ZSL 8: Piansakna: Piancil Bu in a Tawphah, Khen 1

Zomi Sabbath School Lesson 8: Piansakna: Piancil Bu in a Tawphah, Khen 1

Lesson 8                                                             *May 16–22

 

Piansakna: Piancil Bu in a Tawphah, Khen 1

 

Nipini (Sabbath) Nitaklam                                 May 16

Tukalsung Simding: John 1:1–3; Genesis 1:3–5; Exodus 20:8–11; Revelation 14:7, Matthew 19:3–6; Romans 5:12.

Kamngah: “A kipatcil in Thu a om hi, tua thu in Pasian tawh a omkhawm hi, tua thu in Pasian ahi hi. Amahin a kipatpan kipan Pasian tawh a omkhawm hi. Amah in na khempeuh a bawl hi, amah lo peuhmah tawh bangmah kibawllo hi. Ama sungah nuntakna om a, tua nuntakna in mihing adingin khuavak ahi hi.” John 1:1–4.

            Piancil laibu khaanlian masate in Laisiangtho buppi bulpi ahi hi. Laisiangtho buppi upna thukhun khempeuh in hih munte siksan uh hi. Hih tengah Pasian in , Pa, Tapa in (John 1:1-3; Hebrew 1:1, 2), le Khasiangtho (Genesis 1:2) in nasem uh a, leitung le asung a omte khempeuh a bawl a, a nasepna sangpen ahi mihing a bawl hi (Genesis 1:26-28).  Piancilbu in Sabbath zong hong hilh (Genesis 2:1-3), siatna bulpi (Genesis 3), Messiah leh hotkhiatna ngiimna (Genesis 3:15), leitung buppi tuiliim (Genesis 6-9), thuciamna (Genesis 1:28; 2:2, 3, 15–17; 9:9–17; Genesis 15), kam tuamtuam hong kaatna (Genesis 10, 11) leh, Piancil pan kipan Abraham dong khanggui hong theisak hi (Genesis 5 leh 11).

            Anunung penin, Pasian’ kammal vanglian (Genesis 1:3; 2Tim 3:16; John 17:17), mihing pianzia (Genesis 1:26-28), Pasian’ omzia (Matthew 10:29, 30), numei le pasal kiteenna (Genesis 1:27, 28; Genesis 2:18, 21-25), leitung le a sung omte kepcinna (Genesis 1:26; 2:15, 19), puahphat kikding lam-etna (Isa. 65:17; 66:22; Revelation 21:1) cihte khempeuh in, tukal leh maikal a i sin ding Piancil chapter masate siksan uhhi.

 

Nimasani (Sunday)                                                                           May 17

A Kipatcilin . . . .

            Genesis 1:1 simin. Hih munah bang thuman thuthuk hong kilak hiam?

……………………………………………………………………………………………………………………………………………………

            Laisiangtho in, a sangpen, athukpen, alianpen leh a baihpen kammal, a simte ading tehpih omlo thuthuk ahi hi. Ei kuate ih hi a, hihtengah banghangin ki omthei a, koi bangin piang i hiam cih dotna teng hong dawnsak hi. Hunkhat lai in Pasian hongbawl manin i omthei hi. Bangmahlo pan piang mawkmawk i hi kei hi; eima kamthu, ngiimna omlo, leitung mipilte hilhbang khawngin piangmawk zong i hi kei hi. Charles Darwin in piangmawkmawk a cihte pen Laisiangtho tawh ki lehbulh mahmah a, pawlkhatin laisiangtho tawh kituak in koihnuam uhhi.

            “Akipatcil” lai in Pasian in eite hong piangsak hi. Tua a kipatcil mapek in, Pasian omkhin zo thampek cihna ahi hi. Hunte a kipiansakma Ni, kha, kum le “nitak le zingsang” a pianma in Pasian omkhin hi. Hih kipatcilna pen, Laisiangtho mundangte’n zong panpih uh a, Pasian’ nasepna ci in sang uhhi (John 1:1-3).

            John 1:1–3 le Hebrews 1:1, 2 simin. Piangsakpa kua hiam? Singlamteh tung a sihna in bang khiatna nei hiam?

…………………………………………………………………………

            Laisiangtho in, Zeisu pen Piangsakpa hi a, “na khempeuh Amah tawh kipiangsak in, Amah lo tawh kipangsak khatzong omlo” (John 1:3) ci in gen hi. Zeisu tungtawnin “Leitung a bawl hi” (Heb. 1:1, 2). Na khempeuh in Zeisu bulkip nei uh a, Zeisu in zong Alpha le Omega, a kipatna leh a tawpna ahih manin, ama patsa nakhat, a tawpdongin tangtut ding hi” (Revelation1:8; Revelation 22:13).

