THUKHAM TENG PALSATNA
THUKHAM TENG PALSATNA
A gelh: Pr Daniel Nangno
James in Thukham khempeuh azuipa in Thukham khat a palsat leh avek in mawh baang hi ci, James 2:10 Sinai mual tawzang ah bawngno lim a biak pen uh hehlua in amau te mawhna hang in Moses in Thukham gelhna suang pek 2 lei a denna pah hi. Deuternomy 9:17
Eden ah a kikham singgah neekna:
1. Eve in Thukham nambat 1-na palsat, (Ex. 20: 3)— Pasian dang bia kei in – Gul thu mang. Gen. 3:6
2. Eve in Thukham nambat 2-na palsat, Ex. 20:4-6— Bawl tawmtawm seh tawm tawmtawm te bia lo ding. Gul thu mang.
3. Eve in Thukham nambat 3-na palsat, Ex. 20:7—Topa mindai sak lo ding: Gul in Topa min thaangzat Evi in tua upna tawh Pasian min daisak. Gen. 3:5,6.
4. Eve in Thukham nambat 4-na palsatna kimu lo hi, Ex. 20:8-11–Sabbath tan ding phawk in. Gen. 2:2,3 Pasian bawl hi.
5. Eve in Thukham nambat 5-na palsat, Ex. 20:12– Nute Pate zahtakin: Gul’ bawlin amah abawl a pa Pasian zahtak lo in dem sawm zawsop. Gen. 2:17; 3:5;7.
6. Eve in Thukham nambat 6-na palsat, Ex. 20:13– That kei in. A nungta nuam selua thumanglo in Gen. 2:17, amah leh amah leh a pasal kithahna ciang seem, Gen. 3:6,22-24… singgah, Pasian’ phalloh ne uh. Mawhna thaman in sihna hi. Rom 6:23.
7. Eviein Thukham nambat 7 -na palsat, Ex. 20:4 — Numei leh Pasal mawh pihna bawl lo ding. Gul thu mang in, Pasian dang, Todang neihna pen adultery-angkawm mawhna na ci Kha lam thakiam. Gen. 3:5,6.
8. Eve in Thukham nambat 8 -na palsat, Ex. 20:15— Gu kei in. Pasian’ aituam singgah gu – Tithe pia lo-te agu hi. Mal 3:8-10.
9. Eve in Thukham nambat 9-na palsat, Ex. 20:16— Zuau teci pang kei in: Zuau gen kei in. Gul in Evi tungah zuau genin, Evi in sangsiamin apasal tungah zuau teci pangpah hi. Gen.3:6 Gul in Pasian’ bawl na lamdangte Evi lakin Pasian thupitna musaklo in hazaatna lungsim guan zaw hi. Amuh te iip lah sak. Gen.3:5,6.
10. Eve in Thukham nambat 10-na palsat, Ex.20:17— Haza kei in: Deihgawh, Eeng, hazaa— deihgawh cih pen thuhoih lungsim hoih hi. Eeng zong thuhoih lungsim hoih hi. Hazaa cih pen huaiham-na ut taak utna hi in amah bek in nei leh ut cihna hi, Pasian a hazaa dingin Gul in Evi bawl. Gen. 3:5. Evi thangpai sak. Ama lungsim puak Evi hawm. Pawl mat. Leitungah gal hi zahta a omna pen Thukham nambat 10 palsat man hi. Mihing a tampi in a hih nasep hih hi. SDA te kidawmni. SUM zatna VAN zatna khat peuh i neihte Manual leh Policy tawh kituak a Committee in a khensat ahih kei nak leh SUMKEEM te Pastorte Presidentte a kuama-peuh in Policy phalloh pi-in ama thu tawh a geel a zat a sep leh hih Thukham a palsat ahi hi. SDAte hih thu ah kidawm mahmah ni. Satan nasep a daupai a lawhcing pen hih mun hi. Committee in Policy zui in khensat thei bek hi. Kain in Abel tungah Gul’ lungsim apuak ii guu hazatna hong lakkhia.
Sabbath pen Gul in THUPI asak penpen leh Pasian in a THUPI a aneih ahih sawnsawn tawh EDEN huan sung pan kihawl khiat khit teh Huan pualam ah manlang taka kipalsat ding geelna Gul in nei pah hi. Cain sungah ama lungsim hoihlo guanin thangpai sak phot a 2. A nu a pa te in a palsat ngamloh Sabbath pen palsatin sep hun leh khawl hun amau ut bangin zang lel. PP 81. Tuanpupate leh Kamsangte, 51.
Sabbath — ” Thukham sawm (deacalogue thupiak sawm) laka a thupiak gol penpen (The greatest commandment in the deacalogue), EW.65 Thukham 1 pan 3 teng atelsak thukham ahih hang hi. Hang tak-a kilangpan’ pen Thupiak ( thukham ) 4 na hi. Hang tak a kiseem ngam pen Thupiak (thukham)10 na hi. Kam-a pau a kizangkhai zat pen Thupiak (thukham)9 na hi. Hin- gim a nak nam pen hinapi sih gim a ciik nam pen Thupiak (thukham)8 na hi.
THUKHAM 10-na: Topa in i sum ngahna limtak na en. JUDAS. DA 718-” A khut sung a hong tung sum tawmno khat in ama a dingin mawh zolna hi den hi. Khrist a ding a sep nengno khat a neih ciangin biakna vai-a sep khat peuh a neih ciangin, tua taang sum (fund) tawmcikno khat mah pan amah leh amah a kiguai den hi. Topa adinga sepna khempeuh ah thaman kipiakpiak pen khialna lianpi ahi hi.”
