Lesson 11: Upna Innkuante

Lesson 11                                                    June 08 –  14 

Upna Innkuante


 

SABBATH Nitaaklam                                      June 8

 Tukaal sung sim dingSawltak 10:1-28, 34, 35;  1 Cor. 2:2; 1 Thess 5:21, 22; John 1:12,13; 3:7;  1 John  5:1.

Kamngah: “Tua hi a,  eite in i kiim i pam ah hih zahin a tam teci nei i hih ciangin, ei te a hong dongtangsak theinate khempeuh leh, eite hong gakcip mawhna leh khialna te khempeuh paikhia in, i mai a om taina ding lampi a mong dongin lungsim kiptakin tai ni.” (Hebrew  12:1,2).

            Banghun banghun a nungta i hiphial zongin, taanglai ngeina khat i nei ciat hi. I Nu/Pa,  tate, innkuan,  pawlpi mahmah zong taanglai ngeina khat i huzaapna nuai a om hi veve hi.  A dangte zong om mahleh, Sabbath pan Sunday a kikhelpen in vanglian penpen a, pawlpi tampi huzaapzo hi.Sunday ni biakpiakna bawl i muh sim in, tua vang bangzah lian a zai cih i thei hi.

            Khristian innkuante in taangngeina peuh ki buaipih thei mahmah a, a hoih zong om thei zel, a tamzaw peuhmah lehpai zaw hi.

            Lungdamna thu in eite khuavak, hehnepna leh taangngeina te tawh i kisai haksatna te zawhna’ng tha hong pia hi.

*Tukaal sungteng in, i innkuan in  “Upna Innkuante”  i hih theihna ding leh,  “Lungsim kawi, a hoihlo leitung mite lakah, paubaanna a neilo asiangtho Pasian’ tatena hi dinguh a, leitung mite lakah na hoihna uh a kilang mite na hi ding uh hi” (Phil.  2 : 15) cih thu i sin ding uh hi.

 

SUNDAY                                                             June   09

A Hoih Nate Lenkipin

            Lungdam thu in leitung a kimvel mahbangin, Khristian te in, ngeina tuamtuam te phukha zel uh hi. Tua a phutkhakte lakah a lian mahmah khat pen, innkuan vai a kihel ngeina te a hihi.

            Sawltak  10:1- 28, 34, 35 sim in.Ngeina tuamtuamte i phutkhak laitakin, eite gualzawhna ding hong khak hong hal kawmpi te koici theih ding hiam?

………………………………………………………………………………………………………

            Khazih sihna pen mun khempeuh a om mi khempeuh a ding a hihi. Tua thu a thei nailo mi tampi omlai hi. Tua thu manpha i puak dingpen Khristian te nasep pipen a hihi.  Pasian in deidan neilo a hih manin, Khristian te’n mi khempeuh liangko kikim in koih ding a, lungdamna thupha zong amau te aa hi cih theisak ding hi.

            Khristian masa te in ngeina dangte tungah lungdamna thu a puak lai un, bang ci daan in thukhup uh hiam?  Bang pilna peuh i ngah thei diam?  Sawltak 15:19, 20, 28, 29; 1 K or. 2:2; 1 Thess. 5:21, 22.

………………………………………………………………………………………………………

            Taang ngeina peuhmah in a puksa mite i hihna hong lak a, ngeina i cih zong in, lasiangtho tawh a ki zawitawn zong na om veve a, lungdamna thu puakna ah zong a kizang thei tampitak mah na om hi. Innkuan sung, khua leh tui sungah kizopna bul mahmah te a neihna uh zong manpha hi. Khristian te’n a hoihnate Lai Siangtho thu- khun te tawh kepcin ding kisam hi.

See also  ZSL 9: Kihhuaina pan Siangthona ah

            Pasian thuman pen uplah ding hilo hi. Pawlpi tangthu sungah, Khristian taktak a hilo te’n ngeina khawng tawh helgawp in, a taktak bangin kineih in om uh hi. Satan in zong hih leitung kumpipa ka hi ci a, buaina omsak mah taleh, Zeisu in hong gum khia a, a Khasiangtho in zong a nungzui mite thumaan sungah hong makaih hi (John 16:13).

            Na upna sungah ngeina bangzah kihel a, Lai Siangtho thu bangzah kihel hiam?  Tua te gel koici khenkhiat thei ding hiam? Na khan sungah kikum un.

 

MONDAY                                                            June 10

Innkuan Tungah Ngeina Vaang

            “Topa in, Abraham tung a a ciamsa thu a tunsak theihna dingin, ama khit a a tate leh a innkuanpihte in thumaan leh thutangin nasepna tawh, Topa thupiakte a zuih theihna dingun a hilh dingin amah ka teelkhin hi” a ci hi. (Gen. 18:19).

