Lesson 5                                                    *October 24–30

ZEISU EITE’ SIAPIPA

 

SABBATH NITAKLAM                                 Oct. 24

 

Tukalsung Simding: Heb. 1:1–4; 2 Cor. 4:1–6; John 1:14, 18; 14:1–14; Phil. 2:1–11; 2 Korin. 5:16–21.

 

Kamngah: “Khuamial sungpan khuavak tanghen aci Pasian mahin Zeisu’ maitang atangsak Pasian vangliatnathu theihnading khuavak kangah theihna dingun kote lungsim sungah khuavak hong tangsak hi.” (2 Cor. 4:6).

 

            Billy Graham in galkap zato khatah avahawhna tangthu agenna ah: Khangno galkap khat liampha melhem gawpin, sik-lupna tungah puanzaapi leh a setvan tuamtuamte tawh omin, khuplup in kikoih a mu hi. Doctor khat in Graham huausimin “hihpa lam apaikik zolai mawktam ci ing” ci hi. Galkap nopa in a Mangpa kiangah: “Nang adingin gal ka na simkhinzo a, aihhang nang kong mu ngeikei hi. Na maitang hong musak in” aci hi. Mangpa zong kuunsuk in galkapnopa hopih hi. Graham in zong en gige in galkapmangpa biangah khitui luangsuk a mu hi.

            Zeisu’ suah hunlai in mihingte in Pasian thei mello in sisan naisan kisuahin om uh hi. Tua lai in mihingte in, “Topa aw, Na maitang hong musak in” ci-in taau uhhi. Hih leitungah Atapa hong sawl manin, Pa neite’ ih suaka, Siapipa hongpuak nahi gige hi. Amaitang hong lak na hi gige hi. “Zeisu maitang ataangsak Pasian’ vangliatna thu theihna ding khuavak ka ngahtheih nadingun kote lungsim sungah khuavak hongtaang” (2 Cor. 4:6) acih pen eite’n a ngah i hihi.

            Siapipa hong paisuk imuh ciangin bang pilna ngahtuam na kisa hiam?

 

SUNDAY                                                 October 25

PA HONG PULAAK

 

            Sawltakpa in Hebrewte a laikhak kipatna ah, Zeisu’ tungtang bangteng thupi sakpen hiam? Heb. 1:1–4.

            Laisiangtho thak laikungpute in a suutkik phapha uh thu pen: Zeisu in Pa pulaak dingin leitung hong paisuk cih ahi hi.   Abeisa hunlai in Pasian in kamsangte tungtawnin a khenhkhenh in hong ki pulaak zel a; Zeisu hong pai ciangin a kicingtaakin hong kipulaak ahi hi. Zeisu in ama’pumpi mah tawh “Pasian’minthanna vang hong taangkhiasak” (Heb. 1:3) hi. Mawhneimi in Pasian’ vanglian i thuakzo kei ding hi. Sunglutin mihing hongsuak Zeisu in tua vanglian taangkhiasak hi.Khazihin mihing a hihna sungah gamdaitakin omkhinkhian ahihmanin eite’n Pasian’omzia i telsiang thei hi.

            Zeisu in “Pasian’ limtaktak mah hong pua” (Heb. 1:3) hi. Hih munah Greek lai character cih pen, gip tawh kibawl seal ahihkeileh dangkatang tungah lim cihna peuh hizel hi. Tua hi a, Zeisu in “Pasian’ limtaktak mah hong pua” (Heb. 1:3) ahi hi.   Pa i theihnopleh, Siapipa hong genthu hoih takin ngaiding hihang. Tua Siapipa engige ciatni. Pa pen Ta sungah kimu hi.

            Hebrews 1:1–4 napen 2 Cor. 4:1–6 tawh simkaak in. 2 Cor. 4:1–6 sung a, Zeisu kua hi a, Ama’ tungpan bang sinnathak i neithei diam?

________________________________________________________________________________________________________________________________________

            Midangte Pasian’thu ahilhna vuah, Paul leh a naseppihte in, Zeisu in a Pa’ nasem ahihna pulaaksak uhhi. Zeisu in a Pa “Pasian’ limtaktak” (2 Cor. 4:4) hong puasuk hi. Paul in mite khembawl hetlo in, Pasian’ thu amaanbangin pulaakkhia hi (2 Cor. 4:2).

            Pasianin, piansaklai in khuavak tawh khuamial a niilkhiat mahbangin, eite’n thumaanlote i nilkhiat theih nadingin A Tapa Zeisu hongpia hi. Pasian’ thu kician takin imuhtheihna pen “Zeisu’ maitang” mah hipah hi (2 Cor. 4:6).  

