Thu Makai¹⁹

Hih laibu in Lai Siangtho tangthute thaksuak sakin Lai Siangtho sunga akigen ciaute a kician zaw in gen pha hi. Tua ahih manin a sunga thu omte ii thupilam kician theih zawka lungsim sungah sauveipi kiciamteh thei zaw hi. Lai Siangtho in Pasian ngimnate leh a nuntakna siantho ziate hong muh sak banah, Satan gitlohnate kilangh sak a, Satan kiniam sak nadingte zongh gen hi. Mihing’ lungsim hatlohziate leh Pasian hehpihna bek tawh mihingte’n Satan’ khemnate a zawh theih dan zongh lakkhia hi. Pasian in a ngimnate Lai Siangtho sunga a gelhsak mah bangin tu hun ciang dong mah tua bangmahin sem lai hi.

            Tu laitaka mihingte’ dinmun in piancil laia tawh kibanga Pasian tawh kimaitang hona a omloh hangin, Pasian in mawk nusiat lo in, A Kha Siangtho tawh mite hopih hi. Tua ahih manin, Paul in zongh hih bangin ci hi:  “Pasian piaktuam khuavak ngahna in Khrist nungzuite hamphat tuamna ahi hi.” Heb. 10:32, 6:4. John in zongh: “Siangtho pen kiang panin teel ding khat na nei uh hi.” ci hi. I John 2:20. Khrist in van a kah madeuh in a nungzuite kiangah Kha Siangtho a paisak ding lam kamciam na pia hi. Tua Kha Siangtho in amaute hehnemin, thumaan a kiciteng ah makaih ding hi.” John 14:16,26.

            ²⁰Hih ih Topa’ kamciam pen pawlpite tungah bangci bangin hong tangtung ding hiam cih thu Paul in I Cor. 12; Eph. 4:8-13; Matt. 28:20 ah na gen hi. Pawlpi thuhilh nading leh liatsak nading ci hi. Tua bek thamlo in, genkholhna tampi takin hun nunung cianga Kha Siangtho kibuahkhiat dan ding leh Jesu hong pai ding hun cianga, Pasian pawlpi in Jesu teci panna a neih dan ding zongh kician takin gen hi. Jesu teci panna ih cih in hih genkholhna thute ahi hi. Act. 2:17-20, 39; I Cor. 1:7; Rev. 12:17; 19:10. Hih nate tung tawnin, Pasian in a pawlpi itin, kem hi cih kimu thei hi. Banghang hiam cih leh, a Kha Siangtho pen a mite lam hilh ding, hehnem ding, makaih dingin hong om sak man ahi hi. Tu hun a Kha Siangtho kisap zah vaal hun om ngei nai lo hi.

            Kha Siangtho in mite lungtang leh lungsim sungah theihna pia-a lampi manah a makaih dan tuamtuamte Lai Siangtho sungah kimu thei hi. Tuate lakah nihte in mangmuhna leh mangmatna (vision & dreams) ahi hi. Hih lampite zanghin Pasian in a mite tawh kizom lailai hi. Hih thu tawh kisai-in, “Ka thu ngai un: Note lakah kamsang khatpeuh na om uh leh, Keimah na Topa un Keimah leh Keimah mangmuhna pan ahizongin, mangmatna pan ahi zongin ka hong kilak ding hi,” ci hi. Numbers. 12:6. Hih lampite mah zanghin pilna theihtheihna lianpi Balaam tungah kipia hi. Numbers. 24:15,16.

