Tanu/tapa neite theih ding thu

TANU TAPA NUMEI /PASALNO (EARLY AGE) NEITE ADING THEIH HUAI THU…..

  • Tanu tapa neite theih ding thu: by Daniel Mung

1. Na tanu naupang no pen pasal picing dangte ( paneute a hi phial zongin) phei tung ah a tut lohna dingin hilh tawn tungin.

2. Na tanu tapano kum THUM tungsiah te mai ah na puansuah/ puan khek kimusak peuh mah kei in. (Naupangte in khatvei a muh uh mangngilh pak dek lo uh hi. ) Nang bek thamlo in amaute zong tua bang mahin ki sinsak in.

3. A picing mi khat in na tanu / tapa pen “ ka zi ding“ “ ka pasal ding” cih bang kamalte ( ciamnuihna hi zongin) a zat ding uh phal kei in.

4. Na tanu/ tapate a lawmte tawh tengta aki neih uh ciangin bang tengta kineih nam zangh uh cih theih sawm in.(.gentehna,, nupa kineih.. lawmngaih kineih.. cih bang kineihna pen hoih het lo hi. ) Tuhun naupante pen na upmawh sangin a hoih lo lam tampi thei ding uh ahih manin kilawh loh ding thupi mah mah hi.

5. Na tanumeino ama ut lohpi in pasal khat kiang ah ngawh sawl kei in, a utlohna a hang taibawl loin na theih mateng dongin. Tua mah bangin na tanu in pasal khat mudingin a ut mah mah/ a lawp luat mah mah leh zong lungdam pah kei inla, a hang na theih mateng dongin. Tuhun ciangin kum cinglo numei tampi pasalte in zawhthawh bawl leh zol bawl in mawh pih na tampi om khin hi cih phawk in. ( Na ta pasalnote zong tua bang in om thei hi cih zong phawk in.

6. Na tanu na tapa a maitai leh a lungdam thei mah mah khat pen a gamtatzia hong kikhel vat leh a hang na theih mateng in dongin. Naupangnote zong amau khom in lunggimna leh launa om thei hi. Na taibawl ngeina leh a maizumna hangin thu tampi hong gen ngamloh om kha thei ding hi.

See also  Adventist Physician Appointed Ambassador from Tanzania to Canada

7. Na tanutapate a khangcing kuante (puberty) tungah Nulehpa kizopna( sex) thu, a hoih leh a hoihlote na innkuan sung panin hilh in, tua a hih kei leh na vengpaam (society) in sex thu a hoih lo lam bek hong hilh sak ding hi.

8. Naupangte’ nulehpa na hihna tawh kizui in, na tanote et ding movie leh cartoon tuam tuamte pen pilvang takin telsak in. Tua movie or cartoon a muh te uh in a nuntakna leh lungsim uh ah mun thukpi luah hi cih phawk in.

9. Na TV cabel network te te zong naupangte et ding a kilawmte bek tel inla, tua ban ah na tanu tapa hawh theihna a lawmte inn ah bang en uh hiam cih thei in la, na naupangte kemsiam in. A koppih ding lawmgual tel sak inla, ahawh na ding in zong telsak pah in.

10. Na tanu na tapate kum 3 a phak a kipan in a zahmawhte (private part) amah leh amah silsian dan hilh in kisin sak inla, tawm ong gol ciangin kuamah kuamah ( nu lehpa leh sanggamte nangawn) alawn ding uh phal sak kei in.

11. Music, movies etding ngaihding hoih leh hoih lote khentel theihna neih nading huh tawntung inla, lawm leh gual kithuah pih ding a hoih leh hoih lote zong na tanu tapate hilh inla ngaihsuthoih pia tawntung in.

12. Na tanu/tapanote in mi khat tung a lungkim lohna leh hoih a sak lohna hong gen pen hoihtak in ngaih sak in la kinbawl sak in. A thugente thupi ngaihsut inla, a kisapna ah ama ading in hangsan tak in dinsak ngam in.

Na tanu tapate a ding na phawk ding thu in, “ Khatvei NATNA in khantawn khom hi” cih kammal hi.
Piteek khat in a naupan lai in tua bang mah in, zawhmawh lam kisai kibawlsiatna ( sex abuse) thuak ngei in, a teek a huai dongin mangngilh lo hi.
Lungdam..

See also  Problem of Jesus 18 years

Source..Smarties “The Fitness Studies”

Tags: ,

Admin

Admin

Top