            Zeisu in a Pa’ lim linlian pua a, eite zong Pasian in a it atate hiding leh “Amahtawh akibang”i hihciat nadingin hongsam hi (Eph. 5:1). “Amah tawh akibang” cihpen bang cinuam hi a, bang thuthak omhi naci hiam?

 

MONDAY                                              October 26

Pa Hong Pulaak (azom)

 

            John in a lungdamnathu apatna (John 1:1–18) ah, Zeisu pen tawntung “Thu” naci hi. Zeisu’ thu a genna munte ah neugen hetlo hi; hangsan takin vannuaibup huamsak hi. Leitung a piankhiatma in Zeisu omkhinzo a, omtawntung hi. Amah Piangsakpa hipah hi (John 1:2, 3). Amah in “mikhempeuh ading khuavak” (John 1:4) leh leitungah hong paisuk Thu hi a, akhuavakin “mi khempeuh a taan hi” (John 1:9) cihi.

            John muhna ah, Khazih mihing suak ahong-pai liang pen bang phattuamna om hiam? Thu in bang khuavak hong puak hiam? Tuate a hihzawh na’ng bang hihzawhna nei hiam? John 1:14, 18.

            “Leitung khuamial a thukpen laitakin Khuavak hong piang a . . . mihing tading lam-etna khat in, leitungah Pasian’ thu theihna thaksuaksak ding hi.”

            “Tua pilna thaksuaksak dingin Khazih hong pai hi. Pasian thei a kineite’ hilhkhialhna teng niilkhiat sakdingin hong pai hi. Ama’ thukham omzia pulak ding leh ama’ omzia a sianthonate pulak dingin hongpai hi.”—Ellen G. White, Education, pp. 74-76. 

            “Zeisu in leitungah asep khempeuh, adeihna kipumkhat gai hi: mihing laptohna dingin Pasian hong pulaak ahi hi.  ”—Education, p. 82.

Zeisu in, “kei hong mukhinte in Pa mukhinzo uhhi” cihi.(John 14:9). Bang a cihnopna hiam? Banghangin ci hiam? John 14:1–14.

            Philip pau buatbuat kammalte mawhsak nophuailua hi (John 14:8). Kum hih tanvei kinaikholh khitbangteh – Zeisu in Pa’ omzia pulak ding ahongpai a, mihing ahongpiang ahihthu bang mansuah laizen hi. Himah taleh tulai Siahoih te’n, Siapipa sangnaupangte lakpan khatbekmah in siamzolo cihtawh kikhamuan zawsop ding uhhi. Philip’ kammalte, amah mawhsak na’ng hizawlo, eileh ei i kisittel theih na’ngin, kinak ciapteh mahmah hi. Zeisu tawh bangtanvei natonkhawm khinzo hiam? Philip sangin na telzaw khintham hiam? “Kei hong mukhinte in Pa mukhinzo uh hi.”

 

TUESDAY                                     October 27

Siapipa’ Lungsim Theihna

 

            Philippi pawlpite tungah laikhat agelhkawmin Paul lungsim sungah, bang lunggulh sakna nei hiam? Phil. 2:1–4; Phil. 4:2, 3.

            Phil. 2:1-11 sungtengpen Laisiangtho buppi lakah a thuthukpen pawl ahi hi. Khazih in, omkhinzo ahihna, a vangliatna, a sunglutna, mihing ahihna, singlamteh ah a sihna cihte kigelh hi. Zeisu in vantungpan Calvary dong hong paisukna lamsau, haksatna cihte kiciansak hi (Phil. 2:5–8).Pa in Zeisu a pahtawizia leh Zeisu in vannuai buppi biaktakcing ahihna cihte ahi hi (Phil. 2:9–11). Thu manpha mahmah tampi kigualsuk hi.

            Paul in a kamhonna koibang hiam? Phil. 2:5–11. Zeisu’ nuntak sung thupiang lakpan, thu-ummite in, koipentawh limciing kikding cih Zeisu in lam-en dingin na um hiam? Phil. 2:6–11.

            Thunial ahat mahmah Philippi mite’n Zeisu’ suahna thu theihding adeihsakna ahi hi. Zeisu in mihing hongsuak ciang “nasem-lim hongpua in, mihing bangin hong kibawl” (Phil. 2:7) a, singlamteh tung dongah kigingsa in hongpai bangin, amaute ki-itna tawh bangciang kipiakhia zo ding uhhiam?