            ²¹Mawhna in mihing leh Pasian kigamla sak hi napi, gupkhiatna lampi a kivaihawm khit tak ciangin, Pasian in A Tapa leh a vantungmite tungtawnin mihingte tawh kizopna nei lailai hi. Khat veivei, Moses tawh a kiho bangin kiho zel hi napi, a tamzaw pen mangmuhna leh mangmatna tungtawnin a hopih zaw hi. Adam pan khang sagihna Enoch in zongh Khrist nihvei hong paina na mukhol in: “En un, Topa in a misiangtho tul sawm tampite tawh hong pai hi.” Jude 14. “Kha Siangtho hilh bangin misiangthote’n thu a genkhia uh hi.” 2 Pet. 1:21. Khrist hun tak ciangin, tuiphumpa John in Kha Siangtho tawh kidimin, hilhkholhna a gen hi.” Luke 1:67. Simeon zongh Topa Jesu mu loin si lo ding cih kihilh zo hi. Tua hi a, Jesu pen a nu leh a pate’n vun at sak dingin biakinn ah a hong paipih tak uh ciangin, Simeon zongh Kha Siangtho sawlna tawh hong pai a, Jesu a tawi khit ciangin, thupha pia a, Jesu tawh kisai hilhkholhna a genkhia hi. Anna, kamsangnu zongh tua hun laitakin hong pai a, Jesu gupkhiatna thu a gen hi.  Luke 2:26,36.

              Kha Siangtho kibuak nading thu a kigenna ah: “Tua hun khit ciangin ka Kha Siangtho ka bua dinga, na tanu leh na tapate un kamsang bangin thu hilh-in, na uhamte un mang a man ding uh a, na khangnote un mang a mu ding  uh hi. Na sila numei leh pasalte tungah ka kha ka bua ding hi…..” ²²Joel 2:28-30.

            Pentecost ni-in Peter in hih genkholhna a tangtunna gen hi. Nungzuite in Kha Siangtho tawh kidimin pau tuamtuam in thu a gen uh hi. Nungzuite zukham lua uh a mawk paupau danin a kimawh sak tak ciangin, Peter in “Na upmawh bangun, hih bang nai thum hunin hih mite’n zukham lo uh hi. Tu in Joel genkholhna a hong tangtung ahi ta hi. Tua a cih khit ciangin, a tunga Lai Siangtho mun sim in, “Tua hun khit ciangin” a cihna munah “ni nunung ni ciangin,” ci hi.

 Joel genkholhna pen tawm khat bek a tangtung pan hi zaw hi. A vekpi in tangtung nai lo hi. Banghang hiam cih leh tua ni-in u haam kuamahin mangman lo, khangnote kumah’n mang mu lo, genkholhna thu genlo, meikhu sisan khuampi suak lo, ni mial lo, kha sisan suak lo hi. Ahih hangin Joel genkholhna pen a tangtung a hi veve hi. Kha Siangtho kibuak ding a cih zong hih Pentecost hun bek ah kibuak ding cihna na hi lo hi. A hun in Topa Jesu hong paikik ni dong huam hi.

                 Pentecost ni pen Joel genkholhna bek hi lo, Jesu mahmah hilhkholhna nunung pen ah, “Pa kiangah thu ka ngen dinga Amah in Hehnempa…. Kha Siangtho, pen a hong pia ding hi” John 14:16,17 ci hi. Tua Hehnempa, Kha Siangtho, Ka pa in kei min a hong paisak ding pen in note na khempeuh a hong hilh ding hi. John 14:26. ²³“Amah, Thumaan Kha Siangtho, a hong pai ciangin, thumaan khempeuh ah a hong makaih ding hi. John 16:13. Sihna pan a thawhkik khit ciangin, Khrist in a nungzuite kiangah, “En un, Ka pa thuciam note kiangah kong pia hi: tua ahih manin Pasian’ thahatna tawh na kituam mateng uh Jerusalem khua ah na ngak un” Luke 24:49.

