HSS 1:  THU CHHIAR ATANGA HRIAT THIAMNA

Hualngo Sabbath School Lesson  1   Laisimna pan Telcianna ah December 28–January 3, 2020

PUITLING SABBATH SIKUL ZIRLAI

“DANIELA”

 

A  ZIAKTU:  Elias Brasil  de Souza

 

January, February, March 2020

 

 

THUPUITE

 

  1. Thu Chhiar Atanga Hriat thiamna (Dec 28-Jan 3)…………………………….. 7
  1. Jerusalem Atanga Babulon (Jan 4-10)……………. 19
  2. Thuruak Atanga Thupuan (Jan 11-17)…………… 30
  3. Rawhtuina Mei Atanga Lal In (Jan 18-24)………. 41
  4. Chapona Atanga Inngaihtlawmna

(Jan 25-31)………………………………………………….. 51

  1. Chapo-Uanna Atanga Chhiatna

(Feb 1-7)……………………………………………………… 61

  1. Sakeibaknei Puk Atanga Anga Puk

(Feb 8-15)……………………………………………………. 71

  1. Thlipui Nuai Tuipui Atangin Van Chhum

Zingah (Feb 16-21)……………………………………….. 81

  1. Tihbawlhhlawhna Atangin  Tihthianghlimna

(Feb 22-28)………………………………………………….. 91

  1. Inpuanna Atanga Tihthianghlimna

(Feb 29- March 6)……………………………………….. 101

  1. Indona Atanga Hnehna (March 7-13)……………. 111
  2. Hmar Leh Chhim Atangin Ram Mawiah

(March 12-20)…………………………………………….. 121

  1. Vaivut Atanga Arsi-te-ah (March 21-27)……….. 131

 

Thuhmahruai:

 DANIELA, TAWPNA HUN ZAWLNEI

 

Kum zabi sawmpakuana atanga kum zabi sawmhnihna a lo her chhuah khan Khawthlang ramte chuan beiseina sang tak an nei a. Khawvel thiamna leh hmasawnna zarah hun duhawm zawk lo inher chhuakin, indona te, hrileng te, retheihna te, leh tamna te chu um bo theih an inbeisei a. Chu chu beiseina chu a ni phawt mai.         

Ni e, kum zabi sawmhnihna khan chutiang beiseina chu thu puarpawleng leh eng mah lo mai a nihzia a finfiah   a. Hei hian kum zabi sawmhnihna luh dawna   hmalam hun tha zawk han beisei chhan tur teh chiam a awm lohzia min hrilhfiah a  ni.

Khawvel thlirna atang chuan khawvel hi dinhmun chau leh duhawm lo tak, hmasawnna beisei tur em em awm lo angin a lang a. Mihringte lah chu kan pi pute hun ai maha duham, inawp-beh leh tharum thawh ching, ram lak, mahni hlawk nana mi dang chhawr leh mahni intihchhiat uar deuh deuh an ni.

He thil a khawi mah hi mak han tih lutuk tur pawh a ni awm lo ve. Bible pawhin, “Thin-lung hi thil zawng zawng aiin bumhmang ber, chhe lailet der ani a; tuin nge hre thiam thei ang?” (Jeremia 17:9, NKJV) tiin emaw, “Hnam hrang leh hnam hrang an indo vang a, ram hrang leh ram hrang an indo vang a; hmun hrang hrangah tamte a tla ang a, lirte a nghing ang,” (Matthaia 24:7, NKJV) tiin a lo sawi reng a ni.

Chuti chungin, heng beidawnna leh chhiatna zawng zawng karah pawh, tun kuartar chhung hian Daniela bu, “tawpna hun” tayt qatz (Daniela 12:9)-ah chenga zir ho tur kan nei a. Daniela bu-ah hian Pathian leh kan Lalpa  Isua

Krista leh kraws-a a thihna kan rinna nemnghettu chauh ni lo, A lo kal lehna tur leh, chu thilin a rawn ken tel tur kan beiseina chawm turfinfiahna chiang leh pawmawm tak kei nei bawk.

