ZSS 7: Zeisu le Mi Kitasamte

Lesson 7      Zeisu le Mi Kitasamte

August   10 – 16

            


Sabbath  Nitaklam                      Aug. 10

Tukaalsung simding : Luka 1: 46-55; 4:16-21; 7:18-23; Mate 12 : 15-21; Mate 21 : 12-16;  Maku 11:15-19;  Isaiah 53:3-6.

Kamngah: “Gimna a thuak mite tungah lungdamthu a hilhdingin, Topa in, kei hong sehkhin ahih manin, keima’ sungah Topa’ kha hong omhi. Salin a kimante tungah suahtaknathu a gending, mittawte in khua a muhkiktheih nading, a kinengniamte a suakta sakding leh, Topa in amite a hotkhiatding kum a pulak dingin kei hong sawl hi.” Luka  4:18,19.

            Leimi a hong pianna thu tampite lakpan khat, Zeisu in, Pasian hong lakdingin hongpai ahi hi.A thuhilhna, a nuntakzia te lakah mitawh akizop na dan tawh hong lak hi. Ama gamtatzia te in tu leh tu in mi kikheel sakzo hi. Hibang Messiah nasep dingdante pen Lai Siangtholui kamsangte, Zeisu’ nu Mary leh Zeisu mahmah in zong a nasep kipatlai a thuhilhna (Luka 4 sung)ah genkhol zo hi. Lungdamna lai gelhte in zong Lai Siangtholui kamsangte kammaltemah kawmkik in tua tangthute mah gelh kikkik uhhi.Tuabangin, Zeisu’ nuntakdan,mizawng, a kineng-niamte a donziate kamsangte tungtawnin ki muthei hi.

            Biakna makaite in, Zeisu pen a lauhuaipa khatin mu uhhi. A patauhhuai mah mah in Zeisu manuh a, thuman lopi in thukhenin, singlamteh tungah khai uhhi. Zeisu sungah, Pasian in thumaanlohna thuak a, asihna sungah siatna i lauhuai dante hong laktel hi. A thawhkik ciangin, hoihna leh hotkhiatna hongpiak na’ngin gualzo in nungta hi.

 

Sunday                                      August  11

Mary’ La

            Mitkha in muh ding: Mary in vanmi Gabriel kiangpan Sangpenpa Tapa, Zeisu’ nu hihna ding thupuak ngah.Midang kuamah gennailo a, a tanau u Elizabeth kiang a vahawh leh,amah zong lamdangtak in naukhat nei ding cih thei hi. Elizabeth in kha-mit tawh a muhna bangin, Mary in kamkhat zong genman nailo in, tua thupuak na theikhinzo a, Pasian kamciam leh a hoihna te na mukhin uhhi.

            Luka  1 : 46-55 simin. Amah leh mipi ading Pasian a phatna te ngaihsun lecin, “Vanglian Pasianin keima adingin na lianpi hong sepsak hi” (Luka 1 : 49), mipi ading zong hipah hi. Banghangin, eima ading leh mipi adingin Pasian phathuai thei hiam?

……………………………………………………………………………………………………………………

            Hihla in tanglai late leh kamsangte’ laigelhte lakah a kician khat a hihi. Mary lungsimsungah lamdang sakna leh kipaakna dim hi. Ama nuntakna sungah Pasian in nasem a hihna leh, leitungmite’ ading, Pasian’ geelna te zong phawk hi. Pasian pen vanglian, phattaak bek hilo in, hehpihna tawh kidim, a ki niamkhiatte a ki nengniam te leh a zawngte don mahmah cih Mary in tel hi.  Vanmi in bel a “thupuak” a puak khitteh paikhia vingveng lel hi. Tua khit ciangin Mary in lasa a, “kumpi vangliante a tokhompan khiasuk a, mineute milianin abawl hi. Bangmah a neilote tungah na manpha tampi pia a, mihaute khut hawmguakin a paikhiasak hi” (Luka 1 : 52, 53) ci hi.

            Zeisu a tangthu kipatcil lai in, ukpa (Luka 1 : 43) khat kici napi, ama ukna in gamtuam khat ahi hi.Mi tampi takte cih zel mahbangin, Zeisu’ kumpi gampen, leitung kumpigamte tawh kibanglo a “kibung bulet” gam a hizaw hi. Leitung kumpi gamsungah mihau, miliante pen, Zeisu kumpigam sungah mineupente hi zaw ding uh a, mizawng a kinengniam te in “kidim” in ki pahtawi ding uhhi.

