Tua Thusim pen Kilawmtatna Hi

March 16                                                                               São Tomé and Príncipe

Tua Thusim pen Kilawmtatna Hi

       Agen: Vitalina Mendes Moreira, kum 57

Vitalina in a ta nihna suah nadingin kiginkholhna ah nakpi takin khial hi. A sisan nakpai lua mahmah banah, siavuante in sisan a thunsak na vuah a nam kibang lo thunkha sawnsawn lai hi. A ta pasalno bel hoih takin suak khia thei bilbel napi, a nu Vitalina ahih leh a kengtegel nak siat lua mahmah hi. A nuntakna a beilawh liang sangin, ci-in siavuante in a kengtegel tankhiatsak uh hi.

Vitalina kum 19 pha pan hi. A nausuahzawh kha kua acin khit ciangin zato pan hongtuak khia a, inn ah hong tung hi. Tua kaal sungteng in a pasal in cimphawng ding numei dang khat na muhbeh sawnsawn hi. A pasal pen inn ah tam om lua lo zaw hi. Lungkiatna khuamialpi in tuamcip ta ahih manin, Vitalina amahmah ki sihbawl sawm hi. Tua leh a lawm Seventh-day Adventist pawlpimi nupi khat vahawh zel hi. Tua nu in Vitalina’ puan ninte kaikhawm in a geinai-a om gun nawl-ah nipikaal simin sawpsak zel hi.

Tua Adventist nupinu in a pawlpimite tua nu’ huang puahsak dingin zawn zel hi. Vitalina ahih leh tua panpihnate hangin lungdam mahmah napi, a lung nuam hetlo in, aa’na mahmah hi. “Kei Adventist lah ahi lo pipi, hizah aa nong huh uh ka maizum lua, ka puante nangawn nong sawpsak uh,” ci hi. Puansawp ding tawmcik bek pia-in, a dangteng a khansungah seel hi. Nipikaal nih sungbang a lenglate’ kiangah, “Tua teng bek hi ei. Tukaal sungbel puansawp ding tam kei,” ci zel hi.

Tua Adventist nupinu in umh lo ahih manin zongkawikawi hi. A khankiu khat ah a lompi in na om takpi-a, tuateng zong sawpsak uh hi. Vitalina in amahmah-a, a nuntak theih nadingin Pasian’ kiangah thu ngen hi. A sawt lo-in khutpei puankhuiset lui khat hong nei thei a, amahmah in kisin tawm in, puanthaante at-in pheituamte hongkhui thei hi. A nasep hong lawhcing gawp ta-a, ta zong nga neihbeh lai hi. Tua zawh ciangin a pasal si hi.

See also  MSS 13: Roma Khua in Sabbath Muta

Tua kawmkal ah pawlpi mi khat in Lai Siangtho kikuppih zel a, ahih hangin a mah lunglut khollo hi. A annek a khel ding ut lo hi. Tua khit ciangin Adventist pastor khat in 2012 kum in effort nipikaal 2 sung hong bawl hi. “Tua effort ah ka pai ciangin, Pasian in kei’ tungah hong sepsaksa thu tampite ka phawk pha saansaan hi” ci hi. “Puankhuiset khat tawh ka nuntak nadingin lampi hong honsak Pasian’ tungah ka lungdam mahmah hi. Tua mahmah zong lungdamna thumaan ka muh nadingin lampi honghon sakte’ lakah khat ahi hi,” ci lai hi.

Nitak simin kikhawm den a,  a tawpna ah tui kiphum hi. A muh thak upmuanna pen midang te’ tungah hawmsawn nuamlua ahih manin, a ngaihsak ding mi amuh nakleh teci pangden mai hi. “Kei hong en mah ve vua,” ci-in a inn gei-a, a pai amuh peuhpeuhte’ kiangah, “Pasian in ka sungah na sem ahih manin ke’n na kasem thei hi. Pasian pen lamdang lua hi, nang zong amah na muanding ahi hi” ci pahpah hi. Tua bangin a muh peuhpeuh kiangah a gen denna tungtawnin, Vitalina in tai nih bang agamla Adventist biakinn ah mi sagih bang tunzo hi.

Vitalina in a inn pualam ah Bible Study group khat phuan a, mi guk ki tuiphum uh hi.

A sawtlo in, ama’ tate nih tawh sim mi 40 kituiphum leuleu ahih manin pawlpi makai te-in amau’ veng ah biakinn khat lamsak ding geel uh hi. Innmun lei nading sum haksa ahih manin, Vitalina’ huangsung, a inn gei-ah donghu theipak dingin biakinn khat lam uh hi. Tua sing tawh kilam biakinn pen 2017 kum September in kizo hi.

See also  Khe Neilo, Nuntakna Thak

“Ka kong mai mahmah ah biakinn khat ka muhtheih manin ka lung damlua” ci-in a innsung-a peinei tutphah tungah atut kawmsa in gen hi. “Tua bek thamloh in mitampitak piangthak in tui a kiphum manin nuam zawkan lai ingh” cih beh hi. “Khrish kiangah mite tunpih theihna thusim taktak in, ‘lawmbawlna’ hi” ci-in Vitalina in gen hi. “kilawmtatna lo tawh mite, Pasian’ kiangah va tutzawh ding haksa hi,” ci hi. “Tua bang a ki kholhkhopna tawh amaute lawmbawl in tua khit teh biakinn ah ka zawn thei hi,” ci hi.

Ama’ Lai Siangtho taang deih penpen in, “Pasian’ gam le Ama’ dikna zong masa un, tua hileh na khempeuh hong kipia thuah ding hi” Matt 6:33, cih ahi hi. “Hih Lai Siangtho mun in kei tha hong pia hi, ahangin Ke’n Pasian ka masak sak ciangin Ama’n ka kisap khempeuh hong pia hi” ci hi. “Ka kisap khempeuh zong Amah in nei hi,” ci hi.

Tu kuata Sabbath 13 na sumpi khenkhat tawh Sao Tome a om mite’ kikhop nadingin biakinn khat kilam ding hi. Mission sumpi nong khiat manun lungdam mahmah.

&&&&&

Tags:

Admin

Admin

Top