            Mun tuamtuampan a hong piangkhia hi phial mahleh, innkuan pan in beh leh phung hong piang a hih manin, ngeina tuamtuamte leh kipawlna tuamtuamte in innkuan sungah hong om hi.  Gentehna in, taanglai ngeina omngei khat ah, Nu/Pa a si te’ luangpen, tapa te’n ne ding cih khawng;  a dang khat ah, monu a deih khat in, galte lutang pawlkhat puak ding cih khawng om hi. Tulai khangthak hun na-ngawn ah, tate vai, kiheel dan, kikhen dan, kiten dan cihte ki lamdang thei mahmah hi. Hih bang ngeina tuamtuam te lakah, lungdamna thu i puak ciangin, a kisamlo thubuai te omsak se dah in. Tua kawmkal ah, ngeina te in, i innkuan bangzah hong huzaap hiam cih zong kidop kul lai hi.

                       A nuai a te et ciangin, ngeina in, innkuan nuntakna bangzah sukha hiam? Bang thukhun peuh i muhthak a om hiam?

Gen. 16 : 1-3  ……………………………………………………………………

Gen. 35 : 1-4  ……………………………………………………………………

Ezra 10 :            ………………………………………………………………….

1 Kings11 : l    …………………………………………………………………..

            Awngthawl lakah ki om mawkmawk hilo hi.  Innkuan mah in i kiim a ngeina te in huzaap veve hi. Khristian te in i upna tawh a kituak ngeina te lak mah ah omsiam ding a, a kituaklo te pelhsiam ding hizaw hi.

            Na ngeina te lakah Lai Siangtho tawh a kituak innkuan omdan hong huh thei ding bang om hiam? A kituaklo bang om a, thumaan nusia lo in, bang ngeina teng zang thei ding na hiam?

 

TUESDAY                                                           June   11

Kikheel Hunte ah Innkuan Kipsak

            Kikheelna pen i pialzo kei ding a, innkuan sungah bang ngeina peuh nei taleng hong tung teitei ding hi. Kikheelna pawlkhat kigenkhol thei napi, genkholh theihloh kikhel na te lakpan sihna, leitung lauhuainate, gal, natna, innkuan kikhiin na, nek leh dawn zonna ah supna cihte a hihi.  Gam tampi tak a om innkuan tampi te’n, sumpaih haksat na thuak uh hi.

            A nuai ah mite gimthuakna lian mahmah te om hi. Ngaihsun inla, amau munah nangmah kikoih in. Hih kikheelna te in a innkuan sung bang sukha hiam?Koici dan in na innkuan na huh thei diam?

See also  Nasemte Kipawlna

Abraham, Sarah  leh Lot.  Gen. 12 : 1-5.

……………………………………………………………………………………

Hadassa Esther 2 : 7-9

…………………………………………………..

Daniel, Hananiah, Misheal, Aariah.  Daniel 1.

……………………………………………………………………………………

            Sihna tungtawn a kikheelna hong tunteh, khatzaw i mailam ding hong lungkhamhuai vat hi. Innkuan te siamna zui in, hih kikheelna te in khalamah khantohna thak khawng tun aih kei leh lungkiatna peuh hong tunthei hi.  Satan in, tua kikheel na te, Pasian muanlohna lam ah paipih hi.Pasian’ kamciam te, innkuante leh lawmte Pasian sungah khamuanna te hangin, upna lam ah, mi muanhuai te hong suak ding uh hi.

            Mikhat in haksatna thuak cih na theih ciangin, huhna leh hanthotna pia ding kipan in.

 

WEDNESDAY                                                               June 12

Khang Masa Upna Ah

            Joshua leh a lawmteng a sihkhit uh teh, Israel gamsung ah, bang upna lampialna om hiam?  Judg.  2:7-13.

………………………………………………………………………………………………………

            Kipawlna khat peuhpeuh hoihna leh upna bangzah hoih cih a ki et ciangin, pawlpi te a phuankhia te ngaihsutna te sang mahmah cih kimu hi. Amau te pen gualzo pente a hi uhhi. Khang khat khangnih sung khawng a thukhun mansuah gawpuh hi. Kipawlna paipihpih phial mah leh omdan in seh lel uh a, tua omdan pan ngeina in paito lai hi. A mucil te’ deihna zong phawk nawnlo uh hi.

            Pasian in, tu neilo a, ta bek nei kici ven, na koici ngaihsut hiam?  John 1:12,13;  3:7;  1 John  5:1.

……………………………………………………………………………………………………………………

            Khristian biakna a khangkhang a omsuksuk theihna pen, khangham te’n khang sawn te tungah gensuksuk hi ziaulel hi. Nu/Pa upna leh pawlpi’ upna pen mimal up na hilo hi. Khristian cihpen, tangthu omsa khat pum up cihbang hilo hi. Upna diktak cihpen, pupa upna luahsuk a um cihsang sangzaw tham hi. Mimal in Zeisu theihtel ding kisam hi.  Nu/Pa in a mimal leh, Pawlpi in a buppi in, khangnote’ khentatna te a dik in huh thei uh hi.

