Teeltuam Minamte

27Judah minamte in Honpa’ hong pai ding kum tul khat val bang na ngak khin uh hi. Amaute in hih thu tawh kisai-in lam-et phat mahmahna nanei uh hi. La leh genkholhnate sungah, biakinnpi dawizekte sungah, leh innkuan thungetna te ah amaute in Topa’ min na saanglap uh hi napi, Amah hong pai taktak ciangin na theikha lo uh hi. Vantungte’ Ngaihno amaute’ aa dingin, “leikeuna-a apokhia singzung khat tawh kibang hi.” Amah in, “pahtaakhuai lim leh etlawmna khatbeek neiloin,” “Ama’ sungah hoihna leh lunggulh nading” amaute in mulo uh hi. “Ama’ aituam minamte’ aa dingin, Amah hong pai-a, ama’ aituam minamte in Amah saanglo uh hi” Isaiah 53:2; John 1:11.

Bangbang ahizongin, Pasian in Israelte teeltuam khin hi. Pasian’ thukham theihsiamna, Honpa akawk lim leh zehtannate leh genkholhnate milak ah akemcing dingin Amah in amaute sam hi. Pasian in amaute leitung ii hotkhiatna tuikhukte dingin deih hi. Abraham bang apemna gamah, Joseph zongh Igypt gamah, Daniel zongh Babylonte’ kumpi zumtual ah cihbangin, Hebia-minamte minamdangte’ lakah aom ding ahi hi. Amaute in mite kiangah Pasian alak dingte ahi uh hi.

Abraham akisap lai-in, Topa in hih bangin na ci hi. Nangmah thupha kong pia ding hi…thupha ngahpa na hi ding hi… Nangma’ hangin leitung minam khempeuhte in thupha ngah ding uh hi. Pian. 12:2,3. Hih kihilhna tawh kibangmah kamsangte’ tungtawnin kihilh phapha hi. Israelte gal leh sa-in mat leh hen atuah khit nangawnun, tua kamciam pen amau aa mah hilai hi. Tua ciangin, aom lai Israel mite pen, Topa in minam tampite’ aa dingin apiak, zing daitui leh lopate akhangsak guahtui bang ding uh hi. Amaute in mihing muanin neiloin, Pasian bek muang tading uh hi. Jerusalem biakinnpi thu Isaiah tungtawnin, Topa in hih bangin na tangko hi. “Ka inn pen mi khempeuhte’ aa dingin thungetna inn kici ding hi” Isaiah 56:7.

Hih bangthu om hitaleh Israelte in amau’ lam-etna pen leitung liatna tung ah bulh uh hi. 28Kanaan leitang alut akipanin, amaute in Pasian’ thukhamte pan na lampial uhin,milimbiate’ lampi zui uh hi. Pasian in a kamsangte sawla, amaute avauhilhsak pen amawhsakna suak hi. Amaute in milimbiate’ nenniam sanawhna mawk thuak uh hi. Kipuahphatna abawl’ sial-un anasia upna-langdona in nungzuih den hi.

Israelte Pasian’ tung ah na thumaan uh hileh, amaute pahtawina leh saanglapna tawh Pasian in Ama’ ngiimna na tangtun khin ding hi. Amaute in thumanna lampite natawn uh hileh “Ama’ bawlsa minamte khempeuh saangin phatna leh minthanna leh pahtawina ah alian zawin” Topa in amaute bawl khin kha ding hi. Moses in, “Leitung mite khempeuh aw” “Topa’ min tawh note hong kisapna thu leitungmi khempeuh in thei ding uh hi, amaute in note hong kihta ding uh hi” na ci hi. “Hih thukhunte khempeuh a za minamte in” “hih minamte in apil thuthei taktak hi” ci ding uh hi. Thkna. 26:19; 28:10; 4:6. Ahi zongin, amaute’ ciampelna hangin Pasian’ ngiimna pen aki- zomden lungbuaina leh niamkhiatsukna hong tuah lawh ta uh hi.

