ZSL 12: SABBATH: PASIAN OMZIA NUNTAKPIH

Zomi Sabbath School Lesson 12: SABBATH: PASIAN OMZIA NUNTAKPIH, Tedim, Zolai, Zokam, Zopau, Thado, Paite

 

Lesson 12                                                   *December 12–18

 SABBATH: PASIAN OMZIA NUNTAKPIH

 

 

SABBATH NITAKLAM                     December 12

Tukalsung Simding: Gen. 1, 2; Exodus 16:14–29; Isaiah 58:1–14; Matt. 12:1–13; Luke 13:10–17.

Kamngah: “Sabbath ni pen mihingte phattuam nadingin kibawl hi a, mihing pen Sabbath phattuam nadingin kibawl hi lo hi. Tua ahih manin mihing tapa pen Sabbath nangawn a ukpa ahi hi.” Mark 2:27, 28.

            Jodie pen sangman dingte lakah Seventh-day Adventist amah bek hi a, ama’ upna kidawkna dingin Sabbath ni in thudang tuamtuamte ah kihel nuamlo hi.Nikhat, a lawm Gayle in amah sam hi. Gayle’ pasal in, kalguksung khualzin ding a hih manin, Jodie hong hawhnop nakleh, mai Friday nitak bangmah semtuanlo a hih manin, amaugel hun zangkhawm ding ci hi.

            Friday nitak liivei annekhawm, lasakhawm, Christian upna kihawmsawnin, a kikholh uh nuamsa mahmah uhhi. Friday ngavei nitak ciangin, Gayle in khuasung zaypai hi’ng ci’n genkawm in a nai a etleh, Sabbath naimahmah tahi. Jodie zong Friday zan livei bang Christian thupuak zakhin a hihmanin, Pasian’thu tampitak mah theikhinin, a upna zong kipmahmah khin hi. Sabbath in mimal pilna leh khantohna piangsak limlim hi.

            Sabbath ni pen tawlngakni bek cilo in, pilna khantohna a hihlam theihna in lawphuai mahmah hi.

 

SUNDAY                                                                         December 13

Lamdang Sakna Hun

            Piancil 1 leh 2 sungah Pasian’piansak thunih tegel nalungngai khangei hiam? Piancil 1 in piansak hunlai kalkhat sungin nuntakna kipiangsak in, niguk ni in a sangpen piansakna ahi mihing pasal leh numeibawl cihthu ciang ciamteh hi. Piancil 2 sungah, tuathumah hinapi muhdantuam in nigukni kipulak hi. Adam kibulphuh in, nakhempeuhte in amah leh numei aading: Eden huan, gunte ganhingte leh adangte khempeuh leh numei mahmah zong ama’aading ahi hi.

            Piansakna pen thuthuklua mahmah ahi hi.   Amasa in a Piangsakpa’ vangliatna, siamna leh hoihna bukim a muthei a picing mahmah mit a neipa Pasian’ thu i theimasa hi. Tua banah, piansaksa na khempeuh  it in a kemcingpa ahihna hong theisak leuleu hi.

            Piancil 1 leh 2 sim inla, Sabbath masapen ngaihsun (Gen. 2:1-3) in, piansak masak tengtawh piansak nihnateng khuikhawm in. Na thukhupna in Sabbath pen Pasian thupha a hihna leh siangtho a hihna koibangin hong telzaw sakthei ding hiam?

            Sabbath masa ni a Adam leh Eve bangin nangmah hongn kibawl in ngaihsun in. Na nuntak masak ni, it lawm tawh omkhop masak ni, Pasian tawh kikholh masakni ahi hi. Pilna khan ni ahi hi.   Hibang na hoihte a bawl Pasian’ thu sin kipatni ahi hi. Saipi enin lamdangsa, uiphuk enin lamdangsa, a dangdangte zong e. Sa-ngawngsau leh lawi na muhteh nui hiauhuau ding e. Mel tuamtuam, piandan tuamtuam, awging nam tuamtuam; limna leh namtuina tuamtuamte leh, anel aham tuamtuamte sungah na lungnuam mahmah hi. Adiakin kikholhkhop kisin ding a: ki tavuan neihna, kidon kikhoina kisin ding hi. Na pianna Pa nathei ding a; piansaksate nazangthei ding hi.

