ZSL 4: TOPA’ MIT: LAISIANGTHO IN LEITUNG A MUHNA

Zomi Sabbath School Lesson, 4th Quarter 2020, Sinna 4: TOPA’ MIT: LAISIANGTHO IN LEITUNG A MUHNA, Zokam, Zopau, Zolai, Tedim, Tiddim, Chin, Myanmar, Paite, Thado, Kuki, Adventist,

 

Lesson 4                                                         *October 17–23

 

TOPA’ MIT: LAISIANGTHO IN LEITUNG A MUHNA

 

 

SABBATH NITAKLAM                                   Oct. 17

 

Tukalsungteng Simding: Proverbs 15:3; Job 12:7–10; Eph. 6:12; Revelation 20:5, 6; John 1:1–14; Mark 12:29–31.

 

Kamngah: “Topa’ mit in munkhempeuh mu a, misia mipha hong encik kim hi.” (Proverbs 15:3). 

 

            Polish laphuakpa Czeslaw Milosz in la khat gelh a, a kipatna ah ganhingte pausak hi. Bilpi, zulei cihte pausak hi. Leitungah ei upmawh thute leh ataktak thute akibang a ommah bangin, ganhing taktakte in kibatna tampi nei uhhi cihi. A lakhupna ah “Hih thu ngaihsun inla, patau in” cihi.

            “Patau” cih pen khauhliang himah leh, leitung mite’n leitung’ thu a upmawhte uh khialgawp thei hi. Gentehna in, kum 2000 sungbang leitung mipil pente in, leitung pen vannuai laizang ah tanglo in tu hi ci in um uhhi. Tuhun mipilpen te’n zong, nathemno khat kikhelkhel in mihing hong piangkhia hi ci in um uhhi.

            Mihing ihih manin, leitungpen i laai-et (koppih neilo) ngeikei hi. I kikal hong dal “kaaldal” khat i omsak den a, tua dalna in ei khiatdan leh ei teldan hong huzaapgawp hi. Tua kikal daalna pen leitung muhzia i ci a, tua leitung muhziapen khangnote pan kipan khanghamte nangawn tungah Laisiangtho in leitung aemuhzia hilhcian ding kisampha mahmah hi. 

 

SUNDAY                                                                            October 18

Topa’ Mit

 

            Oxford University mipilpa khatin, leitung leh asung omte khempeuh thutak omvet kei ci hi. Eite mahmah pen leitung dangdangte in a thahat mahmah computer-te tawh hong bawltawm uh ihihi ci hi. A lungluthuai mahmah thukhat hipah a, dotna khat hong piangsak pah hi: A taktak pen koibang dan hiding hiam cihthu ahi hi.  

            A zai a dawn theihna’ng thunih omthei a, khatbek mah thukip hilailai hi. Amasapen bel i vankumpi leh asung a om khempeuh, eite nangawn e, bangmahin piangsaklo, bawllo hi. Hici a omlel. Tuabel haivai phadeuh e. Pasian omlo, pasian neute zong omlo, vanglian siangtho omlo. Na khempeuh in ama’ thu in omlel. Mikhatin abeisa kum 2,500 lai in “atom kici mal neucik leh guak-hawm” bek omhi cihi.

            A nihna pen bel vanglianpa (te) in vankumpi piangsak cih ahi hi. Vankumpi in ama’ thuthu in omlel cih liangsangin, a nihnabel thukip zawdeuh, ngaihsuthuai zawdeuh hi. Ommawklel cihbel gentel na’ng zong omlo hi. Hih muhdan in “atom kici malneucik leh guak-hawm” cihpen huam thei zawdeuh mahleh ciangtanh bel omthei keimawk. A taktakte pen a zai zawdeuh, a thukzawdeuh leh pasian umlote muhdan sangin kicing zawtham pekin hong musak hi. 

            Anuai a munte in, tuni sinna panin hongpiang ngaihsutnate’ vai bang genuh hiam? Psalms 53:1; Proverbs 15:3; John 3:16; Isaiah 45:21; Luke 1:26–35.

            Christian pilna ah Pasian om takpi cihbek hi lo a, koibang Pasian hi a, hong itna hong donna bangciang cih hilai hi. A lamdang Pasian hi a, ngeina thukhamte zang hinapi tua ngeinate in amah ukhetlo bekthamlo a deihbangin lumlet theilai hi (Zeisu nungak siangtho sung pan hong suah dan). Hih pen a pil mahmah tuhun leitung mite’n science lam pilna tawh kituak ci mawkmawkuh a, Pasian umlote leh leitungnate amau thu a omlel cih amuhdan bang tawh hong kizawitawn kik bilbel hi.

