Pawlpi Sungah Kisinna

Pawlpi Sungah Kisinna
Yin Pheara, 20
Cambodia
October 27

Pheara, Kum 19, in Pasian sittel sawm.
Cambodia gam khuapilian nihna, Battambang khua ah, Seventh-day Adventist pawlpi khangno khatin, kha tamsim tham sungkhat, biakinn a kah khit ciangin; Malachi 3:10, bulphuh in, Pastor pa thugen na, “‘Ka innsungah, an a om theih na’ng in, sawm a khat teng khempeuh, sumkholna ah hong paipih un, Hong kisin un”; Vanglian Topa in ci hi, ‘Vantung kongvangte hong in, na koih na’ng uh ta lo liang dongin, thupha kong piak leh piakloh hong kisin un, “cih thu hong za hi.
Sabbath ni in, sumpi donna kuang, a kiang hong tun ciangin, Cambodia sum (riel) 1,000 tawh kim (US maatkhat) banklai khat a khiasuk hi. A sum neihsun a hihi.
A zingciangin, a u Phirun in, ginnei lopi in, riel 10,000 (US. 2.50) pia hi.
A u’n bel, kumthakni, sihni thupi te cihbang ciangin, sum pia zelzel hi. Tua banglo peuhmah in sum pia ngei kilkel lo hi.
Pheara in lamdang salua mahmah hi. “Pasian um nuamlo khat hi mah ta leng; Pasian hong piak mah hi, ” a mah’n ci hi.
A Sabbath kik ciangin, Pasian sin leuleu hi. Sumpi kuang hong tun ciang in, riel 1,000 pia leuleu hi. Tu tung ciang, a ipsung ah riel 5,000 nei lai hi. Ahih hang, mai Sabbath ni dong vaksuk vaktoh na’ng motorcycle datsi pan a kipan, kisapna vive hi a, riel 1,000 apiak khit ciangin bel, a sum hong tawm pian mawk hi.
“A hih hang, kisam tawntung sam kei e, Lawm leh gual tengin, khat khit khat hong pia tekuh a, datsi zong, a kicing dingmah nei tawntung ing e, midang kiang ah sum nget kul liang samkei e,” ci hi.
Ni khat ni ciang, Pheara hong buai mahmah hi. A pawlpi in Christmas pawi bawl a, Pheara in zong a lawm 15 sam hi. Tua a sapte motorcycle tawh thum ta pua in a dawn hong kul hi.
Khatvei biakinn a tun dektak laitak, a nung a tuangte’n lukhu khulo ci in palik te’n, Cambodia gam thukhun om bangin, hong man uh hi.
Palik te’n lukhu thu bangmah genlo hi. Licence, owner book cihte bek lakin sawl hi. Pheara in cycle neipa a u sam mah taleh, a u in, tua laikung laidal te ka mansuahna sawtta hong ci ziau hi. Pheara patau lua mai. Palik te’n a cycle manin, a mah zong guta ci in, manthei uh hi. A cih na’ng peuhmah thei nawnlo hi.
“Pastorpa hong hilh thungetna te ka phawk kik a, thu ka ngen hi,” ci hi.
Palik Bo liankhat hong tung leuleu in, bangthu hiam ci’n hong dong hi. Pheara in a thu omdaan teng hong gen ciangin, Bo pa in “Lem in cia, 20,000 hong pia in la, pai lel o,” hong ci hi.
Pheara in sum nei peuhmah lo hi, sum piakloh in lah suakta lo ding. A nung a a puak thung-ip sung ah bel, a zuak khot zawkloh, laptop computer lui om sam hi. A motorcycle, palik te kiangah nusia in, a pongsai ( ) khat ah tai vingveng hi. A pongsai (အပေါင်ဆိုင် ) pa in, riel 40,000 tawh sang a hih man in, palik te riel 20,000 pia thei hi.
Tua thupiangin, Pheara upna khangsak mahmah hi. “Hih thupiang teng pen, kei a dingin, Pasian omtakpi a hihna, teci hi; ka haksat, ka beidon ciang in ka thungetna Pasian in hong dawng hi,” ci hi.
Christmas pawi a hong pai, a lawmte in, tua thupiang teng a theih uh ciangin, “Na Pasian in, Palik te’ khutsung panin, nang hong honkhia hi,” ci uh hi.
Pheara in, a lawm dawnding omlai teng, a va dawnna ding in, biakinn pan, mi lukhu kawm in, va dawn hi.
Tu ni in, a mau innkuan sungah, Pheara bekmah Christian ki tuiphumsa a hihi. Amah in university sang naupang a hih banah, pawlpi mite computer hilh Siapa zong a hihi. Tu quarter Sabbath 13 na pan, nong khenkhiat dinguh sumpi te in, ama’ class te, mipi te tawh kizomsak ding hi. Pheara leh mipi te, a kizop theihna dingin, nong khenkhiat uh sumpi te, lungdam kong ko uh hi.

See also  Nu khat in Gu-pia

Laigelh Andrew McChesney
Pheara a sim daan: pee-RA

Tags:

Admin

Admin

Top