UTNA (The Will)

Nikhat guta nih in sai khat luhsim in tem leh van tuamtuamte tawh kongkhak kalhnate susia in kongkhak sawn in a sungah hong lut uh hi. A deih teng uh a lak khit phitphet uh ciangin, kongkhak hon kik sawm in a sawnsawn uh hang hong kik thei nawn lo uh hi. A thatang neih zah un sawn in, sui in tuan mah uh leh kihong zolo in, a sawt ciang alarm bell hong ging mawk hi. Amau zong heh in sawn semsem in, a tha neih zah uh tawh sui in, sawn gawpgawp uh hang ki hong thei tuan lo hi. A sawt lo in Palikte hong tungin Kongkhakpi pen a pualam pan in baih takin sawn in hong ziau uh a, gutate hong man uh hi.
A tak in cileng gutate in kongkhak pen “Sawn” lo in “Kai” zaw le uh baihtakin kihong zaw ding hi.
A zenzennin gutate in tua kongpi pen sawn ding hilo in, kaih ding hizaw cih thei le-uh, baih takin suakta ding uh ahi hi..
Tua gutate bang mahin, eite zong ze-etna leh khemnate eite tha neih zahtawh do in ih zawh sawm hi. Eite in tuate ih zawhna ding in ih that neih zah taeh sawnkhia in gualzawhna kongpi kihong dingin ih hanciam hi.
A Tak in cileng eite in ih “UTNA leh lunggulhna” tha tawh eite thahatna a hilo, a pualam pan in Huhpa’ khat tawh “KAI” zaw ding ih hi hi. Tua pen eite thahatna hilo in, ih deihtelna leh ih lunggulhna pan hong piangkhia Huhpa’ tha hi zaw hi.
Eite khatciat in a sia a pha telding ih nei hi. Mawhna zeetnate tung ih gualzawhna na dingin, ih hih ding kisam penpen in, Pasian Tung ah ki-ap ding hi a, tua hileh Amahnin Ama’ minthanna ding in na hongsem in hong gualzawh pih ding hi. Eite in Pasian kiang ah, “Topa aw mawhna tung ah gualzo zo keng, a hih hang in ka UTNA leh lunggulhna na thei hi. A gualzo ding in hong thahat sak in” ci in. Tua bang in na UTNA leh Lunggulhna thu Topa kiang ah na puak khit ciang in Topa in Ama’ tha tawh hong gualzawh pih ding hi..

See also  Adventist Review Online | God's End-Time Remnant

“Bang hang hiam cih leh note in utna lungsim na neih nading uh le ama deihna na zuihzawh nadingun note sungah Pasian in a tawntungin na a hong sem ahi hi.” ‭‭Philippi 2:13‬.
Topan Thupha Hong pia hen..Amen.

Tags:

Admin

Admin

Top