Sinna 13: Hun Nunungah  Lungsim Kikheel

Lesson 13                                                   June 22 –  28

Hun Nunungah  Lungsim Kikheel

SABBATH Nitaaklam                                  June 22

Tukaalsung sim dingMalachi 4 : 5, 6;  Matt. 11 :14, 15;  17:10; 1 Kings18 : 20-45; Matt. 3:2.

Kamngah: “En un, tua a lauhuai lian mahmah, Topa’ ni hong tun ma in, no te kiangah kamsang Elijah kong paisak dinghi. Amah in pate leh tate lemtuah in, a kilemsak kik dinghi. Tuabang a hihkei leh Keimah hong pai in, na gam khempeuh uh ka susia gawp ding hi.” (Malachi 4:5, 6).

            Hun tuamtuam ah i nungta a, hoihzel hoihlo zel hi. Bangkua zong thahat zel thanem zel in kisiagawp thei hi. Bang dinmun peuh i tung zongin, Pasian’ kamciam khuavak sungah i om ding a, eite lametna tuate bek a hihmanin i len kip cinten ding hi.  Bang dinmun peuhah om taleng tua Pasian kamciamte in, eimah, i innkuan, i pawlpi a ding a hihi.

            *Tu quarter kaal nunungbel sungtengin, Lai Siangtho tangthu, kamciamte, leh thupiang tuamtuamte i sin ding hi. Eimah khatciat a ding thu hoih tampi i sin ding hi.  Kua na hi a, koi ah na om a, bang dinmun na tung zongin haksatna, launa, dahna te nei teitei ding hiteh. Tua te kawmkal ah, eite thuakna hong theitel bek thamlo, eite lungmuanna bulpi a hi Pasian i biakkhak i hampha mahmah hi.

SUNDAY                                                               June 23

Lungsim a Kheelzo Genkholhna

            Elijah hong pai ding genkholhna tawh kisai in, Lai Siangtho thak ciaptehna te tawh enkaak in. Malachi  4:5, 6; Matt. 11:14, 15;  17:10;  Mark 6:15;  Luke 1:17.

………………………………………………………………………………………………………

            Malachi hunlai in, mipite Pasian’ zolna ah, “Keima lamah hong kihei kik un, kei zong note lamah kong kihei ding hi.” a cih ciangin, a dawnkikna vuah, “Nanglam ah hong bangci kihei ding ka hi uhhiam” (Malachi 3:7) na ci uh hi. A patau kamsangpa in khanlawh na’ng hunthak khat vaihawmsak kik hi. Elijah bawl khanlawhna phawk sak kik (1 Kings 18:17) hi.  Malachi in, Elijah hong paikik na’ng pen, “Amah in pate leh tate lemtuah in a kilemsak kik ding hi” na ci hi (Malachi 4:6).

            Jew mite taang upna khatah, Elijah mahmah hongpai a, Messiah hong pai nading tangko ding ci’n um uh hi (Matt. 17:10; Mark 6:15). Ahih hang, Lai Siangthothak i ciaptehna ah, tuiphumpa John hongpaina tawh tangtung hi (Matt. 11:14, 15; Luke 1:17).

            “Lungsim kihei” cih kammal a khiatna bang hi in na um hiam?

………………………………………………………………………………………………………

            Gentehna te khiat theihding dan tuamtuam om kha ding hi. Israel mite leh Topa kikal ah leptuahna hih tuak hi. Pa munah Pasian (Isa. 63:6), a tate tungah a hehna pan a lungsim hei (Micah 7:18, 19), Ama’ kiangah ciahkik dingin zol (Isa. 44:22; Malachi 3:7) ci hi. Khangthak te in, khangluite’ cihtakna sa kamciam tetawh kizomkik hi.  Khanglui lai pate’ upna te ki hilh kikik hi. A gam alei mahmah in thupha sang leh sanglo zong, amau thumaan leh maanloh tungah kinga hi (Deut. 4:29 – 31).  Inn- kuan ki itna thaksuak sakna zong ahihi. Nu/Pa leh tate kizopna mahmah zong, Pasian tungah thumaan na mah tawh a hihi. Nu/Pa leh tate kizom a, mawhpuak kilakna zong gam leh lei thupha saanna tawh a kizomcip a hihi (Pro. 2:21).