            Sabbath masapen zong Adam leh Eve puamngeungau in omlo uhhi. Piangsakpa Pasian leh a piansaksate khempeuh tawh kikhawl uhhi. Amau adingin lamdang sakna hun ahi hi.

            Tua Sabbath masa pen ni-in Adam leh Eve pilna a khangte gualsuk dih in. Tumdang khin taleh, tuni eite’n i ngahtheihlai ding bang pilna a omlai diam? Tuate in Sabbathte koibang in hong nuamsakthei ding hiam?

READ  2nd Qtr: Innkuan Hunte

 

MONDAY                                                         December 14

Muhkhiat-kikna Hun

            Israelte Egypt pan paikhiatpih dingin Moses a kisaplai in, mipte’n bel Pasian’tate a hihlam uhzong theinawn beeklo uhhi. Amailam a ding thupha tampi ciamkhol a, biakpiak ding a ngenpa Pasian in kua hiding hiam cih a muhkhiatuh kul hi. A khualzinna lampi tawntungah a kisin ding a thupipen in Sabbath ahi hi.   Minamdangte maiah Pasian leh hih minamte adingin a kician mahmah kizopna nei ahi hi.  Manna anlum a piakna in zong Israelte pilna piakna ah a picing mahmah Pasian nasepna ahi hi.

            Exodus 16:14–29 sim inla, Israelte kisin ding bang pilna peuh a omhiam?

____________________________________________________________________

            Pasian in Israelte ading manna moh pen a tumdang diakin pia a, nisim khamkhop ding bek pia hi. Tua sang a tamzaw pia venvan lehbel a vaihawm pipa phawknawnlo kha ding uhhi. Tua a hihmanin nisimin a deihsakna, Pasian in lak tawntung hi. Sabbath ni ciangin, omzia kikhel sak a, tuani in tuampian ding hi. Na lamdang nih piangsak hi: Friday ni in moh a zah nih pia in, zan thapai muat vetlo lel hi. Tuathu hangin Sabbath in Israelte aading hilai a, amaute a gumkhiapa a hihna phawkkiksak in amaute zong Pasian’ mite ahihna phawksak hi.

            Israel mite in tua moh kum 40 sung tawntung neding uhhi (Pai.16:35). Pasian in Israel mite vak ahihna phawkna’ngin maana-moh omer khat kemdingin Moses thupia hi (Pai.16:32, 33). Sabbath in a kituamkoih ahihlam theihna khangtohna phawkna zong ahi hi. Thudang tuamtuam tawh zongin Sabbath in ki tuamkoih ahihna kician takin Pasian in laklai hi.

            Amaute Pasian ahihna leh Ama’ mite ahihna zong Sabbath mah tawh lahtel sitset hi. Tua ni siangtho sakding in Pasian in sawl hi mahleh, amau a Piangsakpa omzia leh tatzia leh ama’ hong kepcinna a thukzaw in a teltheih nading uh ahi hi.

            Sabbath a cimtak mahmah khangno khat tawh kiho hile cin e. Laisiangtho leh nulehpa te’n a cihman peuh a tang hilel cini. Sabbath’thu hoihtak a telphat nadingin nakoici huhtheih ding hiam?

 

TUESDAY                                                           December 15

A Phamawh Masate sinna Hun

            Israel mite Pasian tawh a kizopna uh khangto kiamsuk cihte in, a Sabbath tandan tawh kisai mahmah citciat hi. Sabbath a tannoplohna uhpen Amahtawh kizopna a omlohna hi cih Pasian’ muhna a hihi (Jer. 17:19-27). Sabbath sungah a aapthakna in kipuahphatna hipah a – a deihhuai a phamawh ahi hi.  Isa. 58 in zong kician takin hong lak hi.

            Isaiah 58:1–14 simin. Tuhun eite nangawn a dingin thuphamawh khat Pasian in amite bangthu pia hiam?

________________________________________________________________________________________________________________________________________

             Israel mite in Pasian’ thuzuite hiphot uh a – biakpiakna, antanna khawng nei napi uh a, a nuntakzia uhpen biaknavai khin photphot in gamtat hoihna neibang hi uh ahihhang, a lungsim takpi tawh Pasian’ thukham zuitakpilo uhhi. Pasian in Ama’mite kiangpan a lam-et thute Isaiah 58 sung ah hong pulakkhia hi.

