ZSL 3: THUKHAM IN SIAPA

Zomi Sabbath School Lesson, 4th Quarter 2020, Sinna 4: TOPA’ MIT: LAISIANGTHO IN LEITUNG A MUHNA, Zokam, Zopau, Zolai, Tedim, Tiddim, Chin, Myanmar, Paite, Thado, Kuki, Adventist,

Lesson  3                                                        *October 10–16

 

THUKHAM IN SIAPA

 

 

SABBATH NITAKLAM                                   Oct. 10

 

Tukalsung Simding: Deut. 6:5; Deut. 31:9–27; Rom 3:19–23; Mang 12:17; 14:12; Mark 6:25–27; Heb.  5:8. 

 

Kamngah: “Topa note Pasian, nalungsim khempeuhuh, leh nathahatna khempeuhuh tawh na it dinguh hi.” (Deut. 6:5).

 

            Paul in ukna thukham vai in Galati mite kiangah: “Mihingte tungah hong kipia thukham in nuntakna taktak hong piathei hileh, tua thukham zuihna hangin mi khempeuhin Pasian tawh kipawlna ngah ding uhhi” (Gal. 3:21). Thukham in nuntakna hong pia theileh, Pasian’ thukham mah hi veve ding hi. Paul cihnopna ah, ei mawhneite, Pasian’ thukham nangawnin nuntakna hong pia thei tuanlo hi. Banghang? “Ahi zongin Zeisu Khazih a um mite tungah a upna hangun, Pasian’ thuciam akipiak theihna dingin, Laisiangtho in mawhna khutnuai ah leitungmi khempeuh a omhi naci hi” Gal. 3:22.

            Thukhamin nuntakna hong piatheihlo mahleh, a ngiimna bulpi in, hehpihna i kisapzia hong theisak hi. Thukham in eite langkhatpan i mawhna honglakkhia hilel hilo hiam?  

            Hi lo hi. Thukham in, Zeisu’ sung bekah a om nuntakna lampi hong lak hi. Pilna mantaktak icihcih zong pen hihmah hi a, hehpihna, upna leh Khazih’ thu manna ding hong theisak ahi hi.   Tua ahih manin tukalsung tengin, Christian’ Pilna tawh kisai Pasian’ thukham koibang kihel cihthu isin ding uhhi. Thukhamin hong gumtheilo mah taleh, upna, hehpihna leh apuuksa ei leimite Pasian in hong itnathu hong hilh thei veve lai hi. 

 

SUNDAY                                                                             October 11

Pasian Itding Kihtading

 

            Thuhilhkikna laibu in, Israelte kamciamgam a lutding khangthakte a pianma, Moses in akam vaikhakte vive ahi hi. Kammal ahi a, thuhilhna ahi zong in kician mahmah in vaikhak hi.           

            Deut. 31:9–13 simin. Topa kihta cihin bang a cihna hiam?

_______________________________________________________________________________________________________________________________________            

 

Pasian in Israelte tungah athukham piaklai in deihsakna lianpi tawh piahi. Thukham aki mangngilhloh na’ngin lampi honsak hi. Pasian pen a lungduai Siapa ahi hi.   Ama’n ahilh banah, a kamsangte hongsawl a, a sawltakte in zong athupuak puaksak hi. Tuabangin zomtoto hi. Laisiangtho lui sungah, amite’n nuntakna lampi a zuihna dingun a hatthotna vive hi lo a hiam?

            Anuai amunte en lecin, Moses in thukham thu, akhang akhangin kisin ding a thupitna vive ahilhna ahi hi. Moses in cialnih in khen hi. Amasa in naupang te’n thukhamna za phot limlim ding, tua khitteh “Pasian kihtak kisin ding” (Deut. 31:13) ci hi.

            Za masa ding uh a, tua khit teh, kihta ding uhhi. Thukham theih khitteh kihtakna piang pan cihbang a hihlohna’ngin, thukham kisin photphot ding hi. Pasian kihtak zong kisin zek kul hi. Moses in theihtelna leh kihtakna limlim, kizopnapan a piangpan hi lo hi cihi. 