            Siapipa Zeisu kiangpan ikisinphat mahmah ding tampi omlai hi. Leitung a naseplai a thupuakte panin i kisin hi. A nalamdang bawlte leh mi a dondaante panin i kisin uhhi. Amah hong kiniamkhiat tawmin vantung vangliatnate pen bawng ankuang tawh khekin, eite lakah hong teen mahbangin, eite zong mite tawh i kizopna deihtakin kipuahphat kul hi.

            Leitung inbel eimah kilamsangto ding, i hihzawhna peuhmah kipahtawi dingin hong zolden hi. Bethlehem bawng ankuang leh i Siapipa kiangpan sinna tuamtuam i kisinkha uhhi. Alian mah mah Pasian’ hong hotkhiatna leh pilna in eimah kipawhtawi tawmna hang hilo a, Pasian’ maiah ki niamkhiat in, mi sawltak hihna hang hizaw hi.

            Na maiah bangpeuh naphuut hang, nangmah kiniamkhiat tawmna in mite tungah Khazih’ lim lakthei dingin hunhoih hong ngahsak thei diam?

 

WEDNESDAY                              October 28

Siapipa leh Palaina

 

            Mihingte i kizopna kitat theizelzel hi. Khatleh khat akgulmu kibang gualgual thei hi. I ki ngaihpihpen lawmkhat zong muanlahpen khat suakthei hi. Tua a kitatsa kizopna zong phopkik theih hilai hi. Tuabang hunciangin kipalai sakna in nuammahmah hi. Tuabang a tuakkha mi tawm mahmah hi.

            Tua kipalai sakna in Zeisu’ sunglutna leh Siapipa a hihna hangthu laigil koibangin hithei hiam? 2 Cor. 5:16–21.

            Mi khatleh khat kilemkik ciangin anopmahmah mahbangin, Pasian tawh kilemkik zong nuammahmah hi lo hiam? 2 Cor. 5:16–21 ah, Paulin hong kilemsak kuacih gen a, Pa Pasian tekin Amah tawh kizopna hong puahphatsak kik hi. Hih kilemsakna zong Khazih tungtawn in hong sepsak hi (2 Cor. 5:18). “Pasian in leitung leh Amah kileptuahna ah Khazih sungah hong omhi” (2 Cor. 5:19).

            Eite pen kilemsakna ngahte ciangbek ihikei ding a, Siapipa kiangpan in pilna ikisinthuah lai ding hi. Zeisu in a sunglutna tawh kilemna hong neisak hi. Eite zong tuatakah kihel dingin hongdeih hi. Khazih tungtawnin eite hong kilemsakzo hi. Tu in Paul tawh akibangin eite “kilemna nasep hongpia hi” (2 Cor. 5:18).

            Kolose 1:15–20 zong pen Khazih sunglutthu Laisiangtho thak in agencianna mun ahi hi.   La tawh kinaih mahmah napi, Khazih in piansakna sungah a kihelna mun masapen hi a (Kol. 1:15–17), a laizangpan a tawpna dongteng Khazih’tatkhiatnathu ahi hi (Kol. 1:18–20). Khazih in Piangsak-tankhiapa hi in, Pasian in Amah tungtawnin hong kilemsak hi. Khazih hangin kilemna in leitungbup huam a, “A Tapa sihna hangin Amah tawh kilemkik theih nading hongomsak a hihman in” (Kol. 1:20).

            Leitungbup a huam Siapipa’palai nasepna ah sepzawh i neihloh hang in eima sepzawhzah tawh mapang dingin hong zawn hi (2 Cor. 5:18). Zeisu in, “leitungah kei nahong sawl mahbangin kei zong leitung mahah amaute kasawl hi” (John 17:18) acihpen a hithei diam?

            Pasian in kilemna Pu ahihna koibangin ama aiawh   i hi thei diam? Tulaitak bangbang hi talecin mite a kilem na’ng nahuhthei ding hiam?

 

THURSDAY                                       October 29

Siapipa’ Sangnaupang Masate

 

            Hunkhatlai in tuate in khuanokhat khuapualamah tuucing maimaite ahi uhhi. Tua khitciang in alamdang mahmah, leitung a linglawng sakzo vanmite mu uhhi. Tua vanmite hatthotna hangin amau hong pulakkhiat tua naupangno vazong uhhi.

            Tuucingte tawh dingkhawm in bawng ankuangsung ensuk dingin kingaihsun in. Bang namu hiam? Luke 2:8–20.

