ZSS 10: Topa Bia

Zomi Sabbath School 10: Topa Bia PDF

Lesson 10:                      November 30 – December 6

 Topa Bia


 

Sabbath Nitaklam                              November 30

Tukaalsung sim ding: Neh. 12: 27- 47; 1 Chro. 25: 6- 8; 1 John 1: 7- 9; 1 John 1: 29, 36; 1 Cor. 5: 7; Heb. 9: 1- 11.

Kamngah: “Amaute in phatna leh lungdamkohna a kidawngin sa uha, “Topa hoih hi, banghanghiam cihleh, Israelte nong itna kip tawntung hi” a ci uhhi.  (Ezra 3:11).

          Tukaal kamngah in, Hebrewte biakpiakdaan, Pasian a zaktakdaan leh a phat daante hong musak hi. BC 515 kumin, biakinnthak aapna nei uh (Ezra 6: 15- 18) a, tua zawh kum 60 sawt ciangin, Jerusalem khuapi kulh zosiangta ahih manin aapna nei leuleu uhhi (Neh. 6: 15 – 7: 3; 12: 27).

          Nehemiah 11 leh 12 sungah khangguite tawh kizuisuk in, laigelhpa in khuapi kulh aapna ciamteh suk hi. Na khempeuh Pasian kiangah aapding pen ngeina hi. Biakinnpi, khuapikulh, inn leh adangte khat peuhpeuh aapkul hi. Tua aapna dingin kigingpha khol sitset uh a, la, tumging, pawi, biakpiakna, gualnopna leh mipi ki siansuahna cih khawngte bawl uhhi. David in aapna bawl ciangin, biakpiakna bawl ding in kipsak a, tuakhit Israel makaite in zuisuksuk uhhi. Solomon in zuisuk pah ngiat hi (1Kings 8: 5).

          *Tu kaal sungteng peuhmah a Pasian biakpiak daante sinpha limlim in, eimah’n zong biakpiakna sungah zatpah theih ding zongpah ding hihang. 

 

SUNDAY                                                December 1

TOPA’ LATE SA

          Nehemiah 12: 27- 29 sim in. A biakpiakna kammalte leh aphatna kammalte a kibang namu hiam?

……………………………………………………………………………………………………………………………………………………………………

           Levi mite lakpanin lasa ding mi teeltuam uhin, biakinn ah lasa dingin seh uhhi. Biakpiakna ameelhoih theih nadingin, biakpiakzia ding khempeuh Pasian in lamlak hi. Kumpi David in a hoihzaw lailai puahpha toto hi. David in, biakpiakna a makaih dingin Asaph suan leh khakte sehngiat ahih manin, “amahpen lasa Asaph suante sungpan ahi hi” (Neh. 11: 22) kici hi. 

          1 Chro. 25: 6- 8 simin. Biakpiakna sungah “Topa’ la sakna” leh tumgingte (music) in, alaigilpi ahih lam hong koici hilh hiam?

……………………………………………………………………………………………………………………………………………………………………

          Lasate pen Levi mite hi uha, biakinn ading akiseh tuam ahi uhhi. Biakinnah lasakna leh tumgingte a kicial uh ahi hi. David hunlai in tumging sinna sang omngiat in, siate sangnaupangte khempeuh in, aneu alian, biakpiakna sungah la leh tumging vaihawm uhhi. Tumging tumte, lasate, vankemte leh puankemte cihbang in kihawm uhhi. Bang adeihna ahi diam? Ahihtheihna uh akhantoh na’ng hizaw hi. Biakpiakna sungah ahoih penpen in bawlding hi. Phatna ahih lehbel, Khalam a khanlawh daan zui in lungsim suangpan hong piang bangbang ahi hi. 

          La leh tumging tungtawnin biakpiakna koibangin nuamsa theiding ihi hiam?  Tuate banghangin thupi nasa uh hiam?

