Upna tawh Nungta

Upna tawh Nungta
Yoyo Shimray, 33
Thailand
December 15

Kiteen na zong Buaihuai thei Yoyo thu teng a kila hi. Amah pen thai gam, Bangkok kuapi a, sangsia sem India mi khat hi. A zi Filipino te hi a, bangkok pan, mawtaw tawh nai 5 paina Korat khua a om, Adventist sang a sem a hihi. Tapa no khat nei uh hi.
Yoyo in, geeldan te, a masa in pom hi. Bangkok ah, private sang leh computer hilh kawm a hih manin sum lut mahmah hi. IT zong hilh kawmkawm lai hi a, sum lut tuam mahmah hi. A zi, Carla in, Korat khua Mission sang ah, ngah thei a hih manin Korat ah om ding khentat hi.
Tawmvei khit ciang, Yoyo in a buaihuai kiteen na pen lungkim zolo hi. Sum tampi ngah mah ta leh, Bangkok a ni-nga nasem a, nipi nino ciangbek a Korat a khawl cihbang pen ut nawnlo hi. Sunday nitak ciangin, Bangkok a paikik zel zong, cimtak lua aih manin, Korat ah nasep khat zon sawm ta hi.
Thu tuamtuam hangin, nasep zon zong haksa mahmah hi. Yoyo in, amah Bangkok tawh kiphu kisa lel mah ta leh; Korat ah, kuamah’n nasep
pia nuamlo uh hi.
Sanglam ah ngenngen ta leh ngah theilo hi. Khatvei, Korat pan sang khat in, Yoyo sam mah ta leh, a omna Bangkok sang te’n, “Ko tawh kumthum စာခ်ူပ္ khin hi ung” ci a, kum thumsung bangmah piang zolo hi.
Yoyo in, i deihteel ding haksat daan hong phawk semsem hi. Amah pen Adventist pastor innkuan pan hong khangkhia hi a, college a man ciang, Sabbath buai na hang leh; a sanggamnu sapna hangin, Thai ah pai a, Filipino numei Carla tawh a kimuh uh ciangin ki teeng uh hi. Biakinn bel, pelh hetlo a kah den napi, Pasian itna nei khalo hi.
A nunung pen Yoyo thungetna ah, “Topa aw, kei leh kei bangmah hihzo ke’ng. Nang kiang kong paikik nuam hi,” ci hi.

READ  Lai Siangtho tawh Galdo

Bangkok ah, nasep tawpin, Korat ah om mai hi. A cil in, a zi vaaksa in omlel hi. Nasep ngah na’ngin nasia takin thungen hi. Khanih bang hong
bei to ta a, lungkiat huai semsem hi.
“Ka omdaan nuamthei hetkei e, nasep neih ciang mah in ki thupi bek sa ing. Hih bang a om pen cimtak mahmah ing,” ci hi.
Nikhat, Adventist International Mission School Siapipa in, sang ah computer Sia khat kisam mahmah hi hong cih ciang, ama siamna sanlian mah hi pah lel hi. A hih hang, Siapipa’n, tua munsan pen khasum omlo hi ci hi.
Yoyo in, ngaihsunsun nawnlo hi. Lungdam takin sangpah hi.
Kaalthum khit ciang, Siapipa in, hunbit a, IT manager dingin, Yoyo koih to hi.
Tu in, Yoyo pen, innkuan sung, sumzong pipa hong suak hi. Carla a ta nihna a neih ciangin, a nasep khawl in, naukem, inncing hi. Innkuan a ding in sum muhna kiamzaw mah ta leh, a innkuan un nuamsa mahmah zaw uh hi.
“Kei bekin sum zong mah ta leng, innkuan anneek sabuai tungah neek ding om tawntung hi, lamdang mahmah mawk hi, Tu ma in ka upna
koi ah om mawk hiam?’” ci liang hi.
Yoyo laisiangtho deihpen mun, Philippians 4:13, “Kei hong thahatsak Christ hangin, na khempeuh ka hih thei hi. ”
“Nuamlua ing, A lianzaw nasep khat kasepkhak manin, lungkimlua ing,” ci hi.
Sabbath 13na pan khenkhiat sumpi te in, Adventist International Mission sangah huang thak khat leisak ding hi. Sanginnthak te in, tan 9 sangpan plus 2 sang dong khangto sak ding a, sang naupang zong tamsakzaw ding hi. Na sumpi te uh hangin lungdam ung.

Laigelh Andrew McChesney

READ  AGIM ATAWL MISSIONARYTE
Tags:

Admin

Admin

Top