________________________________________________________________________________________________________________________________________

            Siapipa’ sangnaupangte ahi Joseph, Mary leh tuucingte pahtakhuai mahmah uhhi. Zeisu kiniamkhiat takin hong suahna hangin hong sunglutna, Pasian leh mihing pumkhat hong suaksak in naungekno zong lamdang kisa mello hi. Mangmuhnate, mangte, vantungmite leh den a sangnau-pang masate in asuahlai omzia tawh theipah uhhi. Tuucingte in tua naupangno pen “Gumpa Messiah Topa” (Luke 2:11 leh Luke 2:17 simkakin) naci uhhi.

            Mipilte in Zeisu suahna koibangin hih uh a, Herod in zong koibangin hih hiam? Matt. 2:1–12.

________________________________________________________________________________________________________________________________________

            Siapipa in agentehna masa leh nalamdang masa cihte abawlmapek in, Ama’ dinmun mah tawh biaktakcingpa hikhinzo hi. Zeisu thuhilhna nunungte i pahtaktheih nadingin asangnaupang masate’ biakpiakzia theihkul hi. Amah i pahtak napipenin sia mawkmawk a hihloh man ahi hi. Mite tawh tengkhawm dingin hong tuaksuk Pasian ahi hi. Christiante pilna in Khazih biakpiakna sungah zungkha hi. Mipilte, tuucingte leh vanmite tawh a kibangin hongsuak Kumpipa Khazih, naungek a hongpiang Pasian mahmah biadingin hong kisam hi.

            Zeisu sunglutna in Pasian’ nasepna ahihlam phawkin. Vannuai Piangsakpa, mihing batzawhloh in lian napi, Amah kiniamkhiat tawmin, mihingin hongpai, Zeisu in hongom, singlamteh tungah hong si, eite mawhna thaman teng hong thuak dikdek. Tuateng banghang in lungdamthu hithei hiam?

 

FRIDAY                                                 October 30

Ngaihsutbeh Ding: Ellen G. White, Education laibu laimai 73-83 “Pasian Hongsawl Siapa” cih simin.     

            “Pasian hongsawl Siapa tungah pilna taktak tengin zungkha uhhi. Tanglai kum tul leh zagiatlai pekin apatsa mahbangin tuni dongin kiplai a, Gumpa in “Keimah in amasa pen leh anunungpen a nungtadenpa kahi hi. Alpha leh Omega kahi a, a kipatna leh atawpna ka hihi” (Revelation 1:17, 18; 21:6) cihi.

            “Tuabang Siapa om gige napi, tuabang pilna ngahtheihna om gige napi, Ama’ kihel lohna pilna dang zongding cihkhawng; thuman thutak nialnapi thuman thutak zong ding, Khuavak pelh in khuavak dang zong, nuntaknatui nusia in tuikuang kitamh sungah tuikhol cihkhawng haivailua mahmah lel hi.”

            “Ama’n hongsam gige hi: A dangtak mite Kei kiangah hongpai in tuidawn hen. Kei hong ummite sungpanin nuntaknatui luangkhia ding hi.’ Tua kapiaktui adawnte sung nuntakna tuinak piang ding hi” (John 7:37, 38; 4:14).—Ellen G. White, Education, p. 83.

            “Siate aw, kiginna sangpen naneihtheih na’ngun, siate’ Siapipa kammal, nuntakzia leh sepdante konglak khinzo hi. Amah ngaihsunun. Etteh taakcing hi. En unla, zui unla, Khasiangtho Siapipa in nanuntakna leh nalungtang luahsak un.” Limlang bangin Topa vangtaang lengkik inla, Amah tawh kibang dingin kipuahpha un.” (2 Cor. 3:18). “Hih in na sangnaupangte tungah a kimutheilo vangliatna ahi hi.   Lengkiksak in.” EGWhite, Education, p. 282.

 

Kikupding Dotnate:

1. 1. 1. Christian Siate leh sangnaupangte, hong sunglut Siapipa’ thu akisinte adingin bang thumanpha leh gamtatzia na ngah thei ding hiam?
      2. Pasian omzia leh Zeisu sunglutna thu lengkik dingin, Christian Nu/Pate leh Siate’ dinmun sangmahmah hi. Hih dinmunsang i pelhkhak ciang bang icih diam?
      3. Khan sungah, Thursday sinna pan dotna nunungpen kikum kikun. Zeisu suahna nuntakzia, sihnate in Pasian omzia hong koici hilh naci hiam? Hih thu in hamsat hun phadiak in hong koici huhthei ding hiam?

 

 

v