MSS 11: Supding Omlo

Sintayehu Kidane Berhanu, 39

Ethiopia

December 14

 

Addis Ababa University ah a masa kum nih sung pen Sintayehu Berhanu a’ dingin hong cing ziau hi. Ahi zongin a syamahte khat in Saturday ni-in lai vuan sak dingin suai sese hi. Tua subject phi kei-in, ong kei leh Sintayehu a graduate thei lo ding ahi  hi.

Hih Ethiopia khangno pa pen a class sung vuah a pil mahmah khat ahihmanin, a syamahnu’   kiangah pai in huhna ngen a, “Saturday ni pen Sabbath tawlngak ni, ci-in ke’n a um mahmah hi ingh. Tua  ni buppi pen Pasian biakna in ka nei hi. Tua ni biakinn ah ka om suak thei ding hiam syamah aw?” ci-in ngen hi.

A syamahnu in zahpih takin nuihsan gawp  hi.

“Hih laimun pen pilsinna sang ahi hi. Biakna vaite tawh bangmah kisai lo hi. Tua bang thu te hong kisang zo lo ding hi” cih san  hi.

Sintayehu in kunh teeiteei hi. “Tua bel himah, dah mahmah ingh. Himah taleh syamah aw, kei ka upna ahih ciang a, hehpihna tawh laivuan ni ding hong khelsak hoh ve    maw”.

“Piang thei kei,” a syamahnu in ci  hi.

A innkuan sungvuah Adventist a tangsuah masapen ahi, Sintayehu in a innkuan pihte leh a sanggam naihuaite’ kiangah a vaiteng gen in, thu a ngetpih nadingun a cial hi. Amaute in thu a ngetpih sangsek un, tua ni mah in lai phi suk ziau lel dingin na sawl huan zawsop uh hi. Germany gam a om, a pano in lah, unau kua sungah a u penpen ahih manin a nulepate’ sih khit zawh in a nau pasal guk leh a nau numei nih te a et ding tavuan aneihna phawksak zeel sawnsawn   hi.

READ  MSS 8: Pasian Umlo Missionary

A sanggamte U.S. a om khat in, “Bang dia na lai vuan lo-a, tui kiphum lailai na hia? Tua leltak khawng ki pumsil tawh a kibang hi lel lo a hia? U.S. khawng ah tua bang khawng ki thupi ngaihsut mahmah kei” cih san hi.

Akiki Mission School a sangkah pasalno tui kiphum khat ahihna tawh Sintayehu in tua a sanggamte’ cianpiakna sang zo lo hi. “Tuiphumna pen khat veibek a kisam hi, ci-in ka um hi. Tua bang danin ut zahzah vei kiphum ding in na ngaihsut ding uh hi lo hi. Pasian pen a tokhom tungah tu-in, Ama’ Sabbath i tanding hong sawl hi,” ci  hi.

Adventist pastor khat nangawn in a lai a phi nadingin sawl lailai   hi.

“Satan in nang hong do ahi hi. Kumkhat sung tawntung na hanciamna khempeuh a mawkna a suah nadingin hong bawl ahi hi. Phi suk ziau lel in,” pastor pa in ci lai   hi.

Himah taleh Sintayehu in a nungkik khak ding nial tinten   hi.

“Vantungah Pasian om hi, cih ka um ngiat a, ka nuntakna sungah bang thu ong piang hiam cih, Ama’n a vekpi in thei khin hi. A theih pipi in bangmah hong kilamdan sak kei leh, kei a’ dingin a hoihzaw khat hong geelsak hi lel ding hi. Tua pen ka ngak zawh ding kisam hi” ci tinten lel hi.

Sintayehu in lai vuan lo takpi ahihmanin, a syamahnu in zong kiasak pah giaplel hi. Ahih hangin Sintayehu dah tuan lo hi. Sumh zaw ngei lo ding ahihna ki thei sinsen   lel hi.

A kum kik ciangin tua subject mah la kik leuleu hi. Tua syamahnu mah in hilh kha leuleu a, lai     phi ni ding zong Saturday ni mah sehkhol leuleu hi. Ama’n zongh phi lo leuleu in kia leuleu hi. A kum     kik ciangin zong tua bang mah hi leuleu a, kum thum sung phi lo in, kizom in thum vei lai kia ahih manin University pan in ki hawlkhia  hi.

READ  Pasian Adingin Leeng

Sintayehu in a hihleh a pilna sin hun ding a mong a tungta in ki ngaihsun mah taleh a lung kham tuan lo hi. Pasian in beidong in koih lo ding, ci-in khamuanna   nei hi.

Addis Ababa panin tai 25 (km 40) a gamlatna Debrezeit khuapi aa Adventist Mucu sangah Sintayehu in nasep khat hong ngah hi. Kum khat hong cing ta hi. A sang kahna University pan in thu pulaak khiatna khat hong om a, sang thukhun pawlkhat kikheel ahihna tangko khia hi. A beisa Semester sungin thum vei lai kia a, a hawl khiat uh sang naupang tampitakte GPA 2.0 leh a tungsiah tawh sankik dingin a vekpi un zol kik uh hi.

Sintayehu zongh, a university sangpi ah hong kilehkik in Statistics class a li veina hong kah kik leuleu hi. A syamahnu neih taak na om nawn lo ahih manin olno takin hong ong pah hi. Buaih a lak tak ciangin Addis Ababa a Adventist School ah a sem pah dingin ki tuam khol zawzen hi. Ahangin a beisa kum khat sung Mucu sangah a sepna panin minphatna ngah mahmah hi. Tua teng khit ciangin MA degree zomto suak thei in, AWR ah nasep sem to suak hi. Tu-in Adventist Pawlpi TV phualpi khat ah producer   sem hi.

Sintayehu in nuam a sak mahmah leh a uuk mahmah khat in, a sang lui ahi Addis Ababa   University ah sang naupangte tawh kimu in thapiakna a neih theih zelna ahi hi. Tua lai-a sang naupang tampitak te in Sabbath ni-in lai phi kha thei lai uh hi. Sintayehu in amaute’ kiangah, Pasian’ thu mangin Sabbath a tan zawk lel nadingun tha pia den hi. Tua hangin bangmah supna om lo bek tham lo in, meetna piang zaw hi, cih ahi  hi.

READ  Pasian Umlo Khatin Jesu' Thu Hawmsawn

“Ka University panin hong ki hawlkhiat lai-in, ka classmate te in sumh hong sa mahmah uh a, kaamsia hong sa mahmah uh hi. Kei hong ki hawlkhiat sungin amaute in buaih na la mah uh hi. Nasep zongh ngah pah mah uh hi. Ahi zongin ke’n buaih ka ngah ciangin amaute’ a sangin nasep hoihzaw,  khasum tamzaw ka ngah hi. A zenzen in amaute in a nasep uh taan le uh a cihna ding uh bang mah thei lo in, siacip suk mai ding uh hi. Kei ka hihleh A nungta Pasian nei ka hih manin bangmah ka lung hi mawh    lo hi. Amah ka bangkim ahih manin ka lung muang mahmah hi,” Sintayehu in ci    hi.

By Andrew McChesney

Tags:

Admin

Admin

Top