 

Monday                                                  December 2

Siansuahna

          Khuapi kulh aapna aneih khit, lasapawl in zong adawng dangkhat asak khit ciangin siansuahna bawl uhhi. “Tua ciangin Siampite leh Levi mite amaumah ki siansuah tawmuh a, tua khit ciangin mite leh kongpite leh kulhpi a siansuah uhhi” (Nehhemiah 12: 30). Siansuah cih Hebrew lai in thr hi a, siangtho cihna hi. Lai Siangtho lui sungah pumpi sianthona leh Pasian’ maiah sianthona cihbangin tamveipi kizang hi. 

See also  ZSS 3: Thusim pan Pulaakna ah

          “Amah khuavak ahih mahbangin eite in zong khuavak gamtatnate i gamtat takpi leh, eite pawlkhat ihi a, ama’ Tapa Zeisu’ sisan in imawhna khempeuh panin eite hong siangsak hi. Mawhna kaneikei hi icih leh eite akineih khem ihi a, eite athu taklo ihihi. Ahi zongin Pasian kiangah imawhnate va pulak lehang, amah citakin thumaan ahih manin, imawhnate hong maisak in, ihoihlohna khempeuh hong siang sak ding hi” (1John 1:7- 9).

          Atunga Lai Siangtho mun in 1. Mihing pianzia 2. Pasian’ maisakna leh eite nuntakna tungah Pasian vangliatna cih hong bangci hilh naci hiam?   

……………………………………………………………………………………………………………………………………………………………………

          Biakinnpi zeh leh ngeina khempeuhpen Israelte biakna sungah thupi mahmah hi mah taleh, amau hang mahin tuateng atawpdong picing ding hi. Tua a tawpnapen, Zeisu’ hong sianthosak nading Pasian tawh thuciamna hong tunpih ding cihna hi. Pasian hong sepsaksate hong gupnate theihtelna in Amah hong itsakin, hong biasak hi. Tua hangin Israelte’n abeisa Pasian in abawlsak sate suut kikkik uhhi. Tuate in Pasian’ itna leh migitna phawksak ahih manin, amau adingin, lungnopna, lungdam kohna leh biakpiakna ah thulaigil ahi hi. Tuni tu hun eite’n zong mawh maisakna lungdam kohna, lam-etna leh lungnopna ineihpih ding hi.   

          A beisa imawhnate, tulai igamtatnate bangbang omtaleh, singlamteh tungah mawhmaina tu mahmahin ngahthei hiteh. Tu mahmah in hong mawh maisakna banghangin pomlo ding ihi hiam?

 

TUESDAY                                              December 3

LUNGDAM KOHNA LAPI NIHTE 

          Nehemiah 12:31-42 sim lecin, biakpiakna sungah la leh tumging (Music) banghangin thupisak hiam?

  ………………………………………………………………………………

          Nehemiah hunlai in biakpiak ciangin, Lungdam kohna choir lapi 2 sakawm in, tumging tumte tawh Jerusalem khuapi sung paikawikawi uhhi. Munkhatpan in kipan khawmuh a, pawlnih ki nungngatsa in pai uh a, khuapi kimkot uhhi. Khenkhat Ezra in amaipan makaih in, khenkhat nunglamah Nehemiah omhi. Lapawl nihte zaangkuam kongpi ah kituah uh a, biakinnpi ah lut uhhi. Pengkul muut siampi te’n zong akisam bangbangin muutsak uhhi.  La pawlte biakinnpi sung alutkhit uh ciangin khatleh khat ki maingatsa in ding uhhi.  Kigingpha mahmahsa in bawl uhhi.

          Music thupitna ih gen nop leh, biakinn sungah koici zat cih etkul hi.  Biakinnsung music peuhmah, mite’n pawi-et in hong et dingin tumlo ding hi.  Lasakpawi en a ipai te bang hisaklo ding hi. Lapawlte in la hong sak ciang, tumging tumte’n music hong tum ciangin, mipite kuunin thungen ding hi.  Tua in a biakpiakna uh ahi hi.

          Biakinnah gangawh biakpiakna in athupi pen hi napi, amau adingin anuam hetlo khat ahi hi. Gan nungta mawhneilo khat’ gawl aatsak tantan cihpen haksa sa uhhi. A zaknophuai mahmah tumgingte leh lasakte in, mipite’ lungsim, a sangna lam tungto sak a, nuamsa mahmah uhhi.

