Piancilna: 2nd Qtr 2022



KHANGCING SABBATH SCHOOL

LAISIANGTHO SINNA

 

 

Piancilna

Genesis

Jacques B. Doukhan

 

 

April, May, June 2022

 

Asung A Om Thute

  1. Piancilna (March 26- April 1) ………………………………..
  2. Puukna (April 2-8) ………………………………..
  3. Cain leh Ama’ gamh (April 9-15) ……………………….
  4. Tuiciin (April 16-22) ………………………………..
  5. Minam Khempeuh leh Babel (April 23-29) ………………
  6. Abraham’ Zungte (April 30-May 6) ……………………….
  7. Abrahm’ Thuciamna (May 7-13) ………………………
  8. Kamciam (May 14-20) ……………………..
  9. Jacob, Mun Suankhiapa (May 21-27) ……………………….
  10. Jacob-Israel (May 28-June 3) ………………………………..
  11. Joseph, Mangkhia Siampa (June 4-10) ………………
  12. Joseph, Egypt Kumpi (June 11-17) ……………………….
  13. Egypt ah Israel (June 18-24) ………………………………..

 

Piancilna Laibu

             Piancilna cih in Zeisu’ tangthu hi: hong Piangsakpa Zeisu, hong Kempa, hong Tanhpa ahi hi. Piancil khit kum tullom khit ciangin Moses in gelhpan hi napi, Sawltak John in Piangsakpa Zeisu ci in a pulakkhiat “A kipatcil in Thu om a, tua Thu in Pasian tawh omkhawm in, tua Thu in Pasian ahi hi. A kipatcil a kipanin Thu leh Pasian omkhawm hi. Pasian in Thu tawh na khempeuh piangsak a, Thu tawh lo in a kipiangsak khatbeek omlo hi. Thu tung panin nuntakna ngahuh a, tua nuntakna in mi khempeuh tungah khuavak hong tun hi(John 1:1-4) a cih tuanpupa’ kammalte teekteek hong guang hi.

John in bang a cinuam hiam? “A kipatcil” in na khempeuh kipiangsak, a omngei nailo vive, hong piangkhia, tuate pen Zeisu in bawl hi. A laigilpi ah meikuang a kipei a vanlai ah a kikhung dendan vuuklam leh, i samal sungah a kigaan tilteel DNA cihte khempeuh Zeisu in piangsak hi. Piancil laibu in zong hih piansakna leh piansaksate tatkikna tangthubu ahi hi. Eite piancilna ciaptehna taktak ahi hi.

See also  ZSS 6: Kammalte Sim

Piancilna cihna Genesis pen, Greekpau panin kila hi a “a kipatna” cihna hi a, Hebrew pau in bere’shit, “a kipatcil lai in” cihna hi a, Piancilna laibu kamhonna laimal mah hipah hi. Piancilna in eite’ bulpi, tawphah hong pulaksak a, Laisiangtho buppi’ kingakna zong hipah hi. A masapen lah hi, na khempeuh’ bulpi tawphah zong ahih manin, Laisiangtho khempeuh in tua Piancil laibu sungpan kammalte zang uhhi. Mihing i hihna ahangthu telphat ding, a thupi mahmah thumaan khat, mihing in nikhat thu in bangmahlo ahihziau lelna mun, neih leh lam vante bekmah tawh kidemna leitungah ateng ihih manin, Piancil laibu telphat ding thupi mahmah hi. Zatui siampa khat in, ei mihingte pen “buan kigawm ihilel hi” a cihzong maan veve lel hi. Piancil laibu in ei mihingte pen Pasian’ limlehmel suun in hong kipiangsak a, a cingtaak leitungah hong koih ahihna i bulpi hong pulak hi. Tua banah mihing’ puukna zong hong telsak lai a; i leitung leh ei mihing mahmah zong cingtaak nawnlo cih hong thei sak hi. Thuakna leh sihna bekmah hong piathei hih leitungah hotkhiat ding kamciamna tawh Piancil laibu in hong hehnem hi.

Tangthu hoihnono piansakna, suahna, sakhituihup leh thukhenna tuiciin, Sodom leh Gomorrah cihte in Pasian om takpi ahihna hong telsak mahmah hi. Tuate banah ki-itna tangthu Jacob leh Rachel; kimuhdahna tangthu Jacob leh Esau; pianna Isaac, Jacob leh atate; sihna tangthu Sarah, Rachel, Jacob, Joseph; tualthahna tangthu Cain, Simeon leh Levi; kimaisakna tangthu Esau leh Jacob, Joseph leh a sanggamte cihbang in omdimdiam hi. Sialehpha khentel theihna’ng makaihna, upna lamah Abraham leh Jacob, tatkhiat ding lam-etna lampan gulpi kisuksiat nading leh Khapsa Gam cihte zong omlai hi.

See also  HSS 2:  JERUSALEM ATANGA BABULON

Tu quarter sungtengah Piancil laibu simsukziau lelbeklo in – a tangthu hoihte kisin in, Abraham, Isaac leh Jacob Pasian, Piangsakpa Topa tawh kikhawlh siamna sungah nuamsa ding hihang.

Tua laibu in Eden huanpan kipanin Babel tausang pan Khapsa Gam ah, Egypt pan Khapsa Gam ciangdong, lam-etna lianpi neisa in vakthaap keei in vantungthak leh leithak zuan i hihna hong phawksak hi. Hih Piancil laibu laimai khatkhit khat etsuksuk ciangin, ahun, amun, ngeina leh pianziate a kibat hetlohteei hang, tua tangthute in eite a ding mahmah ahihna i mu ding uhhi.

Jacques B. Doukhan, DHL, ThD, pen Andrew University SDA Theological Seminary ah Hebrew leh Laisiangtholui telkhehna lamah ah professor ahi hi.

Download (PDF, 1.11MB)

Download (PDF, 652KB)

Tags: , ,

Admin

Admin

Top