See also  Lesson 8: A  Picing  Pa/Nu

            I pawlpi pen, Pasian’ gam a lak hi peuhmah leh, Mary gen, tua a “kibung bulet” kumpigam bangci bawl ding hiam?Mihaute leh miliante zong Zeisu itna a sangte mah hi napi, amau tungah thumanlo in koici nengniam thei ding hiam?

 

Monday                                  August 12

Zeisu’ Ngiimna

             Tuani a simding a kiseh maw, aih ke’h, Zeisu’n a teelmaw, (Isaiaah 61:1,2) na a simkhia hi. Luka 4:16-21 sung a, Zeisu a nasep kipatna in a thu gen masakpen na ah “tuni in Lai Siangtho a hong tangtung hi” ci in Luka in Zeisu nasepna ciamteh hi. Zeisu in Mary’ la sungpan a “kibung bulet kumpigam”cihthu tangtungsak hi. Luka in Zeisu’ thu a genna ah, Isaiah kammalte kawmin, Zeisu in bang semsem a, bang semlai ding cihte, Mary in kum 30 lai in a genkhol ahi hi. Mizawngte, a liam a bai te leh nenniam te tungah lunglut phadiak a, thupha zong hong puak ahi hi.

            Zeisu in hih kammalte Isaiah 61 sungpan a lak ahi hi. A nasepna ah khalam leh pumpi pen ei ngaihsut bang a kigamla hetlo a hihna honglak hi. Zeisu leh a nung zuite in khalam leh pumpi a kepna vuah, khalam hoihtak in donlel leh a hihna ciang khat om hi.

            Luka 4:16-21 leh 7:18-23 simkaak in. Banghangin Zeisu in hihbang in dawng hiding hiam? Zeisu sangpenpa a hihna leh Messiah a hihna, nang na koici gen ding hiam?

……………………………………………………………………………………………………………………

            Zeisu in nungzuite a sawl laiin,a thupiakte zong hih thupiak te mah a hihi.”Vantung kumpigam hong naita hi” (Mate 10:7) cih a tangko kawmun, Zeisu in a vaikhak beh na ah “Cina te damsak in, misite hingsakin, miphakte damsakin, dawite va hawlkhia un. Manpiak kullo in hih vangliatna na ngahuh bangun, hih vangliatna na zatna vuah man ngenkei un” (Mate 10 : 8) cihi.Zeisu’ nasepna pahtawi ding a, hong zolna kumpigam lamto dinghi. Nungzuite zong Zeisu tawh semkhawm in, a nunung pen, a neupen leh a mangthangte zongkhia dinguh hi.

            Vantungmi thumte thupuak tawh hihte bangci bangin khaikhin thei ding i hi hiam? I sep khempeuh in khatvei teitei “tulai thumaan” tawh bang ci bangin pumkhat thei ding hiam?

 

Tuesday                                  August 13

Zeisu’n Damsak

            Lungdamna tangthu pen, Zeisu’ bawl nalamdang tea diakdiakin, damsakna te, zasansawh bangin na kisawh hi. Isaiah gen bangin mittawte mitvaksak, natna in a hente khahkhia in damsak, kum tampi a na te nangawn (Maku 5:24-34; John 5:1-15) damsak hi. Bek thamlo, khebai te lampai kiksak, phakte nangawn “sianglo” mah leh a khuttawh lawngin damsak; mi’ lungsim sung a teeng dawite zong hawlkhia, misi te hingkik sak hi.

            Tua nalamdang te tawh mipi huup in, uplohna te vengsak lel aitam zong i ci kha sop dinguh hi. Tuabang sangsik in, Zeisu in a damkikte kiangah kuamah gen ke’n ci zawsop hi. A damkik te’n zong a thupiangte kemciplo zaw uh hihtuak hi. Ahih hangin Zeisu bawl na lamdangte pen, pawi-etbang lel sangin athu thukzaw lai hi. A ngimna bulpi penbel, mite gupkhiatna ding hizaw hi. Damsaknate ahih leh itna veina hang hi. Etpak theih dingin, mi 5,000 in a nung a zuih ciangin, Mate genna ah, “Tui-geiah Zeisu a tun ciangin, mihon tampi a na om a mu hi. Amaute hehpih huai sa a, a cinate a damsak hi” (Mate 14: 4). A na a liamte natna Zeisu in theihpih a, amaute a laptoh theihzahin lamto hi.

