MSS 5: Sicily Ah Suang tawh Ki Deng

  Sicily Ah Suang tawh Ki Deng

 

Salvatrice “Salvina” Mazza, 85

Italy; February 1

Kum 13 apha Salvina Mazza pen a pa in, tai 33 (Km 43) a gamla Italy gam Sicily tuikulh ah siksakol tawh pai pih hi.

Ahizongin tua a khualzin uh pen nopthu hi khol lo hi. “Rosolini khua a, innkuan khat in Lai Siangtho hong hilh in hong ci veh aw” ci-in pa in a pai khiat ma un gen hi. “Nang zong Jesu’ thu koi ci hilh ding cih na theih nadingin ong zui oh” ci hi.

Pa in mawtaw nei lo ahih manin, Salvina tawh siksakol sik in Ragusa khua panin muallak guamlak nawk in hong pai ta uh hi. Ragusa khua ah Seventh-day Adventist a suak masa penpen ahi, a pa’ lawmte khat, Giovanni Giallanza in zongh zui hi. Giovanni in a pa pen Belgium gam a, Adventist pawlpi khat tawh ki meltheih sak hi.

A sawt lua lo in papi tegel le numeino, a thum un, Rosolini khua ah cidam takin va tung uh hi. Veng le pamte in kongvang neute hongg in lamdang sa in na en ngeingai uh hi. “Hih mite kua hi peuhmah ahia?” ci-in khat le khat ki dongh ngeingai uh hi.

“Hiah bang hih ding a hong pai uh a hia?” ci uh hi..

Tua venglepam te in zui ngeingai in tua innteekte’ inn ah va hawh henhan uh hi. A sawt lo in, inn sungah mi hong dim phitphet hi. Inntek pa in a zinte’ kiangah Lai Siangtho dot hong kipan ta hi. Pa in zong a Lai Siangtho bu hong hongg aa, tua sung panin a dawn na ding munte lak tel hi. Tua pa in a dang khat dot beh leuleu a, Pa in zong Lai Siangtho sung pan mah in dawng leuleu hi.

See also  3. Ka Samsau leh Ka  Papa

Pa’ dawn na tawh kisai in nupi nihte lungkim tuak pha lo uh a, ciah laulau uh hi. Tua zawh minit 20 khawng ding ciangin pasal nih, briefcase tawi kawm in, smart sitset in kongkhak ah hong dak uh hi. Tawmcik sung thu kigente a ngaih khit uh ciangun khat pa in a lawmpa ho phei hi.

“Hih te’n tua bang dan thute bang mah gen se lo pi, Lungdamna thu ahi, Pasian’ thute bekbek mah gen lel uh hi lo a hia!” ci-in ho phei hi. Tua mi nihte ciah kik uh hi. Den a lungkim lo a, ciah laulau nupi nih te in a sawl uh palik officer nih te a hi uh hi.

Tua zawh nai thum khit ciangin, kikhop ki man ta hi. Pa in zong amaute mangpha khak hi. “Na sin beh nop uh leh hong thei sak un, hong pai kik ding hi ung,” pa in ci hi.

Salvina zong siksakol tungah hong tuang kik in a pate tawh Ragusa ah ciah kik leuleu uh hi. Lamdang a sak mahmah khat ah, lam tawntung in mi a za aa sim na kigual zihziah uh hi.

“Pa aw, biakna pawi om baih ding maw leh, mi tam si ee” ci-in Salvina in dongh hi.

“Hi mah ei bawi, Ei a dingin pawi lianpi khat hong ki bawl sak ding hi ei” ci-in pa in dawng hi.

Tua a cih kawm in a awsuah hong ki lamdang a, “Nawh sik mengmeng ni ei, hih mipite kheng mengmeng nuam hang ei” ci hi.

A thum un ahih theih tawp un a manlang in sik mengmeng uh hi.

See also  ‘Hi, Hope Channel’

Tua kawmkal ah mipi lak panin nakpi tak a otna awging hong ki za hi. “Tua bang pawlpi i deih kei hi. Zongh i kisam kei hi. Hih khua ah protestant pawlpi deih lo” a dang khat in cih beh hi.

Mipite in suangtum tawmin  siksakol tuangte delh ta uh hi. “Bang mah thuk kik kei vo. Buai pih se kei vo. Nawh tak in sik mengmeng vo” Pa in ci hi. Salvina in ahihtheih tawp-a manlang in sik hi.

Mipite kiang panin a gamla simsim, a lung muanhuai khop khat a tun khit uh ciangin, Pa-in khawlpih a, aliam abai a-om kha uh hiam ci-in sit tel hi. Pasian kepna tawh avekun dam kim uh hi. A thumun kunsukin thu ngen uh hi.

“Kote nongkep nongdal manin Lungdam ung Pasian aw, Mipite in suang tawh hong denuh hangin kua mah ka liam kei uh hi” Pa in ci hi.

Rosolini khua pan in kua mah’n thu gen dingin Pa sam nawn lo uh hi. Pa, a min taktak Carmelo Mazza, in a upna a hopsawnna ah haksatna tampi mah tuak kha hi. Galpi nihna khit ciangin, Sicily tuikulh tung khua khempeuh ah siksakol tuang in maan zaih kawikawi hi.

Ahi zongin 1946 kum-a mipi in suangtawh a den uh hitaleh a dangdang haksatna a thuak hangin lungkia tuan lo hi. Amah le Giovanni in, 1952 kum in Ragusa khua ah amasa penpen Adventist Pawlpi phut uh hi. Tua banah adang pawlpi thum te: Mazzarrone, Modica le Vittoria ah phut lai uh hi.

Tu-in Salvina kum 85 pha ta a, ahizongin a siksakol tuan lai uh hoih takin phawk lai hi.

See also  Tua Thusim pen Kilawmtatna Hi

“Tua pen Pasian in lamdang takin hongkepna nalamdang hi. Cik mah hun in mangngilh ngei kei ning” ci hi.

Tua munah akido gawp khit-a kipan Salvina in Jesu thu agen ding lau nawn vet lo hi. A vengte in Adventist ahihna hangin simmawh bawlin, a nehpiksan uh ciangin lungduai takin thuak in, itna lak den hi. A sangkah lai-in zong alawmte le topate-in ako gawpgawp uh hangin a upna gengen lel hi. Tu na ngawn in zong, ama’ upna mah gengen lai hi.

“Hih lungdamna thu gen pen nuam sa ngiat ing” ci lai zen hi.

2016 kum sunga Sabbath 13na sumpite khenkhat tawh Ragusa a biakinn lam na in ki huh ngei khin hi. 1952 kum pek a, Salvina’ Pa in pawlpi a phuh a kipanin aki kawm-tawm’ biakinn bekbek ah a kikhawm uh ahi hi. Tua hi-a, amau’ biakinn taktak a neih uh ciangin nak lungdam phadiak uh hi. Tua bang na lianpite mission sumpi piakna tawh nong vaihawm sak man un lungdamna lian mahmah kong pulak kik uh hi.

 

By Andrew McChesney

Tags:

Admin

Admin

Top