            “Pasian kihta” cih pen “Na Pasian, nalungsim khempeuh, nakha khempeuh leh nathahatna khempeuh tawh it in” (Deut. 6:5) cih kawmkal a bang acihnopna ahia? Pa hoihkhat pen a tano in it leh kihtak a thuah dan, Pa khat in itna leh deihsakna lak a, a genbangin sepsak hi. Tuabang Pa khat in hihkhial peuhmah leh tua ahihkhialh mawhna in akhan tawn thuak ngeingei ding hi. Pasian itthei kihta theilel hihang. Thu kitukalh hi-hetlo hi. Pasian’ thu sinsemsem leng ama’ hoihna hangin it sem-sem ding; tuahun mahin, amah theisemsem in kihta thei veve ding hihang. Ama’ sianthona mu a, eite’ kihhuaina tawh tehkaak ciang, hong hehpihna hangbek tawh hong susialo hibek hi.

            Pasian tungah it leh kihtak i thuahkhop theihdan nakoici theihtel hiam? 

 

MONDAY                                                                October 12

Note Langkhatah Tecipang

 

            Moses in asihding atheih ciangin, amah kinusia ding a, Israel mipite kamciamsa Canaan gamah lut dinguh cih thei hi. Tualai ah kum a sawt ciangin langdo miname hong suak dinguh cihzong thei khinkhian hi. 

            Deut. 31:14–27 simin. Moses in a sihma in bangpeuh kigingkhol hiam? A ngaihsutna bulpi bang hi a, koibang in minvawh hiam?

________________________________________________________________________________________________________________________________________

            Hih santakah Moses’ aw in, Sia khatin a ma zaa laih ding midang ateel bang hi. A sangnaupangte in ama’ mitmuh mahin gamtatsia malam ahih manin; ama’omloh ciangin langdo loding ci peuhmah ngamlo hi. Levi mi thukham singkuang puate kiangah, “teci” dingin, thukhamna laibu pen, thukham singkuang gei-ah koih dingin sawl hi. Ama’ zaalaih ding khat teelziau hetlo in, teci khat koihngiat hi. Thukham laibu pen, mihingte lungsim ahilhpil thei ding vangliatna neikhat bangin gen hi. 

            Tua thukham in amau “langkhatah teci” acih ngaihsun in. Laisiangtho thak sungah tuatawh kisai koibang omhiam? Rom 3:19–23 simin. Hehpihna i kisapzia, thukhamin koibang in hong phawksak hiam?

________________________________________________________________________________________________________________________________________

            Thuhilhkikna 31 sungah, Pasian in a lahilhpen gelhsuk dingin sawl hi. Tua la mah Moses in Israelte kiangah hilhkik ding a, aneu 19 ah, “Hih la kei adingin Israelte langkhatah teci asuah theihna dingin” naci hi. Pasian in mi bangin zang hi. La a kisak ciangin kizeel baih mahmah hi. La in teci ahih ciangin, mite amau leh amau ki entel tek in a cihnopna telzaw tek uhhi.  

            Pasian hongpiak thatang neihzah tawh a thukham mangding icih ciangin, tua thukhamin “eite langkhat ah teci” koibangin pang hiam? Tua teci in eite nuntakna ah lungdamthu i kisapna bang hong hilh hiam?

 

TUESDAY                                                               October 13

Na Lamzan Theih Nadingin

 

            Laisiangtho sungah, Pasian thukham thumanna hangin hongpiang thutampi omhi.

            Joshua 1:7, 8 simin. Topa in Joshua tungah bangthu pia a, tua thukhun mahin tu hun eite zong bang hong hilh lailai naci hiam?

____________________________________________________________________

            Topa in, Canaan alutkawmun Joshua kiangah: “Thahatin hang inla, ka nasem Moses in nang hong piak thukhamte khempeuh tawh kizui in na gamtat ding limtakin ngaihsun in. Na paina peuhah hoihtakin na lamzan nading in tuate khat zong pelhkei in”Joshua 1:7 cihi.

            Thumanna hangin lamzang ding cihpen tuhun leitung paizia tawh kilehbulh zawsop hi. Tulai mite in lamzanna pen puahphatna, van thak bawlna, ei leh ei kimuanna peuh cizaw uhhi. Vanthak bawlna phualpite ah midang sangin nakpil zawk ding peuh kisam sakzaw uhhi. Bangpeuh hi taleh Pasian’ maiah a kisampen thutuam hizaw hi.

