Pawlpi Phuh Ding Lau

Pawlpi Phuh Ding Lau
April 13, 2019


Hugo Sanz pen Paraguay’ khuapi, Asunción ah pawlpi thak phut dingin pastor pa in a gen ciangin lau hi.

Asunción Adventist Hospital ah kum 20 bang insurance director pa pen pawlpi mi 300 a omna Central Seventh-day Adventist Church ah a naseppihte tawh pawlpi mi in om hi. Pawlpi mi lote tawh na semkhawm ngeilo hi.

“Kei lau ingh,” “kei kia in pawlpi dingsak zo kei ning” ci in Hugo in Adventist Development and Relief Agency (ADRA) ah upna kibatpih loh pawlkhat tawh na asem khawm a zi kiang hong gen hi. A zi in zong huh dingin kamciam pia hi.

Nipi kal tawm khat sung thungetna tawh pangin, tua pawlpi lam thak nading mun ahi Nueva Sajonia pen a inn panin gamla lo ahih manin kisuang simsim hi. Pawlpi phut dingin lunglut ta hi.

“Tua kisuanna in hong kipan khia sak hi” ci hi. “Midangte huhna tawh kisem khia hi. A kisapna mu in, nasep ka kipan uh hi” ci hi.

Kipat cil bel neu mahmah hi. Hugo in inndei khat sap in, zato a naseppih te tawh a cidamhuai ante huan dan loeh zateep khawldan cihte hilhna kipan to hi. Tua panin pawlpi mipih te tawh kilawmta toto hi.

Lungdamna thu pen mipi lakah kizel ding hita hi. Pawlpi mite in Facebook page te hong bawl in, lim tuamtuam na koih uh hi. Khuatual Adventist te neih Hope Channel program ahi Radio Nuevo Tiempo, panin nong na tangko sak uh hi.

Kum khat khit, 2015 ciangin, tua mun panin Saturday ni sim in “Leitung panin Nikhat Tuam Om” cih min pua in kikhopna kinei thei hi.

See also  2. A Dupvom Deedaa Mitgeii Nihte

“Tua in amuate lungkhamna te nusia in Lai Siangtho a lungngaih ni uh hong suak hi” ci in Hugo in gen hi. “La sa in Lai Siangtho ka sin khawm uh a, tua thu sinna ah hong kihel mite in Lai Siangtho hangin a cidam uh hi hong ci uh hi. Amaute zong Pasian kiang thunget hong kipan uh hi.”

Lai Siangtho ka sim kawm un, kote laka pawlkhat in cidam nading thu kammal pawl khat hong mu khia uh hi. Cidamna pen an picing neekna pan leh thungetna, lungnopna leh Zeisu tungtawn hi cih mu uh hi. A deih mahmah uh Lai Siangtho mun pen 3 John 2, hi a, “Kong it aw, khalam thu ah na daupai mah bangin na pumpi zong dam a, na khempeuh ah na daupai nadingin thu kong ngetsak hi.” A dang khat in Philippians 4:7 ah, “Tua hi leh mite tel zawhloh Pasian hong piak lungmuanna in Khazih Zeisu tungtawn in note lungsim le ngaihsutnate hong cin hong kepsak ding hi.”

2016 kum ciangin zankim a inn kibuluhna te in tua nasep nawngkai sak hi. li vei tak inn khan tawlet(paden) te sukham in set van, tutuphah leh sabuai cih te gu uh hi. Thu sinna pen Hugo inn ah kituah phot hi.

Tua kum mah in, leitung bup Adventist pawlpi in Sabbath School sumpi kaikhawm in tua nasepna hong kipanpih hi. Tua sumte tawh mipi zat theih ding mun gol khat kilei a, vanzatte ahi zong bitna(Security) mahmah zong kibehlap hi.

Nueva Sajonia Seventh-day Adventist biakinn thak leh mipi kikhop theihna innpi pen  2018 kumin pastor pa tawh kihong hi. Hugo ahih leh makai mah in om a- hikan ka lungdam zawk nading om kei ci hi.

See also  Lawm Neilonu' Lawm

“Adventist pawlpi adingin kum 20 bang ka semta a, leitung mun tuamtuam aom thu-um mite tawh sem khawm ka hih manin hizah sangin ka lungdam zawk nading omlo hi” ci in kum 64 apa Hugo in gen hi. “Tuama lam bel, Pawlpi sunga a-omsa mite tawh ka sem hi. tu in ahih leh a gen bek hilo in sepna tawh Pasian’ itna mite kiang lampi  thak zangin ka hawmsawn hi. Ka nuntak sunga sep dinga Pasian hong koihsak nasep pen a sem khin in ka kingaihsun hi” ci hi.

2016 kum Sabbath 13na sumpi tawh nong huh manun Paraguay khuapi Asunción,  a om Nueva Sajonia Seventh-day Adventist pawlpi kiphut zo hi. Na sumpite uh tawh leitung mun tuamtuam a om pawlpi ten a huhna uh hangin lungdam mahmah hi.

Andrew McChesneyEditor, Mission Quarterly
E-mail: mcchesneya@gc.adventist.org | Twitter: @armcchesney

Tags:

Admin

Admin

Top