See also  ZSL 7: PILNA TAWH BIAKPIAKNA

            Pasian tawh kizopna leh innkuansung kizopna te in koici kithuap a, koizaw masa zaw ding hiam?

MONDAY                                                              June 24

Innkuan Kigawmkik

            Sidonian minam, Kumpi Ahab zi, Jezebel in, Baal biakna hong lutpih a hih manin, Israel mite nakpi takin kiamsuk mahmah hi. Pasian makaihna sungah, hoihtak a ki teng ding kimlai, unau kitenna, angzuakna leh adang zualzanna te nasia takin zatpih hi. Tuabang a biakna kinialna a tam laitak in, “Jehovah keima’ Pasian” cih khiatna min a nei Elijah hong dingin Baal nakpi takin nial hi.

            Elijah’ hanciamna hangin, dawi upna pan nuntakna thak ah a kikhelsak manin bang muhthak khatpeuh a nei hiam?

………………………………………………………………………………………………………

            Guahkang ding a cihpan a kipan, Elijah pen, a kisawm pahlian a hihi. Jezebel pianna lam, Sidon gam Zarapheth ah meigong khat kiangah Pasian in kem khinkhian hi. Elijah in tua meigongnu khauhtakin na hopih phot hi. A nunungpen sathau, anvui te tawh mailamthu ding Pasian muang a om ding a deihsakna hi. Tuanu’ upna pen a gen cimtheilo tangthu hong suak hi. Zeisu na-ngawn in ama’ thu gen hi (Luke 4:26). Ni tampi sung anvui leh sathau a bei hetloh ciangin, meigongnu in Jehovah Pasian tel semsem hi. Dahhuai takmahin a tapa neihsun cina in silailai hi. Elijah kiangah a dahna va ko a, a kim a pam a ombiakna te in, mawhna hangin, tate meihal biakpiak na in piakkul cih upna te tungah khuavak tangsak hi (1 Kings 17:18 leh Jer. 19:5; Micah 6:7 saikaak in).

            A tapa tawh a omkhop kik thei manin, Phoenician meigongnu a dingin, khalam khantohna bang om thei hiam? 1 Kings 17:24.  Ama kammal te pan bang pilna peuh i ngah thei hiam?

………………………………………………………………………………………………………

            Tuanu’ dawnkikna in Elijah thupuak muibutna hong lak hi. Nuntakna ngahkik a, nuta a kigawmkik theih ciangin, Pasian upna a lung sungah hong neithei hi. Tulai sermon tampi hilhnapi, khalam a lumbek om uhhi. Mimal in, thumaan nuntakpih in hileng mi tawh kizopna nuamin, mi tampi kikhel ding hi.

            Innkuan pawlkhat te’n bang kigawmkikna kisam uh hiam? Kigawmkik na dingin bang kamciam te in lametna hong pia hiam?

 

TUESDAY                                                             June 25

Biakna Tau lam Lungsim Hei

            1 Kings18:20-45 simin. Bang thupiang hi peuhmah hiam? A kammal te kibang hetlo mah taleh innkuan a dingin, a thukhun te bangci kizang thei hiam?

………………………………………………………………………………………………………

            Carmel mualtungah, Elijah in, Israel mite, a innte, a leitangte a cidam nading in, tanglai pate’ upna ah ciahkik dingin sam hi.

