Sunday ni a Dawr khak lemlou

Sunday a dawr khak ding chi a ADCCte thusuah lemtang lou

By Ginza Vualzong

A paisa May 30, 2019 ni a Autonomous District Council, Churachandpur (ADCC) in District sung a sumsinna inn – dawr/dukan te Sunday ni a khakvek ding chih thu a suah pen uh hoihtak a i etthak chiang in lemtang lou ding bang in om hi.

Churachandpur i chih sahkhua tuamtuam omna gam hi a, Sunday a biakna bawl a tamzaw ahih lai in, Saturday a kikhawm bang le hunkhop om veve hi. Tua banah Sunday ni a dawr teng khak di bang hita leh lemtang lou tampi om ahi. Etsakna in emergency a damdawi poimohte a dia Pharmacy bang ki hong kei leh buai huai chi mahmah ahi. Gamdang akipan tourist hong paite bang Sunday ni a nekdi neilou a omthei, ahih kei leh singtang dawn a ki-ensak dia hong zinte, tunna di meltheih neiloute dia Sunday ni a nekna di mun omlou bang a om thei ua, buai huai chi mahmah hi.

ADCC te in Deputy Labour Commisioner, Manipur thusuah pansan a Manipur Shops and Establishments (MS&E) Act 1972 pansan a Sunday ni a dawr khak ding chi uh hi. 14 May 2019 ni a Deputy Labour Commissioner thusuah i et leh Sunday ni khelkhel a dawr khak ding in thu ana pe lou a, dawr neite’n kaal khat a ni khat, a dawr uh a khak ding ua, a khak di ni uh hoihtak in a dawr uah a taklang ding uh chih hi zaw ahi.

“Therefore, all the shopkeepers/employers are hereby directed to close their respective shops on one day in each week under the said section 10(1) by displaying at the premises of shop a notice specfying the day on which the shop will remain closed.” Point no 3 of Deputy Labour Commissioner Memorandum, dated 14 May 2019.

See also  Lametna Kicing (More Hope)

Huchi ahih manin, ADCC ten Sunday ni khelkhel a dawr khak ding a chih teitei ua leh a pansan uh Manipur Shops and Establishment Act toh le kikalh pah a, tua banah India in sahkhua zalenna hon piak toh leng kikalh pah hi. Sunday ni khelkhel a dawr khak ding hi leh Saturday ni a biakna bawlte a dia ni nih dawr khak ngai ding a, MS&E Act in lah ni khat kia dawr khak di chi ahih manin, kikalh suak hi. Tua banah a Saturday ni a dawr khak ten hiai Act deihna hih buching khin ua, a kalval a ni khat a va khak nawn uh poimoh nawn lou ahi.

India Constitution in Right to Freedom of Religion hon pia hi. ADCC ten Sunday ni a dawr khak vek ding a chih teitei ua leh hiai Right to Freedom of Religion pen zahtak lou suak ua, India dan toh kituaklou suak ahi.

Labour Law i chih gamteng ah om ahi a, hiai Labour Law in a tup pen ahih leh kua hiam in a nuai a semte phuutluihthu (force labour) a kaal khat a ni sagih kizom a na a sepsak louhna dia bawl ahi. Kaal khat a ni khat sepna akipan khawl pen damtheihna dia le hoih ahih banah sahkhua tampi sinsak leng ahi.

I district ua sahkhua tuamtuam omkhawm ahih man in, ADCC ten le a thusuah uh hon enkik uh hen la, Sunday ni a biakna neiloute a dia lampi dang (alternate arrangement, exemption) hon bawl ding un i ngen ahi. Tua banah khawlni neituam lou vaite leh meiteite – kaal khat a ni sagih dawr hongte lawi etkai hi zaw leh a hoih mahmah di. A huchih kei leh trade licence khong hon cancel mawk le uh Indian Court of Law ah ADCC te a ding zou ding uh hiam chih dotna lianpi suak ahi.

See also  Abraham Lincoln Laikhak

Ref: Zogam.com

Tags: ,

Admin

Admin

Top