            Tua zong a vekpi hi nailo hi. Isaiah 58:13, 14 simlai in. Atawpna lamah Pasian in Sabbath mah a bulphuh citciat banghang hiding hiam? Kamsangpa kammal zatte: “note deihna bang zuilo in, note’ utbang hilo in, motpau loin na omuhleh” ci in hong vau hi. Sabbath ni peuhmahpen ngeina ombangin biakpiak maimai ding hi zawlo a, eima’deihna bangbek ngaihsun loin, biak taakcingpa deihna bang ahilote hihlo ding cilai hi. Sabbath ni pen “nuamsak ni” hisak in “zaktakpiak ding” ahi hi.  A nuai simsuk ciangin, Sabbath ni in Pasian’omzia leh a ngiimna kisin ding a, mite tungah tuate i nuntakpih ding ahi hi. Sabbath tandan leh biakpiakna ciang i theihbek leh kicing zolo hi. I nuntak laiteng khempeuh, a sangzaw a thupizawte Sabbath ni in i sinbeh lai ding hi.

READ  Lesson 7: Innkuan Pumkhatna Tawhtangte

            Sabbath nuam nasa hiam? Nuam nasakkei leh bangin hong kikhelsak thei ding hiam? Sabbath zahtak ding nakisin nai hiam? Sabbath School khansungah kikum dih vo.

 

WEDNESDAY                                                     December 16

Khaikim Ding Zonna Hun

            Zeisu in Pasian’ thukham zahtakin lamsang hi (Matt. 5:17, 18). Biakna makaipite in Pasian’ thukham a letkhiatzia khawng zong Zeisu in taiigawp hi. Sabbath kepcin theihding ciang lobuang lauhthawn gawpna khawng pau tuanlo hi.Biakbuk makaite in zong, Sabbath ni in Torah laibute simsak ngiatngiat uhhi. Laitheite leh Phariseete in thukhamte a laimal in theitel mahmah uhhi. A hihhang Zeisu in tuate tungsiah ah a nungzuite pilna piazaw hi.

            Matt. 12:1–13 leh Luke 13:10–17 simin. Hih thute tungtawnin Zeisu in Ama’ hun mite bangteng hilh a, tulai eite zong e?

            Zeisu in Sabbath ni in cina a damsak a kilangdo manin, Khalamthu leh mawhna omzia tawh kisai ngaihsuthuai thutampi hong piang hi. Sabbath hongpianna a hangthu, Zeisu leh a Pa kikal a kizopna, Zeisu pianzia leh Ama’ ukzawhna cihte ahi hi.

            Sabbath tungtang Zeisu ngaihdan pen tukal i kamngah sungah ompah hi: “Sabbath ni mihingte phattuam nadingin kibawl hi a, mihing pen Sabbath phattuamna dingin kibawl hi lo hi. Tua ahihmanin mihing tapapen Sabbath nangawn a ukpa ahi hi.” Mark 2:27, 28. Sabbath ni peuhmah pen vangikpi hisak hetlo hi. Mihingte in Sabbath a bawlpa Pasian omzia tatzia atheihna ding, leh adiakin Apiansakna thute kisin theihna dingin a “bawl” ahi hi.  

            Ama’ tatzia leh thudotna tawh Zeisu in a nungzuite, Jew makaipite leh mihonpite in, amau upna uhleh a Pasian uh a thukzawlai in telmuh theihna dingin makaih hi. Hih ding hihloh ding cih khawng a siakhollo thukham tuamtuamte sungah awkding baihmahmah lel hi. Ahihang a tawpna ah, Pasian’ omzia leh deihna theitel takpi a, Khazih’ siangthona muangin, Ama’ thu manglel in omding sangsik in, eima hanciamna ciangbek khawngtawh hong khawlsak thei hi.

            Nang Sabbath tandan e leh? Topa theitel takpi a, Ama’ sungah tawlnga takpi maw, aike’h hihding hihloh ding cih ciang bek maw? Nang ading Pasian’ ngiimna lamah koibangin kikhel thei ding nahi hiam?