Chik takin ngaihtuah teh. Daniela bu (bung 2, 7, 8, 11), hian lalram: Babulon, Media-Persia, Grik, Rome leh Krista Lo Kal leh hnua Pathian chatuan lalram lo ding tur indawt chhoh dan thlirna hrang hrang kan nei thei a. Kan tunlai thlirna, chu chu a taka kan nunpui chuan, chung khawvel lalramte chu hrilh lawk a nih ang taka lo dingin, an tlu leh ta tih kan hre thei a. Rome phei chu, lo dingin, Daniela ziah ang khan tunah pawh a hming chuan a la ding ta zel a. Chu chu Daniela 2:33, 41-a milim ke leh kezungtangte hmanga entir a ni a; chu chu Roman kohhran leh Europe hnamte hmanga hnam inthente hmanga tarlan a ni. Tichuan, Bible hrilh lawkna chu Babulon emaw, Grik emaw, Rome hun tir lama miten an hriat mai theih loh tur kha chiang takin khawvel chanchin atangin kan hre chiang thei ta a  ni.

Hrilh lawkna hun tehnaa kan chenna atang hian heng lalram zawng zawngte chungchangah Daniela kha a lo dik ngei a ni tih kan hmu thei a; chuvang chuan, a lo la kal leh tur awm chhun: Isua Lo Kal leh hnua Pathian chatuan lalram lo ding tur thu-ah pawh kan ring thei ang.

Ni e, Daniela bu hi thu awmze nei tak leh rinna- sawhnghehna a ni a, a bikin Seventh-day Adventist, kohhran inzirtir nana hman nasa tak, a bikin Daniela 8:14 thu: “A hnenah,‘Zing leh tlai sanghnih leh zathum thlengin; tah chuan hmun thianghlim chu thenfai a ni ang,’” tih phei hi chu a ni lehzual.He chang milpui Daniela 7:22, 26, 27, chuan van rorelna ropui tak chu zawh a nih hunin, “Chungnung Bera mi thianghlimte” hnenah duhsakna, Pathian chatuan lalram chu din ngheh a ni dawn tih a tar lang a. Lei lalram tlawm leh mai thinte ang lo takin, hei hi chu chatuanin a ding reng dawn a ni.

Chutianga thlirna zau tak hrulah chuan, mimal takin Krista nen inkungkaih tha takin kan awm thei tho bawk a. Lal Nebukadnezzara mumang atanga sakeibaknei puk atanga Daniela chhanchhuah a nih thleng khan, Pathian chenchilh, kan bul hnai taka awm Anihzia he lehkhabu hian a tar lang a. Danielan lal sual Belshazzara hnenah,”Pathian i nunna leh i kawng zawng zawng a kuta kawltu,” (Daniela 5:23, NKJV) a ni tih a hrilh a.

A tawi zawngin, tun kuartara kan zir Daniela bu hi, kum sang tam kal taa ziah a nih lai ang tho khan, LALPA Isua Krista hmangaihna leh nungchang tarlanna thiltithei tak a la ni reng a ni.

 

Elias Brasil de Souza hi General Conference of Seventh-day Adventists World Headquarters-a Biblical Research Institute director niin, Andrews University atangin Old Testament exegesis and theology-ah PhD a ni.

 

 

 

 

ZIRLAI 1                                  December 28–January 3, 2020

 THU CHHIAR ATANGA HRIAT THIAMNA

 

CHANGVAWN: “Tichuan Filipa chu a hnenah chuan a va tlan a, zawlnei Isai lehkhabu a chhiar a ngaithla a, ‘I chhiar kha a awmzia i  hria em?’ a  ti  a,” (Tirhkohte 8:30, NKJV).

 

SABBATH  CHAWHNU                                                               December 28

Chhiar tur: Numbar 14:34; Daniela 9:23; 10:11, 12; Jona 3:3–

10; Luka 24:25–27; 2 Petera 3:11–13.

 

KAN kohhran hi, tun kuartara kan zir ho Daniela bu chhung atanga lo ding a ni a. Kan zir tan lai hian, a bu pum pui kan zir chhoh zelnaa min kaihruai turin heng hi rilruah kan vawng tur a ni.

Pakhatna, Krista chu Bible pum pui thupui ber a nih angin, Daniela bu thupui a ni tih kan hre reng tur a ni.

See also  ဘုရားရှင်၏ဖိတ်ခေါ်တော်မူခြင်း

Pahnihna, Daniela hian a sawi tum pawimawhte kan man thiam theih nana kan sawtpui turin lehkha bu thu inrem dan mawi taka rem fel thlap a ni.

Pathumna, hman leh nakin chungchang hrilh lawkna danglam dan kan man thiam tur a ni. Chu chuan Daniela hrilh lawkna leh zawlnei Isaia, Amosa leh Jeremia-te hrilh lawkna danglam dan hre thiam turin min tanpui ang.