 Nitak Biakpiakna: Lawki siampu te’n, a biakpiak dinguh a lungkiat uh ciangin, Elijah hong kipan hi. Amah om hithiat lel hi. Tuani in, biakinnpi sung a Pasian’ gupkhiatna nasepnate kilangsak hi (Ex. 29:41).  “Ka kiangah hong pai un” ci a hongsapna (1 Kings18:30) in, (Matt. 11:28) a mawhneite hong zolna hong phawksak hi. A lampial tate a ding a dah Nu/Pa te in, a lampial Israel te Pasian in itna takpi tawh tawlngalo a, a zolzolna te hong phawk kiksak hi.

See also  HSS 1:  THU CHHIAR ATANGA HRIAT THIAMNA

            Elijah i bawl biakna tau in, innkuan sungah Zeisu hong gupna i laptoh ding hong phawksak hi. Innkuan biakpiakna tawh, Pasian i hopih thei a, Ama’ thumaan te zong i kihawmsawn thei a, i lungsimte zong Amah i apthei hi.

            Pasian in Elijah thungetna a dawn ciangin, a mite ama’n lakik cihna a hihi.  (1 Kings 18 : 37) ah  “Amaute’ lungsim Nanglam ah heikik khin na hihna, hih mite in a theihna dingun”  na ci hi. Eite lungsim Pasian lamah i hei theikei a, Ama’ hong sapna dawngding i hibek a, Amah’n hong piakhong hi.

            A kaangtumthei mei in, mawhnei te tungah kiazawlo a, biakna tau tungah kia suk hi. “Pasian tawh a kibangin midik i suak theih nadingin, mawhna a neilo Khazih pen, eite tang dingin mawhneimi a suaksak zo hi” (2 Cor. 5:21) a cihna Zeisu akawk hi. Mawh pulakna leh Pasian phatna kammal te mipite in paukhia uh hi. Pasian sapna a sang zolo lawki siampute kithatlum gai hi. Guah hong zukik in, a leitang uh hong damkik ta hi.

            Na innkuan biakna tau bangciang tunghiam? Puahphat a kisap khakleh na koici puahphat ding hiam?

WEDNESDAY                                                                June 26

Jordan lam Lungsim Hei

            Gabriel genkholhsa mahbangin (Luke 1:17) leh, Zeisu’n a kipsakna (Matt. 11:14; 17:12,13) bangin, Lung-damna thu gelhte in tuiphum John pen Topa hongpai na’ng “thupuakpa” ci in kipsak uh hi (Matt. 11:10;  Mark 1:2;  Luke 7:27;  saikaak dingin Malachi 3:1).

            John’ thupuakte in bang lamsang hi phadiak hiam?  “Lungsimhei” thupuak a hih theihna koibang teng hiam? Matt. 3:2, 8; 14:4;  Mark 1 4;  Luke 3:3, 8, 9,11, 13, 14.

………………………………………………………………………………………………………

            Lokhopa in leitaakpi khozaan in a puahphat bangin, John in zong, mawhna te pulaak a kisik kik ding hanthawn hi. Mi nuntakzia  tuabang linlian hi a, ei leh ei ki sittelna, eima omzia telcian na lo puahmah tawh a hoihzaw piang theilo hi. John thu- puak in, mipite lungsim, Pasian sianthona lamah heisakin, ama’ dikna lunggulhsak hi. Kisik kikna maan cihpen, ki niamkhiatna tawh Pasian huhna a ngen a, a ki puahpha mi a hihi. Ngaihsutna daipi tawh, Abraham ta kici pong a, angsungkhual mite, pate’ upna thuk zongpha dingin hanthawn hi.

            Tuiphum John i thupuak in, Zeisu hongpai na’ng lampi koici sialsak hiam? John 1 : 35-37;   3: 27-30.

………………………………………………………………………………………………………

            John in, Zeisu pen Pasian’ tapa ahihna hong lak hi. Mipi tungah tuabangin pulaakna (John 1:29, 36) tawh a lungsim uh Topa’ lamah heisak hi. Andrew leh John’ sawltak a dang khat leh lungdamna thu gelhpa John te in, Zeisu ki tuiphumna pan a paikhiat uh ciangin, Zeisu’ nungzui a suak uh hi. Elijah thupuak in ki sikkikna bek gen hilo a, mawhna pan gupkhiatna zong hong genlai hi.

