Thuhilh Siavuanpa

Thuhilh Siavuanpa
Jay M. Tombokan
Indonesia
November 10

2012 Sabbath 13na pan khenkhiat sumpi a sang, Manado Adventist Zatopi, tangthu maan hi.
Kumsimin, Jay in a zato nasepna panin, kaalkhatnih hun la in, Pasian thu genna in hunzang zel hi. A naseppih te zong tuabang dingin hanthawn hi.
Doctor Jay in, amah leh a naseppih te, mipi tungah, lungdam thu tangko na a neih man un, ci-na te a khoi na vuah, kipumkhat zaw leh, Zeisu hong kumkikni ciang a ding kiginkholh sakna ah, muibun zaw hi cih mu hi.
“Lungdam thu tangko pen, ka zing-an leh ka sunsiah hi,” Doctor Jay in, Sulawesi tuikulh a om, mi 150 luptheihna, Manado Adventist Zatopi, a zumh sungah, interview na khat ah genkhia hi.
Zatopi i’ 2017 kum lungdamthu tangkona ah, local conference tawh mapangkhawm a, ki tuiphum 69 pha hi. A dang 53 te in 2016 kumin kiphum khin uh hi. Tua lungdamthu tangkona a mun nih in, Doctor te bekbek in, thu gen uh hi.
2018 kum ciang kikheel hi, Pawlthum hong kisuah uh a: Doctor te makaih na, Nurse te makaih na leh Zato uk te makaihna ci in khen thum hong kikhen uh hi.
“Apualam i paikhiatma in, eimahmah, kipumkhat masak kul, leh mipi tungah lungdamthu i tangko ciangin, i ngiim i tupna te zong i ki pumkhat kul hi,” Doctor Jay in ci hi.
Java tuikulh tung a om, Bandung Adventist Zatopi makaipipa Doctor Jay i phuutkhak thu teng hi. Kum nga sungin, mi 4,000 te’n Zato’ nasemte Lungdamthu tangko na panin, mi tul li (4,000) ki tuiphum uh hi.
Indonesia Adventist pawlpi in Zatopi 4 nei hi; Bandar Lampung Adventist Zatopi leh Medan Adventist Zatopi, cihte hi uh a, Sumatra tuikulh tung ah om uh hi.
Manado Adventist Zatopi pen, Union zumlui inn ah a kihong hi a, a honcil 2007 kum, December kha in, mi 50 luptheihna hi. 2012 kum, Sabbath 13na pan sumpi khenkhiat te tawh, 2013 kumin khanto a, mi 150 lumthei ta hi.
Zatopi in, haksatna tamveipi tuak a, a diakdiak in, Doctor hoih kisapna hipha diak hi, ci in Doctor Jay in gen hi. Zato nasem 384 om uh a, 100 ah 90 Adventist te hi in, kumkhat sung cina 700,000 kiim om den hi.
Doctor Jay pen, 2015 kumin Manado Zatopi ah hong tungthak hi a, Adventist cidamna nasep sem dingin ki lamen ngei hetlo hi. OB/GYN doctor cihte kumpi Zato ah semkhin a, Sabbath buaina hangin, kum sagih khitciang a khawl a hihi. Kumpi sung a nasep tawlnga in, Bandung Adventist Zatopi ah lut in,
Pasian nasep tawh nasia takin thuah in sem hi.
Doctor Jay in, tuabang a Pasian nasepna hangin, mite lungdamna thu theisak bekdomlo in, Zato nasem te zong tha khauhsak hi ci hi. A naseppih te in zong, Zatui tawh Pasian nasep, manngenlo a cina khoina, cidamna thu sinpihna cihte, hih ngeingai uh hi.
“Mite tha i piak ciangin, eima a ding phattuamna zong thakhatin hong paipah hi, ” ci hi.
Manado Zatopi in, kikhoppi nih nei a, Nipikaal thunget, kumkhat in nihvei leh, ni sawm thungetna (10-days-of-prayer), nisim zingsang biakpiakna cihte limtakin bawlsak hi. 2016 kumin, cina kua (9) ki tuiphum a, 2017 kumin nih (2) ki tuiphumbeh lai hi.
“Matthew 28:19–20 pen kote i bulphuhpen a hihi,” Doctor Jay in ci hi, Zeisu hong sawlna te bulphuh hi, “Pai unla, minam khempeuh te keima nungzui suaksak un, Pa Pasian min, Tapa min, Khasiangtho min tawh tuiphum un la, kong thupiakna khempeuh zuih dingin hilh un.” “Zeisu hong paibaih ding cih I thei hi,” Doctor Jay in ci hi. “Zeisu hong paibaih ding hi.”
Sumpi te a dingin lungdam ung.
Laigelh Andrew McChesney