Palina, Daniela-a hun hrilh lawknate kan zir hian, Heng hrilh lawkna hun rei tak awhte hi hrilh lawkna ni khatin kum khat a tluk tih hmanga teh a ni tih kan hre thiam tur a ni.

Pangana, Daniela bu hian hrilh lawkna thua bengvarna min neihtir ngawt ni lo vin, kan tunlai mi mal nun atan a pawimawh hle tih kan hre bawk tur a ni.

SUNDAY                                                                                    December 29

KRISTA: DANIELA THUPUI CHU

 

Chhiar tur: Luka 24:25–27; Johana 5:39; 2 Korin 1:19, 20. Eng tiang kawngtein nge Krista chu Pathian Lehkha Thu laipui ber a nih?

 

Pathian Lehkha Thu laipui ber chu Isua a ni tih chu inzawh thu a cheng lo, chutah chuan Daniela bu pawh hi a tel a. Entir nan, Bung 1-na hian, Daniela nun tawng kha, he khawvel suala khata cheng tur leh thim thuneihnate hmachhawn tura Kristan van a chhuahsan dan thawitham deuhin a entir a. Chu bakah, Daniela leh a thiante kha Babulon hnamzia hmanga chona hmachhawn thei tura Krista finna anga thuam an ni. Bung 2-na hian tawpna-hun chungchang tar langin, Krista lalramin khawvel lalramte a la luahlan tur chu a kawk a. Bung 3-na hian rawhtuina chhung meipui zinga Kristan A chhiahhlawh rinawmte a lenpui dan a lantir a. Bung 4-na hian Nebukadnezzaran “Van lam thuneihna” (Daniela 4:26, NKJV)a hriat thiam theih nana Pathianin a lalram atanga hun eng emaw chen a sawn bo rih kha a tar lang a.

 

“Van lam thuneihna” tih hian Daniela 7-a “Mihring Fapa” (Daniela 7:13, NKJV) anga tarlan Krista hnena ‘rorelna te, ropuina te, lalramte pek’tih kha min hriattir a. Bung 5- na hian kha hlimhlawp leh nawmsip bawl zana Lal Belshazzar thah a nih a, Babulon a lo tlawm a, Persia mite kuta a awm tan kha min entir a. Hei hian Setana hneh a la nih tur, Krista leh A vantirhkohten tawpna-hun Babulon an la nuai bo tur chu a lo entir lawk a ni. Bung 6-na hian puithiam lalten Isua beih rawna dik lo taka an hek velna anga Daniela an phiar ruk a nih dan a tar lang.

 

 

 

 

Chu bakah, Lal Darian Daniela hum tuma a beihna a hlawhchham ang khan, Pilatan Isua chhuah a tumna chu a hlawhchham a nih kha (Matthaia 27:17–24). Bung 7- na hian Krista chu Mihring Fapa, lalram leh A mite chunga rorelna changanga tarlan a ni. Bung 8-na hian Krista chu van biak buka puithiam angin a tar lang a. Bung 9-nain Krista chu inthawina thil hlan anga tar langin, a thihna zarah Pathian leh A mite kara thuthlung chu nemngheh a ni. Bung 10-12 hian Krista chu Mikaela, Van sipai rualte Hotu Lu ber, sual sipaite do va, thihna thuneihna atang meuh pawha Pathian mite chhanchhuaktu a nihna a lantir a ni.

Chutiang chuan Daniela (bu) thupui chu Krista a nihzia hi rilruah vawng ila. A bung tin mai hian eng emawti zawng takin Krista chu a lo kawk zel mai a ni.

 

Harsat-buai leh fiahna karah leh hmuingil leh hlimna nasa tak thlen lai meuh pawhin, engtin nge Krista chu kan nun laipui nihtir reng dan kan zir theih ang? Chutianga kan tih chu eng vangin nge a pawimawh viau?