2T 345– ” Topa adingin kamtaai i sep pak vannuai sum-a lei (buy) den pen khial theih tawp a khial ahi hi. Tua bang a semte in sum kholna a sum teng , zangmangin Pasian nasepna a suliam uh hi.” THUKHAM 10- na: Sum ngah Sawm ah Khat: Hih pen Pasian nasem siate a kiguaihna: Sum siangtho hi. Sawm a khat Sum siangtho khasum a saang a sep nengno khat aneih teh thaman sum alak veve lai nop leh a kha sum piak lai ding Pasian in geel lo hi. Sawm a Khat pen biakinn lam nading sum hilo hi.A zat nading Pasian in a sehnasa omin i theih kei leh i laibute dong ni. Sum om tah ci a kizangh hihet lo hi. A zat nang mun ah zat ding bek hi.
“NOPTAK SA PAH KEI NI, GUU HONG NEI THEI KHA DING HI”
Myanmar Union Mission ah kum tampi ka sep sungin LEGAL A ND TRUST Department zong leen kha ing. Japan Gal pan tu ciang ka khoptuahna ah Tuahsiatna pen NOPTAK a kisak pahna tam mahmahin lauhuai mahmah sa ing. Hih thulu tawh thupiang honkhat gelh
in. Kawl gam bup thupiang hi kei na in tam sim mah huam kha. A gol om a neu om. Pasian in neu sa tuan kei. Pasian tawh kisai SUM leh VAN te i zeekna ah Laisiangtho leh Policy lo in zat ding.
in. Kawl gam bup thupiang hi kei na in tam sim mah huam kha. A gol om a neu om. Pasian in neu sa tuan kei. Pasian tawh kisai SUM leh VAN te i zeekna ah Laisiangtho leh Policy lo in zat ding.
MEIDAWI MAHMAH ZAW NI:
Thukham 10 a om lakah nambat 4 na leh 10 na mah kisimtham kilangtang palsat pipen danin kimu. Leitung bup in nambat 4 na hua pen. SDA te nangawn in nambat 10 na kipalsat pen. Thukham nambat 10 leh Thukham nambat 8 kikop zah a mihing; lungsim a zo Thukham dang a om hia? Gu (steal) cih kammal in gutate’ guuk bek a gen hilo hi. Guk khuankhuan sangin paulap nei a zat pen Pasian in hua zaw hi. Pawl khat in van a lei ciangin a van ii man zah sang a tam zaw voucher ah gelh sak uh hi. pawlkhat in pawlpi van leh amau’ van keem khawm uh in mau; van a puah uh ciangin a sum bei teng pawlpi van puahna in gelh uh hi.
Pawlkhat-in zato lam Nurse-te Doctor te’ signature ( abawltawm uh) tawh Medical Bill bawl thei uh hi. A seal khawng uh (a bawltawm uh) khen uh hi. Pawl khat in Mawtaw a tam mante tuang danin Bill bawl uh a, atawm mante a tuang uh hi. Pawlkhat in pawl sum amau zatnopna ah na zang uh in va dong tel le hang leitawi pak in sum phazah hong lak thei uh. Amau’ zat ding atam nadingin sumpi piak hanthot siam uh.
Pawlkhat-in zato lam Nurse-te Doctor te’ signature ( abawltawm uh) tawh Medical Bill bawl thei uh hi. A seal khawng uh (a bawltawm uh) khen uh hi. Pawl khat in Mawtaw a tam mante tuang danin Bill bawl uh a, atawm mante a tuang uh hi. Pawlkhat in pawl sum amau zatnopna ah na zang uh in va dong tel le hang leitawi pak in sum phazah hong lak thei uh. Amau’ zat ding atam nadingin sumpi piak hanthot siam uh.
Hih bang teng i et ciangin amau mah “pasian” a kineih uh na hi. Thukham 1 na Evi kikheel. Ei zong kikheel kul hi.
PASIAN’ PAHTAAK LOHTE’ OMZIA
1. Egypt Ta upa gan upa khempeuh vat mai, that cip, Ex. 12:29.
2. Noah Hun lai-in Innkuan khat leh Ganhing namkim nupa kop losiah Tui kia sak, ni 150 sung tuiciin in vuk uh, Gen. 7:17, 24.
3. Israel te Egypt pan a a paikhiat uh ciangin a nungdelh Pharoah Amenhotep II leh a galkap teng Santuipi laizang ah Tui in phum lum. Ex. 14:28; 4T 24, 25.
4. Korah, Dathan, Abiram a innkuan pih Mosi leh Aron langpang hang in Pasian daan – Leihawm sungah tuak sak, tuahpha lo hi hong kawdawk nawn kei uh. Nim. 16:32 (Tonzanga Mi khat in Tungtuun sung leihoih akhuatkhuat leh tuahpha lua in hong kawdawk nawnloh tawh kibang uh).
5. Hih thupiang hanga alungkimlo makaite angawh midang 14700 Topa in pul natna tawh kam hum cip. Num. 16:49.
6. Cih-a cihtheihloh Sodom leh Gomorrah Gam kuam a teengte in kihhuai gamtatna hang leh thukham palsatna hang in Meitui guah “zu sak” Pian. 19:24 (Pian. 18, 19) Lot’ Zi thu mang lo, nung hei-in Ci khuam suak. Gen. 19:26.
7. Lothak kizuan ta in Lothak-a kizang theilo ding khempeuh kihaaltum ding, Malachi 4:1; Micah 4:8; Jn 14: 1; 6; Rev. 22:1-7.
SOURCE: Conference kithu zakna, Vol 4 (April-June, 2018).
Pr Daniel in leitung nuntakna nusia in tawlngakna hong laksan ni May 31, 2019 ni in ama laikung pan khat ih koih khia hi. A na a sepsak ih biak Pasian mai ah eiteng tawh thangkik ni ciangin kimu kim tek ding lamen hang.