            Pasian hong piansak a hihlam nakitheihna in bang hong lamdangsak hiam? Na upkei lehzong ngaiHsunpha in. Nang le nang nahi a, midang ahi zongin na koici muh hiam, bang hang hiam?

See also  Thuciamna Lim

 

Ninihni (Monday)                                                     May 18

Piansakna Nite

            A sawtlua nailo lai in, piansakna nite in, a taktak hihetlo, gentehna limpua leh, phuahtawm thubang liangin kigen hi. Evolution kici kikhelkhel cih upna hong laanpan kipanin, leitung a pianna dingin hun kumtampi beisak ci in um uhhi. Hih thu tawh kisai Laisiangtho in bang hong hilh hiam? Piancil sung a, piansakna nite pen, banghang in ni pen ni mahin simding kul hiam?

            Genesis 1:3–5 le Exodus 20:8–11 simin. Hih tengah “ni” pen bangtawh kizomin zang hiam?

…………………………………………………………………………………………………………………………………………………

            Hebrew pau in yom a kici “ni” pen piansaklai hun khempeuhah Ni taktak mahin kizang hi. Piancilbu sungah piansakna thute in nisim Ni lobuang nidang khatpeuh gen hetlo hi. Laisiangtho a siamte pawlkhatin ni taktakin ummello a, laikungpu in ni taktak dingin a cihmawkmawk hi ci uhhi. Pasian in , huna piansak cillai panin tuamin (Genesis 1: 5) a kipsaksa ahi hi. Yom kici Ni pen “zingsang khit teh nitak” (Genesis 1:5, 8). A laimal limlim a tam hilo, khat tung bekah zanghi.

            Tua ahihteh, piansakna ni sagihte pen, ni taktak mah hi a, akizom diudeu in simsuk echad (“khatna”) leh nihna thumna le li nate in zomsuk diudeu in ni sagihni dong omsuk hi. Ni kizomsuk diudeu in ni sagihni omsak hi. Hih nite kikalah huntampi omcihna peuhmah kilaklo hi. Ni sagih sung piansakna pen ni sagih taktak mah hilel hi. Pasian in thukham nambat lina a gelhlai in, ni sagihni Sabbath ni pen, piansakna ni sagih lak ah khatmah hilel cihthu zong na gelh hi.

            Piancilbu sung piansakna bek piansakna hihetlo hi. Zeisu hong kumsuk ni ciangin, “pengkul nunung hong ging ding a, mitphiatkal sungin” sih theihna pan sihtheih nawnlohna ah i kikheel ding hi (1 Cor. 15:52). Apuahphat kikna ding hun tomno bekmah hilel ahihleh a bawlcillai in, evolutionte upna bangin, kum billion simin lak kulsese ding hiam?

 

Nilaini (Tuesday)                                                                   May 19

Sabbath le Piansakna

            Tu hun ciangin, ni sagih Sabbath ni pen leitung mite le biakna mite’n nakpi takin do uhhi. Leitung kipawlnate’ hun gelna sungah ki telcian mahmah hi; Europe lamgamte in Ninihni (Monday) ni khatni hisak in, Sunday ni sagihni suaksak uhhi; Sawt nailo deuh khat in, leitung khualum tawh kisai papal thuthansak khat ah, ni sagih Sabbath pen “Jew mite’ Sabbath” hi a, leitung khualum kiamsakna dingin, tuani tawlngak ding hanthawn hi (Pope Francis, Laudato Si’, Vatican City: Vatican Press, 2015, pp. 172, 173).

            Genesis 2:1–3, Exodus 20:8–11, Maku 2:27, le Revelation 14:7 cihte simin. Piansakna hun nipi kaal le thukham 4na akizopna nakoici tel hiam? Vantungmi thumte thupuak tawh koici kizop naci hiam?

…………………………………………………………………………

            Laisiangtho in, “Ni sagihni in Pasian in  a nasep khempeuh zokhinta” (Genesis 2:2) cihi. Piansakna ummi tampi in, Pasian in  piansak nasepna ah, a ni gukni in piansak nasep khawl nailo cih phawk khalo uhhi. Sabbath a piansak khit ciangin anasep azo hi. Tua ahih manin Zeisu in “Sabbath nipen mihingte’ ading kibawl a, mihing pen Sabbathni ading kibawl hilozaw hi” (Maku 2:27) cihi. Zeisu teekin Sabbath ni Pasian le A mite thuciamna seal in bawl ahih manin, atung a thupiak a pia hi. Sabbath in Hebrewte bek hilo in, mihing khempeuh ading ahihi.

