PROTESTANT LEH SABBATH ( PART I)

PROTESTANT LEH SABBATH ( PART I)

Protestant pawlpi tuamtuam te sung pan in Lai Siangtho lam mipil te leh thuhilhsia te in “Sunday ni pen Sabbath ni bangin zat nading Lai Siangtho sungah siksan ding ki mu lo hi” cih thukim tek uh hi. Lai Siangtho thuman iim zo lo in a pholak khiat uh kammal te i en suk ding hi.

METHODIST CHURCH]

John Wesley :
Methodist pawlpi phuankhiapa in a ngenna ah “Thukham sawm sungah biakpiak ni tawh kisai thukham pen kamsangte leh Jesu in paaikhia lo hi.Jesu leitung ah hong vak lai-in zongh thukham peuhmah paih khiat ding giimna nei ngei lo hi. Thukham swm khempeuh in khangtawn adingin thunei lai hi. Hih thukham pen mun leh hun twh ki sai beek hi lo hi. Pasian’ zia leh tong leh mihing kizopna thugui khunpi ahih man in kikhel thei hi lo hi.” (✿ John Wesley, The Works of this Rev. John Wesley, A.M.John Emory, ed. (NY: Eaton And Main Sermon 25,vol 1,221).

D.L. Moody :
Thungensiam minthang mahmah, Dwight L. Moody in Sabbath twh kisai hih bang in na ngen hi,’ ” Eden huanah Sabbath ki zang hi.Tua hun pan in Sabbath a ki zangh suak ahihi. Thukham nambat li na pen “phawk in” ( Remember ) cih twh ki pan hi. Hih pen Sinai ah Pasian in thukham a ngelh ma in Sabbath om khin ahihna lahna ahihi. Hih thukham a dang kuate zongh zuih ding kul lai hi. Bag hang in mite in Sabbath ni kiphiat, beita, om nawn lo ci thei uh hiam?” (✿ D.L.Moody, Weighed ang Wanting ( Fleming H. Revell Co.: New York), 47,480) .

READ  KALSUAN ZIA LAMMAN NEIHNA DIG THUSIM ( PART I )

Harris Franklin Rall :
Sunday thu ngaihsun in. Lai Siangtho thak ah pawlpi in nipi kaal khat ah ni masa ni pen biakpiakni dingin ahong neih uh pen Christiante in a zuih ding ni hi-ci-in Lai Siangtho malkhat in zong hong ngen lo hi. Tham lo in Judah mite Sabbath pen Sunday ah khel theihna dingin Lai Siangtho sawlna gual khat zong om lo hi.(✿ Harris Franklin Rall, Christian Avocate , July 2,1942, 26).

E. O. Haven :
Sabbath pen mite’ ading hong ki bawl sak hi a, Hebrew mite ading bek hi lo in mi khempeuh ading ahi hi. (✿ Pillar of Truth, p. 88).

PRESBYTERIAN CHURCH

T. C. Blake :
Lai Siangtho siam leh mipi muan mahmah T. C. Blake in a ngenna ah “Sabbath thu pen thukham sawm sung ah khat ahihi. Hih thu bek in Sabbath tawlngakna kip tawntung ahihna hong lak den hi. Tua manin thukham sawm bek in Sabbath kip tawntung hi,cih hong hilh hi.” (✿ T. C. Blake, D.D., Theology Condensed, 474,475).

BAPTIST CHURCH
Dr. Eward T. Hiscox :
Sabbath ni saingtho-a zat ding thukham om ngei a, zong om lai hi. Christian te’n tua Sabbath pen Sunday ni hi i cih pen man lo hi. Tua Sunday Sabbath a om lai pen koi ah om mawk hiam? Lai Siangtho thak sung ah Sunday Sabbath tan theih nading siksan mun khat beek om kilkel lo hi.Jesu in a nungzuite kum thum sung a thuhilhna ah Sabbath tawh ki sai dotna zongh kikum ngei lo uh a,tua bang a Sabbath pan Sunday a khelna uh zong gen ngei lo hi.A thawhkik zawh ni 40 sungin tua thu na ngen kha lo hi.
Christian tangthu sung ah Sunday a kizatna thu ka mu-aa ka thei hi. A theih huai thu in Sunday ni pen Dawibiate biakna lim in ki zangh hi. Tua ni pen Ni pasian min tamsakin, Papal lampialna hang in Ni siangtho ni dingin sang uh a, a siantho go leh gamh dingin Protestant biakna sungah ki lutpih hi. (✿ Dr. Eward T. Hiscox,A paper Read Before A NewYork Minister’s Conference, Nov. 13, 1893, resported by in NewYork Examiner, Nov. 16,1893 ).

READ  The Relevance of Adventist Teachings in Animist Cultures

William Owen Carver :
Judahte’ Sabbath ni pen Ni masa Sunday ah Jesu in Christiante biakpiak nadingin a khelsakna na om ngei lo hi, na ci hi. (✿ William Owen Carver, The Lord’s Day in Our Day, 49).

ANGLICAN ( EPISCOPAL CHURCH )

Isaac Williams :
Ni masa ni Sunday pen biakpiakna-a zat dingin bang Lai Siangtho sungah ki ngelh ngei hiam? Ni masa ni zat nadingin thu hong ki pia ngei lo hi. Ni masa ni i zatna a hang pen Lai Saigntho gen bang hi lo a, Roman Catholic pawlpi thupiakna hang ahihi. (✿ Isaac Williams, Plain Sermons on the Catechism, vol. 1, 334, 336 ).

“A siampite un ka thukham palsatin, a siangtho biakna nate ninsak uh hi. A siangtho biakna nate le a mawkmawk nate khenna mel nei lo uh a, a tate uh tungah a siang le a nin a kilamdanna zong hilh lo uh hi. Sabbath-te zong donin nei lo uh hi. Tuate khempeuh hangin Israel mite in kei hong zahtak lo uh hi ” ( Ezek 22:26) . A cih bang tektek in tu hun mite khiang ah zong hong tung ta mawk hi. LAI SIANGTHO THUMAN HILHNA AH CIAH KIK NI.

Tags:

Admin

Admin

Top