            Revelation 12:17; 14:12; Rom 1:5; Rom 16:26; James 2:10–12 cihte simin. Hih munte in Pasian’ thukham zuihna tawh kisai bangpeuh hong gen hiam? Thukham zuihna tawh gupkhiat i hihloh teihang, i kepcin ding banghangin thupi hiam?  

            Laisiangtho lui, Laisiangtho thak, thuciamlui, thuciamthak cihte phamawhlo: Laisiangtho um Christiante Pasian in thukham zui dingin hongsam hi. Thukham palsat leh mawhna hi a, natna thuakna leh tawntung sihna hong tunthei hi. Mawhna leh thukham palsatna daan athuak ngeilo peuh i omkha hiam? Israelte in Pasian thukham zuihna tawh akhantoh mahbangun (hehpihna kisam veve) tuhunin zong tuamah bang hiveve lai hi. Christiante pilna ah, 

            Pasian’ thukham zuihna in, upna sungah Pasian’ hehpihna muanna tawh nuntakna i thulaigilpi ahi hi. 

            Mawhna in akhaptawn tawh kisai bangciang naphukha ngei hiam? Midangte in tuabang mawhna khatpeuh a bawlkhakloh na’ngin bang khawng hawmsawn thei ding nahi hiam? 

 

WEDNESDAY                                                        October 14

Thukham Kemcingte Sepna leh Hahkatnate

 

          Pasian’ thukham zuite Pasian mahin thupha pia a hamphatna lianpi aneihlawh om uhhi. Joshua in Pasian’ thupiak zui a, Israelte hoihtakin makaih thei hi. Israelte mahmah zong thukhamna a man vualeh lamzang ding cih kamciam pia hi.

 

          2 Khangtangthu 31:20, 21 simin. Hezekiah lamzanna khantohna banghang ci hiam?

__________________________________________________________________________________________________________________________________

 

          Bang pilna peuh isin zongin, thumanna i thupitsak mahmah kul hi. I sangnaupangte hai hetlo hi. Mi pawlkhat thuman, itna nei leh thumang cih hong theikhia veve uhhi. Hi napi tuahsiatna a omteh bang cihsak ding? Cihtheih na’ng omtuanlo hi. Mawhna leitungah ki omlai, kidona lianpi sungah ki omlai, kisuakta nailo hi.

 

          Hihmunte in dotna haksa hong koici dawnsak hiam? Mark 6:25–27; Job 1, 2; 2 Cor. 11:23–29. 

__________________________________________________________________________________________________________________________________

         Mihoih thumante, thukham zuite lamzang khin khollo cih leitung in theihkhitsa ahi hi. Hih dotna pen haksa a, a langphial bang hong dawnsak thei khamah ding a, thukham thupi ahihna mah i bulphuh tentan kulding hi. “Lamzang” cihteh bang a cihna? Laphuakpa in”gitlohna innsungah kateen sangin, ka Pasian’kongcingpa kahi nuamzaw hi” Psalms 84:10.Leitung mite ciaptehna ah bel Pasian’thukham zuite lamzang khangto ngeilo cih hi limlim hi.

          Hebrew 11:13–16 simin. Thu um, thumangte thuaksiatna banghang ci hiam? 

 

THURSDAY                                                           October 15

Zeisu, Etteh Ding Lim

 

            Pasian’ Tapa Zeisu Khazih in mihing dinmun mahtawh Pa’ thukhamte apicing in hong zui in thumang hi. Eite aiawh bek hi lo in, etteh ding lim in hong omhi. 

            Anuai a teng simsuk in: Luke 2:51, 52; Phil. 2:8; Heb. 5:8; John 8:28, 29. Khazih’ thumanna bangteng hong phawksak hiam? 

            John cihna mah hoihpen hi; “Pasian tawh kakipawl hi a ci mi khempeuh, Zeisu Khazih a gamtat bangin agamtat ding ahi hi” (1 John 2:6) cihi. Khazih’ nuntakzia leh nasepzia a ente in, a thumanna tawh Pa a lungdamsakna mulel ding uhhi. Genkholhnate tangtut in, anuntak tawntung Pa’ thukham pahtawi den hi. Israelte langah teci dingin thukhamna, Pasian in Moses gelhding asawl mahbangin, Khazih pumpi in nungzuite, mawhneite leh misiangthote a ding teci ahi hi. Tu in zuihding thukham kigual detdatte sangin, Zeisu en peuh lecin, ci leh samah tawh hong nungta a, i zuihding limte honglak hi. 