            Piancil laibu sungah Zeisu in Sabbath a bawlkhitteh thu thum hong hilhlai hi. Amasa, Amah “tawlnga” (Genesis 2:2) in eite zong tawlngak ding lim honglak hi. Anihna, a ni sagihni “thupha pia” (Genesis 2:3) hi. Piansaklai in ganhingte thupha pia (Genesis 1:22) a, Adam le Eve gelzong thupha pia (Genesis 1:28) in, thupha apiak Ni pen nisagihni bekmah ahihi. Athumna, Pasian in  “siangthosak” (Genesis 2:3) hi. Hih thuthumte a ngah nidang peuhmah omlo hi. Pasian in  a khutmee tawh thukhamte gelh in Sabbath a bawlna le a tunga thu thumteng thukham 4na sungah helkik hi (Exodus 20:11).

See also  ZSS 7: Mawh Maisakpa Pasian

            Revelation 14:7 le Exodus 20:11 sim lecin, Sabbath thukham in, piangsakpa direct a biakpiakna a hihi. Sabbath tawh direct a kizopnate in koibangin, hunbei dong kizomsuak ding hiam?

 

Nilini (Wednesday)                                                               May 20

Piansakna le Kiteenna

            Hun nunung kum zalom pawlkhat sungin, mite leh kumpite mahmah in kiteenna tawh kisai thu tampi takmah lumlet uhhi. Gam tampitakte in, vanneih kibang kiteenna tawh, Pasian in pasal khatleh numei khat innkuan suakding cih thukhampen lumletgawp hi. Kiu tuamtuam pan in ngeina tawh a kitukalh thukhat hi a, kiteenna tawh kisai, pawlpi leh gam, innkuanvai tawh kisai in dotna tampi takmah omsak hi.

            Genesis 1:26–28; le Genesis 2:18, 21–24 simin. Kiteenna tawh kisai, Pasian in eite etteh ding bang lim hong hilh hiam?

……………………………………………………………………………………………………………………………………………………

            Ni gukni in Pasian in , piansakna tungnungpen, mihing a piangsak hi. Pasian in mi tamna lak in thugen hi. “Eima’ lim eimah hong sun in mihing bawlni” (Genesis 1:26 ) cihi. Thumgawm Pasian sung a om a mimal simin ki itna takpi tawh, Pasian piak leitung kiteenna piangsak hi.

            “Pasian in ama’ limbangin mihing piangsakin, Pasian’ lim bangin amah a piangsak hi” (Genesis 1:27). Adam in, “hih pen keima’ guh le keima sate ahi hi” (Genesis 2:23) ci a, Adam in amah “numei” aci hi. Kiteen manin, “pasal in a nu le a pa nusia in a zi tawh kigawm a, amautegel pumkhat ahi uhhi” (Genesis 2:24) cihi.

            Nu le pa sung pan a piangkhia ngiat numei le pasal in, tua bang dinmun ah omding cihteh Laisiangtho zong tel haksa veve hi. Leitungah i nu le pa masategel tungah hih thu kihilh masa pen pah a: “Pasian in , amau thupha pia a, ‘cipha in tampi pha unla, leitung dimin zo un.’”(Genesis 1:28) aci hi. Thukham 5na sungah tate tuute in Nu le Pa zahtak ding (Exodus 20:12) a cih pen zong, vanneih kibanglo kitenna lobuang tawh tangtung thei hetlo hi.

            Matthew 19:3-6 sung Zeisu’ kammalte simin. Hih munte in, kitenna dinmun le sianthona bangpeuh hong theisak hiam? Zeisu’ kammal khuavak sungah, Pasian in  mawhnei mihing khempeuh hong itna phawkden in, Laisiangtho bulphuh kitenna sungah koibangin dingkip thei ding i hi hiam?

 

Ningani (Thursday)                                                  May 21

Piansakna, Puukna le Singlamteh

            Laisiangtho in, a picing Piansakna, puukna, kamciam Messiah le a nunung Hotkhiatna cihte’ kizopna kip hong lakzo hi. Hih thuphamawhte in mihing hotkhiatna’ng ngiimnate’ thubulpi hong suak hi.

            Genesis 1:31, Genesis 2:15–17, le Genesis 3:1–7 simin. Pasian bawlsa a picing piansakna tungah bangpiang hiam?

…………………………………………………………………………

            Pasian in  a piansaksate “hoihlua” (Genesis 1:31) ci hi. “Piansakna ki zo sitset ta… Eden zong leitungah palh zihziah hi. Adam leh Eve tegel in suakta takin nuntakna singkung zang thei uhhi. Tua apicing piansakna tungah, sihna le mawhna peuhmah themzong bang vetlo hi” —Ellen G. White, Patriarchs and Prophets, p. 47. Pasian in , Adam le Eve tungah “tua thukham singkung pan na nek peuhmah uhleh, na si takpi ding uhhi” (Genesis 2:15–17) ci hi. Gulpi in, ama’ khemna pen Pasian’ kammal tawh aki tukalh dotna khattawh kipan a “na si takpi kei ding uhhi” (Genesis 3:4) cihi. Satan in Pasian tawh kibatna pilna sangmahmah kamciam hi. Eve in um ziau lel hi.