Amaute Babylonte’ ukna nuai ah kipuak ta uha, milimbiate’ gam leh lei ah kithehthaang ta uh hi. Mi a tampite hong hin’gim luat uh ciangin, Pasian tawh akiciamna athumaan-cihtakna uh hong kipuah kik uh hi. Gialheek kungte tungah a laiza-te uh khai- in, akisusia gawp abiakinn siangtho uh akhasiat uh teh thumaan khuavak amaute’ tungtawnin hong taanga, Pasian theihpilna minamte lakah hong ki thehthaang hi. Milimbiate’ paiziate pen Pasian’ sehsa paiziate panin lampialna ahi hi. Milimbiate’ biakpiak paizia, lungsim siang taka akante in thei uh hi. Pasian’ vangliatna tawh geelsa-a akituiphih biakpiaknate’ adeihna Hebia-minamte kiang panin amaute in tuulpi la uh-a(sin uh a) upna tawh Honpa Khat hong pai ding hi cih kamciam khutlet uh hi.

Nawhkhiat gam atung mi tampite in bawlsiatna thuaksia uh hi. Sabbath athusimlohna uh, akihilhna anial man uh leh milimbiate’ pawilianpite akan ding uh anial manun, mi atawm hetlo te in anuntakna uh suplawh uh hi. Milimbiate in thumaan thutak puakkhop in a theih nadingun, amaute ki phong hi. Topa in anasemte sawlin, kumpite leh ukna neite maitang kituahin thu ahilhsak pen amaute leh agammite in khuavak asaan theih nading ahi hi. A salmat Hebia-mite’ biak Pasian’ ukneihna ataangko dingin aminthang pen kumpite hun khat khit hun khat kimakaih hi.

Israelte Babylonte’ salin hong om uh teh milim tuuk lemlamte biakna panin hong daang om zawsop uh hi. Amaute’ daupaina pen Pasian’ thukham a manzawhna tungah kinga cih thukhenna hong phawk theih mateng, akum zalom hong kivei sungin, amaute in Babylonte’ lungkhamna ii nencipna hong thuaksia uh hi. Mitampite’ sawlmanna veve pen itna ii tawsawn hilo hi. Lungsim puakdan pen huaihamna mah hi ve hi. Minam’ liatna ngahnading ngiim na-in, Pasian apuatham nasepna tawh hong pahtawi uh hi. 29Amaute pen leitung khuavak hong suaklo bekloin, milimbiakna ze-etna pan thulamtawna a suahtaak theih nadingun midangte tawh kigamla-in amau leh amau bek tuam om uh hi. Moses tungtawna thulamlahna akipia sungah, milimbiakte tawh a kipawlna uhah Pasian in amaute khalna thukhunkhauhte pia-a, hih khalna pen lehkhiat uh hi. Hih khalna pen milimbiate’ zia leh tong tawh aki thuhual’ nading pana dalkholh nading ngiimna ahi hi. Hih khalna in Israelte leh minamdangte kikalah kikhenna kulhpi kilamna hong suak zeelzeel hi. Judah minamte in Jerusalem khua pen a vantung gam bangun ngaihsun uh-a, Topa in Gentailte a angvan khaak ding amaute in haza takpi uh hi.

Babylon pan hong ciahkik khit uh ciangin, biakna vai ki thuhilhna hong kin mahmah uh hi. Agam sung munciteng ah, biakinnte hong lam uh a, tua munte ah siampite leh laitheite in thukham hilhcian uh hi. Sangte hong phuan uhin, leitung pilna tangthu (arts) leh nate thuthuuk (sciences) te tawh diktanna thubulpi te kopkhawmin hilh uh hi napi, tua sangte hong minsia mawk hi. Sal ataan sungun mi tampi in milimbiate’ lungsimte leh ngeinate luah uh-a, amaute’ biakpiakna ah hong keng uh hi. Thu tampi ah amaute in milimbiate’ zia leh tong tawh hong ki-thuhual uh hi. Judah-mite in Pasian hong taisan uh ciangin, biakpiak nasepnate ii ki thuhilhna amuhna uh nasiatakin hong mansuah uh hi. Tua biakpiak nasep pen Khazih mahmah in alamhkhiatsa ahi hi. Sepna khempeuh ah Amah limla hi-a, taksa lam leh khalam hoihna tawh kidim khin hi. Judah-mite in akhalam nuntakna uh a pawipite’ sungah mansuah uhin, nuntak gimnamlo pianlimte ah bawm tentan uh hi. A ciinkholh uh Topa’ tungah a kingak ding sangun, biakna paainate leh zehtanziakte mahmah muang zawsop uh hi. Amaute’ supna munte abanbanin a donghuk theihnadingun, siampite leh a siate un, amau aituam ngetnate behlaplap uhin, thukham ngaat semsem tawh hong khangto uh-a, Pasian’ ki-itna a kiam zawkna hong kilangh hi.