See also  Sinna 12: PAWLPI KIPAWLNA LEH KIPUMKHATNA

            Isaiah’ genkholhna Mate 12 : 15-21 sungpan simin. Mi atawm atam a Zeisu’n a damsakte Isaiah leh Mate te in koici gen uh hiam?

…………………………………………………………………………………………………………………….

            “Zeisu’ bawl na lamdang khempeuh in, Amah Sangpenpa a hihna honglak hi. Messiah thu a genkholna banglianin hih mah leh : Pharisee te in, mawhna kician hisak zaw uh hi. Jew makai te in, mite thuaksiatna te pen, ngeina seh in thupi laaklo uh hi. Amau’ huaihamna leh nenniamna hangin, Zeisu in a damsak zel thuaksiat nate piangzel hi. A nalamdang bawlte in mi huup hi” (EG White, The Desire of Ages, p. 406).

           Zeisu’ bawl na lamdangte in itna leh thumaan gamtatna hi a, tuabangin khawl ziau lo in, mipite tawntung nuntakna lampi ah makaih hi (John 17:3).

 

Wednesday                           August  14

Biakinnpi Siansuah

            Lungdamna laibu te sungpan Zeisu’ thu i sim ciangin, a migitna, damlo teleh naupangte a donna, a mangthangte a zonna, Pasian gamthu a genna te vive i sim den hi. Mundang te ah, zawhthawhthu  tawh nasem bang-peuh, biakna makai te khawng hih vatvat pian i muh teh, lamdang i sa phial ding hi.

            Mate 21:12-16;  Maku 11:15-19;  Luka 19; 45-48 leh John 2:13-17 simin. Lungdamna laibu simin hih a kibang tangthu a ciaptehna thu a thupi bang om hiam?

…………………………………………………………………………………………………………………….

            Lungdamna laibu sungah hih thubuai hong omna pen, dipkuat luatna’ng omlo hi. Thugui, gamtatna leh itna veina te tawh kidim hi. Zeisu in biakpiak na’ng ganno te zuakna khawngin biakinnpi a zatna uh pan, biakpiakna maantaktak tawh kheelsak nuam hi. Amah leitung mawhna hangin a sihna limla ganno te tawh, a siangthona mun buahbangsak uhhi.

            Hebrew kamsangte hunlai in hibang a maitangah kitaipahna hoihpen hi. Lungdamna laibu simin a ciapteh hihthu te pen, Isaiah, Jeremiah leh Late te sungpan a laksawn uh ahi hi.Mipite’n, Zeisu pen kamsang hi (Mate 21:11) ci in sanguh a, biakinnpi huangsungah sumbawl-teng a ki hawlkhiat khitciangin biakinn huangsung hong lut hi.Mipite Zeisu in lawng a damna lehlam-etna a ngah uhhi.

            Biakna makaite’n zong Zeisu pen kamsang hi ci’n sangmah napi, amau din mun ading lauhuai sa uh a hih manin, thahlup theihna ding lampi zong uhhi. Tanglai kamsangte zong tua mahbangin thaang a kisiahna thu Luka 19:47,48 sungah simin.         

Pawlpimi i hihtekna tawh, i omna pawlpi in, tanglai Zeisu’ hun a pawlpi in a kisapna te, i kisap sakloh na dingin i bangcih ding hiam? Tua khalam lauhuaina te koici i pelh thei diam? Bang khawng peuh a hi diam?

 

Thursday                                    August 15

Khazih’  Singlamteh

            Pasian i cih in, mizawng, nenniamte kahna aw a za Pasian ahi hi. Pasian i cih in, Zeisu tungtawnin, leimite’ thanempen na, ki nenniamna leh thumaan lohna te a tel Pasian ahi hi.Ama’ hoihna, hong itnate khempeuh sangin, muhdahna leh hazaat nate hangin, Amah’n hong sihlawh zawsop hi. Gethsemane huansungah nakpitak a thunget khit teh kiman a, “thusit” thuak, bawlsiat, zahpih, khaina leh sihna te hong thuak a, na sakna, ngongtatna, gitlohna tawh ki simmawh hi. Mawhneilo misiangtho pa heh theihtheih na’ngin phin uhhi: “Amah kiniamkhiat tawmzaw a, nasemlim a hong puazaw hi. Mihing bangin Amah hong kibawl a, mihing tektek mah ahong sun hi. Amah hong kiniamkhiat tawm a, singlamteh tung nangawnah sih ding a uthi” (Philipi 2 : 7, 8). Hong gupkhiatna tungtawnin, Zeisu’ hoihna i muh ciangin, a thuak siatna te zong i mangngilh kei ding hi.