                Pentecost ni-in nungzuite pen Pasian’ thahatna tawh kituam takpi mah uh hi. Ahih hangin Jesu hilhkholhna pen Joel a bangmah in hih mun bekah hi lo hi. Jesu in kamciam dang khat apiakna ah, amaute tawh a tawp donga a om khawm den dingin kigen hi. Matt. 28:20. Mark in bangci bang danin Topa in ompih ding cih gen hi. “Amaute pai uh a, mun khempeuh ah thugen uha, Topa in zongh seppih in a thugente uh nalamdang tuamtuam tawh kipsak hi.” Mark 16:20. Peter in zongh Pentecost ni-in hih Kha Siangtho nasepna teci pang lai hi. Thu-um Judah mite’n, Nungzuite kiangah, “Bangcih ding ka hi uh hiam?” a cih uh ciangin, Peter in, “Kisiik unla, na mawhmai nadingun na vekpi un Jesu Khrist min tawh kituiphum un, tua hileh Kha Siangtho na ngah ding uh hi. Banghang hiam cih leh hih thuciamin no leh na tu nata leh agamla pi a omte, Topa Pasian min a suang khempeuh ading ahi hi,” ci hi. Act. 2:37,39. Tua ahih manin, hong pai lai ding hun khempeuh zongh, Jesu’ mawhmaisakna a sang nuam peuhmah adingin Kha Siangtho in a tuamtuamin na asep theih nading hunpha a pia hi.

              Kum 28 khit ciangin Paul in Korinte (1 Cor. 12:1)kiangah a gen in ah: U leh nau te aw, “Kha Siangtho letsong tawh kisai in bangmah na theihloh ding uh deih lo hing” Kha Siangtho pen khat bek hi napi a nasep dan pen zai mahmah hi. Kha Siangtho in pawlpi sunga a nasep pen mihing pumpi nasep tawh kibang hi. Pumpi in van tuamtuam nei a, tuate khat tek in sep ding thupi mahmah khat tek nei  uh hi. A vekpi un a sepkhop uh ciangin a ²⁴cidam pumpi khat a suah mah bangin pawlpi sungah zongh Kha Siangtho nasepna in a tuamtuam hi a, a vekpi-in pawlpi cidam nading vive ahi hi. “Tua ahih manin, Pasian in mi pawlkhatte na lamdang bawl thei, cidam sak thei cih bang, huhna pia thei, ukna siamte, pau tuamtuamte cih bangin koih dimdiam hi.”

             Kum nga khit ciangin Paul mah in Ephet khua mite kiangah Kha Siangtho letsongte’ ngimna tuamtuamte hilhcian hi. “Tua hi a, Amah a sangna ah kahto in, a kikhihcipte tonpih to a, tua ciangin mite tungah letsong a tuamtuamte a pia hi…pawlkhatte sawltak, pawlkhatte kamsang; pawlkhatte thuhilhsia, pawlkhatte pawlpi cing leh sangsia cih bangin, misiangthote kisiansuah nading leh Jesu Khrist pumpi picin sak nading ahi zong, upna kibat nading leh Pasian Tapa theih nading ahi zong, Jesu sungah kua in mi cingtaak hiam cih a kitheih nadingin a pia hi.” Eph. 4:8,11-13.

             Hih Pasian piaktuam siamna tuamtuam tawh kipumkhatna pen nungzuite hun a kipan Mihing Tapa hong pai hun dong a ²⁵om zo lo ding ahi hi. Ahi ta zongin leitung beima deuh ciangin Satan in telsate nangawn khem a sawm a, a siam theih tawpa na a sep tak ciangin, hih nasepna tuamtuamte pen nidang sangin kisam zaw ding hi. Tua ahih manin, Kha Siangtho kibuak nading thu ah ni nununga om mite ading hi phadiak hi.

             Tu lai hun in ah, Kha Siangtho letsong tawh kisai laibute pen mi tampite in tu hun a ding hi loin, nungzuite hun lai pek ading hi cihsan zel uh hi. Ahih hangin, hih nate in Khristiante kisap penpen galhiam hi a, Khrist nungzuite a pai khiat manloh nading a kidaalna lum ahi hi. Acts. 20:29.30.

             Tua ahih manin, hih haksat huna, buaina leh siatna pan hong keem ding Kha Siangtho letsong tuamtuamte ih bei mang sak ding pen a lauhuai mahmah thu ahi hi.²⁶

            Theih ding thu khat ah, siantho sitset mateng, ²⁷hih Kha Siangtho nasepna tuamtuam pen a kisam den ding ahi hi, banghang hiam cih leh sianthona a kingah ciang bekin, hihte kisam nawnlo pan ding hi. Nungzuite’n hih nasepna a tuamtuamte a kisap uh leh tu hun ciangin nakpi takin kisam zaw kaan ding hi hangh.