            Pasian umlote’ muhdan toizia deihtak ngaishsut-sak lecin, Laisiangtho muhdanah lei-tung ngeinate zangthei napi tuate’n ukcip sakvetlo hi. A tawpna ah, Pasian umlote muhdan sangin, Laisiangtho muhdanmah, banghangin thukip hizaw veve thei ding hiam? 

 

See also  A Tamzaw Lunggulh

MONDAY                                                                October 19

Leibniz’ Dotna 

 

            Kum tampipek lai in German thungaihsun siampa Gottfried Wilhelm Leibniz in, akibulpat mahmah dotna khat dong hi: “Banghangin bangmahlo munah bangkhat om thei hiam?

            Anuai a munte’n Leibniz’ dotna koici dawnuh hiam? Gen. 1:1; John 1:1–4; Exodus 20:8–11; Revelation 14:6, 7;Job 12:7–10.

____________________________________________________________________

            Laisiangtho in Pasian omna a pulakna lunglut huai mahmah hi. Gen. 1:1 ah nialna tampi tak tawh panpah miaimuai lo hi. Om ahihna pulaksuk ziau (etbeh ding Paikhiat 3:13, 14) a, tua pan Pasian in Piangsakpa ahihna laimai tampi takah pulak suksuk hi. Piansakna tangthu in Christiante ading pilna bulpi mah hipah hi. Christiante’ upthute khempeuh piansak hun niguk sung tengin piang ahi hi.  

            Laisiangtho in mawhphelna peuh, thukhampeuh, singlamtehpeuh, thawhkikna peuh leh nih veina hong kumkikna peuhtawh pan themthum hetlo hi. 

Pasian in Piangsakpa cihtawh kipan a, den a thudangdangte in, Pasian pen Piangsakpa ahih nathu a kicianin pulakkhia lo hi. 

            Tua hi a, Laisiangtho muhdan inbel, piansakna mah hong pibawl pen hi. Hih pulakna in tulai science pilna talsik in dopah hi. Evolution – kum-awn tampi sung hunla in nuntakna damdamin kikhel in upmawhlohpi in piangkhia ci uh a, ahihhangin Laisiangtho in kum awntampi’ thu genlo hi. Laisiangtho leh Christian’ upna a tangdo pen hih evolution lo adang zong omtuak khollo lel hi. Evolution upna pen Laisiangtho bangin piansakna upna tawh kituaksak ding cih peuhmah thubaih hi hetlo hi. Laisiangtho leh Christian’upna thukhunte zahpihna suakding ahih manin hithei vetlo hi.

            

            Pasian in i hunneih lakpan khen sagih khen khenkhat, kaalkhat khatveita, thudang hang hilo, niguksung piansakna phawkna’ngin hongngen hi. Hih upna in Christiante muhdan i thubulpi leh a thupipen a hihna koibangin pulak hiam?

 

TUESDAY                                                              October 20

Laisiangtho in Leitung a Muhna

 

            Thupatna sungah om bangin leitung peuhmah i lai-et(neutral) ngei hetkei hi. Gentehna in, Pasian umlopa in sakhituihup a etciangin, a pianngei ciang lobuang muhbeh tuanlo hi. Mihingte muhna tungsiah bangmah khiatna neisak tuanlo uhhi. Alangkhat Laisiangtho lam pan et ciangin, a pianngeibangin tui leh khuavak hang hibeklo in, Pasian in tuiciin tawh leitung susia nawnlo ding cih hong kamciam (Gen. 9:13–16) zong mu lai uhhi.

            “Amawh akhial amite adingin Pasian hong kiniamkhiatna leh hong lainatna in lianmahmah a, kamciamna sakhituihup hongpia hi. Tuiciinkhit khangthak tate in, tua vanlai a kikhung diadua sakhituihup pen bang himawk hiam ci in adot uhciangin, Nu/Pate in, tuiciin tangthu suutding a, Sangpenpa in, cikmah ciangin tuiciin tawh leitung susia nawnlo ding cih kamciam bawlin, tua a kamciam kipsakna in, sakhituihup kuaikawi in meiisungah hong koihsak hi ci in gending hi”—Ellen G. White, Patriarchs and Prophets, p. 106.

            Seventh-day Adventists te ading, upmuan dingin Laisiangtho dingkip hi. Leitung muhdan hong hilh a, a lauhuai leh a buaimahmah leitung iteltheih semsem nadingin a “kaaldalna” zong hong musak hi.Khatveivei ciang i lungkham mahmah ahi, eima’ dinmun leh kihelna mun i telphat theihna dingin, Laisiangtho in hong hilhcian hi.  

