Pilsinna: 4th Quarter 2020 Sabbath School Lesson

Khangham Sabbath Sang Laisiangtho Sinna

PILSINNA

Agelh: Seventh-day Adventist College President-te

October, November, December

2020

A Sung a Om Thute

1. Eden Huan sunga Pilna (September 26–October 2) ……..…….
2. Innkuan (October 3–9………………………………………….
3. Thukham in Siapa (October 10–16 …………………………….
4. Topa’ Mit: Laisiangtho in Leitung a Muhna (October 17–23)
5. Zeisu Eite Siapipa (October 24–30)…………………………….
6. Siapipa kiangpan Pilna Tuamtuam (October 31–November 6)
7. Pilna Tawh Biakpiakna (November 7–13) …………………….
8. Pilna leh Hotkhiatna (November 14–20) ……………..……….
9. Pawlpi leh Pilna (November 21–27) ………………………….
10. Arts leh Science Lam Pilsinna (November 28–December 4)
11. Christian leh Nasep (December 5–11) ………………………
12. Sabbath: Pasian Omzia Nuntakpih (December 12-18) ………
13. Vantung, Pilna, leh Kisin Tawntungna (Deceehmber 19–25)

Christian Pilsinna

            “Topa zahtakna pen pilna kipatna hi a, Siangthopa theihna pen thumuhna ahi hi.” (Proverbs 9:10)

          Atunga Laisiangtho mun ngaihsun in.  Akinai mahmah thu nih: “kihta” Pasian’ vang leh minthanna zahtak mahmah; “thei” Pasian’ omzia theitel mahmah cihte ahi hi.  Pilna, theihna leh thumuhnate in Pasian sungmah ah zungkha uhhi. Pasian in na khempeuh’ bul hi a, na khempeuh Ama’n bawl in kisak hi (John 1:1-3; Col. 1:16, 17). I theih bangbang aneu mahmahte, lungnote, vanmite, dawite “vantung a-uk vangliatnate” (Eph. 3:10) in Pasian hang bekin kip uhhi.  Pilna, theihna khempeuh in zong Pasian sung mahmah ah zungkha uhhi.

          Laisiangtho kician mahmah hi: “Pasian in itna hi” (1 John 4:8) a, EG White in zong: “Itna in, piansakna, hotkhiatna leh pilna diktakte’ bulpi ahi hi.  Eite lam hong lakpa ahi thukham sungah zong kician takin omhi.  Alian leh amasa thukham in, ‘Na Pasian, na lungsim khempeuh, na kha khempeuh, na thahatna khempeuh leh na ngaihsutna khempeuh tawh it in’ (Luke 10:27) ci hi. ‘Ciangtan omlo Pa, atheikim Pa pen lungsim khempeuh, kha khempeuh, thahatna khempeuh leh ngaihsutna khempeuh tawh itna in vangliatna sangpen ahi hi.  Pumpi, lungsim leh kha avekpi mahin Pasian suunkik dingin puahphatna ahi hi. ” – Education, p. 16.

          Topa in na khempeuh’ bulpi hi a, pilna diktak, Christian pilna khempeuh in Zeisu leh agenkholh thute khempeuh lamah ih lungsim hong makaih hi. Piansaksate leh akammalte, Khazih genkholhte tungtawnin, kisap khempeuh hong kipia a, Topa tawh kizoptheihna hong neisak, lungsim khempeuh, kha khempeuh tawh hong itsak hi.  Piansaksate zong kum tampi sung mawhna in susia gawpkhin hi napi, Laisiangtho tungtawn a Pasian’ Thu Laisiangtho sungah ih simte mah bangin vanglian veve hi. Ahih hang Laisiangtho pen thuman taktak hi a, Pasian in bang hi a, bang hong sepsak hiam cih ciaptehna lianpen ahi hi. Laisiangtho sungah piansakna leh hotkhiatna tangthute in Christiante ading thubulphuhpi ahi ding hi.  Sawltak John in “Mi khempeuh ataan khuavak” (John 1:9) ci hi.  Zeisu tungtawnin mikhempeuh in nuntakna neithei ahih mah bangin, Zeisu tungpan mahin Pasian’ khuavak ngahthei ding uhhi.

          Tuabang laitak mahin, kidona lianpi peuh i thuakzel a, tua pilnate ingah theihlohna dingin galte in hongdal thei hi. Christian pilna sungah bangpeuh omtaleh, Pasian hongpiak vantungpan khuavak mah sangnaupangte’ i teelsak ding hi. Zeisu in “Mi khatpeuhin leitung khempeuh angah hangin a nuntakna bulpi suplawh leh bang phattuamna omhiam?” (Mark 8:36) ci hi. Leitung pilna, laisiamna, sumbawl siamna leh engineer khawng siam mahmah napi nihveina sihna meikhuk sung atun leh bang phatuam ding hiam?

          *Tu quarter sinna thulu ahi “Christian pilsinna” in bang phattuamna hong pia a, pawlpi bup ahi a, mimal ihi zongin, tua pilna koibangin ngahthei ding i hi hiam?

          Tu quarter Khangham Sabbath Sang Laisiangtho Sinna pen, America saklam gam a om Seventh-day Adventist college leh university-te pan Siapipate pawlkhat in hong gelh uhhi.

Download (PDF, 584KB)