See also  Lesson 2: KIPUMKHAT LOHNA A PIANGSAK THEI NATE

            Isaiah 53:3-6 simin.  Mawhnei te ading hong thuaksakpa, mawhneilo Zeisu tungah a piang bangthu hong gen hiam?  Hihthu in, eite ading Amah hongpaina thu hong koici telthei sak hiam?

…………………………………………………………………………………………………………………….

            Zeisu tungtawnin, Pasianin, thumaanlo a thuakna telpha mahmah hi. Mawhnei lopa ki bawlsia a; Pasian nangawn that uhhi.A puksa eite in, Pasian’ hong itna, hong deihsakna leh a thumaanna te tungah lunghian na’ng om nawnlo hi : “Eite’ neih Siampi lianpen pa in i ginatlohna ah, eite a hong hehpih theilo ding hilo hi. Eite mah bangin zia-etna a thuak hi a, ahi zongin mawhna a bawllo a hihi” (Heb. 4:15).

            Topa ading i sep khempeuh, mizawngte va phaakna ah, ei tangding a Khazih’ sihna i mangngilh loh ding, ei aituam ading hilo in, i mission leh i ngimna te a ding, banghangin thupi hiam?

Friday                                       August  16

Ngaihsutbeh ding : EGWhite, Welfare Ministry laibu laimai 117-124, “Topa’Khekhap Sungah”: Ministry of Healing laimai 29-50 sungah “A Nasep Nite” :The Desire of Ages laimai 723-740 sungah “Pilate Thukhenna Innpi Sungah” cihte sim in.

            “Pasian in, thukham a palsat mite thukkikna kipia ding cikhin zo hi. Mawhnei te tungah thukhen dingin, Amah hehpihna tawh kidim lel  a cite in, Calvary singlamteh bekmah etding om hi. Mawhneilo Pasian’ Tapa’ sihna in ‘mawhnathaman sihna’ cihthu kipsak hi. Mawhna khempeuh in thukkikna thuakding hi. Mawhneilo Khazih, mawhnei ki suaksak hi.Mawhna teng pua ahih manin,  Pa’ mai-tang kiseel liang a, lungsim kitamkham liang hi. Tuate khempeuh mawhneite tat- khiat na’ng ahi hi. Mawhna guu pan suahtakna lampi dang omlo hi. Tua aih manin, mawhphel nasepna ah a kihel nuamlo peuhmah in, tua mawhna guu thuak ding uh hi” (EGWhite, Kidona Lianpi laimai 539-540).

Kikup ding Dotna te

  1. A tung a EGWhite kammal te na simin la, thumaanlohna tawhkisai genin : Khazih, mawhnei lopi mawhna guu hong thuak! Bang hangin tua thumaan i kepcin ding thupi hiam?
  2. Zeisu in leitung “kumpigam” a ding cikmah hunin semkhia ngeilo hi. Leitung tangthu in gitlohna, ngongtatna leh nenniamna bawlsiatna tawh kidim a, nenniam, sikcip thuakte panpihna mah tawh a sep uh ahi hi.Anengniam, a sikcip kikheel hi lelbek hi. Christian te in, nenniam, sikcip thuakte huhna ding in leitung ukte’ ngeina te zuihlohding banghangin kidophuai hiam?
  3. Gupkhiatna ngimna ngaihsunpha in. A thumaan Zeisu in, a thumaanlo eite ading in thuak hi. Ama hong kipiakna in, eite, Khazih sungah mithak, koici bangin hong suaksak thei hiam?

Tomlaakna :Lungdamna laibu te sungah Zeisu’ nasepna te pen,Lai Siangtholui kamsangte nasepna te tungtawn in kikipsak hi. Mizawngte ading lungdamna thu, nenniamte a ding suahtakna, lungsim kitamte ading damna dingin Messiah ci in Zeisu in nasem hi. Thumaanlo takin sihna a thuakna tawh,  mihingte gitnat lohpen napan honghonkhia hi. Eite aiawh in thumaanlo takinhong sihna hangin, i mawhnate hong kimaisak a, tawntung nuntakna hongpiak manin, lungdam i ko hi.

Download (PDF, Unknown)

Tags: ,

Admin

Admin

Top