Voksa Tawh Buaina

March 9                                                                                                          São Tomé and Príncipe

Voksa Tawh Buaina

Agen: Gilson Neto, Kum 29

Kum 19 gual apha pasal khat ama’ tuah khaak bang linlian in gensak in.

Kum 17 ka phakin ka vengte khat in Seventh-day Adventist pawlpi’ thu hong gen ngei hi. Voksa duh ka hihmanin tua ong thugen ka lunglut kei hi. Tua khit teh khat vei mi khatin, Sao Tome ah effort a kibawlna ah hong zawn hi. Kei zong tua effort kibawlna ah zui in, kizop nadinga onghawm uh laidal tungah ka min ka gelh hi. Ka theihloh kal in ka vengpa in ka min a pawlpi ah na puak khin a, Sabbath ni ciangin kikhawm dingin hong zawn hi. Tua ka theihteh kei zong kilat phial liang kawm in, “Hua galkhat pek a, effort i paina ah ka min ka piak pen, banghangin no pawlpi ah na tung thei zenzen ahia?” ci-in ka dongh hi.

Saturday ni-in bel amau’ kikhopna biakinn ah ka zui zokei hi. Kei pen innlam nasep asem kahi hi. Amau’ biakinn ah ka va pailoh ciangin ka vengpa in, nitak simin Lai Siangtho sin khawm dingin hong zawn leuleu hi. Mipikaal tampi takmah ka sinkhop khit uh ciangin, ka nasep khawl in Sabbath ni-in biakinn paiding ka khentat ta hi.

Kikhop tuah ciangin, ka vengte tampitak ka mukha a, amaute in zong hong muh uh ciangin lamdang hongsa in lungdam mahmah uh hi. Tua in buaina khat hong tun pah hi. Sabbath ni nasep khawl ding ka ngah nawn kei hi. Nung Sabbath ni-a biakinn ah hong mukha ka vengteng in ka kikhop loh hong theih uh ciangin hong dong ngeingai uh hi.

See also  MSS 9: Kisil Buk Sungah Thungen

Sabbath kik ciangin pawlpimite kuamah’n hong muhloh nadingin a gamla pipek lamah kualpai-in nasem ka kuan hi. Ahizongin pawlpimite khat’ kiangah ka lut zal pak leh, koi aa pai, cih nong dongh pah lian hi. “Sam metsak pak” ka ci pong hi. Tua nibup ka lung nuamthei vetlo hi. Nasepna pan ka ciah ciangin pawlpi mite kikhawm tuak tawh ka kimu kha sawnsawn lai hi. “Bangdia tuni kikhawm lo?” hong ci ngeingai uh hi.

Lungnuam lo pipi in, nasem kuan kahih lam ka gen mualmual hi.

Tua ni-a kipan in, Saturday ni-a nasep nawnloh ding ka khentat ta hi. A sawtlo in ka nasep hong ki khawlsak pah lian hi. Ka innkuanpihte khat zong Adventist om lo hi. Ka nulepa in nasep kaneih nawnloh lam a theih uh ciangin heh mahmah uh hi. Kei’ nek theihloh ding an, ka nu in huan hi. Anlak khempeuh ah voksa helkhin sezen hi. Buh lak, mehtui lak, zasan mehlak, mehtuamtuam te’ lak ah voksa paa kim hi. Gilkial sa-a ka lup hun tam mahmah hi. “Banghangin voksa nelo pawlpi ah pai sese na hia?,” ka nu in hong ci gaihgaih zel hi. “Bangdia Saturday ni na semlo na hia?,” ka pa’n hong cihbeh hi.

Ka sanggam pasal sagihte in paulo in daaitakaa ka om, hong en gige uh hi. Kha kua bang hongcin khit ciangin ka ki tuiphum hi. Pastor pa in biakinn sungah maithak muakna thu hong genkhit ciangin, nupi khat in, khalam galdona akipan tading ka hihna uh hong pulaak khia hi. “Tua bel, hi panpan kei, ke’n tua galdona pen na thuakthuak khinzo ing,” ka ci hi. Ahizongin tua nu’ thugen maan hi. Ka ki tuiphun khitlam ka nulepa ka gen leh inn pan hong hawlkhia uh hi. Ka pai nading theilo kahih manin ka kap hi. Kha nih sungbang peuhmah, zingsang ka nulepate’ thawh ma’in vak khia-in, a mau’ lupkhit ciangin ka ciah zel hi.

See also  MSS 11:Supding Omlo

Ka ki tuiphum khawmpih nupi khat’ inn-ah an ka ne den hi. Nasep neinawn lo kahih manin, sun sungteng ka vakvak hi. Kapkawm in thu ka ngen-a, “Topa Pasian aw, ka upna a khauh nading le nasep khat ka ngah nadingin lampi hong honsak in” ka ci hi. A sawt lo-in, Taiwan mi lokhawhna lam company nei khat in hong cial bilbel hi. Tua panin ka innkuan a dingin sum piakhia zo kik kahih manin kizopna hong lem zawdeuh hi.

Pasian in nalamdang lianpi khat hong bawl hi. Ka sanggam pasal sagih lakah nga te Adventist hong suak uh hi. Ka nu’ naunu tapate ka sanggam pasal nihte zong tui hong kiphum uh hi. A tawpna ah ka innkuan buppi un mi 10 pawlpi khat sungah ka omkhawm thei uh hi. Kaamsiatna tawh ka pa pen pumzaw natna hong vei sese hi. Tua natna angah madeuh in biakinn ah hong kikhawm ta hi.

Tu-in Sao Tome khua-a, Adventist sangah ka semta hi. Huan bawldan le anteh theipuam ciindan ka hilh hi. Ka khuamialpi hun sunga, an hongvak den nupinu in nau nungak khat nei hi. Sabbath sim in a kikhoppih den hi. Amah mundang ah a piang ciangin, a naunu biakinn kikhopna ah a zawnden dingin hong vaikhak hi. Tua numei melhoih nu pen tu-in tui kiphum khinta a, kei’ zi hong hi ta hi. Kum khat apha, ta numei khat ka nei ta uh hi.

Topa’ tungah ka cihtak nadingin tha hongpia Lai Siangtho kamciam, Late 125:1 ah “Topa a muang mite pen ling hetloin a om tawntung Zion Mual tawh kibang hi”cih ahi hi. Pasian a muang mite pen Zion Muan bangin kip tawntung takpi ding hi.

See also  Huihpi Sungah Vantungmite

Tu kuata, Sabbath 13 na sumpi khenkhat tawh Sao Tome a, i pawlpi sanginn ah hall pi khat kilam ding hi. Mission sumpi nongpiak man un lungdam mahmah hi.

&&&&&

Tags:

Admin

Admin

Top