            Joe in, Pasian omlo cih upna pan, a khangham ciangin SDA hong suak a hihi. SDA numei khat tawh kiteng in, ta zong tawm hong nei a, upna sungah tate makaih hi.

            Tate’ khalam ding a ngaihsutsak ciangin, “Kei neih bang, ka ta te’n nei leh utmah si’ng” ci hi. Nang om lecin na koici dawnkik ding hiam?

 

THURSDAY                                                          June 13                     Kum Zalom Sawmnih leh Khat Mi Taite

            Eugene Peterson in, “lungdamna thu” cihmunte ah “thupuak” zangzaw hi. Zeisu’ lungdamna thu pen, tuni dongmah leitungin a kisap pen thupuak hipah lel hi. Khristian innkuante pen, ngeina om khempeuh tungah hih thupuak hawm dingin hong kiteel ahi hi.            A nuai a munte en inla, “thupuak” tungtang tomgelh in.  Matt. 28:5-7;  John 3:16;  Rom. 1:16, 17;  1 Cor 2:2;  2Cor. 5:18- 21.

 …………………………………. ……………………………………………….

            Nungzuite’n tai kawikawi in a tangko uh thupuak pen, Zeisu thawhkik na thu a hi hi. Khristian innkuan te in, tuni tuhun in, “thokikzo hi” (Matt. 28:7) cih thu i tangko hi. A thawhkikna thu in, Amah mahmah, Pasian leh mawhneite hong itna, mawh maisakna, upna hangin tawntung nuntakna cihte picing sak hi.

See also  Lesson 8: SATAN ZAWHCIPSA GALPA

Lungdamthu Deihsakluatna: Nungzuimasa te in, Lai Siangtho sinna ding, thungetna leh an neekkhopna dingin, a innte uh hong a, khat leh khat ki it uhhi. A innkuan un thumaan sang uh hi.  Mawhneilo uh hiam? Neimah uh. Kitotna omlo hiam? Ommah. Amau mite tawh kibang nawnlo uh. Pasian leh amau khat leh khat ki it uh hi. Innkuan sung, pawlpi sungah ki pumkhatna thupi sak in Gathsemane thungetna tungsak uh hi (John 17: 20 – 23).  Hangsan takin thu umlo te tungah teci pang uh hi.

            Eite a ding zong a hihi. Tu lai hun mahmah in, Pasian thumaan ki mudah hi. Kha Siangtho in mi’ lungsim sung hong dim ciangin, tua thumaan te lawptakin kihawmkhia ding hi.

            Tua  “thupuak”  hawmkhia dingin nang innkuan hong kisapna dungzui in,  na innkuan uh,  bang kikheelna peuh na neih uh kul ding hiam?

FRIDAY                                                             June   14

 Ngaihsut Beh Ding :

EGWhite.  “In the Court of Babylon”    Lai. 479 – 490, Prophets and Kings  “Words of Caution”  Laimai  324, 329.  “No Respect Persons with God”  laimai  330, 331.  Gospel Workers  “Rejoicing in the Lord” lai 115-126.

Pasian in Maitang zahtak neituam lo:   “Khazih’ biakna in, a um peuhpeuh ngaihsutna leh gamtatna ah a sangzaw bansak hi. Mi khempeuh pen, a Tapa’ sisan tawh hong leisa hong itte hong suaksak hi. Zeisu’  khephungah  a hau a zawng, a pil a hai, nam cih deidan omlo in, a kibang gai a hihi. Ei mawhna hang hong thuakpa mai ah, lei- tung kideidana khempeuh ki mangngilh khin hi. A pumpi kinial, kiniamkhiat, itna picing a neipa hangin leitung kiphatsakna te khempeuh zumhuai mai hi. A siangtho, ninbanglo biakna sungah, vantung thukhun te in, thuman thutak tawh hong siangtho sak hi.  I vekpi in, sisan tawh hong leisa i hi a, Pasian’ aa i hihi.” EGWhite, Gospel Workers. Lai 330.

Kikup Ding Dotnate:

  1. Sunday ni thusinteng khansungah kikum kik un.
  2. A tung a EGWhite kammal te na sim teh, bang thukhun te na mu a, na innkuansung ah zang lecin, bang kikheelna a om thei diam?
  3. Na pawlpi in, khangthak te kepcin na ding bangteng bawl hiam? Hih nasepna tawh kisai bang na huh theih ding om hiam?
  4. Khangsawnte tung ah na upna piaksawn na ding bang haksatna peuh omthei hiam?
  5. Na omna mun ngeina te in na innkuan a hoihlam in bangzah huzaap a, a sialam in zong hangzah sukha hiam?

 

Tags: ,

Admin

Admin

Top