Standard Zolai Format

Standard Zolai Format
=================

Zolai pen Latin phonetic siksanin kibawl a hihi. Tuhunciang khangthakte in English phonetic siksanin laisinzaw uhhi. Tua ahihmanin Latin phonetic siksanin a kigelh Zolai a sim uhciang Zopau awsuahin suak nawnlo hi. Tua panin Zopau awsuah ngah nading English phonetic siksan aa hong kigelh leh Zolai malgawmzia pen khat le khat hong kibanglosemsem kha ding hi.

Tua ahihmanin Standard Zolai Format khat kiciantakin a om zawh ding kisam pha mahmah hi. A om zawhkei zenzen leh mailam ah Zolai malgawmzia hong buaihuai mahmah ding hi. Banghanghiam cih leh tu bekin zongh, India lam Zomi le Myanmar lam Zomite ii laimal gawmzia kibang zo nawnlo khin ta hi. US, UK, Canada, Australia cih bang dan English a kilim zatna gam aa khangthak Zomite ii laimal gawmzia leh Myanmar gam lam aa khangthak Zomite ii laimal gawmzia zongh damdamin hong kidansemsem khak ding hoihlo hi. Tua baanah, English phonetic lah a zanglo, Latin phonetic zongh a zanglo gam tuamtuam aa tung Zomi khangthakte ii Zolai gelhzia zongh a tuampi khat hong suak kha thei lai ding hi. Tua ahihmanin minambup in laimal gawmzia gelhziate a luanzia khat a kibatkim theih nadingin Zolai ah zongh Standard Format kician khat a om ding thupi mahmah hi.

Tua bek thamlo, Zomi khangthakte aa kipan namdangte in Zolai a sin nop uh leh sinzia olin, sinna a nuam ding, kiciantak aa lak theih, hilh theih dingin Standard Format khat Zolai in a neih zawh ding kisam mahmah hi.

 

Agelh: Lian Than Tuang

BSc (Hons) Computer Networks from Salford University, Manchester MSc Internet Computing and Network Security from Loughborough University (UK top 10 university)

See also  Shema Israel #1

Laigelhpa in laibu bu nih gelh khin a, tua te in Zolai Khanggui (2013) le Lai Siangtho: A Thu Zui-in Khenna(2017) cihte ahi hi. Lai Siangtho: A Thu Zui-in Khenna pen Malaysia ah a bu pan zaw leh a tangzang zaw dingin kibawl kik a, bu khat Rm 70 tawh kingah thei hi. A deih te in Comment ah hong dawp un.

Download (PDF, 891KB)

Tags: , ,

Admin

Admin

Top