 

THAWHTANNI                                                                            December 30

DANIELA (BU) ZIARANG

 

Daniela bu hi a then Aramaic tawng, a then Hebrai tawnga ziah a ni a; Aramaic-a ziah chin (2–7) inrel dan hmang hian heta tarlan ang ziarang hi a zui a, chu chuan a bu then hrang hrang thuchah laipui chu a nemnghet nawn leh a ni:

  1. Nebukadnezzaran inlarnaah lalram pali a hmu (Daniela 2)
  2. Pathianin Daniela thiante rawhtuina meipui atangin a chhanchhuak (Daniela 3)
  1. Nebukadnezzara chunga rorelna (Daniela 4)

C2 .Belshazzara chunga rorelna (Daniela 5)

B2 .Pathianin Daniela chu sakeibaknei puk atangin a chhanchhuak (Daniela 6)

A2 . Danielan inlarnaah lalram pali a hmu (Daniela 7)

 

Hetianga thu ziak awmze nei taka rem a nih hian a thu laipui ber chu a laia dah a ni thin a, chu chu C leh  C2 (Daniela 4 leh 5) thu: Pathianin Nebukadnezzara lalram (hun rei vak lo) a sawn bo rih lawk a, Belshazzara erawh chu a la bo hlen hmiah a ni. Chutiang chuan, bung 2 atanga 7-in a sawi uar chu lei lalte chungah Pathianin thuneihna tawp a nei a, A duh chu tungdingin, A duh loh chu a titlawm leh mai tih hi a  ni.

Thuchah puan chhuah dan tha zinga pakhat chu, a pawimawh lai han sawi nawn leh kher hi a ni. Entir nan, Pathianin Faraoa hnenah Aigupta ram hmalam awm dan tur chungchang mumang pahnih hmangin a entir a (Gen. 41:1–7). Mumang hmasa zawkah chuan, bawngpui thau tak tak psarihte kha bawngpui cher pasarihin an ei zo mai a. Mumang pahnihnaah, buhvui tha tak tak pasarihte kha buhvui sikhaw te te pasarihin an ei zo a nih kha. Khang mumang pahnihte khan kawh pakhat an nei a: Kum that kum sarih chu tam kum sarihin a rawn zui leh dawn tih a ni.

Daniela bu-ah hian Pathian pawhin A sawi nawn a. Hrilh lawkna thil pali, sawi nawn lehte chu a thil sawi tum bulpui chu a ni. A tawpah chuan, chung thilte chuan Pathian chu thuneitu tawp a nihzia an tar lang a. Khang hrilh lawkna thuten an tarlan kha thil hrang angin lang mah se, hun thuhmun chungchang an sawi theuh a; chu chu zawlnei hun atanga tawpna hun thleng niin, chu chu a hnuaiah hian tarlan ang hi a ni:

 

Daniela 2              Daniela 7            Daniela 8, 9           Daniela 10–12

Babylon                Babylon

Media-Persia   Media-Persia         Media-Persia            Media-Persia

Grik                       Grik                     Grik                             Grik

See also  ZIRLAI 9: SATANA LEH A THURUALPUITE

Rome                    Rome                    Rome                          Rome

 

Hun rei zawk thlirin, heng changte hian eng beiseina ropui tak nge min hlui? Daniela 2:44; Sam 9:7– 12; 2 Petera 3:11–13.

 

THAWHLEHNI                                                                             December 31

DANIELA (BU-A) TAWPNA HUN HRILH LAWKNA

 

Daniela bu-a hrilh lawkna thute hi Thuthlung Hlui zawlnei dangte hrilh lawkna thuchahte nen a inang chiah lo. Daniela hrilh lawkna thute hi Tawpna Hun chungchang a nih laiin, Thuthlung Hlui hrilh lawkna dangte hi chu hun liam ta chungchang a ni tlangpui a. Chung thil pahnihte danglamna tak man thiam chu, Bible hrilh lawkna hriat thiam nan a pawimawh hle a ni.

Chung hrilh lawkna chi hnihte thliar hranna tur thil pawimawh thenkhat chu:

 

Inlarnate leh Mumangte. Tawpna hun chungchang hrilh lawkna hmanga A thuchah zawlneite hnena hrilh turin Pathianin inlarnate leh mumangte a hmang tlangpui a. Hun Liam Ta hrilh lawkna ang chi-ah chuan, zawlneiten “LALPA Thu chu” an dawng a, chutah chuan inlarnate pawh a tel thei a. Chutiang ang chi zawlneiten an dawn hi vawi 1,600 vel lai tarlan a ni.

Entir Chihrang Nei. Hun Liam Ta hrilh lawkna ang chi- ah chuan entirna hman tlem deuh zawk niin, chutah chuan nuna thil thleng pangngaite hman a ni deuh thin a; Tawpna

Hun hrilh lawknaah erawh chuan Pathianin mihring nun khawvela awm pangngai reng ni lem lo, ngaihruat thil hmangtein entirna a pe a, khang ang ransa hlauhawm leh mak danglam tak tak, ki leh thla nei angte  kha.