See also  ZSL 3: THUKHAM IN SIAPA

            Tuiphum John in, na bangkua sung hong siik hileh, bangteng hong gendingin na um hiam?

THURSDAY                                                        June   27            Hun Nunungah Lungsim Hei

            Ei Adventist te in, tuiphum John dinmun ah i om hi. Kisik kik na’ng thupuak in, Zeisu kum masakna’ng lam sialsak a, eite’n zong nihveina hong kum theihna’ng lampi i sialsak hi.

            Thungetna tawh Luke 1:17 simin. Hih kammalte in i thupuak tawh bangci kimat hiam?

…………………………………………………………………………………………………………………….

            Vantung i Pa in, a tate lungsimte Ama’ lam leh Khazih Singlamteh lam ah hong heisak kikzo hi. Elijah’ thupuak in zong ei innkuante, hih lungdamna thupha a sangthei dingin hong zol hi (2 Cor. 5 : 18-21;  etkaak ding Eph. 2 : 11-18).  Leitung in, angsung a khuallo, Pasian tungah a ki ap mahmah, Khristian te’n hih theilua ding uh hi. Leitungah i thupuak pen ei a ding zong hipah hi. Eima innkuan sung mahmah panin lungdamna thu hangin ki itna, ki pumkhatna, ki piakkhiatna i neih kei leh mi tung i hawpsawn na’ng tha i neizo kei ding hi. Sermon hoihmahmah te in kicing zolo a : Eima pumpi tung, innkuan sungah kisikna, lungsim kiheina, itna kipiakna cihte i gen bangin i neih kul hi. Tuiphumpa John in nuntakpihna tawh mite’ lungsim a zawh mah bangin, eite’n zong, Pasian huhna tawh tuabangin i hih ding hi.

            Zeisu tungtawnin vantung innkuan mi i hihi (Eph. 3:15). Innkuankhat i hi a, Pasian a ding teci pang dingte i hi hi. Innkuan bangzah in lian se mah leh, lungdamna thu i vangliatna neilo peuhmah, a nasep muibun zolo ding hi.

Na innkuanpih a hi a, ahi kei zongin, amau na itna,  na awlmawhna te lak na’ng in bang peuh na bawl ding hiam?

 

FRIDAY                                                                 June 28

Ngaisut Beh Ding:             

EGWhite, Prophets and Kings sungpan “Carmel”  lai 143 – 154, Desire of Ages Sungpan “The Voice in Wilderness” lai 97 – 108.

            “I thupuak peuhmah pen, John a mahbangin maitang ah direct in pau ding hi. John in, kumpite’ mawhna zong taipah hi. A nuntakna a dingin lauhuai mahmah ta-

Kikup Ding Dotna te:

  1. Elijah’ thupuak te leh na pawlpi kizom sak dih in. Na pawlpi mite’n a telzawh na’ng in na bangci huh diam?
  1. A lungsim a kihei mi a om leh sam inla, bang kikheelna pianghiam dongin. Amah leh innkuan a dingin bang theihbehna a om hiam?
  1. Tuiphum John dinmun ah om i kicihleh,eima tung mahmah ah bang hong piang ding i deih hiam?
  1. Innkuan ki ukna thukhun pawlkhat gualsuk in. Lai Siangtho sungpan a hoih pen te kaikhawm in. Bang dinmun ciangtan na koih diam? Hih thukhun te nabawl theih na’ng in, tu quarter lesson in bang hong huh hiam? Pawlpi buppi in ki kum ngeingai un.

  1. Nu/Pa khat hihna tawh, Topa a nusia sa, na tate khat tungah, bang kamciam peuh na pia thei ding hiam?
Tags: ,

Admin

Admin

Top