            Siate aw, Zeisu in Pa’ thu a manzia sangin a hoihzaw limdang sangnaupangte tungah hilh ding bang omtuan hiam? 

            “Pasian’ thu manding panin suahtakna hongpia Khazih sungah upna cihpen, upna hi lozaw a, upmawhthu hibek hi.”

            ‘Upna hangin hehpihna tawh hotkhiat’ cihi (Eph. 2:8). ‘Gamtatna in a zuilo upna in a si hi’ (James 2:17). Zeisu in leitungah hong paisukma thute a genna ah, ‘Nangma deihbang hihna ah nuam kasa hi, ka Pasian aw. Nangma thukham ka lung sungah omhi’ (Psalms 40:8). Vantung a kahtoh kik madeuh in zong, ‘Ka Pa’ hong thupiakte zui in Ama’ itna sungah ka ommah bangin (John 15:10). John in zong, ‘Eite in, Ama’ thupiaknate izuihleh . . . Pasian tawh kakipawl hi aci mi khem peuh, Zeisu Khazih a gamtat bangin a gamtat dinguh ahihi’ (1 John 2:3, 6).”—Ellen G. White, Steps to Christ, p. 61.

Na nuntakzia tawh, Khazih’ lim ahoihzaw in na zuihtheih na’ng leh, midangte hoih takin na hilhkik theih nadingin, bangpeuh na hih thei diam? Khanglui kam ciapteh hiphiallel mahtaleh ikampau sangin i gamtatna in banghangin awngaihzaw thei hiam?

 

FRIDAY                                                                             October 16

Ngaihsutbeh Ding: “Piansakna leh hotkhiatna ie thubulpi in itna hi a, pilna mantak ie bulpi ahi hi. Pasian’ thukham sungah nuntakna hong makaih dingin hong hilhsa ahi hi.   Amasa leh alian thukham in ‘Na Topa Pasian na lungsim khempeuh, na kha khempeuh, na thahatna khempeuh tawh it in’ (Luke 10:27). Tehpih beipa, pilna kimpa thahatna khempeuh, lungsim khem peuh tawh it cihteh, ei hihtheihzah tawp cihna ahi hi. Avekpi cihciangin – pumpi, lungsim leh kha cihtengin Pasian’ limleh meel suunkik ding hi.”

            “Amasa mahbangin anihna hi a, ‘Nangmah na ki-it mah bangin na vengte it in (Matt. 22:39). Itna thukham in pumpi, lungsim leh kha cihte Pasian aading leh midangte adingin ki aap ding ci hi. Tua bangin midangte’ ading thupha hihna in eima tungah thupha lianpen sanna ahi hi.   Angsung khuallohna in khantohna maan taktak ahi hi. Tua bang angsung khuallohna panin a sangpen ngeinate ih ngahthei hi. Vantung ngeinate i ngah semsem hi. I lungsim sungah vantung ngah i hihmanin, vantungtawh i kiphuta hi.”—Ellen G. White, Education, p. 16.

 

Kikupding Dotnate:

1.         Tanglai Israelte mahbangin, Pasian it leh kihtak i thuahkhawm ding uhhi (Matt. 22:37, Revelation 14:7). Khansungah, thuahkhop theihna’ng kikumun. Hih dotna zong dawngun: Hih thukhamte banghangin kitukalh lo uh hiam?

2.         Dinmun khat ciangtanhna leh thukham khat bawlna koici kilamdang hiam? Nangma muhna ah, Adventist-te omzia pen milakah dinmun sang maw aihke’h amau pawlsung teng ading thukham khauh bawlmaw? Dinhmunsang bawlna tawh kisai in Laisiangtho in koici gen hiam? Mimal ading, innkuan ading, pawlpi ading?

3.         Pasian’thukham zuihding a thupitnakoiciang i lakkhia theizo a, ahih hang, tua thumanna in hotkhiatna bulpi hi lo cih zong i lakkhia thei hiam?

4.         Psalms 119 simsuksuk lecin, thumanhna, suahtakna thukham, thukhunh leh thupiak bangzahvei bang namu hiam? Psalms 119 lai atpa in bangthu thupi saknuam hiding hiam?

 

READ  Nehemiah
Tags: ,

Admin

Admin

Top