-le-khat hong kihawmsak hi. A kisam sum khempeuh zong mihingte‟ khut sung mahah kemsak hi. Hi banga mihingte hong zatna in Pasian nasepzia khat ahi hi. Hih gupkhiatna nasep mihingte‟n i sep ding ahi hi. Banghang hiam cihleh mihingte khat-le-khat ki-hehpih a, hih zawh zah tawh i kihuh ding Topa‟ deihna ahi hi.

Pasian‟ khut vanglian in na hoih khempeuh leitungah a koihna tawh leitung mihingte hong itna hong lak hi. Mizawngte zong Topa‟ aa mah ahi hi. Lungdamna thu Pasian in pia hi. Leitung a om kham le ngun-te zong Pasian aa ahi hi. Pasian in kisam sa hileh vantung panin zong kham le ngun guah bangin hong zusak thei hi. Ahi zongin tua bangin hih lo a, ei leitung mite mah neihsakem in hong zanga, leitung sum kham le ngunte hong ap hi. I khut sunga Topa‟ hong kep sak leitung sum kham le ngun te ei aading bek a kep tentan ding hi lo in, midangte‟ hamphat nading le noptuam nading a i zat ding ahi hi. Pasian in a thuphate mihing tungtawn in leitung ah hawm khia sak hi. Mihing khempeuh in ei angsung bek i khual ding hi lo a, i biak Topa Pasian tawh i kibat theih nadingin mite‟ noptu-am nading sepkhiat nopna lungsim i neih ding hong deih hi. A tawpna-ah Jesu i a tawn-tung hehpihna a kidim letsong i ngah nadingin Pasian in piakkhiat nasep ei aading hong gelsak ahi hi.

Calvary mualtung a hong lah khiat tawntung itna i hingkik sak ding hi. Thathak lakik ding hanga, pawlpi sungah i kizeel sak ding hi. Topa Jesu in leitung a hong lahkhiat gamtat siangthote i hih zawhzah in lak khia ding hi lo ihi hiam? Tua mah bangin mite‟ hamphat nading bawlna zong zekai lo takin i hih zawhzah i hanciam ding hi lo ahi hiam? Jesu in nang aading a nuntakna hong pia a, singlamteh tunga hong sih namuh laitak in na lungsim kongkhak khauh takin khak a, ke‟n bangmah ka pia zo kei ding hi cici lai ding nahi hiam?

Jesu a um khempeuh in Ama hong itna thu kiptak len ni. Tua itna in mi khempeuh Ama sing-lamteh gei-ah hong kai lel ding hi. Tua itna in angsung khualna lungsim hong hem-khia sak dinga, singlamteh phungah pum khat hong suak-sak ding hi.

Angsung khualna a nusia lungsim tawh Calvary sin-glamteh phungah kimu ni. A hoihpen dinmun na tun nadingin na hanciam leh Pasian in nang thupha hong pia ding hi. Pasian‟ hehpihna tokhom mai-ah na naih a leh mawh nei mite mawhna dumkhuk sung pan kaihkhiat nading vantung pan hong kikhia suk kham khauzang tawh nang zong hong kihen khawm na mu ding hi. Tua tak ciangin nang i itna lungsim in leitung a-om Pasian‟ itna a thei nai lo lametna a nei nai lo na sanggamte‟ kiangah a tung ding hi.

***000***