             Pawlpi tunga kipia dinmunte lakah a kizui laite pawlkhat in Pastor, sia, huhpa, ki-ukna cihte, a vekpi in kizangh toto lai hi. Tua ahih leh, upna, cidam sak theihna, genkholhna genna, cihte om thei lo ding hiam? Kuamah in om thei lo ding ci thei lo hi, banghang hiam cih leh hihte khempeuh a kipiak khiat hun a kibat bangin a kikim ciat uh hi.

             Hih Kha Siangtho letsongte hun nunung ciangin om kik ding hi cih Mangmuhna 12:17 panin kimu thei hi. Rev. 12:17 ah numei leh ama suan cih thu kigelh hi. Numei pen pawlpi limla hi-a, a suan pen pawlpi mite khat peuh cihna ahi. A om sun a suante cih thu in hun nunung, Jesu hong pai hun a om pawlpi mite cih nopna ahi hi. Hih pawlpi mite in “Pasian’ thukhamte zui-in, Jesu’ teci panna a nei uh hi.” Jesu’ teci panna ih cih in, Rev. 19:10 ah “Genkholhna thu te hi,” na ci a, tua ahih manin Kha Siangtho letsongte lakah genkholhna letsong zongh khat ahi hi.

             Hih letsongte pawlpi in nei ding cih manin, pawlpi mi khempeuh in neih thei hi tuan zenzen lo hi. Hih thu tawh kisai in sawltakpa in I Cor. 12:29 ah: “Mi khempeuh sawltak ahi uh hiam? mi khempeuh kamsang ahi hiam? Mi khempeuh sia ahi uh hiam?” etc… ci-in na dong hi. A dawnna ah hi lo hi, mi khempeuh hi lo in, ahi zongin, tua letsongte pawlpi mite lakah Pasian deihna tawh kituakin kihawm dimdiam hi. I Cor. 12:7,11. ²⁸Pawlpi mite lakah mi khat bekin hih letsongte laka khat a neih bek leh zongh tua pawlpi in hih Kha Siangtho letsong a nei hi kici thei hi. Tua hi a, a nunungpen pawlpite in hih letsongte aneih ding hi a, tua mah bangin tu-in Jesu teci panna ahih kei leh genkholhna, letsong nei hi ci-in upna a om hi.

             Lai Siangtho mun dangah sawltakpa in a gen in ah: “Ute naute aw, a hun leh a nite thu gelha kong piak nading a om kei hi. Banghang hiam na cih uh leh, zana gutate hong pai mah bangin Topa’ Ni in hong tung ding hi ci-in note mah in a tel takin na thei uh hi. Ahih hangin ute naute aw, tua Ni in guta mi bangin note tungah a hong tun nading inah note in khuamial lakah na om kei uh hi.” I Thess. 5:1-2,4. Tua khit ciangin, Kha Siangtho letsong thu tawh kisai in, “Kha Siangtho huhna na mitsak kei un. Pasian kamsangte’ thu na simmawh kei un. Na khempeuh sinin a hoih nate na len tawntung un,” I Thess. 5:19-21. A neu 23 ah hih hilhkholhna letsong a nei dingte Jesu hong pai kik ciang dong pau bang lo, kawk bang lo a, a om theih nadingun thu nget sak lai hi.

           Hih a tunga thuteng panin, hun nunung pawlpite sung ah Kha Siangtho letsong hong kilangkhia in, tua in khuavak tampitak leh hilhna tampitak pia khia ding hi cih um hi lo ih hi hiam ?

             Na khempeuh pen sawltakpa gen bangin sittel ding kisam hi. “Na khempeuh sittel unla, a hoihnate len tawntung un,” ci hi. Eite Gumpa mahmah in zongh, “A gahte uh tawh amaute na theithei ding uh hi,” ci hi. A diakdiakin Lai Siangtho in Pasian’ Thu hi cih leh a pumpi in pawlpi hi a, tua pawlpi lutang in Jesu hi cih upna neite ka hanthawn phadiak hi.

Smith.