Pathian thuneihna leh delhkilh nei lo. Hun Liam Ta hrilh lawknate kha, Pathian leh Israelte inkara thuthlung, mihringten an chhanlet dan azira thlenga thleng lo theite an ni. Tawpna hun hrilh lawkna hmangin Pathianin Daniela hun atanga tawpna hun thlenga khawvel lalramte dinchhuah leh tlawm chungchang a tar lang a. Hetiang hrilh lawkna ang chi hi hmalam thil Pathianin a hriat lawkna leh thuneihna tawpa innghatniin, mihringte thutlukna chu eng pawh ni se, a thleng dawn tho tho a ni.

 

Jona 3:3–10 chhiar la. Hei hi a eng ang chi zawk chu nge ni? I chhanna sawi fiah la. Daniela 7:6 hi eng chi nge ni ve thung ang?

Hrilh lawkna thu zau taka hriat a, hun liam ta hrilh lawkna leh tawpna hun hrilh lawkna a nih dan man thiam hi a hlawkpui awm thei hle a. Pakhatnaah, Pathianin hrilh lawkna thutak hriattir turin tih dan hrang hrang (Heb. 1:1)a hmang thin. Pahnihnaah, chutiang hriatna chuan Bible thu mawina min ngaih hluttirin, zir chian ngai a nihzia min hriattir. Pathumnaah, he hriatna zarah hian, “thutak thu” (2 Timothea 2:15) dik taka hrilh fiahin, Bible pum pui sawi tum nena inrema hrilh fiah turin min tanpui bawk  ang.

Heng Bible changte, Hosea 3:4, 5; Amosa 8:11; Zakaria 9:1 behchhan hian, tunlai Kristian thenkhat chuan khawvel tawpna hun thil thleng turte hi Bible Ram vela thleng turin an ngai. Chu hrilh fiahna chu eng nge a dik lohna? Engtin nge hrilh lawkna chi hnihte kar man thiamna zarah hetiang chi hrilh lawknate hi kan thliar hran theih ang?

 

NILAINI                                                                                            January 1

PATHIAN HUN RUATNA

 

Daniela bu kan zir laia rilrua kan vawn reng tur thil pawimawh dang leh chu, tawpna hun chungchang hrilh lawkna kan zir reng rengin, hun kal ta, tun hun leh nakin huna thleng tur a ni thei tih (historicist) hi kan hre reng tur a ni. Hrilh lawkna chungchanga hun kal taa thleng tawh, nakin hmalam huna thleng tur, leh duhthusam a ni tih ngaih dan neitute thlir dan nena khaikhin thiam phei chuan hriatna a chiang duh lehzual thin a ni.

 

Thleng Tawh (Preterism) ngaih dan zuitute chuan Daniela tarlan thilthlengte hi chu hmanlai huna thleng vek tawh angin an ngai a. Nakina Thleng Tur (Futurism) ngaih dan zuitute chuan kan hmalam huna lo la thleng tur angin an ngai thung.

Duhthusam (Idealism) ngaih dan neitute erawh chuan, tawpna hun hrilh lawknate hi khawvel hun englai bik maha a taka thleng tur ni lo, thlarau nun lama thleng tur entirna angin an ngai ve  thung.

Thleng Tawh, Thleng Mek, La Thleng Tur (Historicism), anni hi chuan, tawpna hun hrilh lawknate hi zawlnei hun atanga tawpna hun thlenga khawvel chanchina thleng famkim chho zel tur Pathianin a lo tarlanna angin an ngai. Daniela bu kan zir chhoh zel laiin, he lehkhabua inlarna pawimawh zualte (Daniela 2, 7, 8, 11) kan hmu ang a, thlirna kil hrang hrang atanga khawvel thil thleng tlangpui sawi nawn leh, tlema chiang deuh zawka tarlan a nih dan chu kan hre thei dawn a. Adventist sulsutute khan, Pi Ellen G. White-i pawh telin, Daniela leh Thupuan-a Bible hrilh lawknate an hriat thiam dan chu ‘historicist’ thlir dan kan tih ang hi a  ni.