Amaute ii sianthona leh apawi hopite uh hong tawikhai uh ciangin, alungtangte uh ki phatsakna leh ki neihna tawhhong kidim hi. Amaute ii thuneente leh a puak hak akikhal’na te un thukham zuih ding piangsakzolo hi. Pasian’ nasem nuamte leh thukham siate’ thukhunte a kan sawmte in vangik hakkol nuai ah hin’gim uh hi. Apatau lungsim ii mawhsakna panin amaute tawldam theilo uh hi. Hih bangdan tawhin, Satan in Israelte lungkia sakin, Pasian piazia gamtatna asandan uh niam zaw sak banah Israelte’ upna etsat etneu nadingin bawl hi. Satan in vantung ah alehdo lai-in, athusun akipsak zo dingin kilam-en hi. Tua athusun pen Pasian in akalh angette thumaanloin kizui zolo ding hi cih leh Israelte nangawn in zui zolo hi, ci’n Satan in tangko hi. Judahte in Messiah hong pai’ ding lunggulh napi uh Ama’ nasepna ahoihlamin saan neilo uh hi. 30Amaute in tatkhiatna mawhna sung panin zong zawloin, Romte’ khutnuai pan suahntaakna zong bek uh hi. Amaute in Messiah galzopa bangin hong pai-in amaute akinenniamna vangliatna kuaitanin Israelte khuavannuai ukzawhna ah alam’saang dingin lamen uh hi. Tuabanga, ana kigin uh lampi pen Honpa anialna uh hong suak hi.

Khazih hong suah lai-in, agam uh pen gamdangmi atote’ khutnuai ah nuaicipna thuakin, amau phungsung mah zong akilemloh manun thuaksia uh hi. Judah gam pen atuam vilvelin aki uk gamin akiphal hangin, Romte’ hakkolnuai pan suahtaak ding leh amau thuneihna akiciangtante akikhiap ding bel lim leh meel bangmah kawdawk lo hi. Rom kumpi in, siampi ukpa ding sehtheihna leh hepkhiat theihna thu aneih genkipa, tua siampi ukza pen zuauna, golhgukpiakna leh kisuamna nangawn tawh kingah thei zeelzeel hi. Hibangin, siampi nasep pen hong thaanghuai semsem hi napi’n siampite in thu nak neih mahmah veve-in, angsung huaihamna leh sumzonna-in nei uh hi. Mipite ahihleh siampite’ hehpih vetloh taangtha ngetna leh Rom kumpi’ anasia mangmu donna thuak uh hi. Hih gam sung omziate in, lungkimlohna ki nasia zelh sak hi. Akitheitham mipi’ lungkim- lohna zong piang zeelzeel hi. Duhhopna, ngongtatna, kimuan- lohna leh khalam kideidannate in mipi lungsim netum taktak hi.

Judah-mite in Rom kumpite amuhdahna uh leh minam leh biakna a kiphatsakpihnate un, amaute’ biakpiakna ii zia leh tongte mah khauhtakin len sak tentan veve hi. Biakna pawite a thu nengno nangawn a kinna uh tawh sianthona hanga aminphatna a ngah uh siampite in hanciamin kem uh hi. Khuamial sung leh nenniamna sunga aom mipite leh vangliatna adangtaakte in agalte uh anuaicipzo ding leh Israel kumpigam a phutkik ding hong piang ding Khat lunggulh uh hi. Amaute in genkholhnate khalam veina lotawh kan uh hi. Amaute in Khazih kiniamkhiata hong pai masakna akawk Lai Siangtho munte kuam et uh-a, minthanna tawh anihveina hong pai nading akigennate zongkhia khial uh hi. Kiphatsakna in akhuamuhna uh mittaw sak hi. Amaute in genkholhna pen amau angsung deihna tawhh kituakin pheen uh hi.