See also  2nd Quarter SS Lesson PDF

          Lai Siangtho sung etciangin, music in biakpiakna ah dinmun thupi mahmah nei hi. Ex. 15: 1; 2 Chro. 20: 21, 22 leh Rev. 15: 2- 4 simbeh in.  

…………………………………………………………………………………..

          Leitung vantungah, music in biakpiakna ah thupi hi. Atung a thute imuh ciangin, Pasian in lasa dingin hongbawl ahihna kitheithei hi. “Gam Sapi te” tungah gualzawhna angahna uh zong hi a, Pasian hong gupkhiatna phatna ahi hi.

          La hong sasakzo, nang tungah Pasian hong bawlsak bangteng peuh natheih a om hiam?

 

Wednesday                                                    December  4

Piakkhiatna in Biakpiakna

          Nehemiah 12: 43 simin. Biakpiakna a bawlna in, “piakkhiatna lianpi” abawl uh bangci dan hiam?

……………………………………………………………………………

          Tua biakinnpi hunlai in biakpiakna ah piakkhiatna ki thupisak mahmah hi. Mawh maisakna hangin piakkhiatna, gualnop piakkhiatna leh lungdamkoh piakkhiat na cihbang in piakhia uhhi. Tuabang a piakkhiatna in, Pasian leh a thumaan in bang hi a, hong kamciamsa Messiah in Pasian’ Tuno ahih manin hong kipiakkhiat ding cihte hong telsak hi.  

          John 1: 29, 36; 1 Cor. 5: 7 leh Rev. 5: 6, 12, 13 cihte simin. Hihte munte ah piakkhiatna in bang kawk hiam? Tanglai Israelte in, khawisa ganno khat sihna hangin tua zah lungnopna lianpi ngahthei ahihleh, thumaan honglak sihna thupi in, eite adingin Israelte lungnopna sangin bangzah alianzaw lungnopna hong pia thei ding hiam? 

………………………………………………………………………………….

          Nehemiah 12:43 sung bekbekah lungdamna bangzahvei genhiam ngaihsun in. A gangawhte uhpen Pasian’ maiah sianthona ahih manin, Pasian zahtakna taktak telta uh a, lungdam mahmah uhhi. Pasian’ kiang naih ciangin kihtakna, zahtakna leh lungnopna nei ding hihang. Ps. 95 in Pasian mai ah omdan maantaktak honglak a, lasa, lungdamna tawh awng, tumging tum (Ps. 95:1), a mai ah kuun ahih keileh khukdin (Ps. 95:6) cihte hihding ci hi. Piangsakpa zaktak piakna, phatpiakna biakpiakna sungah, lungdamna leh zahtakna kikal tawikhaisiam mahmah kul hi.  

          Na khempeuh a piangsakpa (John 1:1-3) tanghial singlamteh tungah apiansakte mawhna hangin si tanghial cih peuhmah na ngaihsut ciangin bang naphawk hiam? Tua singlamteh mahin lungdamna bangci hong piathei veve ding na ci hiam?

 

THURSDAY                                            December 5

SIAMPITE LEH LEVITE ZONG BIAKPIAKNA MAH

          Nehemiah 12:44-47 simin.  Judahte in “Siampite leh Levite” tungah banghangin lungdam uh hiam? Banghangin thupi uh hiam?

  …………………………………………………………………………………..

          Siampite (Levite) nasep in bang limla hiam? Hebrews 9:1-11 simin.

  …………………………………………………………………………………..

          Khazih in vantungah mite’ ading hong sepsakte pen, singlamteh ah asihna zah mahin gupkhiatna adingin thupi hi. A sihna tawh tua nasep hong kipan a, vantungah picing sak hi. Tua puandei sungah “Zeisu in eite ading in matun” (Hebrews 6:20) bangin, eite zong upna tawh itum ding hi EGWhite, The Great Controversy p. 489.