Chhiar tur: Nambar 14:34; Ezekiela 4:5, 6. Hrilh lawkna tawngkamah ‘ni khat’ hian eng nge a lo entir tlangpui thin?

Daniela bu kan zir hian, hrilh lawkna hun hi ni khatin kum khat a tluk tih hi rilruah kan vawng reng tur a ni. Chu chu hrilh lawknaa ni khat tih khan a takah chuan kum khat a tluk tihna a ni. Entir nan, hrilh lawknaa ‘tlai leh zing 2,300’ (Daniela 8:14) tih pawh hian a takah chuan kum 2,300 a tluk tihna a ni. Chutiang zelin, hapta 70 pawhin kum 490 a tluk tihna a nih chu (Daniela 9:24–27).

Hetianga hun chhiar dan hi a dik a ni tih tichiangtu chu:

  • Inlarnate kha entirna hmanga pek a ni a, chuvangin hunte pawh kha entirnei tho a ni ve tur a
  • Inlarnaa thilthlengte kha hun rei tak chhunga rawn inpuang chhuak, thil thenkhatte phei chu ‘tawpna hun’ thleng phak hial a nih avangin, heng hrilh lawknatea hun sawinate pawh hi chutiang tho va hrilh fiah tur chu a ni ang.
  • Daniela bu hian ‘ni khatin kum khat a tluk’ tih ngaih dan hi a thlawp. Hapta 70 hrilh lawknaah hian chutiang entirna fiah tak chu a hmuh theih a, Lal Artaxerxes-a hun atangin, Isua Messia lo kal thleng a hawlh a ni. Chutiang chuan, Daniela bua hun chungchang hrilh lawknate hi ‘ni khatin kum khat a tluk’ tih dan hmanga hrilh fiah chu tih dan tur dik leh chiang ber a ni tih a
See also  HSS 5: DÂNIN A TUM TAK CHU BAWHCHHIAIN

Heng hrilh lawkna hun thenkhat hian kum za, sang laite pawh a huam a. Hei hian chhel/dawntheihna neih chungchang eng nge min zirtir?

 

NINGANI                                                                                          January 2

Tun Hun Atana Daniela Pawimawhna

Kum 2,500 chuang maha ziah tawh kha a ni nain, keini kum zabi 21-naa mite tan hian Daniela bu hi a la pawimawh em em reng a. Kan tana a pawimawhna kawng thum lo tar lang ila:

Pathian chu kan nuna thuneitu tawp a ni. Thil duhawm lo takte a thlen lai pawhin, Pathian chu thuneitu tawp niin, A fate tana tha ber turin mihringte finna hmangin a thawk thin a. Babulona Daniela thil tawn kha Aigupta rama Josefa thil tawn leh Persia rama Estheri thil tawn nen khan a inang deuh a. Khang thalai pathumte kha ram danga tang, Pathian hre lo hnam dangte thuneihna chimbuai an ni. A lan dan maiah chuan, mi chak lo, Pathianin a hawisan angte pawhin a ngaih theih a ni mahna. Mahse, Pathianin chakna pein, thil namen lo tak a tihtir si a ni. Keini pawhin fiahna te, tawrhna te leh dodalnate kan tawh changin, khang Daniela, Josefa leh Estheri-te kha thlir thin ila. LALPA chu kan LALPA niin, chung fiahna leh thlemnate karah pawh min ensan ngai lo a ni tihnaah hian hian kan chawl ve thei ang.

 

Pathianin khawvel thilthlengte a thunun. Eng emaw changte chuan sual leh tharum thawhnaa khat khawvel hian awmzia leh tum nei lo anga ngaiin kan ngaihtuahnate a buai thin. Mahse, Daniela thuchah chu, Pathian chu thuneitu a ni tih hi a ni. Daniela bu bung tina thuchah chu, Pathian chuan khawvel chanchin inher zel hi a khalh tih hi a ni. Ellen G. White-i pawhin heti hian a sawi: “Mihringte chanchina hnamte than dan, lalramte lo dinchhuah leh tluk hi mihring remruat leh thiamnaa innghat angin a lang thin a. Thil thlengte pawh hi, eng emaw chenah, a thuneihna, thil tum leh rilru sukthlek ang ang awm angin a lang thin. Mahse, Pathian thu-ah chuan puanzar chu kaihhlim niin, hnung lam te, chunglam te bakah mihringte chakna, thiltihtheihna leh tuipui zawng anga kalpui tawn vel a nih dan chu kan thlir thei a; Zahngaihnaa khata hmanruate chuan ngawi reng, chhel tak siin Ama thiltuma thurawn ang chu an hlen chhuak zawk a ni.”—Education, p. 173.

