Zeisu Eite Honpa leh Thukhenpa

ZEISU EITE HONGPA LEH THUKHENPA: Agelh ~ Sia Daniel Mung

Nupi nu khat in kumpi phaloh nasep hoihlo sem kha a hih manin, Palikte in manin thukhenzum ah puak uh hi. A nasep khialh tawh kituak in a thuak ding pen a nuntaksung a thonginn ngak ding a hi hi. Nupi nu zong kap in a kim a pam a huh thei ding mi zongin a khuadak hangin kuamah hong kilangh lo hi. Amah hun hong tung in thusitna hong kipat ciangin bangmah gen lo in hong kap hi.A pasal leh a inkuanpihten zong bangmah huh thei lo uh a hih manun hong kap ngei ngai uh hi.

Tua nupinu thusitthuak dinna (Witness box) ah hong din madeuh in, pasal khat hong ding khia a, thukhen zumpi sunga om mite in lamdang sa in dai khipkhep uh hi. Mi khempeuh in tua pasal en uh a, tuapa pen pilna nei, mi zahtak mah mah khat a hih lam a thei ciat uh hi. Amah in tuanu dinna ding thusitthuak dinna ah hong ding in, tua nupinu a ding in hong thum sak hi.
Nupi nu khialhnate in lian mahmah hi taleh, tua pasal pa in a pilna siamna teng sitlo in a hanciam ciangin a tawpna ah tua nupi nu thubuai bangmah nei nawn lo in hong suakta thei hi. Nupinu zong lungdamlua in tua pasal mai ah kun in “Kua na hiam” cin dong hi.
Tua nupi nu in a na hoihlo sep khel tuanlo in sem kik a hih manin a sawt loin ki man kik a, a masa a thuken zum ah hong tungkik leu leu hi. Thukhen zum sung a lut phet in hunkhat lai a tua nupinu a ding in a thumsak sitni pa pen thukhenpi (judge) tutphah ah na tu liauluau mawk hi. Nupi nu in zong lamdang sa mah mah hi. Amah pen tu in sitni (Lawyer) hi nawn lo in, Thukhenpi ( Judge) na hi mawk hi. Nupi nu in maitai takin tuapa ho in, “Ong tung kik mawk ing ei “ci hi.
Thukhenpi pa zong numei hona dawng kik a, “Nung lama nasep khialh na neihlai in nang hong huh thei ding in kei pen sitni ( lawyer) ka hi a, a hih hangin tu in a hih leh kei pen Thukhen Mangpi suakta ka hih manin, ka thukhenna te thuman a hih ding kisam hi. “ci in dawng hi. Nupi nu in, tua a hih leh nangpen kua na hiam”? ci in dong kik hi.
Thukhen Mangpa in, “Tuma in kei pen nanga dingin Honpa ka hi a, a hih hangin tu in a hih leh nang thu hong khen ding Thukhen Mangpa ka hi hi “ci in dawng hi.

See also  Kisikkikna le Mawh Pulaakna

Zeisu Khazih pen eite sitni ( Lawyer) , Pa tung ah ih khialhna leh mawhnate hong thum sak ding hong HONPA hi a, a hih hangin a sawtlo in, tua Zeisu mah in eite tung ah thuman tak in thu hong khen lai ding hi.
“ZEISU HONG PAI KIK DEK DEK TA HI, AMAH TAWH KIMAITUAH DING IN NA KI GING KHIN TA HIAM?

TUA A HIH MANIN NA PASIAN THUKHENNA THUAK DING IN KIGING UN. AMOS 4:12

Topan a sim mimal kim thupha hong pia ta hen..

Tags: ,

Admin

Admin

Top