            Anuai a munte ah eite omna muntaktak i telphat theihna dingin bang thuman hong lak hiam? Eph. 6:12; Mark 13:7; Rom. 5:8; Rom. 8:28; Eccl. 9:5; Revelation 20:5, 6.

____________________________________________________________________

            Seventh-day Adventist i hih manin, Pasian in amite tungah thuman thutak leh eite telzawh loh leitung’ thu tampitak hong lahkhiatna ahi, Laisiangtho kiptakin i zui ding hi. Christiante pilna khempeuhin Pasian kammal sungah zungkip kha uh ahih manin, akitukalh khat peuhmah nialpah sensan ding hihang. 

Laisiangtho upna, mi pawlkhatte’let upna tawh aki tukalh bangpeuh omhiam? Tua kilamdangnate in, Pasian’kammal thumantakin zuih ding a phatmawhna hong bangci hilh naci hiam? 

 

WEDNESDAY                                            October 21

Tankhiapa Bia

 

            Piansakna upna in eite’ upna ah thupi mahmah a, tua upna in amahbek hi lo in, a diakin, Laisiangtho thak sungah tatkhiatna tawh kizui ngiatngiat hi. Apuk leh sihna leitungah piansakna bek kicing zolo hi. Nuntaksung kisaan, thuaksia; tuakhit ciang si, lampigei khawng a gan siluang kisial phengphangte khawngtawh kilamdan luatna i nei tuankei hi. 

            Eite’n tatkhiatna upna i nei a, Zeisu in singlamteh tungah kikhai in thokik cihpen i upna thu laigilpi ahi hi.  

            John 1:1–14 simin. Hihmunin Zeisu pen kua hi a bang hong sepsak hi ci hiam? 

________________________________________________________________________________________________________________________________________

            

Vantungmi khatna thupuak enin: “Tuaciangin leitungah ateng minamkim, pau namkim azang mite tungah atawntungin lungdamna dingthu gending anei vantungmi khat vankimlai ah leng kamu hi. Amah nakpitakin kiko a, Amah in mihingte-thu akhending hun hong tungta ahih manin, Pasian kihta unla Amah phatun. Van leh lei, tuinak leh tuipite abawlpa hongbia ta un, a ci hi (Revelation 14:6, 7). Tawntung lungdamthu cihpen lungngai lecin, Piangsak Pa Pasian tawh kizom sakpah hi. Eimah hong piangsak tektekpa Pasian mah in, mihing ci leh sa puasa in, eite thuak ding mawhna daanteng hong thuaksakpa Pasian mah hi a, Amah biadingin hongsap pen thulam-danglua zong hituanlo lel hi. Tuabang Pasian i neih manin bangdang hihtheih neituan i hi hiam? 

            Tua ahih manin, singlamteh thuak Khazih mah amasapen leh a laigilpen in i kihilh ding a, hong pai masakna in hong paikik na’ng thu omsak ahih manin tua thute mah i kihilh pah ding ahi hi.   Mi khatpeuhin, hong pai masak leh hong paikik pen tatkhiatna ading khennih kikhen ahi hi ci uhhi. 

            John 1 sungah “na khempeuh a bawlpa” (John 1:3) a cihpen, singlamteh tungah ah eite ading a sipa mah ahi hi. Biakpiakna cih limlim pen pianzia ngeina in huzaap ding hi. 

 

See also  Thuhilhkikna sungah Tulai Thuman

THURSDAY                                                            October 22

Pasian’ Thukham

 

            Khatvei lai in France gamah, sihdaan piakvai kinialna hongpiang a: phiatsiang ding hiam cih ahi hi.   Phiatsiang theihna’ng Palai lianpa in thungaihsunsiam(philosopher) Michel Foucault thudong in, lai endikpu laikungpan cih thulu tawh laikhat ngen hi. Tua pa’n, palai ahihna dungzui in, sihdaan bek hi lo in, thonglimlim phiatsiang ding leh thongkia khempeuh suahtak ding dong gelhkhia hi. 

Bang hang hiam? Michel Foucault in tuate khempeuh mihingte’ bawltawm hilel a, mipite kepcin leh ukzawh nadingin ukna aanna neite in akaihkhoptawm uh hilel hi cihi. Tua ahihmanin hih thukhun tengin bulkip neilo uhhi cihi. 