          Tanglai mite in tulai mite khuavak neihzah a neihloh uh hang, Levi mite’n biakinn sungah a nasepte uh thupi mahmah cih tel veve uhhi. Amau tungtawnin Pasian nasem hi cih thei uhhi. A minam buppi in Lai Siangtho simna, thungetna, biakpiakna leh ki aapna tungtawnin Pasian tawh kikhawlkhawm uhhi. Tua kawmkal mahah, biakinnpi nasepte kimganngilh kha ahihlam phawk uhhi. Tu in tuateng khem peuh thakpat kik uh a, Levi mite’n amau aiawh in asepna hangin lungdam mahmah uhhi. Biakinn nasep limlim pen, Pasian in amah biakpiakna dingin hong piak hi.

See also  Zokam Lesson 1: PATMOS PAN LUNGDAMNA THU

 

          Pasian nasemte, Siate leh Lasate pen sum akipia ngiat hi. Nehemiah hunlai in zong Levi mite a panpihna uh hatzel, kiamzel peuh hi. Sawm a khat a kipiakloh ciangin, Levi mite zong innkuan vakna dingin nasepdang peuh semzel uhhi. Sawm a khat leh sumpi lo peuhmah tawh, leitungbup a huam pawlpi omtheilo hi. I Pasian mainawt ding ideih leh, a nasemte pen, sumleh paai, kampau gamtatna tawh thapia ding hihang. Pawlpi in pen cingtaak cih omngeilo mahleh, tuate hangin piakkhiatna khiam hetlo in, Pasian nasep zomto ding hihang.   

 

Friday                                                 December 6

         

Ngaihsut Beh DingEGWhite lai Steps to Christ, laimai 67-75 sungpan “Growing up into Christ” cih thulu simin. 

          “Khazih singlamteh in gupngahte adingin, a sak tawntung dinguh la hi ding hi. Minthang Khazih sungah a kikhai Khazih muding uhhi. Genzawhloh a zai vanpi abawlpa, Pasian’ itpa, van Kumpipa, vanmite’n a biakpa, a puk mite mai ah aki niamkhiat a, amawhna uh apuaksakpa, singlamteh tungah gimna athuak khit mateng Pa’ maitang akidanhpa; tuapa ki mangngilh ngeilo ding hi. Leitung citeng abawlpa, mailamhun khempeuh a ukpa in a minthanna leh vanmite khempeuh in a biakpiakna te khempeuh nusia hi.

          Gupngah minam khempeuhte in, Gumpa’ maitang a etuh ciangin, Pa’ vang leh minthanna tawh taang a mu uhhi. A kumpi tokhom a etuh ciangin, tawntung pan tawntung dong, a kumpigam in mong neilo cih mu uh a, “Na kilawm hi, a kigo Tuno aw; a manpha na sisan tawh kote nong tanhkhin zo hi” ci in phat uhhi, EGWhite, The Great Controversy, laimai 651,652.

 

Kikup Ding Dotnate

 

  1. Na khaansungah, biakpiak ciangin zahtakna leh lungdamna kikaal tawikhai siamtheih ding kikuppih in. Ahih keileh, dotna khat: zahtakna leh lungdamna pen biakpiakna sungah kihelkhawm takpi hiam cih kikuppih dih in.
  2. Pasian in a keploh kulhpi in mawkna hi cih theisa in, Israelte in, a kulhpi uh Pasian aapna pawipi khaam uhhi. Solomon in “Topa in inn lampih keileh innlamte sepna amawkna ahi hi. Topa in khuapi hutpih keileh, khuapi cingte cinna in amawkna ahihi” Ps. 127: 1, 2 naci hi. Pasian ading hanciamna tungtang bang hong gen naci hiam?
  3. Na omna pawlpi ah tumgingte bang dinmun ah ki omsak hiam?
  4. Zeisu in vantungah Siampi Lianpa hi cih Lai Siangtho in telgen mahmah hi. Tualai ah abang peuhmah eite adingin hong sepsak hiam? Leitung siampite in leitung biakinn sungah asepte tungtawnin, Zeisu in vantung biakinn sungah bangsem cih hong telsak thei naci hiam?

Download (PDF, 97KB)

Tags: ,

Admin

Admin

Top