Zo Phualva Vol 10, Issue 1: PIANGSAKPA LE NEBUCHADNEZZAR

Zo Phualva Thupuak - Vol 10, Issue 02

PIANGSAKPA LE NEBUCHADNEZZAR

A Nung Thu—Nebuchadnezzar’ pa in Nabopolassar hi a, 626BC in Babylon pen gamlian khat in hong bawl hi. Ama sih ciangin a tapa Nubuchazezzar in 605BC in kumpi hong sem hi.

Nebuchadnezzar in kumpi a sep zawh 604BC in Judah gam khuapi Jerusalem umcih a, kumpi Jehoiakim le Judah mite tampi salmat in ciahpi hi. Salmat tampite lakah Daniel, Hananiah, Mishael, leh Azariah-te zong kihel uh hi.

Kumpi Nam—Tua asalmat te lakah kumpi nam, mi thupi  a om kha hiam ci in kumpi innsung ukpipa ahi Ashpenaz a dot sak ciangin Daniel, Hananiah, Mishael, leh Azariah-te lawmta teng kihel hi.

Kumpipa in hih Judah mi thupi lite ading minthak khat ciat pia a, amaute biak Beel pasian min tamsak pah hi. Daniel’ min dingin Belteshazzar, Hananiah’ min dingin Shadrak, Mishael’ min dingin Meshak, Azariah’ min dingin Abednego a phuak hi. Hibang in min a kheksakna pen Babylon ngeina le upna khempeuh amaute sungah om dinga, tuate tawh khangkhawm ding cih lametna nei hi.

An Siangtho Bek Ne—Kumpipa Nebuchanezzar in innsung ukpipa Ashpenaz kiangah hih Judah salmat lite sam in, kumpi gam pilna namcin sinsak dingin sawl hi. Daniel le a lawmte in Babylon gam sunga om pilna namcinte sin theih nadingin hunpha ngah uh hi.

Tua ahih manin Daniel le a lawmte in pilna a ngah nading le a ciim nading un Babylon kumpipa’ anpiakte a neek nadingin innsung ukpipa in gen hi. Daniel in, tua an le lenggahzu te sangin singgah tuamtuam le tui siangtho a piak nadingin Daniel in ngen hi. Tua ngetna in innsung ukpa adingin a lauhuai dinmun tun a, patauhna le launa piangsak hi.

See also  Upna Hanga Diktanna

Pasian piak ciimna in Daniel theisak a, ni 10 sung zia-et masa dingin ngen hi. Innsung ukpa in ni 10 sung ngak a, ni 10 a cin khit ciangin a sit leh midangte (aisan siam, mitphial siamte le khongkhai theite) sangin a mel uh hoihzaw a pilmel zaw uh hi.

Sittelna Thuak—Daniel le a lawmte in midangte tawh Babylon gama om pilna ahi, Babylon ngeina, biakna, le aksi lam ahi zong pilna namcin a sin zawh uh kum thum khit ciangin kumpi pa maiah kilaak in sittelna thuak uh hi. Tua sittelna ah Daniel le a lawmte in midang khempeuh sangin a zah sawm in pilzaw le ciimzaw cih kumpipa in mu hi.

A Mangmat a Mangngilh Kumpi—Kumpipa in a kumpi gam uk ding tawh kisai in thu ngaihsun in om a, tua bang a om ciangin zanin mang khat man hi. A mang pen mangngilh a, phawkkik thei lo hi.

Tua a mangmat a gen thei ding le a khiatna a hilh thei ding mipil teng kaikhawm hi. A mang le akhiatna a gen theih kei uh leh that khin ding cih thupiak om hi. Daniel theisak se lo in kumpipa mang va hilh dingin, panmun sang ah om ding cih ngaihsun uh hi.

Thah ding thu Daniel kiang a tun ciangin Daniel om khong lo in, amanlang in Kumpipa kiang pai nading ngen a, Kumpipa kiang hun tawmno khat ngenin, a mang lamdang hilh ding kamciam pia hi.

Daniel in Pasian kiang angetna te kidawngin, tua mang lamdang pen kumpipa kiang va hilh hi. Tua mang in, milimpi khat hi a, a lu pen kham, a awm teng ngun, a taii teng silngo, a khe teng sik le a khepek teng sik le buan kigawm hi a, a et laitakin kuama khuk loh suangtum khat hong tuuk in tua milim denga, milim tuuk in kzancip hi cih thu Daniel in gen hi.

See also  Innkuan sung Sumzeekzia Ding

Tua na mangmat in mailam thupiang dingte hong hilh khol hi. Tua na muh milim’ ii a lu ahi kham pen nagmah na hi hi. Ahi zongin na kumpi gam kiplo ding a, nang sanga nemzaw in hong laih ding hi ci in hilh hi.

Kumpia in, “…na Pasian pen thuthuk a lak, pasian khempeuh sung pan a lianpen, kumpite’ tunga Topa ahi hi,” a ci hi. Nebuchanezzar in Topa thei hi.

Kham Milim—Tua A mangmat in kumpipa lunggimsak a, milim pumpi kham in bawl in, Dura zangkuam ah koih a, Babylon gam sunga ulian khempeuh sam in tua milimpi maiah kun ding in pawipi khat bawl hi.

Zangkuam a Meiphual—Tua milim a bia lote meikhuk ah khul ding ci in thu ia a, meikhuk gol mahmah khat bawl sak hi. Tua pawi ah Daniel’ lawmte ahi Dhadrak, Meshak le Abednego te zong kihel uh hi a, tua milim maiah kun nuamlo uh hi.

Tua milim a biak noplohna in kumpipa hehsak mahmah a, mei a sat sagih in sa sakuh a, khatvei hun kipia kik in, kun teitei ding cih thu hi. Daniel lawmte in, “Kumpipaw aw, meikuang sungah nong khul leh ka Pasian in hong honkhia ding hi. Hong hot kei mahleh zong milim kunin ka bia tuan kei ding uh hi” ci in gen hi.

Thakhat in kumpipa dingto a, tua mi thumte hencipsak in meikhuk ah lawn sak a, a khulte nangawn mei in hullum hi.

Kumpipa in Mihing Tapa Mu—Tua meilii sungah thum bek kilawnsuk hi napi in, meikhuk sungah mi li lampaikhawm uh a, Nebuchanezzar in, “..a lina pa pasiante tapa khat sun” ci in pulaak in, tangval thumte sam khia a, “amau Pasian longal pasian dang omlo hi” ci in tangko hi.

See also  Zo Phualva Thupuak, August 2019

Novel Coronavirus: Hi pen pul natna cih theih khat hi. Bak (bat) sa nekna pan kipan hi diing in ki-um hi. Wuhan khuapi pan kimukhia ahih manin Wuhan Virus zong ci uh hi.

Tu in Sen gamah 7,711 bang cina in om a, 170 bang sikhin ta hi. Singapore ah tu ciang mi 10 mukhia ta uh hi. Malaysia ah hih natna a ngah 7 phata ci in The Strait Times in gelh hi.

Hih Coronavirus hangin Arizona State University sangnaupangte in sang khak ding ngen uh hi.

 

GC 2020: Leitungbup GC 2020 khawmpi pen June 25, 2020 in Indianapolis, USA ah kinei ding hi.

Download (PDF, 205KB)

Tags: ,

Admin

Admin

Top