 

THURSDAY                                                        December 17

Veng Ading Hun

            Zeisu in kalsim in biakbuk paizia ding nungzuite limlak ngiatzo hi. A thawhkik khit in zong nungzuite in zomsuak uhhi. Sawltakte in thawhkikna tawh kisai in dotna dawnnate a bawlna dingin biakbuk in mun hoihpen hong suak hi. Zeisu pen, Hebrew Laisiangtho in a genkholhsa, Sabbath sial a kisimden Messiah acih pen hipah hi. Thu ummite in Jewte leh “Pasian kihta” (Acts 13:16, 26) mite tungah, Zeisu a lapsang theih nadingin, tua biakbuk sangin a hoihzaw mundang koiah omnawn hiam?

READ  ZSL 10: ARTS LEH SCICENCES LAM PILSINNA

            Anuai a munte simin. Nungzuite in mipi lakah Zeisu’ thu teci a panna koibangin gen hiam? Koitakah gen a, kuate tungah gencih nasim kawmin ngaihsun inla bang hamphatna ngah uhhiam? Acts 13:14–45; Acts 16:13, 14; Acts 17:1–5; Acts 18:4.

____________________________________________________________________

____________________________________________________________________

            Nungzuite’n teci panna in mimal mitmuh leh Laisiangtho kammalte zang uhhi. Paul bangin Israel tangthu tawh “i pate” (Acts 13:17) in Egypt ah ci in, thukhente, kumpite, kumpi David pan kipan Zeisu piandong khangbang sutsuk hi. Paul leh a dangte in amau phutkhak ngiat leh a mitmuh thute pen Laisiangtho genkholh thutetawh khuikhawm uhhi. Thu tangko in, kikum kinial uhhi. A mau aituam teci panna leh Laisiangtho thugenna, thuhilhna leh kikupna cihte in muibun mahmah uhhi.Biakna makaipi pawlkhat bangin, tua nungzuite in Jew leh Gentile tetungah tuazah bangin a huzaap zawhna dingin bang vangliatna nei hiam ci in haza mahmah uhhi.

            Seventh-day Adventist pawlpi in Laisiangtho tangkona, genna, hilhna leh hopsawnna i neih zia tangthukip mahmah omhi. Sabbath School laisinna leh sun hunpi thuhilhna, AY kikaihkhopna cihte pen, Seventh-day Adventist pawlpi a dingin pilna kipiakna ngeinakip ahi hi.

 

Friday                                December 18

Ngaihsutbeh Ding: EGWhite, The Desire of Ages, laimai 281-289, “The Sabbath,” simin.

            “Jew mite leh a kiim gamte kikal ah, Sabbath lobuang a kitelzaw khentelna a dang omnawnlo hi. Sabbath a tangte pen Pasian in Amah abia mite ci in ciamteh hi. Milim biate tawh kikhentel theihna leh, Pasian taktak tawh kizopna ahi hi. Sabbath sianthosak theihna dingin, amaumah kisiansuah kul hi. Upna tungtawnin Khazih’ dikna keete hong suak uhhi. ‘Sabbath ni siangthosak ding phawkin’ a cihlai in ‘Kei adingin note nasiangtho ding uhhi’ (Exodus 20:8; 22:31) cihi. Israel mite in Pasian abia mite a hihna Sabbath bekmah in khentel hi”—Ellen G. White, the Desire of Ages, p. 283.

            “Khazih in eite hong siansuah theihnading in Sabbath in lim ahi hi. A’sianthosakna vang a hihmanin, Sabbath zong, Khazih tungtawnin Pasian’ Israel mite ahi khempeuh tungah kipia hi.”—The Desire of Ages, pp. 288, 289.

Kikupding Dotnate:

  1. Seventh-day Adventists pawlpi in Sabbath ni in hihtuaklo thute ngaihsun zel uhhi. Tukal i sinna sungpan, Sabbath in pilna hong khangsak ahihna hong phawksak thute dotna in gualsuk dih in. Gentehna: “Pasian omzia hong theitel sakzaw dingin Sabbath ni in bang ka hih ding hiam?”
  1. A tungah EGWhite kammalte ngaihsun in. I veng-sungah Sabbath tangte i hihna pen ngeina bang a tanlelna in pulak zolo hi. “Khazih’ sianthona a ngahte” a ki “siansuahsa” mite i hihtheihna dingin mimal koici omding i hi hiam? Sabbath tawh koici kizop hiam?
  2. Sabbath koibangin telzaw semding nahi hiam? Hong pai ding kha 12 sungteng ah Sabbath tanna hangin kisin ding mungtup 3 khawng gendih in.

 

 

Tags: ,

Admin

Admin

Top