See also  Sinna 2: I Khensatnate

            Paul in, Genesis 2:15-17 sung a Pasian’ kammal koibangin kipsakkik hiam? Romans 5:12 le Romans 6:23 simin. Hihte in, Pasian upna le kikhelkhel a pianna upna koibangin kizomsak hiam?

…………………………………………………………………………

            Laisiangtho sungah, laikungpute in, Laisiangtho thute thuman ahihna teci panguh a muhna zaizaw zong hong musak hi. Romans 5-8 sungah, Paul in mawhna le hotkhiatna thu pulak hi: “Mi khat hangin leitungah mawhna hong-om a, tua mawhna hangin sihna hong piang hi” (Romans 5:12). Kikhelkhel a pianna upna in mihing pianma in kum awntampi paikhin ci in um uhhi. Hibang upna in, mawhna bulpi le Zeisu eite mawhna hangin hong sihna le hotkhiatna thute lumlet gawp hi. Mawhna le sihna kizom keileh, mawhna thaman zong sihna hihetlo ding (Rom 6:23) a, Zeisu zong eite a ding hong sihsak kullo ding hi. Tua hi a, Piansakna, Puukna le Singlamteh cihte in, kiptakin kizom dimdiam uhhi. Adam masa in Adam nunung (1Corinth15:45, 47) tawh kizom hi. Kikhelkhel a pianna Darwin’ upna in, Pasian’ thu-um mite pawlkhat sungah hong lutleh, a Christian upna hong suksiatsak ding hi.

 

Kiginni (Friday)                                                                               May 22

Ngaihsutbeh ding: EGWhite, Patriarchs and Prophets sungpan “The Creation,” pp. 44–51; “The Literal Week,” pp. 111–116, in Thupiangte’n kipsakzel, etkaakpih dingte tawh, laikung laidal tawh, kampau leh thu dang tuamtuamte in behlaplap in, Piancil 1na sung a yôm pen nai 24 asawtbek ‘Ni’ taktak mah hilel cih kipsak hi. “Piancil 1na laikungpu in, ‘ni’ khat taktak mah hilel cih ding zong bangmah naphawkkha tuanlo hi” Gerhard F. Hasel, “The ‘Days’ of Creation in Genesis 1: Literal ‘Days’ or Figurative “Epochs’ of Time?” Origins 21/1 [1994], pp. 30, 31.

            “Lungsim pilpen nangawn, Pasian’ thu makaihna omlo in leitung pilna leh genkholh thute a sinnop hangin a lungziinglel ding hi. Piangsakpa le ama’nasepte pen, mihing’pilna galkhatlam pekah omlai a: leitung ngeinate in hilhcian zolo ahih manin, Laisiangtho thute pen muanhuailo hong cihsakziau uhhi.” EGWhite, 8T p. 258.

 

Kikup Ding Dotnate:

  1. Atung a Ellen G. White kammalte simin. Tulai hunin ei Christainte’n zong, ama cihbang lianin, Laisiangtho sangin leitung pilnapeuh pahtawizaw in, Laisiangtho thute muanhuai a salo peuh i omkha hiam?

 

  1. Kikhelkhel in piangcih upna a laan mahmah laitakin, Laisiangtho i pahtawi ding bangzah thupi hiam? Christian sungah tuabang upna neimi a omleh (Rom. 5) sung a Paul cihbangin, Zeisu’ Singlamteh le Adam’ puukna a kizopzia genpihlo ding nahi hiam?

 

  1.    Laisiangtho in Pasian genkholhna ahihleh, thu-um mite’upna leh mitte kihongin, laisiangtho gen a lianzaw thute mu ding uhhilo hiam? Tua ahihleh Pasian’ thuman thutak amu Christiante khawng “lungsim kihonglo” peuh banghangin hong kici thei hiam? Aman takin cileng, Pasian umlote leh leitungna bek itte muhna in, Christiante’ muhna sangin toizaw thampek hi.

 

  1. Thu-umte in Pasian’thu sungah kiptak a din laitakun, numei pasal thupeuh tawh a buaibuaite koibangin i huhthei ding hiam? Nu le pa mawhna tawh a kiman numei nu’geiah suangtum tawi temtamte bang i hih lohna’ng bangci kidop ding hiam?

 

 

 

 

Tags: ,

Admin

Admin

Top