Sabbath Tona

Vincenzo Gallina, 29

Germany; February 15

German mi IT specialist Vincenzo Gallina in bang thu piang hiam cih theitel zolo hi.

Leitung buaina khat khit khat kizom toto hi—9/11, Europe gam Sumzon sumzuak buaina, ngongtatna, le gam bel-a va-om mite’ buaina cihte a kipan siatna, buaina kidim den hi.

“Na khatpeuh ki khial hi limlim hi.” Vincenzo in “leitung beiding hi ta in teh” ci hi. Gamvai tawh kisai-in deihtakin thu kan hi. You Tube panin zonggkhia hi. Aneu lai-a, akikhopna biakinn-ah hong kilehkik hi.

Vincenzo pen Sunday ni kikhopnate-ah pongmaan in kikhawm khol lo hi. Saturday le Wednesday ni kikhop khawngte-ah zong ki khawm neknek hi. Pawlpi makaite-in amah lunglut mahmah uh-a, siampi suak dingin deihsak mahmah uh hi. Vincenzo in nial hi. Amah pen leitung thupiangte bekah lunglut-a, nuntak siangtho lunggulh hi.

A zonkhiatna tungtawnin, alungsim sungah thu thum lenkip hi. (1) bangthu bangla piang taleh thumaan lenkip ding, (2) mite’ tungah citak den ding, adiakdiakin ama’ pumpitung mahmahah citak ding, leh (3) agen bangin gamtading, cih ahi hi.

Lai Siangtho asimsim leh alungsim sungah buaina khat hong om hi. Alaisim pen telthei lo hi. Nitak khat, Lai Siangtho ahilhding Pasian in mi khatpeuh asawl nadingin nakpi takin thu ngen hi.

“Topa Pasian aw, Na Kammal ka simsim hangin thei theilo kahih manin, ka lungmawlna hong maisak in,” ci hi.

Khatvei You Tube sung hong tokkik leuleu hi. Tua leh Seventh-day Adventist pastor khat’ thugenna palsuk kha hi. A ngaih mawkmawk leh alungsim asukhakek khat om hi. Tua thugenpa in athugen khempeuh Lai Siangtho tungtawnin gen setset ahih manin paakta mahmah hi.

A sawt loin, nisimin You Tube sermon nga ta bang ngai den hi. A lungsim sungah tua athuzak thakte pen, tuihuupna akeu gega leh tui akimuh ciangin ahuupkeu ziauziau bangin, lut ziahziah pah hi.

Ni sagih ni pen Lai Siangtho Sabbath ahihlam atheih ciangin, a khua uh, Colgne-a om, Adventist Biakinn-ah Saturday nite-in va kikhawm zel hi. Piangsak Pasian bia nuam hi. Pasian’ Thukhamte zuih zawh ding hi lo hi, ci-a Satan’ gennate a maanlohna teci pang nuam hi. Thumaan ahih nakleh koi mun koi gam hong tunpih zongin letkip ding khensat hi.

A nulepate tawh damlai ahih manin, nuntak siangtho tawh tuam omding cihpen ahaksat lailam kithei hi. A nulepate’n an neek ma-in thu ngen lo uh hi. Sabbath ni in TV hongg lel uh hi. Sabbath tanh, athupina tawh kisai-in tawm hong lunghiang pian hi. Mate 2:27 sung aa, “Sabbath pen mite’ adingin akibawl hi-a, mihing pen Sabbath a’ dingin akibawl hi lo hi” cih hong ngaihsun hi. Tua banah, Paul kammal ahi, “Note, thukham’ nuai hi loin, hehpihna nuai-ah na om uh hi” Rom 6:14. Sabbath tanh hong khawl ta hi.

Khat vei, Friday nitak nitum khit, Vincenzo in a computer a mekmek laitakin awging khat in, “Ka Thupiakte khat nazuih lohlam na kithei gige hi” ci hi. Vincenzo in, midangte’ tung leh ama’ tungah citak ding ci-a, a thugui letkep hong phawk kik hi.

“Himah hi, Sabbath ka tangg kei hi. Tua tanh ding thupi taktak mah a hiam?” ci-in dongh kik hi. A nasep zom suak hi.

“Thukham zuilo nahih lam, na ki thei hi. Tua na gamtat pen maan lo hi” ci hi.

“Tua ahihleh hih Sabbath ni tanh ding thupi taktak maw leh” ci-in a Lai Siantho bu vom sabuai tung panin laamto kawmin Vincenzo in dongh kik hi.

“Jesu in mihing pen Sabbath a’ dingin ki bawl hi lo, ci-hi lo maw? Eite thukham nuai-ah om nawnlo, hilo ihia?” ci hi.

Tua awging khawl nai lo hi.

Atawpna ah, Vincenzo in Topa’ lamlahna ngen hi. A Lai Siangtho tawi kawmin Pasian kiangah dawnna kician ngen hi.

“Sabbath tangg dingin hong deih takpi na hi hiam, Topa aw? Nang a’ dingin thupi takpi mah hiam? Hih khensatna ka neih nadingin, Nangma’ huhna ka kisam hi” ci-in thu a ngen hi.

Pasian’ dawnkikna pen Amahmah in na khatpeuh a sepkhiatna tungtawnin theisak ding hi, ci-in ngaihsun ahih manin, a Lai Siangtho etlohsa-in leem-a, a kawk khak na munmun Pasian’ dawnna hi dingin a ngaihsun hi. Vincenzo in a mitsinsa in a Lai Siangtho hong leem leh, Isaiah 58:13,14 hong kawk kha lian hi. A sim leh, “Note in Sabbath siangtho sakin, Keima’ ni siangtho ni-in na nasepna panun khawlin Sabbath ni pen deihhuai sa-in, Topa’ ni siangtho pen pahtawihuai na cih uh a, note in pahtawi-in note’ deih bang zui loin, note’ ut bang hih loin motpau loin na om uhleh, Keimah biakna hangin lungdamna na ngah ding uh a, leitung khempeuhah pahtawina kong ngah sak ding hi. Na pu uh Jakob tungah ka piak leitang luahin nuam na sa ding uh hi. Topa ahi keimah in hih thu ka gen khin hi, a ci hi”.

Vincenzo zong kah hong kipanta hi. Tua bang dawnna angah khit ciangin na zong semzo nawn lo hi. A computer khak-in a Lai Siangtho hong leem hi. Tua hun-a kipanin Sabbath tawh kisai lunghianna nei nawn lo hi. Sabbath zingsang ciangin biakinn ah paikik-a, tu-in Sabbath a tankik zawh kum 29 bang pha ta hi.

Tu kuata Sabbath 13na mission sumpi khenkhat tawh Germany gam Darmstadt khuapi-a Marienhohe Sangpi building te ki puahsak ding hi. Phaltakin nong piakkhiat manun lungdam mahmah hi.

By Andrew McChesney