            Ama’ dinmun lianpen khengval deuh mahleh, thusia piang ngeisa tungtawn in lepdingdan a musuksuk a nahi hi.  Moses in zong kumtul tampilaipek in Israelte tawh kisukha khinzo hi. “Tua hun ciangin mi khempeuh in ama hoihsak bangin agamtat ngeiciat bangin nagamta nawn kei ding uhhi” (Deut. 12:8; Thukhente 17:6; Proverbs 12:15).        

            Eima hoihsak bangbeekin i gamtat keibuang leh, eipen thumanlo, siangtholo, a hoihzong a theizo mello i hi ding a, gamtat danding i koici theih ding hiam? A dawnna ah, hong Piangsakpa Topa in i lungsim sungah thukham hong guansak khinzo hi. Mit tawh i muhtheihloh hang, Topa’n hongpia tawntung hi. 

            Anuai a munte in lungsim thugeelzia koici gen hiam? Deut. 6:5; Mark 12:29–31; Revelation 14:12.

            Christiante in leitung imuhdan a thulaigilpi, tatkhiatna hisak leng, Pasian thukham sawm teng pen a thu laigil ding ahi hi. Thukham palsatna mawhnapan hong tankhiakik hilo hiam (Rom. 3:20)? Lungdamthu in Pasian’ thukham tawh kizopna neilo a, thukham in eite hong len honghen hibekin hong gumtheilo hi. (Tua hangmah in lungdamthu i kisam hi.)

            Tua ahihmanin, Adventists pilna in EGWhite kammal “a kip tawntung thukham” (Kidona Lianpi, laimai 63) sungah Sabbath a kihel pen bulphuh dending cihi. Pilna in mihing’ nuntakna ah Pasian’ limleh meel kilanghsak ding ahihleh; a niampenpen Pasian’ thukham a bul panin lamsang ding a, Khazih hong lahsa limhoihte pen Pasian’ maiah thumaan honglak lungsim thukham hisak ni.

 

See also  ZSS 3: Thusim pan Pulaakna ah

FRIDAY                                                                             October 23

Ngaihsutbeh Ding: “Pilna in angiimna taktakpen khasungah Pasian’ meel kilangsak ding cih ahi hi.  ”—Ellen G. White, Patriarchs and Prophets, p. 595. Hih lungsim a puasa Adventist pilna in, Christian kipkhat in leitung a muhna kisampha mahmah hi. I sinna sa ah pilna peuhmah a munmun ah hoihna neizo tuanlo hi. Mihingte kihilhpil theilel a, pilna sang pipi Laisiangtho tawh kitukalh gawp khawngzong omthei hi. Tua ahih manin, ei SDA te pilsinna ah Christian te in leitung amuhna bulphuh kul hi. Pilsinna azai in science, tangthu, lungsim, ngeina leh adangte a kitukalh leh a awlmawhlohte dongtakin huamgai hi. Gensasa suutkik taakmahmah thukhat: Laai-et cih peuhmah om theilo; nuntakna, a omtaktakte khempeuh pen, limtak leh hoihtak a kingaihsun ahi mello, mikhatpeuh in leitung a muhna peuh tawh kikaal dalna peuh hisak zel hihang. Tua ahihmanin Laisiangtho in leitung a muhdan pen, Seventh-day Adventist pilna pianna hipahlel hi. 

 

Kikupding Dotnate:

 

1.         Tangthu sungpan namuhkhiat, pilnate lakpan siatna hong tunthei bangkhawng peuh ahi diam? Koimun khawngpeuh hi a, kua sangnaupangte kah a, amau tungpan bang pilna peuh i ngahthei tammaw? Eima pilsinna ngeinate, tuate galpanin koibang in kemcing theih ding i hihiam? 

2.         Tukal sinna pan Christian te’n leitung amuhna tawm i sin a: Pasian omna, Piansakna, Laisiangtho, tatkhiat ding ngiimna, Pasian’ thukham cihte ahi hi. Christiante’n leitung amuhna a picinna ding bangthu peuh na behlap nuam hiam?

3.         Kum zalom 18 thungaihsun siamkhat in: “O lungpilna! Lungpilna! Asangpen pilna, mimawlte a makaih a puahpha, pilna leh suahtakna a neipa—sia leh pha khialhetlo in khenteltheipa, mihing Pasian a bangsakpa,” Bangin dik a, Bang in diklo hiam?

4.         Ellen G. White kammal enni: “Pilna diktak ii ngiimna pen kha sungah Pasian meel kilangsak ding” cihi. Bang a cihnopna aitam? Hih thu in Adventist pilna leh leitung in pilna a muhdan koibangin kilamdang cih hong lak hiam? 

 

Tags: ,

Admin

Admin

Top