Pathianin tawpna-huna A mite nih tur angin A che. Daniela leh a thiante kha vantlang zinga entawn tlak nunin an nung a, chu chu khawvelin Bible a thlir dan ang chuan awm ang lo tak a ni., Pathian thu ang zela rinawm taka awm tur an nihna phatsan a, an rinna hnuk hniam tura nawr an nih lai pawhin, LALPA chungah rinawm takin an awm zui zel a. An rinawmna nuntawng leh Lalpa tana an inpekna khan, chanchin tha avanga dodalna leh tihduhdahna hial kan hmachhawn hunah pawh rinawm taka awm ve turin min chawk phur thin. Chutih rualin, Daniela khan LALPA chunga rinawm taka awm chungin, ram leh khawtlang tan thil tha eng emawte chu kan tihsak thei tho a ni tih a tar lang.

Chhiar tur: Daniela 9:23; Daniela 10:11, 12; Matthaia 10:29–31. Pathianin mimala harsatna kan tawhte min engtopuizia chungchang eng nge heng changte hian an sawi?

 

ZIRTAWPNI                                                                                     January 3

NGAIHTUAH ZUI TUR: “Anmahni Siamtu duh zawng hre duhte kaihruai turin Bible hi ruat a ni a. Hrilhlawkna thu nghet tak chu mihringte hnenah Pathianin a pe a; vantirhkohte leh Krista meuh pawh Daniela leh Johana hnenah, thil lo thleng thuai turte hrilh turin an lo kal a nih kha. Chung thil, kan chhandamna atana tulte chu thup an ni lo ve. Rinawm taka thutak zawngtute kal sualtir tur chi leh an rilru tibuai tur chia puan chhuah an ni hek lo. Zawlnei Habakuka hmanga LALPAN a sawi ang khan, “Inlarna chu ziak la, a chhiartuin tlan paha a chhiar theih khawpa chiangin … ziak rawh,” (Habakuka 2:2) tih a ni. Pathian Thu chu, thinlung taka tawngtaina nena zirtu tan chuan a chiangin a fiah a, mi rinawm takzette chu thutak engah  an lo kal ang. “Mi fel tan chuan eng chi thehsak a ni thin,” (Sam 97:11).”—Ellen G. White, The Great Controversy (Indona Ropui), pp. 521, 522.

“Daniela leh a thiante chanchin kha chik takin zir ula. An awmna hmuna mahni nawmsak bawl tura thlemnate kil tina tawngin, an ni tin nun hmanga Pathian chu chawisang leh chawimawiin an nung a. Thil tha lo zawng zawng an ti ve duh ngai lo. Hmelmapa kawngah mahni an indah duh lo va. Rinawm taka an din nghet tlatna chu Pathianin malsawmna nasa tak a vur ta a ni.”—Ellen G. White, Manuscript Releases [No. 224], vol. 4, pp. 169, 170.

 

Sawi Ho Turte:

 

  • Daniela bu kan zir hian, thil pawimawh tak pakhat a lo lang. Pathian chu hnam zawng zawngte chunga thuneitu ni mai lo vin, ani chu thuk tak thlenga kan kawm ngeih theih a ni bawk. Entir nan, Daniela 2- ah Ani chuan amah hrelotu lal hnenah mumang a neihtir Mite an muthilh laia an mumang lama thil a hrilhna khan, kan hriat thiam phak baka min hnaihzia a tar lang a. Chutih rualin, mumang khan Pathian chu engkim chunga thuneitu, khawvel lalramte awm dan tur a tawp thlenga hretu a nihzia pawh a tar lang a ni tih kan la hmu tel tho bawk ang.Chutiang a nihna atang chuan eng thlamuanna leh beiseina nge kan chhar thar theih ang? Chutih rualin, Pathian chu i bul hnai maia awm, i ngaihtuahna nen lama hretu che a ni tih i hriatin, eng rilru nge i put? Heta tan hian engati nge Kraws- a thutiam kha a pawimawh viau? 
  • In class-ah, hrilh lawkna chi hnihte chungchang kha sawi ho? ula.Chutiang entirna tur engte nge Bible- ah in hmuh theih ang?

Download (PDF, 616KB)

Tags: , ,

Admin

Admin

Top